బండి సంజయ్‌పై తీవ్ర వ్యాఖ్యలు చేసిన ఎమ్మెల్యే గాదరి కిషోర్

18-01-202118-01-2021 16:28:30 IST
2021-01-18T10:58:30.529Z18-01-2021 2021-01-18T10:58:24.558Z - - 27-02-2021

బీజేపీ, తెలంగాణ అధ్యక్షుడు బండి సంజయ్‌పై తీవ్ర వ్యాఖ్యలు చేశారు టీఆర్ఎస్‌ ఎమ్మెల్యే గాదరి కిషోర్... టీఆర్ఎస్‌ఎల్పీలో మీడియాతో మాట్లాడిన ఆయన... కొంత మంది దేశీయ దొంగలు బీజేపీ రాష్ట్ర కార్యవర్గ సమావేశాల్లో ప్రగల్భాలు పలికారు... బడా జూటా పార్టీ నేతలు మాట్లాడిన అబద్ధాలకు సత్య హరిచంద్రలు ఉంటే ఆత్మహత్యలు చేసుకునేవారు అంటూ వ్యాఖ్యానించారు. బీజేపీలో 172 మంది ఎంపీలపై, 26 మంది కేంద్ర మంత్రులపై ఆరోపణలు ఉన్నాయన్న టీఆర్ఎస్‌ ఎమ్మెల్యే... మమ్మల్ని మాఫియా అంటారా? బీజేపీదే మాఫియా పార్టీ ? అంటూ ఆగ్రహం వ్యక్తం చేశారు. అమిత్ షా కేసుల్లో ఇరుక్కుని రెండేళ్లు ఢిల్లీలో తలదాచుకున్నారు అంటూ ఎద్దేవా చేశారు.

ప్రగతి భవన్ ప్రగతికి నిదర్శనం.. అభివృద్ధిపై బోడి సంజయ్ మాతో చర్చకు సిద్ధమా? అంటూ సవాల్ చేశారు గాదరి కిషోర్.. కొన్ని రోజుల్లోనే బండి సంజయ్ కథ ముగుస్తుందంటూ జోస్యం చెప్పారు. బండి సంజయ్ అసలు హిందువేనా ? అనే అనుమానాలను వ్యక్తం చేసిన కిషోర్... బండి సంజయ్‌కి డీఎన్ఏ టెస్ట్ చేయించాలి.. అసలైన హిందువు అయితే బండి సంజయ్ ఇలా మాట్లాడరు అని వ్యాఖ్యానించారు. సీఎం కేసీఆర్‌ను దూషిస్తే తెలంగాణను దూషించినట్టేనన్న ఆయన..  అంటూ ఫైర్ అయ్యారు. ఇక, నాగార్జున సాగర్ లో 200 శాతం గెలిచేది టీఆర్ఎస్‌ పార్టీయేనంటూ ధీమా వ్యక్తం చేశారు.