టీటీడీపై తప్పుడు ప్రచారం.. ఛానల్ పైనా, పోస్టులు పెట్టినవారిపై కేసులు..!

31-03-202131-03-2021 10:39:46 IST
Updated On 31-03-2021 12:29:43 ISTUpdated On 31-03-20212021-03-31T05:09:46.071Z31-03-2021 2021-03-31T04:50:15.163Z - 2021-03-31T06:59:43.484Z - 31-03-2021

మిజోరం సమీపంలోని మయన్మార్ సరిహద్దులో పోలీసులు సీజ్ చేసిన 120 బ్యాగుల తలనీలాలతో తమకు ఎలాంటి సంబంధం లేదని టీటీడీ ప్రకటించింది. శ్రీవారికి సమర్పించిన తలనీలాలను ఈ ప్లాట్ ఫామ్ ద్వారా నిర్వహించే అంతర్జాతీయ టెండర్ల ద్వారా విక్రయిస్తున్నామని.. టెండర్‌లో ఎక్కువ మొత్తం కోట్ చేసిన బిడ్డర్ నుంచి జీఎస్‌టీ కట్టించుకుని తలనీలాలు అప్పగిస్తామని తెలిపారు.  కొనుగోలు చేసిన బిడ్డర్‌కు అంతర్జాతీయ ఎగుమతి అనుమతులు ఉన్నాయా... లేక దేశంలోనే ఏ ప్రాంతంలో విక్రయిస్తారనేది టీటీడీకి సంబంధించిన విషయం కాదన్నారు. దేశంలోని అనేక ఆలయాలలో తలనీలాల విక్రయాలు జరుగుతూ ఉంటాయని, టీటీడీ కూడా ప్రతి మూడు నెలలకోసారి ఈ టెండర్ ద్వారా తలనీలాలు విక్రయిస్తుంటుందన్నారు. తలనీలాల అక్రమ రవాణాకు పాల్పడిన సంస్థల పేర్లు అధికారికంగా తెలియజేస్తే వారిని బ్లాక్ లిస్ట్‌లో పెడతామని టీటీడీ స్పష్టం చేసింది.

ఈ ఘటన టీటీడీలో జరుగుతున్న అవినీతికి సాక్ష్యం అంటూ విపక్ష నాయకులు ఆరోపణలు గుప్పిస్తూ ఉన్నారు. దేశంలోని అనేక ఆలయాలలో తలనీలాల విక్రయాలు జరుగుతూ ఉంటాయని..  టీటీడీ కూడా ప్రతి మూడు నెలలకోసారి ఈ టెండర్ ద్వారా తలనీలాలు విక్రయిస్తుందని టీటీడీ క్లారిటీ ఇచ్చింది. అయితే ఈ వ్యవహారంపై తప్పుడు ప్రచారం చేస్తున్న వారిపై టీటీడీ కన్నెర్రజేసింది. తిరుమల శ్రీవారికి భక్తులు ఎంతో భక్తితో సమర్పించిన తలనీలాలను టీటీడీ చైనాకు స్మగ్లింగ్ చేసే ప్రయత్నం చేసిందని ఫేస్ బుక్, మీడియాలో దుష్ప్రచారం చేశారని.. టీటీడీ, రాష్ట్ర ప్రభుత్వ ప్రతిష్ట దెబ్బతీసే ఉద్దేశంతో తప్పుడు ప్రచారం చేసిన వారిపై చట్ట ప్రకారం చర్యలు తీసుకోవాలని టీటీడీ విజిలెన్స్ అధికారులు ఫిర్యాదు చేశారు. వీరిపై మంగళవారం రాత్రి ఈస్ట్ పోలీసులు కేసు నమోదు చేశారు. టీడీపీకి చెందిన రామ రాజ్యం మళ్లీ మొదలైంది, టీడీపీ పొలిటికల్ వింగ్ , గంగా ప్రకాష్, ప్రియాంక రెడ్డి స్వచ్ఛ, ఓ న్యూస్ ఛానల్, పేపర్‌పై పోలీసులు కేసు నమోదు చేశారు. వీరంతా ఫేస్ బుక్‌లో పోస్టులు పెట్టడం, షేర్ చేయడం, దుష్ప్రచారం చేయడం వంటి చర్యలకు పాల్పడినట్లు విజిలెన్స్ అధికారులు ఆధారాలు సమర్పించారు. వీరిపై చర్యలు తీసుకునేందుకు సిద్ధమయ్యారు.