ఐసీసీకి కొత్త ఛైర్మ‌న్ వచ్చేశాడు‌

25-11-202025-11-2020 18:25:09 IST
2020-11-25T12:55:09.056Z25-11-2020 2020-11-25T12:55:05.764Z - - 16-01-2021

అంత‌ర్జాతీయ క్రికెట్ కౌన్సిల్(ఐసీసీ) నూత‌న‌ ఛైర్మ‌న్‌గా న్యూజిలాండ్‌కు చెందిన గ్రెగ్ బార్‌క్లే ఎన్నిక‌య్యారు. ఐసీసీ నిబంధ‌న‌ల ప్ర‌కారం మూడింట రెండొంతుల మెజార్టీ సాధించ‌డంతో.. గ్రెగ్ ఈ ప‌ద‌విని ద‌క్కించుకున్నాడు. ఛైర్మన్‌ పదవికి తనతో పాటు పోటీ చేసిన తాత్కాలిక ఛైర్మన్ ఇమ్రాన్‌ ఖవాజాపై 11-5 ఓట్ల తేడాతో పైచేయి సాధించి స్వతంత్ర ఛైర్మన్‌గా బాధ్యతలు చేపట్టనున్నారు. శశాంక్ మనోహర్‌ తర్వాత ఎన్నికైన రెండో స్వతంత్ర ఛైర్మన్‌గా నిలవనున్నారు. గ్రెగ్ ఐసీసీ ఛైర్మ‌న్‌గా బాధ్య‌త‌లు చేప‌ట్ట‌డంతో.. తాత్కాలిక ఛైర్మ‌న్‌గా ఉన్న ఖ‌వాజా త‌న బాధ్య‌త‌ల నుంచి త‌ప్పుకోనున్నాడు.  

ఈ​ ఎన్నికలోని తొలి రౌండ్​లో బార్క్​లేకు 10 ఓట్లు, ఖవాజాకు ​6 ఓట్లు మాత్రమే దక్కాయి. రెండో రౌండ్​లో దక్షిణాఫ్రికా బోర్డు.. బార్క్​లేకు మద్దతు తెలపడం వల్ల ఐసీసీ నిబంధనల ప్రకారం మూడింట రెండొంతుల మెజారిటీ సాధించిన బార్క్​లే ఛైర్మన్​గా ఎన్నికయ్యారు. ఈ సంద‌ర్భంగా గ్రెగ్ బార్‌క్లే మాట్లాడుతూ.. ఐసీసీ ఛైర్మ‌న్‌గా ఎంపిక‌వ్వ‌డం చాలా ఆనందంగా ఉంద‌న్నాడు. త‌న ఎన్నిక‌కు సహ‌క‌రించిన ప్ర‌తి ఒక్క‌రికి కృత‌జ్ఞ‌త‌లు తెలియ‌జేశాడు. మ‌హ‌మ్మారి వ‌ల్ల ఏర్ప‌డిన ప్ర‌స్తుత సంక్షోభ ప‌రిస్థితుల్లో క‌లిసిక‌ట్టుగా ప‌నిచేసి పురోగ‌తి సాధిస్తామ‌ని ఆశిస్తున్న‌ట్లు తెలిపాడు. క‌రోనా క‌ష్ట‌కాలంలో ఛైర్మ‌న్‌గా బాధ్య‌త‌లు నిర్వ‌ర్తించిన ఖ‌వాజాకు ప్ర‌త్యేక ధ‌న్య‌వాదాలు తెలిపారు. 

2012 నుంచి న్యూజిలాండ్‌ క్రికెట్ డైరెక్టర్‌గా బాధ్యతలు నిర్వర్తిస్తున్న బార్‌క్లే న్యాయవాదిగా పనిచేశారు. అంతేగాక 2015 ప్రపంచకప్‌ డైరెక్టర్‌గా, న్యూజిలాండ్, ఆస్ట్రేలియాలోని కొన్ని బోర్డులకు డైరెక్టర్‌గానూ వ్యవహరించారు. అంతకుముందు జులైలో మనోహర్ పదవీ కాలం ముగియడంతో ఖవాజా తాత్కాలికంగా బాధ్యతలు అందుకున్న సంగతి తెలిసిందే.