పోలవరంలో అవినీతి జరిగిందన్నారు.. నిరూపించకుండా ఏడాదిన్నరగా గాడిదలు కాస్తున్నారా?

02-12-202002-12-2020 20:12:29 IST
Updated On 03-12-2020 07:35:19 ISTUpdated On 03-12-20202020-12-02T14:42:29.250Z02-12-2020 2020-12-02T14:42:19.796Z - 2020-12-03T02:05:19.412Z - 03-12-2020

ఆంధ్రప్రదేశ్ అసెంబ్లీలో పెద్ద పోలవరం గురించి పెద్దగా చర్చ జరిగింది. గత ప్రభుత్వం మీద వైసీపీ నాయకులు ఆరోపణలు చేయగా.. పోలవరంలో అవినీతి జరిగిందన్నారు.. నిరూపించ కుండా ఏడాదిన్నరగా గాడిదలు కాస్తున్నారా? తెలుగుదేశం అధినేత చంద్రబాబు నాయుడు ప్రభుత్వాన్ని ప్రశ్నించారు. పోలవరం ప్రాజెక్టును ఎప్పుడు పూర్తి చేస్తారో చెప్పకుండా డొంక తిరుగుడుగా మాట్లాడుతున్నారని.. పోలవరంలో అవినీతి జరిగిందని ఆరోపిస్తున్నవారు... దాన్ని ఎందుకు నిరూపించలేకపోయారని ఎదురుదాడికి దిగారు. రివర్స్ టెండరింగ్ పేరుతో రాష్ట్రానికి నష్టం చేకూర్చారని.. తాము వేసిన అంచనాలను తప్పుపట్టిన వాళ్లు.. ఇప్పుడు అవే అంచనాలను కరెక్ట్ అంచనాలని చెప్పుకుంటున్నారని అన్నారు. ఈ ప్రశ్నలు అడిగితే తమను శాసనసభ నుంచి సస్పెండ్ చేస్తున్నారని విమర్శించారు.

జగన్ అవినీతిపరుడు కాబట్టి అందరిపై అవినీతి ముద్ర వేసేందుకు యత్నిస్తున్నారని విమర్శించారు. గోదావరి నీళ్లను తెలంగాణ మీదుగా శ్రీశైలానికి తెస్తామని జగన్ చెప్పినప్పుడు అది కుదిరే పని కాదని తాను చెప్పానని తాను చెప్పినట్టుగానే రాష్ట్ర ప్రభుత్వం వెనక్కి తగ్గే పరిస్థితి వచ్చిందన్నారు టీడీపీ అధినేత. కేంద్ర ప్రభుత్వ నిధులతో పోలవరం ప్రాజెక్టును కడుతూ, అక్కడ వైయస్ విగ్రహాన్ని ఏర్పాటు చేస్తారా అని విమర్శించారు. వైయస్ విగ్రహం పెడితే కేంద్ర ప్రభుత్వం చూస్తూ ఊరుకుంటుందా? అని ప్రశ్నించారు. 

అసెంబ్లీలో ఏపీ ముఖ్యమంత్రి వైఎస్ జగన్ మాట్లాడుతూ పోలవరం ప్రాజెక్టును ఎట్టి పరిస్థితుల్లో ఆపబోమని.. డ్యామ్ ఎత్తును ఒక్క అంగుళం కూడా తగ్గంచబోమని అన్నారు. వైఎస్ రాజశేఖర్ రెడ్డి ఆశయాలకు అనుగుణంగా 45.72 మీటర్ల ఎత్తు తప్పకుండా నిర్మిస్తామని అన్నారు. నిర్ణీత సమయానికి పోలవరం ప్రాజెక్టును పూర్తి చేయడమే కాకుండా.. అక్కడ 100 అడుగుల వైఎస్సార్ విగ్రహాన్ని ఏర్పాటు చేస్తామని చెప్పారు.