newssting
Radio
BITING NEWS :
తెలంగాణలో నేటి నుంచి కోవిడ్ వ్యాక్సినేషన్ ప్రారంభం. రాష్ట్ర వ్యాప్తంగా వ్యాక్సినేషన్ కు 1213 సెంటర్లు ఏర్పాటు. నిమ్స్ లో వ్యాక్సినేషన్ ను ప్రారంభించనున్న గవర్నర్ తమిళి సై. * దేశవ్యాప్తంగా విజృంభిస్తున్న బర్డ్ ఫ్లూ. 11 రాష్ట్రాల్లో బర్డ్ ఫ్లూ వ్యాపించినట్లు కేంద్రం ప్రకటన. * ఏపీ తమిళనాడు రాష్ట్రాల మధ్య ఆర్టీసీ బస్సుల వివాదం. పర్మిట్, రికార్డులు సరిగ్గాలేవని బస్సులు సీజ్. * తెలుగు రాష్ట్రాలకు 19 మంది ఐఏఎస్ లను కేటాయించిన కేంద్రం. ఏపీకి 10 మంది, తెలంగాణకు 9 మంది ఐఏఎస్ ల కేటాయింపు. * కృష్ణాజిల్లా మాజీ ఎస్పీఓ నాగశ్రీను ఆత్మహత్యాయత్నం. నాగశ్రీను పరిస్థితి విషమం, గుంటూరు ఆస్పత్రికి తరలింపు. * మధురై అలాంగనల్లూర్ లో ప్రారంభమైన జల్లికట్టు పోటీలు. పోటీలను ప్రారంభించిన సీఎం పళనిస్వామి, డిప్యూటీ సీఎం పన్నీర్ సెల్వం. * కొత్త ప్రైవసీ విధానంపై వెనక్కితగ్గిన వాట్సాప్. కొత్త ప్రైవసీ విధానాన్ని మే 15 వరకూ వాయిదా వేస్తున్నట్లు ప్రకటించిన వాట్సాప్ యాజమాన్యం.

యూట్యూబ్ నుంచి కూడా ట్రంప్ ఔట్

13-01-202113-01-2021 15:31:51 IST
2021-01-13T10:01:51.509Z13-01-2021 2021-01-13T10:01:40.388Z - - 17-01-2021

యూట్యూబ్ నుంచి కూడా ట్రంప్ ఔట్
facebooktwitterGooglewhatsappwhatsappGoogle
అమెరికా అధ్యక్షుడు డొనాల్డ్ ట్రంప్‌పై మరో సోషల్ మీడియా దిగ్గజం వేటు వేసింది. ఇప్పటికే ట్విట్టర్, ఫేస్ బుక్, ఇన్‌స్టాగ్రామ్ వంటి సోషల్ మీడియా టెక్ దిగ్గజాలు తమ వేదికల్లో ట్రంప్‌కు స్థానం లేదని ప్రకటించగా తాజాగా యూట్యూబ్ కూడా ఆ బాటే పట్టింది. 

దేశాధ్యక్షుడు ట్రంప్ తన యూట్యూబ్ చానల్‌లో అప్‌లోడ్ చేసిన కంటెంట్ హింసను రెచ్చగొడుతున్నట్లుగా ఉందని వస్తున్న ఆరోపణలకు స్పందించిన యూట్యూబ్ తాజాగా ట్రంప్‌పై కొరడా ఝళిపించింది. తమ ప్లాట్‌ఫాం విధానాలను ట్రంప్ ఉల్లఘించారని, అందుకే ఆయన యూట్యాబ్ చానల్‌ని ఒక వారంరోజులపాటు సస్పెండ్ చేస్తున్నామని ప్రకటించింది.

అయితే య్యూటూబ్‌లో ట్రంప్ అప్ లోడ్ చేసిన ఏ వీడియో తన అకౌంట్ సస్పెన్షన్‌కి కారణమైందన్నది తెలియడం లేదు. ఈ ఆంక్షల ఫలితంగా ట్రంప్ కనీసం వారంరోజుల పాటు కొత్త కంటెంటును తమ చానల్‌లో అప్ లోడ్ చేయలేరు. 

కాగా నిబంధనల ప్రకారం ఈ సస్పెన్షన్‌ మరికొంత కాలం పొడిగించే అవకాశం ఉందని కూడా మంగళవారం సాయంత్రం  వెల్లడించింది. పుండుమీద కారం చల్లినట్లుగా ఈ వీడియోపై వ్యాఖ్యలను నిరవధికంగా నిలిపివేస్తున్నట్టు కూడా యూట్యూబ్ యాజమాన్యం తెలిపింది. 

ట్రంప్‌ ఛానల్‌‌లో అప్‌లోడ్ చేసిన తాజా కంటెంట్‌ను జాగ్రత్తగా సమీక్షించామని, హింసకు ప్రేరేపిస్తుందన్న ఆందోళనల దృష్ట్యా, తాజాగా అప్‌లోడ్ చేసిన కొత్త కంటెంట్‌ను తొలగించామని, తమ విధానాలను ఉల్లంఘించినందుకు ఈ చర్య  తీసుకున్నామని యూట్యూబ్ ప్రతినిధి ఒక ప్రకటనలో తెలిపారు. 

దాదాపు అన్ని సోషల్ మీడియా దిగ్గజ సంస్థలూ ట్రంప్‌పై బాణాలు గురిపెట్టినట్లుంది. గూగుల్‌కు చెందిన వీడియో షేరింగ్ ఫ్లాట్‌ఫామ్ నుంచి ట్రంప్ ఛానల్‌ను తొలగించాలని, కఠినచర్యలు తీసుకోవాలని సామాజిక సంఘాలు మంగళవారం డిమాండ్ చేశాయి. లేదంటే వాణిజ్య ప్రకటనలను నిలిపివేసే ప్రచారం చేపడుతామని హెచ్చరించారు. స్టాప్‌ హేట్ ఫర్ ప్రాఫిట్ ఉద్యమ సంస్థ ఈ హెచ్చరిక చేసింది. 

గతవారం ట్రప్ మద్దతుదారులు క్యాపిటల్ హిల్‌పై దాడి చేసిన ఘటన తర్వాత సోషల్ మీడియా సంస్థలన్నీ ట్రంప్‌ను బ్లాక్ చేసిపడేస్తున్నాయి.  ఈక్రమంలో ట్విటర్‌ ట్రంప్ అకౌంట్‌ను శాశ్వతంగా, ఫేస్‌బుక్, ఇన్‌స్టాగ్రామ్ అకౌంట్లను తాత్కాలికంగా  బ్యాన్ చేసిన విషయం తెలిసిందే. అంతేకాదు ట్రంప్‌ అనుకూలురైన 70 వేలమంది ట్విటర్‌ ఖాతాలను నిలిపివేసింది. ట్రంప్ ఛానల్‌కు సుమారు 28 లక్షలమంది సబ్‌స్క్రైబర్లు ఉన్నారు. 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle