newssting
Radio
BITING NEWS :
గుజరాత్ రాష్ట్రంలోని అహ్మదాబాద్ నగరంలోని సోలా ప్రాంతంలో పౌల్ట్రీ ఫాంలో బర్డ్ ఫ్లూ ప్రబలింది. అహ్మదాబాద్ నగరంలో సేకరించిన శాంపిళ్ల పరీక్షల్లో బర్డ్ ఫ్లూ ఇన్ఫెక్షన్ ఉందని తేలింది. దీంతో అహ్మదాబాద్ జిల్లాలో ముందుజాగ్రత్తగా మాంసం, చికెన్ విక్రయాలను జిల్లా కలెక్టరు నిషేధించారు * బెంగాల్ బీజేపీ ఎన్నికల పరిశీలకుడైన కేంద్ర హోంశాఖ సహాయమంత్రి నిత్యానంద్ రాయ్‌కు జడ్ కేటగిరి భద్రత కల్పిస్తూ కేంద్ర హోంశాఖ తాజాగా నిర్ణయం తీసుకుంది * దేశమంతటా ఒకేసారి ఎన్నికలు జరపాలన్న ప్రధాని నరేంద్ర మోదీ ఆశయమైన ‘ఒకే దేశం- ఒకే ఎన్నిక’ అంశం కర్ణాటక శాసనసభను కుదిపేసింది. రాష్ట్ర శాసనసభ బడ్జెట్‌ సమావేశాల్లో రెండురోజులు పూర్తిగా ఇదే అంశంపై చర్చించనున్నారు * భద్రతా బలగాలే లక్ష్యంగా మావోయిస్టులు అమర్చిన ఐఈడీ పేలి జార్ఖండ్‌లో ముగ్గురు జవాన్లు ప్రాణాలు కోల్పోయారు. మరో ఇద్దరు జవాన్లకు గాయాలయ్యాయి * తన నేతృత్వంలో మూడో కూటమి ఏర్పాటు ఖాయమని, అయితే, ఎస్‌ఎంకే, ఐజేకేలతో ఇంకా పొత్తు ఖరారు కాలేదని మక్కల్‌ నీది మయ్యం నేత కమల్‌ తెలిపారు. కేవలం చేతులు మాత్రం కలిపామని, పొత్తుకు చర్చలు జరగాల్సి ఉందన్నారు * కర్ణాటకలో సంచలనం రేపిన మంత్రి రమేశ్‌ జార్కిహోళి రాసలీలల వీడియో వెనుక ఓ ఎమ్మెల్యే హస్తం ఉందని పుకార్లు వస్తున్నాయి. విచారణ నిమిత్తం రాసలీలల వీడియోలో ఉన్న అమ్మాయి కోసం బెంగళూరు కబ్బన్‌పార్క్‌ పోలీసులు గాలిస్తున్నారు. సుమారు ఏడాది నుంచి వారి మధ్య బాగోతం కొనసాగుతోందని తెలుస్తోంది * ఉప రాష్ట్రపతి వెంకయ్యనాయుడు కుటుంబ సమేతంగా శుక్రవారం తిరుమల వేంకటేశ్వరస్వామి వారిని దర్శించుకున్నారు. ప్రధాన ఆలయ ప్రవేశద్వారం వద్ద ఆయనకు టీటీడీ ఈఓ కేఎస్‌ జనవహర్‌రెడ్డి, అదనపు ఈఓ ధర్మారెడ్డి, సీవీఎస్‌ఓ గోపీనాథ్‌ ఘన స్వాగతం పలికారు. దర్శనానంతరం రంగనాయక మండపంలో వేద పండితులు ఆశీర్వచనం చేశారు. ఈఓ తీర్థ ప్రసాదాలు అందించి, స్వామివారి శేషవస్త్రంతో సత్కరించారు. స్వామివారి చిత్రపటాన్ని బహూకరించారు * గుజరాత్‌లోని కెవాడియాలో శనివారం సైనిక కమాండర్ల సమావేశం జరుగనుంది. ప్రధాని నరేంద్ర మోదీ హాజరై మేధోమధన సదస్సును ఉద్దేశించి ప్రసంగించనున్నారు. దేశ భద్రత, త్రివిధ దళాల సన్నద్ధత, సరిహద్దుల్లో నెలకొన్న పరిస్థితులపై సైతం సమీక్ష జరుపనున్నారు * కేరళలో అధికారాన్ని కైవసం చేసుకోవటమే లక్ష్యంగా బీజేపీ కీలక నిర్ణయం తీసుకొన్నది. ఇటీవలే పార్టీలో చేరిన మెట్రోమ్యాన్‌ శ్రీధరన్‌ను ఎన్డీఏ తరఫున సీఎం అభ్యర్థిగా రాష్ట్ర బీజేపీ యూనిట్‌ ఎంపిక చేసింది * సరూర్‌నగర్‌ చెరువు మినీ ట్యాంక్‌బండ్‌లో మొసలి ప్రతక్ష్యమైంది. గ్రీన్‌పార్క్‌ కాలనీ సమీపంలో అటుగా వెళ్తున్న స్థానికులు మొసలి కనిపించడంతో తమ కెమెరాలో బంధించారు. మొసలి చెరువులోకి ఎలా వచ్చింది? ఒకటే ఉందా లేకా ఇంకా ఉన్నాయా? అనే అనుమానాలు తలెత్తుతున్నాయి * జీహెచ్‌ఎంసీ పరిధిలో అక్రమ నిర్మాణాలపై అధికారుల నియంత్రణ కొరవడిందని హైకోర్టు ఆగ్రహం వ్యక్తం చేసింది. అక్రమ నిర్మాణాలకు అడ్డుకట్ట వేయాల్సిందేనని తేల్చిచెప్పింది. అక్రమ నిర్మాణాలు వెలుస్తున్నా క్షేత్రస్థాయి సిబ్బంది ఏం చేస్తున్నారని ప్రశ్నించింది * గురు‌వారం అత్యధికంగా భద్రా‌చ‌లంలో 39.4 డిగ్రీల గరిష్ఠ ఉష్ణో‌గ్రత నమో‌దైంది. ఆది‌లా‌బాద్‌, మహ‌బూ‌బ్‌‌న‌గర్‌, నిజా‌మా‌బాద్‌, పెద్దపల్లి తది‌తర జిల్లాల్లో 37 డిగ్రీ‌ల‌కు‌పై‌గానే గరిష్ఠ ఉష్ణోగ్రతలు రికార్డయ్యాయి. ఆది‌లా‌బా‌ద్‌లో 13.8 డిగ్రీల కనిష్ఠ ఉష్ణో‌గ్రత నమో‌దైంది * రాష్ట్ర గవర్నర్‌, పుదుచ్చేరి లెఫ్టినెంట్‌ గవర్నర్‌ తమిళిసై సౌందరరాజన్‌ ప్రతిష్టాత్మక టాప్‌-20 గ్లోబల్‌ ఉమెన్‌ ఆఫ్‌ ఎక్సలెన్స్‌–2021 పురస్కారానికి ఎంపికయ్యారు. యూఎస్‌ కాంగ్రెస్‌మ్యాన్‌ డానికే డేవిస్‌ నేతృత్వంలోని మల్టీ ఎత్నిక్‌ అడ్వైజరీ టాస్క్‌ ఫోర్స్‌ ఈ అవార్డును ప్రకటించింది * సిద్దిపేట జిల్లా తోగుట మండలం ఏటిగడ్డ కిష్టాపూర్ దగ్గర ఉద్రిక్తత చోటు చేసుకుంది. ఎమ్మెల్యే రఘునందన్‌రావు పిలుపు మేరకు.. మల్లన్నసాగర్ ముట్టడికి బయల్దేరిన బీజేపీ నేతలను పోలీసులు అరెస్ట్‌ చేసి భూంపల్లి పోలీస్‌స్టేషన్‌కు తరలించారు. బీజేపీ నేతల అరెస్ట్‌తో స్థానికంగా తీవ్ర కలకలం రేగింది * భద్రాచలంలో ఏప్రిల్‌ 21న జరగనున్న శ్రీరామనవమి మహోత్సవాలను ప్రత్యక్షంగా వీక్షించాలనుకునే భక్తులకు శుక్రవారం నుంచి ఆన్‌లైన్‌ ద్వారా టికెట్లు అందుబాటులో ఉంచుతున్నట్లు భద్రాద్రి జిల్లా కలెక్టర్‌ ఎంవీ రెడ్డి తెలిపారు * ఫిబ్రవరిలో శ్రీవారి హుండీ ఆదాయం రూ.90.8 కోట్లు వచ్చినట్టు తిరుమల తిరుపతి దేవస్థానం వెల్లడించింది. కాగా.. ఫిబ్రవరి నెలలో 14.41 లక్షల మంది భక్తులు స్వామివారిని దర్శించుకున్నారు. ఏప్రిల్ 13 నుంచి శ్రీవారి ఆలయంలో ఆర్జిత సేవలకు భక్తులకు అనుమతి లభించింది. గురువారం 25,534 మంది భక్తులు శ్రీవారికి తలనీలాలు సమర్పించారు. శ్రీవారి హుండీ ఆదాయం 3.31 కోట్లు వచ్చినట్టు టీటీడీ వెల్లడించింది. ఈ నెల 14న పురంధరదాసు 967వ అవతారోత్సవాలు నిర్వహించనున్నారు. ఈ నెల 28 నుంచి 5 రోజుల పాటు శ్రీవారి వార్షిక తెప్పోత్సవాలు జరగనున్నాయి * విశాఖ ఉక్కు ప్రైవేటీకరణను వ్యతిరేకిస్తూ రాష్ట్ర వ్యాప్తంగా బంద్ కొనసాగుతోంది. డిపోల పరిధిలోని 960 బస్సులు నిలిచిపోయాయి. వాణిజ్య సముదాయాలు, ప్రభుత్వ, ప్రైవేటు పాఠశాలలు మూసివేశారు * ప్రకాశం జిల్లా గుడ్లూరు మండలం శాంతి నగర్ వద్ద ఆగి ఉన్న లారీని ఆరంజ్ ట్రావెల్ బస్సు ఢీకొట్టింది. ఈ ప్రమాదంలో బస్సులోని 15 మందికి గాయాలయ్యాయి * విశాఖ ప్లాంట్‌ ఏ-షిఫ్ట్‌లో కార్మికులు విధులు బహిష్కరించారు. కూర్మన్నపాలెం వద్ద రహదారిపై కార్మికులు బైఠాయించారు. రాష్ట్ర బంద్‌లో కార్మిక సంఘాల నాయకులు పాల్గొన్నారు. నగరంలో బస్‌స్టాండ్ వద్ద కార్మిక సంఘాలు, వామపక్ష నేతల నిరసన చేపట్టారు.

Mamata Banerjee.. విజయంపై సంపూర్ణ విశ్వాసం.. 221 స్థానాలు పక్కా

12-02-202112-02-2021 12:58:30 IST
2021-02-12T07:28:30.462Z12-02-2021 2021-02-12T07:28:24.389Z - - 09-03-2021

Mamata Banerjee.. విజయంపై సంపూర్ణ విశ్వాసం.. 221 స్థానాలు పక్కా
facebooktwitterGooglewhatsappwhatsappGoogle
మరో మూడు నెలల్లో జరగనున్న పశ్చిమబెంగాల్ ఎన్నికల్లో గెలుపుపై నూటికి 110 శాతం విశ్వాసంతో ఉన్నామని ముఖ్యమంత్రి మమతా బెనర్జీ స్పష్టంచేశారు. రాష్ట్ర అసెంబ్లీ ఎన్నికల్లో కనీసం 221 స్థానాల్లో గెలువబోతున్నామని ప్రకటించారు. కోల్‌కతాలో గురువారం జరిగిన ఇండియా టుడే కాన్‌క్లేవ్ ఈస్ట్ 2021 సదస్సులో ప్రసంగించిన మమతా బెనర్జీ వచ్చే అసెంబ్లీ ఎన్నికల్లో తమదే గెలుపుంటా తిరుగులేని ఆత్మవిశ్వాసం ప్రదర్శించారు. 

ఈ ఎన్నికల్లో 110 శాతం గెలుపు సాధిస్తామని నమ్మకంతో ఉన్నాం. ఎన్ని స్థానాలు గెల్చుకుంటామని చెప్పలేం కానీ, గత రెండు ఎన్నికల్లో మేం సాధించిన దానికంటే ఎక్కువ సీట్లనే గెల్చుకుంటాం. అంటే కనీసం 221 స్థానాలకు తగ్గకుండా రాబోయే ఎన్నికల్లో గెలుస్తామని సంపూర్ణ విశ్వాసంతో ఉన్నామని మమత బెనర్జీ పేర్కొన్నారు.

ఎన్నో ఎన్నికల్లో తలపడి విజయం సాధించిన తనకు ఈ దఫా ఎన్నికలు భిన్నంగా ఉంటాయని అనిపించడం లేదని మమత చెప్పారు. ఆత్మవిశ్వాసంతో తలపడే వారు ఎన్నటికీ భయపడరు. నేను ఒక స్ట్రీట్ ఫైటర్ని. ప్రతిరోజూ నేను తలపడాల్సందే. అది నాకు మామూలు విషయమేనని మమత చెప్పారు.

పశ్చిమ బెంగాల్ ఎన్నికల్లో అత్యంత ప్రధాన అంశం రాష్ట్రంలోని 10 కోట్లమంది ప్రజలకు ఉచిత రేషన్ ఇవ్వడమేనని మమత పేర్కొన్నారు. ఇంతమంది జనాభాకు పూర్తిగా ఉచితంగా రేషన్ అందిస్తున్నాం. అలాగే 5 లక్షల మంది కుటుంబాలకు ఆరోగ్య బీమా కల్పించాం. అంటే మా పాలనలో ఆహారం ఉచితం, ఆరోగ్యం ఉచితం, విద్య ఉచితం. రాష్ట్రంలోని 99.99 శాతం మంది జనాభాకు ఏదో ఒక ప్రభుత్వ స్కీమ్ అందుతూనే ఉంది. ఇదే నాకు అనుకూలమైన అంశం. దీన్ని కొనసాగిస్తాను కూడా అని మమత చెప్పారు.

మా పార్టీ భావజాలం ఏమిటని నన్ను తరచూ అడుగుతుంటారు. నేను చెప్పబొయేది ఒకటే. మేం ప్రజల కోసం, ప్రజల చేత, ప్రజల ద్వారా పాలిస్తున్నాం. ప్రజాస్వామ్యంపై మాకు విశ్వాసం ఉంది. ప్రజలు ఏం కోరుకుంటున్నారో దాన్నే ఇస్తున్నాం అని మమత తెలిపారు.

పశ్చిమబెంగాల్‌లో కుల, మత ఆధారిత రాజకీయాలు ఎన్నడూ ఉనికిలో లేవు. వీటిని బీజేపీనే ప్రారంభించింది. కులం, మతం ప్రాతిపదికన వారు ప్రజలను చీల్చాలని చూస్తున్నారు. బంగ్లాదేశ్ నుంచి వచ్చారని, బీహార్ నుంచి వచ్చారని చెబుతూ బెంగాలీలను సైతం వేరుపర్చాలని బీజేపీ చూస్తోంది. చివరకు భాషాప్రాతిపదికన కూడా ప్రజలను విడదీస్తున్నారని మమత ఆరోపించారు. 

అభివృద్ది అంశంపైనే ఎన్నికల్లో పోరాడితే తాము ఓడిపోతామని బీజేపీకి తెలుసు కాబట్టే ప్రతిరోజూ గూండాగిరీని చలాయిస్తూ నెగ్గుకొస్తామని భ్రమిస్తున్నారు. రాష్ట్రంలోని ప్రతి ఒక్కరినీ ఆదాయపన్ను శాఖ, సీబీఐతో దాడులు చేస్తూ భయపెడుతున్నారు. ఏ ప్రభుత్వమైనా చేయాల్సింది ఇదేనా అని మమత కేంద్రప్రభుత్వాన్ని నిలదీశారు.

కేంద్ర హోంమంత్రి అమిత్ షా నన్ను బెదిరించాలని చూస్తున్నారు. తృణమూల్ కాంగ్రెస్‌ని నేను సర్వనాశనం చేయడాన్ని తన కళ్లారా చూస్తానని అమిత్ షా చెబుతున్నారు. నాగురించి ఆయన ఏమనుకుంటున్నారు, నేను అతడి వెట్టి చాకిరి చేసే మనిషినా, లేక అతడి పనిమనిషినా, అసలు తన గురించి తానేమనుకుంటున్నారో చెప్పాలి. మీరు నిజంగా దమ్ము ఉంటే మాతో పోరాడండి అంటూ మమత మండిపడ్డారు.

ఇప్పుడు ఈ దేశాన్ని ఇద్దరు మాత్రమే పాలిస్తున్నారు. పాలించనివ్వండి. కానీ ప్రతి ఒక్కరూ తాము చెప్పినట్లే నడుచుకోవాలని వారు భావిస్తున్నారు. దానికి నేనొప్పుకోను. వారిది విధ్వసానికి దారి తీసే వైఖరి. అలాంటి ప్రవృత్తిని నేను ఎన్నడూ బలపర్చలేను అని మమత స్పష్టం చేశారు. 

నేను అహంభావంతో వ్యవహరిస్తున్నానని ఆరోపిస్తున్నారు. నా ప్రభుత్వానికి సంబంధించి ఏ విభాగానికి సంబంధించిన ప్రశ్ననైనా వేయండి వాటికి సమాధానం చెబుతాను. కాని అదే ప్రశ్న వారిని అడిగితే టెలిప్రాంప్టర్‌పై చదవటం తప్ప మరేమీ చేయలేరు అంటూ ప్రధాని, అమిత్ షాను ఉద్దేశించి మమత వ్యాఖ్యానించారు.

నోటికొచ్చినట్లు మాట్లాడితే తాటతీస్తాం.. బీజేపీపై మండిపడ్డ కేటీఆర్

నోటికొచ్చినట్లు మాట్లాడితే తాటతీస్తాం.. బీజేపీపై మండిపడ్డ కేటీఆర్

   7 hours ago


కేతిరెడ్డిపై ఫైర్ అయిన పరిటాల శ్రీరామ్..!

కేతిరెడ్డిపై ఫైర్ అయిన పరిటాల శ్రీరామ్..!

   9 hours ago


కాంగ్రెస్ వామపక్షాల మధ్య పొత్తా, శత్రుత్వమా.. డైలమ్మాలో కార్యకర్తలు

కాంగ్రెస్ వామపక్షాల మధ్య పొత్తా, శత్రుత్వమా.. డైలమ్మాలో కార్యకర్తలు

   10 hours ago


వైసీపీ రౌడీయిజానికి బ్రేకులేస్తాం

వైసీపీ రౌడీయిజానికి బ్రేకులేస్తాం

   10 hours ago


ఇదేం  అన్యాయం.. హ‌ర్ట్ అయిన విడ‌ద‌ల ర‌జ‌నీ ఫ్యాన్స్

ఇదేం అన్యాయం.. హ‌ర్ట్ అయిన విడ‌ద‌ల ర‌జ‌నీ ఫ్యాన్స్

   10 hours ago


రాంజీ మృతి పట్ల తెలుగుదేశం పార్టీ నాయకుల దిగ్భ్రాంతి

రాంజీ మృతి పట్ల తెలుగుదేశం పార్టీ నాయకుల దిగ్భ్రాంతి

   11 hours ago


హైదరాబాద్ పేరును మార్చేస్తామని అంటున్న బీజేపీ నేత

హైదరాబాద్ పేరును మార్చేస్తామని అంటున్న బీజేపీ నేత

   11 hours ago


ప‌వ‌న్ కి విశాఖ‌లో అడుగు పెట్టే ధైర్యం లేదా

ప‌వ‌న్ కి విశాఖ‌లో అడుగు పెట్టే ధైర్యం లేదా

   an hour ago


ఎంపీ గోరంట్ల మాధవ్ కు మహిళ నుండి ఊహించని ప్రశ్న

ఎంపీ గోరంట్ల మాధవ్ కు మహిళ నుండి ఊహించని ప్రశ్న

   9 hours ago


డాక్ట‌ర్ చిరంజీవి కొల్లూరి క‌న్నుమూత..!

డాక్ట‌ర్ చిరంజీవి కొల్లూరి క‌న్నుమూత..!

   12 hours ago


ఇంకా

NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle