మోసగాళ్లు.. కేజ్రీవాల్ కుమార్తెను కూడా దోచేశారు

09-02-202109-02-2021 10:27:05 IST
Updated On 09-02-2021 10:14:04 ISTUpdated On 09-02-20212021-02-09T04:57:05.568Z09-02-2021 2021-02-09T02:14:36.920Z - 2021-02-09T04:44:04.651Z - 09-02-2021

ఆన్ లైన్ ద్వారా మోసాలు చేసే వారు ఎంతో మంది ఉన్నారు. చదువుకున్న వాళ్లు.. చదువుకోని వాళ్లు.. అంటూ తేడా లేకుండా సైబర్ మోసగాళ్లు టార్గెట్ చేసి మరీ మోసాలు చేస్తూ ఉంటారు. అకౌంట్లలోని డబ్బులను కూడా క్షణాల్లో స్వాహా చేస్తూ ఉంటారు. చిన్నగా ఓ ఆఫర్ ఇచ్చినట్లే ఇచ్చి దోచేస్తూ ఉంటారు. మనకు లాభం వస్తుంది అని అనుకునే లోపే.. మొత్తం స్వాహా చేయడం కేటుగాళ్ల లక్షణం. వారు చెప్పే మాయమాటలను నమ్మామంటే మొదటికే మోసం వస్తూ ఉంటుంది.

సైబర్ నేరగాళ్లతో కాస్త జాగ్రత్తగా ఉండాలని పోలీసులు, ప్రభుత్వం హెచ్చరిస్తున్నా ఎన్నో మోసాలు జరిగిపోతూ ఉన్నాయి. మనం చేసే చిన్న తప్పే సైబర్ నేరగాళ్ల చేతికి అస్త్రంగా మారిపోతూ ఉంటుంది. డబ్బులు పోగుట్టుకున్నాక లబోదిబోమనడం తప్ప చేసేది ఏమీ లేదు. సైబర్ నేరగాళ్ల మాయలో పడి సామాన్యులే కాదు.. సెలెబ్రిటీలు కూడా మోసపోయిన ఘటనలు ఎన్నో ఉన్నాయి. పలువురు రాజకీయ నాయకులు, వారి కుటుంబ సభ్యులు కూడా సైబర్ నేరగాళ్ల వలలో పడ్డారు. 

తాజాగా ఢిల్లీ ముఖ్యమంత్రి కేజ్రీవాల్ కుమార్తె హర్షితా కేజ్రీవాల్ కూడా సైబర్ నేరగాళ్ల చేతిలో పడి మోసపోయారు. ఓ కేటుగాడి చేతిలో ఆమె మోసపోయినట్లుగా నేషనల్ మీడియాలో కథనాలు వచ్చాయి. ఓ ప్రముఖ ఆన్ లైన్ పోర్టల్ ద్వారా సెకండ్ హ్యాండ్ సోఫాను అమ్మాలనుకుంది హర్షిత. కొద్ది మొత్తంలో ఆమె అకౌంట్ కు డబ్బును ట్రాన్స్ ఫర్ చేసి ఆమెను నమ్మించాడు. ఆ తర్వాత ఆమె పంపించిన క్యూఆర్ కోడ్ ను ఉపయోగించి ఆమె అకౌంటులో ఉన్న రూ. 34 వేలను దోచేశాడు.

డీల్ ఫైనల్ అయిన తర్వాత సదరు వ్యక్తి హర్షిత కేజ్రీవాల్​ మొబైల్​కి ఒక క్యూఆర్ కోడ్ పంపి.. ఆ కోడ్‌ను స్కాన్ చేయగానే మీ అకౌంట్​లో డబ్బు జమ అవుతుందని నమ్మించాడు. ఆ వ్యక్తి చెప్పినట్టే క్యూఆర్ కోడ్‌ను స్కాన్ చేయగానే.. హర్షిత ఖాతా నుంచి నిందితుని అకౌంట్​కి 34,000రూపాయలు బదిలీ అయిందని పోలీసులు తెలిపారు. దీనిపై పోలీసులకు హర్షిత ఫిర్యాదు చేసింది. కేసు నమోదు చేసిన పోలీసులు దర్యాప్తును ప్రారంభించారు.మొదట ఆమెకు నమ్మకం కల్గించేందుకు ఆ ఫ్రాడ్ స్టర్ కొంత తక్కువ సొమ్మును ఆమె ఖాతాలో డిపాజిట్ చేశాడని, ఆ తరువాత రిగ్ చేసిన క్యూ ఆర్ కోడ్ ను వినియోగించి ఆమె అకౌంట్ నుంచి డబ్బును విత్ డ్రా చేశాడని  పోలీసులు తెలిపారు.