newssting
Radio
BITING NEWS :
ఏలూరు మాజీ ఎంపి మాగంటి బాబు కుమారుడు ఆత్మహత్యాయత్నం. అర్థరాత్రి విజయవాడ ఆంధ్రా ఆస్పత్రికి తరలింపు. ఐసీయూలో వెంటిలేటర్ పై చికిత్స అందిస్తున్న వైద్యులు. బ్రెయిన్ స్ట్రోక్ తో ఆస్పత్రిలో చేర్పించామని చెప్తున్న కుటుంబ సభ్యులు. 24 గంటలు గడిస్తే గానీ ఏమీ చెప్పలేమన్న వైద్యులు. * ఏపీ మునిసిపల్ ఎన్నికల్లో అత్యధిక ఏకగ్రీవాలు చేసిన వైసీపీ. వైసీపీ -570, టీడీపీ -5, బీజేపీ -1, ఇతరులు -2 ఏకగ్రీవాలు. * విశాఖలో కమాండ్ కంట్రోల్ రూమ్ ఏర్పాటుకు ప్రభుత్వం నిర్ణయం. విజయవాడ నుంచి విశాఖకు తరలనున్న కమాండ్ కంట్రోల్ రూమ్. విశాఖలోని ప్రభుత్వ భూమిలో కమాండ్ కంట్రోల్ రూమ్ ఏర్పాటు. * నెల్లూరు జాయింట్ కలెక్టర్ కార్యాలయ సిబ్బందిపై కేసు నమోదు. పదోన్నతి కల్పిస్తామని చెప్పి మోసం చేశారని అంగన్ వాడీ కార్యకర్త ఫిర్యాదు. జేసీ సీసీ శ్రీకాంత్, సిబ్బంది దయాకర్, వికాస్ పై కేసు నమోదు. జేసీ భార్య ఇంట్లో పనిచేయించుకుంటున్నారంటూ ఫిర్యాదు. కేసును తప్పుదోవ పట్టిస్తున్నారని ఆందోళన. * రాజకీయాలపై సంచలన ప్రకటన చేసిన జయ నెచ్చెలి శశికళ. రాజకీయాల నుంచి తప్పుకుంటున్నట్లు ప్రకటించిన చిన్నమ్మ. శశికళ ప్రకటనతో నిరాశ చెందిన అభిమానులు. ఇది బీజేపీ స్క్రిప్ట్ అంటున్న శశికళ మద్దతుదారులు. * సీఎం జగన్ కు ఏపీ సీపీఎం కార్యదర్శి రామకృష్ణ లేఖ. రేపటి రాష్ట్ర బంద్ కు సహకరించాలని సీఎంకు వినతి. విశాఖ ప్రైవేటీకరణకు వ్యతిరేకంగా బంద్ కు పిలుపునిచ్చిన సీపీఐ.

జై శ్రీరామ్ అనిపిస్తానంటున్న షా.. బెదిరింపులకు భయపడనంటున్న దీదీ

12-02-202112-02-2021 07:11:01 IST
Updated On 12-02-2021 10:17:39 ISTUpdated On 12-02-20212021-02-12T01:41:01.922Z12-02-2021 2021-02-12T01:40:56.012Z - 2021-02-12T04:47:39.863Z - 12-02-2021

జై శ్రీరామ్ అనిపిస్తానంటున్న షా.. బెదిరింపులకు భయపడనంటున్న దీదీ
facebooktwitterGooglewhatsappwhatsappGoogle
పశ్చిమబెంగాల్ ముఖ్యమంత్రి మమతా బెనర్జీపై కేంద్ర హోంమంత్రి అమిత్ షా తీవ్ర విమర్శలు గుప్పించారు. ఉత్తర బెంగాల్ లోని కూచ్ బీహార్ లో అమిత్ షా ఎన్నికల ర్యాలీని నిర్వహించారు. ఆయన మాట్లాడుతూ బెంగాల్ అసెంబ్లీ ఎన్నికలు ప్రధాని మోదీ అభివృద్ధి మోడల్ కు, మమతా బెనర్జీ విధ్యంసకర మోడల్ కు మధ్య జరుగుతున్న పోటీ అని చెప్పారు.  జైశ్రీరాం నినాదాలు భారత్ లో కాకపోతే... పాకిస్థాన్ లో చేస్తారా?.. జైశ్రీరాం అనే నినాదాలు చేస్తే మమత ఆగ్రహం వ్యక్తం చేశారని.. ఈ ఎన్నికలు ముగిసేలోగా ఆమె తనకు తానుగా శ్రీరాముడి నినాదాలు చేస్తారని చెప్పారు.

బెంగాల్ లో బీజేపీ అధికారంలోకి రాకుండా టీఎంసీ గూండాలతో పాటు, మరెవరూ ఆపలేరని అన్నారు. బెంగాల్ లోని ఠాకూర్ నగర్ లో జరగాల్సిన అమిత్ షా కార్యక్రమం రద్దయింది. అమిత్ షా మాట్లాడుతూ, 'అనివార్య కారణాల వల్ల కార్యక్రమం రద్దయింది. మమతా దీదీ చాలా సంతోషంగా ఉంటారు. ఏప్రిల్ వరకు సమయం ఉంది. ఇక్కడకు మళ్లీ మళ్లీ వస్తా. ఎన్నికలలో మీరు ఓడిపోయేంత వరకు వస్తూనే ఉంటా' అని అన్నారు.

గత నెలలో కోల్ కతాలో మోదీ పర్యటన సందర్భంగా విక్టోరియా మెమోరియల్ దగ్గర ఏర్పాటు చేసిన సభకు మమతా బెనర్జీ కూడా హాజరైన సంగతి తెలిసిందే.  ఆమె ప్రసంగిస్తుండగా జైశ్రీరాం నినాదాలు కొందరు చేయగా... ఆమె అసహనాన్ని వ్యక్తం చేస్తూ ప్రసంగాన్ని ఆపేశారు. సభకు అంటూ డిగ్నిటీ ఉంటుందని.. దాన్ని మరచి ప్రవర్తించడం తప్పని ఆమె విమర్శలు గుప్పించారు. నరేంద్ర మోదీ కూడా భారత్ మాతాకీ జై అని ఈ సభలో అనడం తప్పుకాదని.. కానీ జై శ్రీరాం అనాల్సిన సందర్భం ఇది కాదని చెప్పుకొచ్చారు. 

అమిత్ షా బెదిరింపులకు తాను భయపడబోనని మమతా బెనర్జీ అన్నారు. బెంగాల్ కు ఆయన ఎప్పుడు వచ్చినా తాము స్వాగతిస్తామని... అయితే ఆయన ఇక్కడకు వచ్చి కించపరుస్తూ మాట్లాడతారని అన్నారు. ఇక్కడకు వచ్చి ప్రచారం చేసుకుంటే తమకు ఎలాంటి ఇబ్బంది లేదని... తనను బెదిరించే ప్రయత్నం చేయవద్దని అన్నారు. మిమ్మల్ని చూసి తాను భయపడనని అన్నారు. ఆట ఆడేందుకు తాను సిద్ధంగా ఉన్నానని ఆమె అన్నారు. మీరు ఎన్ని గోల్స్ స్కోర్ చేస్తారో నేనూ చూస్తా అని అన్నారు. ఇది బెంగాల్ అని... మీ గూండాగిరి ఇక్కడ పని చేయబోదని చెప్పారు. అమిత్ షా బాడీ లాంగ్వేజ్, మనస్తత్వం, భయపెట్టే తీరు ఆయన పదవికి సరిపోవని అన్నారు.


Naresh


 newsstingcontent@gmail.com
      040 23600300

newsting
Daily Updates
facebooktwitterGooglewhatsappwhatsappGoogle