జియోకి వరుస షాక్ లు ఇస్తున్న ఎయిర్ టెల్

24-12-202024-12-2020 20:46:31 IST
Updated On 25-12-2020 11:21:02 ISTUpdated On 25-12-20202020-12-24T15:16:31.247Z24-12-2020 2020-12-24T14:55:23.432Z - 2020-12-25T05:51:02.095Z - 25-12-2020

టెలీకాం రంగంలో ఉండే పోటీ గురించి తెలిసిందే..! కష్టమర్లను ఆకర్షించడానికి ఎన్నో ఆఫర్లను ఇస్తూ ఉంటారు. ఇక కొత్త వినియోగదారులు కొత్త కనెక్షన్ తీసుకోవాలని అనుకుంటే మాత్రం ఆఫర్లతో పాటూ.. డేటా స్పీడ్.. సంస్థ అందించే సర్వీసులు.. ఇలా చాలా విషయాలను పరిగణలోకి తీసుకుంటూ ఉంటారు. అందుకే టెలీకాం కంపెనీలు కూడా చాలా విషయాల్లో ఇతర టెలీకాం నెట్వర్క్ లతో పోటీ పడుతూ ఉంటాయి. భారత్ లో జియో అడుగుపెట్టాక సంచలనాలు అన్నీ ఇన్నీ కావు. జియోతో పోటీ పడడానికి ఎయిర్ టెల్ అన్ని ప్రయత్నాలు చేస్తూ ఉంది.  

మూడవ నెలలో కూడా ఎయిర్‌టెల్‌ జియోకు షాకిచ్చింది. కొత వైర్‌లెస్ చందాదారులకు సంబంధించి  జియోను అధిగమించింది. ఎయిర్‌టెల్‌ 36.7 లక్షలు కొత్త యూజర్లను సాధించింది. టెలికాం రెగ్యులేటరీ అథారిటీ ఆఫ్ ఇండియా (ట్రాయ్) విడుదల చేసిన నివేదిక ప్రకారం ఎయిర్‌టెల్ అక్టోబర్‌లో 3.67 మిలియన్లకు పైగా కొత్త వైర్‌లెస్ చందాదారులను సాధించి రిలయన్స్ జియోను అధిగమించింది. జియో 2.22 మిలియన్ల చందాదారులతో పోలిస్తే ఎయిర్‌టెల్ 1.45 మిలియన్ల ఎక్కువ మంది ఉన్నారు.

అక్టోబరులో కొత్తగా ఎయిర్‌టెల్‌ 36.7 లక్షలు, జియో 22.2 లక్షల మంది మొబైల్‌ కస్టమర్లను దక్కించుకున్నాయి. వొడాఫోన్‌ఐడియా, బీఎస్‌ఎన్‌ఎల్, ఎంటీఎన్‌ఎల్, రిలయన్స్‌ కమ్యూనికేషన్స్‌ నూతన మొబైల్‌ కస్టమర్లను పొందలేకపోయాయి. ఎయిర్ టెల్, జియో లతో  వోడాఫోన్ ఐడియా (వి) ఎంత పోరాడాలని అనుకున్నా కూడా పరిస్థితులు అనుకూలించడం లేదు.  2.7 మిలియన్ల చందారులను కోల్పోయింది వోడాఫోన్ ఐడియా.

సెప్టెంబరులో కూడా అత్యధికంగా కొత్త కస్టమర్లను ఎయిర్‌టెల్‌ సొంతం చేసుకుంది.  సెప్టెంబరులో ఎయిర్ టెల్  3.8 మిలియన్ల చందాదారులను పొందగా, జియో 1.5 మిలియన్ల వినియోగదారులను చేర్చుకోగా, వోడాఫోన్ ఐడియా 4.6 మిలియన్ల మందిని కోల్పోయింది. అక్టోబర్ నాటికి అధికారిక సమాచారం ప్రకారం జియో  ప్రస్తుత వినియోగదారుల సంఖ్య 406.36 మిలియన్లుగా ఉండగా, వొడాఫోన్‌ ఐడియాకు 292.84 మిలియన్ల చందాదారులున్నారు. జియోకు ఎయిర్ టెల్ వరుస షాక్ లు ఇస్తూ వెళుతోంది.