పేర్ని నానిపై హత్యాయత్నం.. ఎందుకు దాడి చేశాడో తెలియదు

29-11-202029-11-2020 14:20:01 IST
Updated On 29-11-2020 19:30:34 ISTUpdated On 29-11-20202020-11-29T08:50:01.292Z29-11-2020 2020-11-29T08:49:55.498Z - 2020-11-29T14:00:34.954Z - 29-11-2020

ఆంధ్ర‌ప్ర‌దేశ్‌ రవాణా శాఖ మంత్రి పేర్ని నానిపై హత్యాయత్నం జరిగిందన్న వార్త సంచలనం సృష్టిస్తోంది.  ఓ దుండగుడు పేర్ని నానిపై హత్యాయత్నానికి పాల్ప‌డ్డాడు. మచిలీపట్నంలోని ఆయన ఇంటి వద్ద గుర్తు తెలియని వ్యక్తి తాపీతో దాడికి య‌త్నించాడు. మంత్రి నాని తృటిలో ప్రమాదం నుంచి తప్పించుకున్నారు. నిందితుడిని పట్టుకున్న అనుచరులు.. దుండగుడిని పోలీసులకు అప్పగించారు. ఈ దాడిలో మంత్రి చొక్కా పూర్తిగా చినిగిపోయింది. దాడికి పాల్ప‌డ్డ వ్య‌క్తి మ‌ద్యం మ‌త్తులో ఉన్న‌ట్లు తెలుస్తోంది.

తన తల్లి పెద్ద కర్మలో భాగంగా పూజ చేసి వస్తుండగా దాడికి ఓ వ్యక్తి ప్రయత్నించాడని  చెప్పారు పేర్ని నాని. భోజన ఏర్పాట్లు చేయడంతో తన ఇంటికి చాలా మంది వచ్చారని చెప్పారు.  అతడి చేతిలోని తాపీ తన ప్యాంటుకు తగిలిందని చెప్పారు. అనంతరం రెండో సారి కూడా తనపై దాడికి యత్నించాడని అన్నారు. తాను అప్రమత్తంగా ఉండడంతో తాను గాయపడలేదని తెలిపారు. తనపై ఎందుకు దాడికి యత్నించాడో తనకు తెలియదని తెలిపారు. దాడికి యత్నించిన వ్యక్తిని పోలీసులకు అప్పగించామని పేర్ని నాని తెలిపారు. నిందితుడిని మచిలీపట్నానికి చెందిన తాపీమేస్త్రి బడుగు నాగేశ్వరరావుగా పోలీసులు గుర్తించారు.