newssting
Radio
BITING NEWS :
పశ్చిమగోదావరి జిల్లా పూళ్లలో వింతవ్యాధితో కళ్లు తిరిగి పడిపోతున్న జనం. వింతవ్యాధితో పడిపోయిన 20 మంది బాధితులు, పలువురికి గాయాలు. * లక్షద్వీప్ లో తొలి కరోనా కేసు నమోదు. కోచి నుంచి నౌకలో వచ్చిన కానిస్టేబుల్ కు పాజిటివ్. * అధికార సంప్రదాయాలు, లాంఛనాలకు స్వస్తి పలికిన ట్రంప్. రేపు జో బైడెన్ దంపతులకు స్వాగతం పలికేందుకు సిద్ధమవుతున్న వైట్ హౌస్. * గొల్లపూడిలో హై టెన్షన్. మంత్రి కొడాలి నాని వ్యాఖ్యలకు నిరసనగా గొల్లపూడి ఎన్టీఆర్ విగ్రహం వద్ద దీక్షకు వెళ్లిన దేవినేనిని అడ్డుకున్న పోలీసులు, దేవినేని ఉమా అరెస్ట్. కోవిడ్ ఆంక్షల కారణంగా దీక్షకు అనుమతి లేదన్న పోలీసులు. దీక్షకు బయల్దేరిన బుద్ధావెంకన్న హౌస్ అరెస్ట్. * నేడు ఢిల్లీకి వెళ్లనున్న ఏపీ సీఎం జగన్. అమిత్ షా సహా పలువురు మంత్రులతో భేటీ అయ్యే అవకాశం. పోలవరం ప్రాజెక్ట్ పెండింగ్ నిధులు, హై కోర్టు తరలింపు తదితర అంశాలపై చర్చించే అవకాశం. * గొల్లపూడిలో వైసీపీ కార్యకర్తలను అడ్డుకున్న పోలీసులు. దేవినేని ఉమా ఇంటికెళ్లే దారిలో భారీగా పోలీసుల మోహరింపు.

ఏ క్షణంలో అయినా యుద్ధానికి సిద్ధంగా ఉండండి.. జిన్‌పింగ్ పిలుపు

06-01-202106-01-2021 16:02:35 IST
2021-01-06T10:32:35.193Z06-01-2021 2021-01-06T10:32:30.571Z - - 20-01-2021

ఏ క్షణంలో అయినా యుద్ధానికి సిద్ధంగా ఉండండి.. జిన్‌పింగ్ పిలుపు
facebooktwitterGooglewhatsappwhatsappGoogle
తిరుగులేని అధికారాలు చేపట్టిన మరుక్షణం చైనా అధ్యక్షుడు యుద్ధానికి సిద్ధం కావలసిందిగా ప్రజావిముక్తి సైన్యాన్ని అప్రమత్తం చేశారు. ఏ సమయంలోనైనా సిద్ధంగా ఉండేందుకు వాస్తవమైన పోరాట వాతావరణంలో సైనిక శిక్షణను మొదలు పెట్టవలసిందిగా జిన్ పింగ్ చైనా సైన్యానికి ఆదేశాలు జారీ చేశారు. 

2021లో కేంద్ర మిలిటరీ కమిషన్ తరపున తొలి ఆదేశంపై సంతకం చేసిన జిన్ పింగ్ గెలుపు సాధించే లక్ష్యంతోనే సైనిక శిక్షణను కఠినతరంగా అభ్యసించాలని సైన్యానికి పిలుపునిచ్చారు. ప్రజావిముక్తి సైన్యం ఏ క్షణంలోనైనా యుద్ధ సన్నాహకానికి సిద్ధం కావాలని పిలుపునిచ్చారు. అదే సమయంలో ఫ్రంట్ లైన్‌లో ముందుండి పోరాడేవారు తగిన సాంకేతిక శిక్షణను కూడా అలవర్చుకోవాలని సూచించారు.

సైన్యానికి ఇచ్చే అధునాతన సాంకేతిక శిక్షణలో కంప్యూటర్ సిమ్యులేషన్లు, ఆన్ లైన్ కంబాట్ పద్ధతులను చేర్చాలని, ఇంటర్నెట్‌ను విస్తృతంగా ఉపయోగించుకునేలా తాజా ఆవిష్కరణలను నేర్చుకోవాల్సి ఉందని జిన్ పింగ్ చెప్పారు. యుద్ధనైపుణ్య శిక్షణను బలోపేతం చేయడంతో పాటు ఎల్లప్పుడూ దేనికైనా సిద్ధంగా ఉండాలని చైనా మిలటరీకి జిన్‌పింగ్‌ పిలుపునిచ్చారు. ఈ ఏడాది నుంచి కొత్తగా తీసుకువచ్చిన డిఫెన్స్‌ చట్టం అమల్లోకి రావడంతో మిలటరీ అధికారాలు మరింతగా పెరగనున్నాయి. 

చైనా కమ్యూనిస్టు పార్టీకి, సెంట్రల్‌ మిలటరీ కమిషన్‌కు అధిపతైన జింగ్‌పింగ్‌ 2021లో పీఎల్‌ఏ, పీఎల్‌ఏఎఫ్‌కు సంబంధించిన నూతన చట్టంపై సంతకం చేశారు. ఈ చట్టం ప్రకారం ఆర్మీ ఇకపై సోషలిజంపై జింగ్‌పింగ్‌ ఆలోచనకు తగ్గట్లుగా నడుచుకోవడం, జింగ్‌పింగ్‌ ఆలోచనల ప్రకారం బలోపేతం కావడం చేయాల్సి ఉంటుంది.

2018లో ఇలాంటి ఆదేశాలనే జింగ్‌పింగ్‌ ఒకమారు జారీ చేశారు. తాజా ఆదేశాల ప్రకారం పీఎల్‌ఏ ఏ క్షణమైనా ఎలాంటి చర్యకైనా తయారుగా ఉండాలని సౌత్‌చైనా మార్నింగ్‌ పోస్టు పత్రిక తెలిపింది. ఆర్మీకి అవసరమైన కొత్త ఆయుధాలు సమకూర్చుకోవడం, మరింత మందిని నియమించి శిక్షణ ఇవ్వడం, డ్రిల్స్‌ మోతాదు పెంచడం, సదా సిద్ధంగా ఉండడమనేవి చేయాల్సిఉంటుందని తెలిపింది.

గతేడాది జూన్‌లో భారత్‌ సరిహద్దుల్లో గల్వాన్ వ్యాలీలో చైనా సైన్యం చేదు అనుభవం ఎదుర్కొంది. ఇరు సైన్యాలకు మధ్య జరిగిన ఘర్షణలో చైనా సైనికులు అనేకమంది చనిపోయారు. భారత భూభాగంలోనికి చైనా సైన్యం చొచ్చుకురావడాన్ని నిలవరించేందుకు భారత సైనికులు  వీరోచితంగా ఎదురొడ్డి పోరాడారు. భారత్‌తో సంబంధాలు బాగా క్షీణించిన నేపథ్యంలో జిన్ పింగ్ యుద్ధ పిలుపునివ్వడం ప్రాధాన్యతను సంతరించుకుంది.


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle