newssting
Radio
BITING NEWS :
గుజరాత్ రాష్ట్రంలోని అహ్మదాబాద్ నగరంలోని సోలా ప్రాంతంలో పౌల్ట్రీ ఫాంలో బర్డ్ ఫ్లూ ప్రబలింది. అహ్మదాబాద్ నగరంలో సేకరించిన శాంపిళ్ల పరీక్షల్లో బర్డ్ ఫ్లూ ఇన్ఫెక్షన్ ఉందని తేలింది. దీంతో అహ్మదాబాద్ జిల్లాలో ముందుజాగ్రత్తగా మాంసం, చికెన్ విక్రయాలను జిల్లా కలెక్టరు నిషేధించారు * బెంగాల్ బీజేపీ ఎన్నికల పరిశీలకుడైన కేంద్ర హోంశాఖ సహాయమంత్రి నిత్యానంద్ రాయ్‌కు జడ్ కేటగిరి భద్రత కల్పిస్తూ కేంద్ర హోంశాఖ తాజాగా నిర్ణయం తీసుకుంది * దేశమంతటా ఒకేసారి ఎన్నికలు జరపాలన్న ప్రధాని నరేంద్ర మోదీ ఆశయమైన ‘ఒకే దేశం- ఒకే ఎన్నిక’ అంశం కర్ణాటక శాసనసభను కుదిపేసింది. రాష్ట్ర శాసనసభ బడ్జెట్‌ సమావేశాల్లో రెండురోజులు పూర్తిగా ఇదే అంశంపై చర్చించనున్నారు * భద్రతా బలగాలే లక్ష్యంగా మావోయిస్టులు అమర్చిన ఐఈడీ పేలి జార్ఖండ్‌లో ముగ్గురు జవాన్లు ప్రాణాలు కోల్పోయారు. మరో ఇద్దరు జవాన్లకు గాయాలయ్యాయి * తన నేతృత్వంలో మూడో కూటమి ఏర్పాటు ఖాయమని, అయితే, ఎస్‌ఎంకే, ఐజేకేలతో ఇంకా పొత్తు ఖరారు కాలేదని మక్కల్‌ నీది మయ్యం నేత కమల్‌ తెలిపారు. కేవలం చేతులు మాత్రం కలిపామని, పొత్తుకు చర్చలు జరగాల్సి ఉందన్నారు * కర్ణాటకలో సంచలనం రేపిన మంత్రి రమేశ్‌ జార్కిహోళి రాసలీలల వీడియో వెనుక ఓ ఎమ్మెల్యే హస్తం ఉందని పుకార్లు వస్తున్నాయి. విచారణ నిమిత్తం రాసలీలల వీడియోలో ఉన్న అమ్మాయి కోసం బెంగళూరు కబ్బన్‌పార్క్‌ పోలీసులు గాలిస్తున్నారు. సుమారు ఏడాది నుంచి వారి మధ్య బాగోతం కొనసాగుతోందని తెలుస్తోంది * ఉప రాష్ట్రపతి వెంకయ్యనాయుడు కుటుంబ సమేతంగా శుక్రవారం తిరుమల వేంకటేశ్వరస్వామి వారిని దర్శించుకున్నారు. ప్రధాన ఆలయ ప్రవేశద్వారం వద్ద ఆయనకు టీటీడీ ఈఓ కేఎస్‌ జనవహర్‌రెడ్డి, అదనపు ఈఓ ధర్మారెడ్డి, సీవీఎస్‌ఓ గోపీనాథ్‌ ఘన స్వాగతం పలికారు. దర్శనానంతరం రంగనాయక మండపంలో వేద పండితులు ఆశీర్వచనం చేశారు. ఈఓ తీర్థ ప్రసాదాలు అందించి, స్వామివారి శేషవస్త్రంతో సత్కరించారు. స్వామివారి చిత్రపటాన్ని బహూకరించారు * గుజరాత్‌లోని కెవాడియాలో శనివారం సైనిక కమాండర్ల సమావేశం జరుగనుంది. ప్రధాని నరేంద్ర మోదీ హాజరై మేధోమధన సదస్సును ఉద్దేశించి ప్రసంగించనున్నారు. దేశ భద్రత, త్రివిధ దళాల సన్నద్ధత, సరిహద్దుల్లో నెలకొన్న పరిస్థితులపై సైతం సమీక్ష జరుపనున్నారు * కేరళలో అధికారాన్ని కైవసం చేసుకోవటమే లక్ష్యంగా బీజేపీ కీలక నిర్ణయం తీసుకొన్నది. ఇటీవలే పార్టీలో చేరిన మెట్రోమ్యాన్‌ శ్రీధరన్‌ను ఎన్డీఏ తరఫున సీఎం అభ్యర్థిగా రాష్ట్ర బీజేపీ యూనిట్‌ ఎంపిక చేసింది * సరూర్‌నగర్‌ చెరువు మినీ ట్యాంక్‌బండ్‌లో మొసలి ప్రతక్ష్యమైంది. గ్రీన్‌పార్క్‌ కాలనీ సమీపంలో అటుగా వెళ్తున్న స్థానికులు మొసలి కనిపించడంతో తమ కెమెరాలో బంధించారు. మొసలి చెరువులోకి ఎలా వచ్చింది? ఒకటే ఉందా లేకా ఇంకా ఉన్నాయా? అనే అనుమానాలు తలెత్తుతున్నాయి * జీహెచ్‌ఎంసీ పరిధిలో అక్రమ నిర్మాణాలపై అధికారుల నియంత్రణ కొరవడిందని హైకోర్టు ఆగ్రహం వ్యక్తం చేసింది. అక్రమ నిర్మాణాలకు అడ్డుకట్ట వేయాల్సిందేనని తేల్చిచెప్పింది. అక్రమ నిర్మాణాలు వెలుస్తున్నా క్షేత్రస్థాయి సిబ్బంది ఏం చేస్తున్నారని ప్రశ్నించింది * గురు‌వారం అత్యధికంగా భద్రా‌చ‌లంలో 39.4 డిగ్రీల గరిష్ఠ ఉష్ణో‌గ్రత నమో‌దైంది. ఆది‌లా‌బాద్‌, మహ‌బూ‌బ్‌‌న‌గర్‌, నిజా‌మా‌బాద్‌, పెద్దపల్లి తది‌తర జిల్లాల్లో 37 డిగ్రీ‌ల‌కు‌పై‌గానే గరిష్ఠ ఉష్ణోగ్రతలు రికార్డయ్యాయి. ఆది‌లా‌బా‌ద్‌లో 13.8 డిగ్రీల కనిష్ఠ ఉష్ణో‌గ్రత నమో‌దైంది * రాష్ట్ర గవర్నర్‌, పుదుచ్చేరి లెఫ్టినెంట్‌ గవర్నర్‌ తమిళిసై సౌందరరాజన్‌ ప్రతిష్టాత్మక టాప్‌-20 గ్లోబల్‌ ఉమెన్‌ ఆఫ్‌ ఎక్సలెన్స్‌–2021 పురస్కారానికి ఎంపికయ్యారు. యూఎస్‌ కాంగ్రెస్‌మ్యాన్‌ డానికే డేవిస్‌ నేతృత్వంలోని మల్టీ ఎత్నిక్‌ అడ్వైజరీ టాస్క్‌ ఫోర్స్‌ ఈ అవార్డును ప్రకటించింది * సిద్దిపేట జిల్లా తోగుట మండలం ఏటిగడ్డ కిష్టాపూర్ దగ్గర ఉద్రిక్తత చోటు చేసుకుంది. ఎమ్మెల్యే రఘునందన్‌రావు పిలుపు మేరకు.. మల్లన్నసాగర్ ముట్టడికి బయల్దేరిన బీజేపీ నేతలను పోలీసులు అరెస్ట్‌ చేసి భూంపల్లి పోలీస్‌స్టేషన్‌కు తరలించారు. బీజేపీ నేతల అరెస్ట్‌తో స్థానికంగా తీవ్ర కలకలం రేగింది * భద్రాచలంలో ఏప్రిల్‌ 21న జరగనున్న శ్రీరామనవమి మహోత్సవాలను ప్రత్యక్షంగా వీక్షించాలనుకునే భక్తులకు శుక్రవారం నుంచి ఆన్‌లైన్‌ ద్వారా టికెట్లు అందుబాటులో ఉంచుతున్నట్లు భద్రాద్రి జిల్లా కలెక్టర్‌ ఎంవీ రెడ్డి తెలిపారు * ఫిబ్రవరిలో శ్రీవారి హుండీ ఆదాయం రూ.90.8 కోట్లు వచ్చినట్టు తిరుమల తిరుపతి దేవస్థానం వెల్లడించింది. కాగా.. ఫిబ్రవరి నెలలో 14.41 లక్షల మంది భక్తులు స్వామివారిని దర్శించుకున్నారు. ఏప్రిల్ 13 నుంచి శ్రీవారి ఆలయంలో ఆర్జిత సేవలకు భక్తులకు అనుమతి లభించింది. గురువారం 25,534 మంది భక్తులు శ్రీవారికి తలనీలాలు సమర్పించారు. శ్రీవారి హుండీ ఆదాయం 3.31 కోట్లు వచ్చినట్టు టీటీడీ వెల్లడించింది. ఈ నెల 14న పురంధరదాసు 967వ అవతారోత్సవాలు నిర్వహించనున్నారు. ఈ నెల 28 నుంచి 5 రోజుల పాటు శ్రీవారి వార్షిక తెప్పోత్సవాలు జరగనున్నాయి * విశాఖ ఉక్కు ప్రైవేటీకరణను వ్యతిరేకిస్తూ రాష్ట్ర వ్యాప్తంగా బంద్ కొనసాగుతోంది. డిపోల పరిధిలోని 960 బస్సులు నిలిచిపోయాయి. వాణిజ్య సముదాయాలు, ప్రభుత్వ, ప్రైవేటు పాఠశాలలు మూసివేశారు * ప్రకాశం జిల్లా గుడ్లూరు మండలం శాంతి నగర్ వద్ద ఆగి ఉన్న లారీని ఆరంజ్ ట్రావెల్ బస్సు ఢీకొట్టింది. ఈ ప్రమాదంలో బస్సులోని 15 మందికి గాయాలయ్యాయి * విశాఖ ప్లాంట్‌ ఏ-షిఫ్ట్‌లో కార్మికులు విధులు బహిష్కరించారు. కూర్మన్నపాలెం వద్ద రహదారిపై కార్మికులు బైఠాయించారు. రాష్ట్ర బంద్‌లో కార్మిక సంఘాల నాయకులు పాల్గొన్నారు. నగరంలో బస్‌స్టాండ్ వద్ద కార్మిక సంఘాలు, వామపక్ష నేతల నిరసన చేపట్టారు.

నెట్ ప్లిక్స్ లో ఫస్ట్ ఆంథాలజీ.. ఆకట్టుకుంటోన్న పిట్టకథలు టీజర్

20-01-202120-01-2021 22:02:46 IST
Updated On 21-01-2021 10:52:06 ISTUpdated On 21-01-20212021-01-20T16:32:46.176Z20-01-2021 2021-01-20T13:10:19.393Z - 2021-01-21T05:22:06.433Z - 21-01-2021

నెట్ ప్లిక్స్ లో ఫస్ట్ ఆంథాలజీ.. ఆకట్టుకుంటోన్న  పిట్టకథలు టీజర్
facebooktwitterGooglewhatsappwhatsappGoogle
థియేటర్స్ తెరుచుకున్నా ఓటీటీ హవా ఇంకా నడుస్తూనే ఉంది. కాగా ఓటీటీ దిగ్గజం నెట్ ప్లిక్స్ ఫస్ట్ తెలుగు ఆంథాలజీ సిరీస్ ని రిలీజ్ కి రెడీ చేస్తోంది. డిజిటల్ ప్లాట్ ఫార్మ్స్ అందుబాటులోకి వచ్చిన తర్వాత దర్శకుల ఆలోచనలు మారాయనే చెప్పాలి. కొత్త ప్రయోగాలు చేస్తున్నారు. కేవలం సినిమాలే కాదు వెబ్ కంటెంట్ తో కూడా ప్రేక్షకులను ఎంటర్టైన్ చేయడం విశేషం. దాంతో ఓటీటీలు - స్టార్ డైరెక్టర్లు - స్టార్ యాక్టర్స్ కలిసి ఆంథాలజీ సిరీస్ లను రూపొందిస్తున్నారు. ఆధునిక స్వతంత్ర్య భావాలు కలిగిన మహిళల గురించి ఒక కథా సంకలనాన్ని రూపొందించారు. దీని కోసం ప్రతిభావంతులైన నలుగురు దర్శకులు నాగ్ అశ్విన్ - బి.వి.నందిని రెడ్డి - తరుణ్ భాస్కర్ - సంకల్ప్ రెడ్డిలను ఒక చోట చేర్చింది నెట్ ప్లిక్స్. నెట్ ఫ్లిక్స్ తాజాగా తన మొదటి ఒరిజనల్ తెలుగు ఆంథాలజీ 'పిట్టకథలు' ను అధికారికంగా ప్రకటించింది. ఈ నాలుగు భాగాల ఆంథాలజీ చిత్రానికి నలుగురు అత్యుత్తమ దర్శకులు దర్శకత్వం వహించారని పేర్కొంది.

సాధారణంగా తెలుగులో చిన్న చిన్న కథలను పిట్టకథలు అని పిలుస్తాం. ఈ నాలుగు స్టోరీస్ నిర్దిష్ట భావాలు గల నలుగురు మహిళల గురించి తెలియజేస్తుంది. ఈ నాలుగు పాత్రల్లో ఈషా రెబ్బా - లక్షి మంచు - అమలా పాల్ - శృతిహాసన్ నటించారు. వీరితో పాటు అషిమా నర్వాల్ - జగపతిబాబు - సత్యదేవ్ - సాన్వే మేఘన - సంజిత్ హెగ్దే ఇతర కీలక పాత్రలు పోషించారు. 'పిట్టకథలు' సంకలనం 190 దేశాలలో నెట్ ప్లిక్స్ లో ఫిబవరి 19 నుంచి స్ట్రీమింగ్ అవుతుందని ప్రకటిస్తూ దీనికి సంబంధించిన టీజర్ ని విడుదల చేసారు.'రాముల' అనే టైటిల్ తో మంచు లక్ష్మి ప్రధాన పాత్రలో నటించిన భాగానికి తరుణ్ భాస్కర్ దర్శకత్వం వహించారు.

అలానే 'మీరా' అనే టైటిల్ తో జగపతిబాబు - అమలా పాల్ ప్రధాన పాత్రల్లో నటించిన చిత్రానికి నందిని రెడ్డి డైరెక్ట్ చేశారు. ఇక శృతి హాసన్ లీడ్ రోల్ లో రూపొందిన 'ఎక్స్ లైఫ్' భాగానికి నాగ్ అశ్విన్ దర్శకత్వం వహించాడు. 'పింకీ' అనే టైటిల్ తో ఈషా రెబ్బా - సత్యదేవ్ ప్రధాన పాత్రల్లో నటించిన విభాగానికి సంజల్ప్ రెడ్డి డైరెక్షన్ చేశారు. టీజర్ చూస్తూనే ఈ 'పిట్ట కథలు' సిరీస్ లో అన్ని అంశాలు బోల్డ్ గా చర్చించినట్లు అర్థం అవుతోంది. ఇది హిందీ 'లస్ట్ స్టోరీస్' ని తరహాలో ఉంటుందని తెలుస్తోంది. ఆర్. ఎస్.వి.పి మూవీస్ మరియు ఫ్లయింగ్ యునికార్న్ ఎంటర్టైన్మెంట్స్ కలిసి సంయుక్తంగా ఈ ఆంథాలజీ సిరీస్ ని నిర్మించారు. ఫిబ్రవరి 19న 'పిట్ట కథలు' సిరీస్ విడుదల కానుంది. చూడాలి మరి ప్రేక్షకులని ఏ మేరకు ఆకట్టుకుంటుందో.

సినిమా ఏకీ నంబ‌ర్.. రెమ్యున‌రేష‌న్ ఏకీ క్రోర్

సినిమా ఏకీ నంబ‌ర్.. రెమ్యున‌రేష‌న్ ఏకీ క్రోర్

   18 hours ago


విజ‌య‌శాంతిలా ఇష్యూ చేస్తున్న స‌మంత

విజ‌య‌శాంతిలా ఇష్యూ చేస్తున్న స‌మంత

   21 hours ago


అన్న‌ద‌మ్ముల బాక్సాఫీస్ ఫైట్.. నెగ్గేది ఎవ‌రు..? త‌గ్గేది ఎవ‌రు..?

అన్న‌ద‌మ్ముల బాక్సాఫీస్ ఫైట్.. నెగ్గేది ఎవ‌రు..? త‌గ్గేది ఎవ‌రు..?

   07-03-2021


ఈ సినిమా వాళ్ల‌కి దొబ్బేసే అల‌వాటు ఎప్పుడు పోతుంది

ఈ సినిమా వాళ్ల‌కి దొబ్బేసే అల‌వాటు ఎప్పుడు పోతుంది

   07-03-2021


జాతిర‌త్నంతో అనుష్క రొమాన్స్

జాతిర‌త్నంతో అనుష్క రొమాన్స్

   07-03-2021


భీష్మ డైరెక్ట‌ర్ ని ఎలా బురిడీ కొట్టించాడు.. మొత్తం క‌థ

భీష్మ డైరెక్ట‌ర్ ని ఎలా బురిడీ కొట్టించాడు.. మొత్తం క‌థ

   05-03-2021


నాని సినిమాపై హాట్ బేబీ కంప్లైంట్.. ఆపేయాలన్న బాంబే హైకోర్టు

నాని సినిమాపై హాట్ బేబీ కంప్లైంట్.. ఆపేయాలన్న బాంబే హైకోర్టు

   05-03-2021


ప్ర‌దీప్ సినిమాకి అన్ని కోట్లా.. అందుకే సినిమాలకి ఇంత‌ క్యూ

ప్ర‌దీప్ సినిమాకి అన్ని కోట్లా.. అందుకే సినిమాలకి ఇంత‌ క్యూ

   04-03-2021


బాల‌య్య బాబూ.. ప్లీజ్ ఓకే చెప్పండి

బాల‌య్య బాబూ.. ప్లీజ్ ఓకే చెప్పండి

   03-03-2021


హీరో ఏజ్ 50.. హీరోయిన్ ఏజ్ 20.. క్యార‌వ్యాన్ లో ఏం జ‌రుగుతోంది

హీరో ఏజ్ 50.. హీరోయిన్ ఏజ్ 20.. క్యార‌వ్యాన్ లో ఏం జ‌రుగుతోంది

   03-03-2021


ఇంకా

Naresh


 newsstingcontent@gmail.com
      040 23600300

newsting
Daily Updates
facebooktwitterGooglewhatsappwhatsappGoogle