newssting
Radio
BITING NEWS :
విజయవాడలో కన్నకూతురిని అమ్మకానికి పెట్టిన తాగుబోతు తండ్రి. విషయం తెలిసి తండ్రిని అదుపులోకి తీసుకున్న పోలీసులు. తల్లిదండ్రులకు కౌన్సిలింగ్ ఇచ్చిన చైల్డ్ లైన్ అధికారులు. అనంతరం చిన్నారిని తల్లిదండ్రులకు అప్పగించిన పోలీసులు. * తెలుగు రాష్ట్రాల్లో రెండు వేర్వేరు రోడ్డు ప్రమాదాల్లో 11 మంది దుర్మరణం. రంగారెడ్డి జిల్లా చేవెళ్లలో ఇన్నోవా - బోర్ వెల్ లారీ ఢీ. ప్రమాదంలో ఆరుగురు మృతి, ముగ్గురికి తీవ్రగాయాలు. ప్రమాద సమయంలో ఇన్నోవాలో 11 మంది ప్రయాణికులు. మృతులంతా హైదరాబాద్ లోని తాడ్ బన్ కు చెందినవారుగా గుర్తించిన పోలీసులు. * కర్నూల్ జిల్లా గూడూరు వద్ద బైక్ ను ఢీ కొట్టిన ట్రాక్టర్. ముగ్గురు దుర్మరణం, మృతులంతా బ్రాహ్మణదొడ్డికి చెందినవారుగా గుర్తించిన పోలీసులు. * ఖమ్మం జిల్లా కామేపల్లి వద్ద టిప్పర్ - స్కూటీ ఢీ, ఇద్దరు మృతి. * మూడోరోజు ప్రారంభమైన ఏపీ అసెంబ్లీ సమావేశాలు. రాష్ట్రంలో ఇసుక సమస్యపై అసెంబ్లీలో టీడీపీ వాయిదా తీర్మానం.

యాపిల్ ఐఫోన్ 12 మినీ, 12 ప్రొ మ్యాక్స్ ఫోన్ల విక్రయాలు మొదలయ్యాయి

15-11-202015-11-2020 22:02:51 IST
Updated On 16-11-2020 07:58:41 ISTUpdated On 16-11-20202020-11-15T16:32:51.545Z15-11-2020 2020-11-15T16:32:47.296Z - 2020-11-16T02:28:41.697Z - 16-11-2020

యాపిల్ ఐఫోన్ 12 మినీ, 12 ప్రొ మ్యాక్స్ ఫోన్ల విక్రయాలు మొదలయ్యాయి
facebooktwitterGooglewhatsappwhatsappGoogle
 యాపిల్ ఐఫోన్ 12 మినీ, 12 ప్రొ మ్యాక్స్ ఫోన్ల‌ విక్ర‌యాలు భారత్ లో ప్రారంభ‌మయ్యాయి. రెండు ఫోన్ల‌లోనూ అధునాత‌న యాపిల్ ఎ14 బ‌యానిక్ చిప్‌ను ఏర్పాటు చేశారు. అలాగే రెండింటికీ మాగ్‌సేఫ్ వైర్‌లెస్ చార్జింగ్ స‌పోర్ట్ ల‌భిస్తోంది. ఐఫోన్ 12 మినీ 64జీబీ మోడల్ ధ‌ర రూ.69,900 ఉండ‌గా, 128, 256 జీబీ స్టోరేజ్ మోడ‌ల్స్ ధ‌ర‌లు రూ.74,900, రూ.84,900 గా ఉన్నాయి.

అలాగే ఐఫోన్ 12 ప్రొ మ్యాక్స్‌కు చెందిన 128 జీబీ మోడ‌ల్ ధ‌ర రూ.1,29,900 ఉండ‌గా, 256జీబీ, 512 జీబీ స్టోరేజ్ మోడ‌ల్స్ ధ‌ర‌లు రూ.1,39,900, రూ.1,59,900 గా ఉన్నాయి. ఐఫోన్ 12 మినీ ఫోన్ల‌పై హెచ్‌డీఎఫ్‌సీ క్రెడిట్ కార్డుల ద్వారా రూ.6వేల వ‌ర‌కు క్యాష్‌బ్యాక్ పొంద‌వ‌చ్చు. ఐఫోన్ 12 ప్రొ మ్యాక్స్ పై రూ.5వేల క్యాష్ బ్యాక్ ఇస్తారు. డెబిట్ కార్డుల మీద రూ.1500 వ‌ర‌కు క్యాష్ బ్యాక్ ల‌భిస్తుంది. యాపిల్ ఆథ‌రైజ్డ్ డిస్ట్రిబ్యూట‌ర్లు, యాపిల్ ఇండియా ఆన్‌లైన్ స్టోర్‌లో కూడా స‌ద‌రు క్యాష్ బ్యాక్ ల‌భిస్తుంది.

యాపిల్ ఇండియా ఆన్‌లైన్ స్టోర్‌లో ఐఫోన్ 12 మినీకి రూ.22వేల వ‌రకు ట్రేడ్ ఇన్ ద్వారా డిస్కౌంట్ ల‌భిస్తుంది. ఐఫోన్ 12 ప్రొ మ్యాక్స్‌కు అయితే రూ.34వేల వ‌ర‌కు ట్రేడ్ ఇన్ డిస్కౌంట్ ఇవ్వనున్నారు. ఐఫోన్ 12 మినీలో 5.4 ఇంచుల సూప‌ర్ రెటీనా ఎక్స్‌డీఆర్ ఓలెడ్ డిస్‌ప్లే, డ్యుయ‌ల్ రియ‌ర్ కెమెరాలు, 15 గంట‌ల వ‌రకు వీడియో ప్లేబ్యాక్ వంటి స‌దుపాయాలు ఉన్నాయి. ఐఫోన్ 12 ప్రొ మ్యాక్స్ లో 6.7 ఇంచుల సూప‌ర్ రెటీనా ఎక్స్‌డీఆర్ ఓలెడ్ డిస్‌ప్లే, ట్రిపుల్ రియ‌ర్ కెమెరాలు, 20 గంట‌ల వ‌ర‌కు వీడియో ప్లేబ్యాక్ స‌దుపాయం ఉంది. 


Naresh


 newsstingcontent@gmail.com
      040 23600300

newsting
Daily Updates
facebooktwitterGooglewhatsappwhatsappGoogle