శ‌త‌కాల‌తో చెల‌రేగిన స్మిత్‌, ఫించ్‌.. టీమ్ఇండియా ముందు భారీ లక్ష్యం

27-11-202027-11-2020 13:44:42 IST
Updated On 27-11-2020 13:53:29 ISTUpdated On 27-11-20202020-11-27T08:14:42.739Z27-11-2020 2020-11-27T08:14:39.593Z - 2020-11-27T08:23:29.399Z - 27-11-2020

సిడ్నీ వేదికగా జ‌రుగుతున్న తొలి వ‌న్డే మ్యాచ్‌లో ఆసీస్ బ్యాట్స్‌మెన్లు పోటీప‌డి మ‌రీ ప‌రుగులు సాధించారు. ముఖ్యంగా కెప్టెన్ ఆరోన్ ఫించ్ (114; 124 బంతుల్లో 9 పోర్లు, 2 సిక్స‌ర్లు), స్టీవ్ స్మిత్( 105 ;66 బంతుల్లో 11 పోర్లు, 4 సిక్స‌ర్లు) శ‌త‌కాలతో చెల‌రేగ‌గా.. డేవిడ్ వార్న‌ర్‌( 69; 76 బంతుల్లో 6 పోర్లు) అర్థ‌శ‌తకంతో రాణించ‌డంతో నిర్ణీత 50 ఓవ‌ర్ల‌లో ఆసీస్ 6 వికెట్ల న‌ష్టానికి 374 ప‌రుగుల భారీ స్కోర్‌ చేసింది.  

ముందుగా టాస్ గెలిచిన ఆసీస్ కెప్టెన్ ఆరోన్ పించ్ మ‌రో ఆలోచ‌నకు తావు లేకుండా బ్యాటింగ్ ఎంచుకున్నాడు. బ్యాటింగ్‌ పిచ్‌పై కంగారూ  ఓపెన‌ర్లు ఫించ్‌, వార్న‌ర్ లు అద్భుత‌మైన ఆరంభాన్ని ఇచ్చారు.  మొద‌ట ఆచితూచి ఆడిన ఈ జోడి.. త‌రువాత త‌మ బ్యాట్ల‌కు ప‌ని చెప్పారు. ముఖ్యంగా ఫించ్ ప్ర‌తి బంతిని బౌండ‌రీ దాటించాలి అన్న క‌సితో బ్యాటింగ్ చేశాడు. తొలి వికెట్ కు 156 ప‌రుగులు జోడించిన అనంత‌రం వార్న‌ర్‌ను ష‌మీ వెన‌క్కు పంపాడు. వ‌న్‌డౌన్‌లో వ‌చ్చిన స్మిత్ ఆకాశ‌మే హ‌ద్దుగా చెల‌రేగాడు. రెండో వికెట్‌కు వీరిద్ద‌రు  108 ప‌రుగులు జోడించి జ‌ట్టును ప‌టిష్ట స్థితిలో నిలిపారు. శ‌త‌కం సాధించి మంచి ఊపులో ఉన్న ఫించ్‌ను బుమ్రా వెన‌క్కి పంప‌గా.. ఆడిన మొద‌టి బంతికే స్టొయినిస్‌ను చాహ‌ల్ ఔట్ చేయాడు. దీంతో వెంట వెంట‌నే ఆసీస్ రెండు వికెట్లు కోల్పోయింది. తొలి వ‌న్డేలో బోణి కొట్టేదెవ‌రో..?

ఈ ద‌శ‌లో భార‌త బౌల‌ర్లు పుంజుకుంటార‌ని బావించ‌గా.. అభిమానుల ఆశ‌ల‌పై మాక్స్‌వెల్ నీళ్లు చ‌ల్లాడు. వ‌చ్చి రావ‌డంతోనే బౌండ‌రీల‌తో విరుచుప‌డ్డాడు. 19 బంతుల్లో 5 పోర్లు, 3 సిక్స‌ర్లు సాయంతో 45 ప‌రుగులు చేశాడు. చివ‌ర్లో బార‌త బౌల‌ర్లు క‌ట్టుదిట్టంగా బౌలింగ్ చేయ‌డంతో.. ఆసీస్ నిర్ణీత ఓవ‌ర్ల‌లో 6 వికెట్ల న‌ష్టానికి 374 ప‌రుగులు చేసింది. భార‌త బౌల‌ర్ల‌లో ష‌మీ మూడు వికెట్లు తీయ‌గా.. బుమ్రా, చాహ‌ల్‌, సైనీ త‌లా ఒక వికెట్ ప‌డ‌గొట్టారు.  భార‌త్ విజ‌యం సాధించాలంటే.. 375 ప‌రుగులు చేయాలి.