ఫౌజీ ట్రైలర్ వచ్చేసింది.. గేమ్ వచ్చేదెప్పుడంటే..!

03-01-202103-01-2021 23:11:03 IST
Updated On 04-01-2021 10:01:03 ISTUpdated On 04-01-20212021-01-03T17:41:03.012Z03-01-2021 2021-01-03T17:32:40.935Z - 2021-01-04T04:31:03.054Z - 04-01-2021

మొబైల్ ఫోన్ లో ఒకానొకప్పుడు పబ్ జీ గేమ్ ను విపరీతంగా ఆడేశారు. పగలు, రాత్రి అనే  తేడా లేకుండా గేమ్ ను ఆడేశారనుకోండి. అయితే అది కూడా చైనా వాసనలు ఉన్న యాప్ కావడంతో భారత ప్రభుత్వం దాన్ని బ్యాన్ చేసింది. పబ్ జీ గేమ్ కు ప్రత్యామ్నాయంగా ఇప్పటికే పలు గేమ్స్ వచ్చాయి. కానీ పబ్జీ స్థాయికి చేరుకోలేకపోయాయి. ఆ స్థాయికి చేరుకోబోయే గేమ్ ఒకటే ఒకటని. అది 'ఫౌజీ' గేమ్ అని అంటూ ఉన్నారు. ఎప్పుడెప్పుడు ఈ గేమ్ వస్తుందా అని గేమింగ్ ప్రియులు ఎదురుచూస్తూ ఉన్న తరుణంలో ఓ గుడ్ న్యూస్..  ఎన్‌కోర్‌ గేమ్స్ సంస్థ  'ఫౌజీ' గేమ్ ను రూపొందీస్తోంది.. దేశీయ ఎన్‌కోర్‌ గేమ్స్ సంస్థ ‘మేడ్ ఇన్ ఇండియా’ 'ఫౌజీ' గేమ్ ను జనవరి 26 రిపబ్లిక్ దినోత్సవం సందర్భంగా విడుదల చేస్తున్నట్లు ప్రకటించింది. 

అందుకు సంబంధించిన ట్రైలర్ కూడా వైరల్ అవుతూ ఉంది. భారతీయ సైనికులు లడఖ్ లో చైనా పీపుల్ లిబరేషన్ ఆర్మీ దళాలకు వ్యతిరేకంగా పోరాడుతున్న దృశ్యాలతో ట్రైలర్‌ను విడుదల చేశారు. ఈ గేమ్ యొక్క మొదటి టీజర్ గత సంవత్సరం దసరా రోజున విడుదలైంది. టీజర్ లో కేవలం పోరాటానికి సంబందించిన సమాచారాన్ని మాత్రమే పంచుకుంది.. ఆయుధాలు వంటి చాలా విషయాలను చెప్పలేదు. ట్రైలర్‌లో టైటిల్ ట్రాక్ ‘'ఫౌజీ'’ పేరుతో బాగా రూపొందించారు.

2020 డిసెంబర్‌లో గేమ్ కోసం ఫ్రీ రిజిస్ట్రేషన్‌ ప్రక్రియను మొదలుపెట్టారు.కేవలం 24 గంటల్లో ఒక మిలియన్ ప్రీ-రిజిస్ట్రేషన్లతో రికార్డు సృష్టించింది. పబ్జి గేమ్ మాదిరిగా కాకుండా 'ఫౌజీ' గేమ్ నిజమైన యుద్ధ సన్నివేశాల అనుభూతిని కలిగిస్తుందని సంస్థ చెబుతూ ఉంది. ఈ గేమ్ యొక్క బ్రాండ్ అంబాసిడర్ ప్రముఖ బాలీవుడ్ నటుడు అక్షయ్ కుమార్ కావడం విశేషం. భారతీయ వినియోగదారుల కోసమే ఈ గేమ్ ను రూపొందించినట్లు సంస్థ చెబుతోంది. పబ్జీ లాగానే ఫౌజీ కూడా హిట్ అవుతుందా లేదా అన్నది తెలియాల్సి ఉంది. పబ్జీ కూడా రాను రానూ మంచి పేరును సంపాదించుకుంది. యూజర్లకు ఎటువంటి కిక్ ఇవ్వాలో అలాంటి ఎన్నో అంశాలను ఎప్పటికప్పుడు గేమ్ లో యాడ్ చేస్తూ వెళ్ళింది.  ‘'ఫౌజీ'’ కూడా అదే తరహాలోనే వెళ్తే మాత్రమే అనుకున్న స్థాయికి చేరుకుంటుంది.