కేశినేని నానిని చెప్పుతో కొట్టేవాడినంటూ బుద్ధా వెంకన్న సంచలన వ్యాఖ్యలు

06-03-202106-03-2021 15:43:39 IST
Updated On 06-03-2021 14:45:34 ISTUpdated On 06-03-20212021-03-06T10:13:39.280Z06-03-2021 2021-03-06T08:39:55.323Z - 2021-03-06T09:15:34.985Z - 06-03-2021

విజయవాడ తెలుగుదేశం పార్టీ రెండు వర్గాలుగా చీలిపోయినట్లు తెలుస్తోంది. కేశినేని నానిపై ఎమ్మెల్సీ బుద్ధా వెంకన్న సంచలన వ్యాఖ్యలు చేశారు. కేశినేని నానితో గత కొన్ని రోజులుగా విసిగిపోయామని.. విధిలేని పరిస్థితుల్లో మీడియా ముందుకు వచ్చి మాట్లాడుతున్నామని చెప్పారు. టీడీపీ అధినేత చంద్రబాబును కేశినేని ఏక వచనంతో సంబోధించడం శోచనీయమని..  తాను విజయవాడకే అధిష్ఠానం అని ఆయన చేస్తున్న వ్యాఖ్యలు దురంహంకారాన్ని సూచిస్తున్నాయని ఆగ్రహం వ్యక్తం చేశారు.

కేశినేని అహంకారాన్ని చూసి ఆరోజు తాను చెప్పుతో కొట్టాలనుకున్నానని.. చంద్రబాబు మీద ఉన్న గౌరవంతో ఆ పని చేయలేదని బుద్ధా వెంకన్న సంచలన వ్యాఖ్యలు చేశారు. రంగా హత్య కేసులో ఉన్న ముద్దాయిని కేశినేని ప్రచారంలో తిప్పుతున్నారని.. కేశినేని నాని స్థాయి దాటి ప్రవర్తిస్తున్నారని మండిపడ్డారు. 'దమ్ముంటే రా.. తేల్చుకుందాం' అంటూ కేశినేనికి సవాల్ విసిరారు. తెలుగుదేశం పార్టీకి బీసీలను దూరం చేస్తున్నాడంటూ కేశినేనిపై మండిపడ్డారు. 

పార్టీ పొలిట్ బ్యూరో సభ్యులు బొండా ఉమా నివాసంలో సమావేశమైన నేతలు ఎంపీ నానిపై తీవ్ర వ్యాఖ్యలు చేశారు. బొండా ఉమా కూడా కేశినేని నానిపై తీవ్ర ఆగ్రహం వ్యక్తం చేసిన సంగతి తెలిసిందే..! బోండా ఉమా మీడియాతో మాట్లాడుతూ కేశినేని మాట తీరు సరిగాలేదని.. ప్రజారాజ్యంలో ఇదే తరహాలో వ్యవహరించి బయటకు గెంటించుకున్నారన్నారు. విజయవాడ టీడీపీకి తానే అధిష్ఠానమని కేశినేని మాట్లాడడం సరికాదని.. ఇది ఆయన అహంకారానికి నిదర్శనమన్నారు.

తన కూతురుని మేయర్ చేయడం కోసం ఇలాంటి దిక్కుమాలిన రాజకీయాలకు తెరలేపారన్నారు. కులాలమధ్య, పార్టీ నేతల మధ్య చిచ్చు పెడుతున్నారని.. వర్గాలను,విభేదాలను కేశినేని ప్రోత్సహిస్తున్నాడని ఆరోపణలు చేశారు బొండా ఉమా. బెజవాడ పార్లమెంట్‌లో కేశినేనికి సత్తా ఉంటే... రాజీనామా చేసి... ఇండిపెండెంట్‌గా పోటీ చేసి గెలవాలన్నారు. టీడీపీ సింబల్, చంద్రబాబును చూసి నీకు ఓట్లు వేశారని.. నాని ఇండిపెండెంట్‌గా గెలిచి చూపిస్తే... కట్టుబట్టలతో విజయవాడ వదిలివెళ్లిపోతానని సవాల్ చేశారు. నాని ముఖ్యం అనుకుంటే తాము రేపు జరుగబోయే చంద్రబాబు టూర్‌కు దూరంగా ఉంటామని హెచ్చరించారు.