ఆడపిల్లలు 15వ ఏట నుంచే పునరుత్పత్తి చేయగలిగినప్పుడు.. వివాహ వయసును 21 ఏళ్లకు పెంచడం ఎందుకు? సగటు మనిషి ఎవరైనా ఇలా అడిగి ఉంటే ఇదేమంత పెద్ద వార్త అయ్యేది కాదు కానీ ఈ ప్రశ్న వేసింది కాంగ్రెస్ పార్టీకి చెందిన మాజీ మంత్రి వర్యులు కావడంతో దుమారం పీక్‌కి వెళ్లిపోయింది. ఇది ఇప్పుుడు మధ్యప్రదేశ్‌ రాజకీయ వర్గాల్లో సంచలనం రేకెత్తిస్తోంది. కాంగ్రెస్ అధినేత సోనియాగాంధీ తక్షణం ఆ మాజీ మంత్రిని పార్టీనుంచి తొలగించాలి అని బీజేపీ మహిళా సంఘాలు డిమాండ్ చేసేవరకు వివాదం రాజుకుంది.

వివరాల్లోకి వెళితే మధ్యప్రదేశ్ ముఖ్యమంత్రి శివరాజ్ చౌహాన్ మహిళలపై నేరాల గురించి అవగాహన కల్పించేందుని సమ్మన్ అనే కార్యక్రమాన్ని ప్రారంభించారు. ఈ సందర్భంగా దేశంలో మహిళ కనీస వివాహ వయస్సును 21 సంవత్సరాలకు పెంచాలని సూచించారు. దీనికి స్పందించిన కాంగ్రెస్ పార్టీకి చెందిన మాజీ మంత్రి సజ్జన్ సింగ్ వర్మ చేసిన వ్యాఖ్య తేనెతుట్టెను కదిపినట్లయింది.

భారత మహిళలు 15 సంవత్సరాల వయస్సులోనే పునరుత్పత్తి చేయగలరు కదా  వివాహ వయస్సు పెంచడం ఎందుకు అని వర్మ ప్రశ్నించారు. వైద్యుల నివేదిక ప్రకారం, '15 సంవత్సరాల వయస్సు నుంచే బాలికలు పిల్లలను కనడానికి అనుకూలంగా ఉంటారు. అయితే 18 ఏళ్ల తర్వాతనే వారు వివాహం చేసుకోవడానికి తగినంతగా పరిణతి చెందుతారు. అందుకే వివాహ వయసును 18 సంవత్సరాలుగా పేర్కొన్నారు. మరి వారి వివాహ వయసును 18 నుంచి 21కి పెంచడానికి ముఖ్యమంత్రి ఏమైనా డాక్టరా.. శాస్త్రవేత్తనా’ అని వర్మ ప్రశ్నించారు. 

కాంగ్రస్ పార్టీ మాజీ మంత్రి యధాలాపంగా చేసిన రాజకీయ వ్యాఖ్య మంటలు సృష్టిస్తోంది. తన వ్యాఖ్యలపై బీజేపీ నాయకులు మండిపడ్డారు. సజ్జన్‌ సింగ్‌ కేవలం మధ్యప్రదేశ్‌ కుమార్తెలనే కాక దేశవ్యాప్తంగా ఉన్న ఆడబిడ్డలని తన మాటలతో అవమానించాడని మధ్యప్రదేశ్ రాష్ట్ర బీజేపీ అధికార ప్రతినిధి రాహుల్ కొఠాలి ధ్వజమెత్తారు.  

తన పార్టీ అధ్యక్షురాలు సోనియా గాంధీ, యంగ్‌ నేషనల్‌ సెక్రటరీ ప్రియాంక గాంధీ ఇద్దరూ మహిళలనే విషయం బహుశా సజ్జన్‌ సింగ్‌ మర్చిపోయినట్లున్నాడు. తన వ్యాఖ్యలకు ఆయన బహిరంగ క్షమాపణ చెప్పాలని సోనియా గాంధీ సజ్జన్‌ సింగ్‌ని ఆదేశించాలి. ఆయనను పార్టీ నుంచి తొలగించాలి అని రాహుల్ కొఠారి డిమాండ్‌ చేశారు. 

పైగా అమ్మాయిలు 18 ఏళ్లు దాటగానే పెళ్లి చేసుకుని అత్తవారింటికి వెళ్లి సంతోషంగా కాలం గడపాలంటూ ఈ మాజీ మంత్రి చేసిన వ్యాఖ్య దుమారం రేపుతోంది. జాతీయ బాలికా హక్కుల పరిరక్షణ కమిషన్ వర్మకు వెంటనే నోటీసు పంపింది. మైనర్ బాలికల పట్ల ఇలాంటి వివక్షాపూరిత ప్రకటన చేయడానకి కారణాలను, ఆయన ఉద్దేశాలను రెండురోజల్లో వివరించాలని కోరుకూ కమిషన్ ఆదేశించింది. 

కానీ కాంగ్రెస్ మాత్రం వర్మ మాటలకు మద్దతుగా నిలిచినట్లు వ్యాఖ్య చేసింది. మహిళల వివాహ వయస్సును 21 సంవత్సరాలకు పెంచాలంటూ మధ్యప్రదేశ్ ముఖ్యమంత్రి డిమాండ్ చేయడానికి ముందు ఆయన ఏదైనా నిర్దిష్ట పరిశోధన చేశారా.. సీఎం స్థాయి వ్యక్తి ఇలాంటి వ్యాఖ్యలు చేయడం వల్ల మీడియా దృష్టికి రావడం తప్ప ఒరిగేదేమీ ఉండదు అంటూ కాంగ్రెస్ నేత భూపేందర్ గుప్తా చెప్పారు. తన ప్రెస్ కాన్పరెన్సులో వర్మ  కూడా ఉండటం గమనార్హం.

సంచలన వ్యాఖ్యలు చేయడంలో బీజేపీ ఎంపీ సాక్షి మ‌హారాజ్ తర్వాతే ఎవరైనా.. ఇప్పటికే చాలా సార్లు ఆయన తన నోటికి పని చెప్పి వార్తల్లో నిలిచారు. కొన్ని కొన్ని సార్లు భారతీయ జనతా పార్టీ మీద తీవ్ర వ్యతిరేకత రావడానికి కారణం అయ్యారు. దీంతో బీజేపీ అధిష్టానం ఆయన్ను సైలెంట్ గా ఉండమని చెప్పడంతో మునుపటిలా మరీ అంత పెద్ద వివాదాస్పద వ్యాఖ్యలు చేయడం లేదు. తాజాగా మాత్రం ఆయన కొన్ని సంచలన వ్యాఖ్యలు చేశారు. 

అదేమిటంటే బీజేపీకి ఎంఐఎం అధినేత‌, హైద‌రాబాద్ ఎంపీ అస‌దుద్దీన్ ఒవైసీ పరోక్షంగా సాయం చేస్తున్నారని..! భారతీయ జనతా పార్టీ, ఆ పార్టీ విధి విధానాలు ఎంఐఎం పార్టీకి ఏ మాత్రం సరితూగవని అందరికీ తెలిసిందే. ఎప్పుడు చూసినా భారతీయ జనతా పార్టీ మీద ఎంఐఎం నేతలు ఆరోపణలు చేస్తూ వస్తుంటారు. ఇక బీజేపీ నేతలు కూడా ఎంఐఎంకు కౌంటర్లు వేస్తూ ఉంటారు. భారతీయ జనతా పార్టీ నుండి దేశాన్ని విముక్తి చేయాలని ఆరోపణలు చేసే ఎంఐఎం నేత అసదుద్దీన్ ఒవైసీ అదే పార్టీకి ఎలా సహాయం చేస్తున్నారా అనే ప్రశ్న మన మదిని తొలచి వేస్తుంది. అది నిజమేనని యూపీలోని ఉన్నావో ఎంపీ సాక్షి మ‌హారాజ్ చెబుతూ ఉన్నారు. 

ప్రతి సారీ వివాదాస్ప‌ద వ్యాఖ్య‌లు చేస్తూ వార్త‌ల్లో నిలిచే సాక్షి మహారాజ్ ఈసారి లాజిక్ తో మాట్లాడారు. ప‌శ్చిమ బెంగాల్ అసెంబ్లీ ఎన్నిక‌ల గురించి మాట్లాడుతూ గత ఉదాహరణల గురించి కూడా చెప్పుకొచ్చారు. ఎంఐఎం వ‌ల్లే బీజేపీ బీహార్‌లో ఓట్లు చీల్చి అత్య‌ధిక స్థానాలు గెలుపొందింద‌ని.. ఇప్పుడు ప‌శ్చిమ‌ బెంగాల్‌ ఎన్నిక‌ల్లోనూ ఒవైసీ పార్టీ పోటీ చేస్తుంద‌ని, అక్క‌డ కూడా త‌మ పార్టీ బీజేపీ గెలుపున‌కు ఒవైసీ సాయం చేయ‌బోతున్నార‌ని అన్నారు. నిజంగా ఇదొక అద్భుతమైన లాజిక్ అని ఆయన ఫాలోవర్లు చెబుతూ ఉన్నారు.  ఉత్త‌ర‌ప్ర‌దేశ్ ఎన్నిక‌ల్లోనూ పోటీ చేయ‌డానికి ఎంఐఎం సిద్ధ‌మ‌వుతోంది. ఎంఐఎం పోటీ చేసి ఓట్లు చీల్చుతూ బీజేపీకి ప‌రోక్షంగా స‌హ‌క‌రిస్తోంద‌ని కాంగ్రెస్ ఆరోప‌ణ‌లు చేస్తోంది. ఇప్పటికే పలు రాష్ట్రాల్లోని ముస్లిం ఓటర్లు ఎక్కువగా ఉన్న ప్రాంతాల్లో ఎంఐఎం పోటీ చేస్తోంది. తమిళనాడు ఎన్నికల్లో కూడా ఎంఐఎం పోటీ చేసే అవకాశాలు ఎక్కువగా ఉన్నాయి. 

రైతు ఆందోళనలకు హర్యానాయే కేంద్ర స్థానంగా ఉంటోంది అని ఆ రాష్ట్ర ముఖ్యమంత్రి మనోహర్ లాల్ కట్టర్ తేల్చిచెప్పారు. కేంద్రప్రభుత్వం తీసుకొచ్చిన నూతన సాగు చట్టాల అమలుపై స్టే విధిస్తూ సుప్రీంకోర్టు తీర్పు ఇచ్చిన తర్వాత అదరాబాదరాగా హోమంత్రి అమిత్ షాను కలిసిన ఖట్టర్ రైతులు ఇక ఇంటికెళ్లవచ్చు అని సంచనల ప్రకటన చేశారు. 

కాగా సుప్రీంకోర్టు తీర్పు అనంతరం భారతీయ జనతా పార్టీ సీనియర్ నేతలు శాంతి భద్రతలపై సమీక్షించారు. ఈ చర్చలో భాగంగానే రైతుల ఆందోళనకు కేంద్రస్థానంగా హర్యానా నిలుస్తోందని ఖట్టర్ పేర్కొన్నారు.

కేంద్ర ప్రభుత్వ సాగు చట్టాలపై సుప్రీకోర్టు స్టే విధించి రైతు సమస్యల పరిష్కారానికి ఒక కమిటీని నియమించింది. అమిత్ షాతో భేటీ సందర్భంగా అన్ని అంశాలూ చర్చించాము. జనవరి 26న రిపబ్లిక్ డే జాతీయ ఉత్సవం కాబట్టి ఆ కార్యక్రమాలు సజావుగా జరగాలి. జనవరి 26 గణతంత్ర దినోత్సవం శాంతియుతంగా జరుగుతుందని రైతులు స్వయంగా ప్రెస్ కాన్ఫరెన్సులో హామీ ఇచ్చారు. కాబట్టి వారు తమ ఆందోళనను విరమించుకుని ఇంటికి వెళతారని ఆశిస్తున్నాం అని ఖట్టర్ చెప్పారు.

ఇప్పుడు బంతి కేంద్రం చేతిలో కాదు.. సుప్రీంకోర్టు చేతిలో ఉంది. ఉన్నత న్యాయస్థానం ఏ నిర్ణయం తీసుకున్నా అది అందరికీ ఆమోదయోగ్యంగా ఉంటుంది అని ఖట్టర్ పేర్కొన్నారు.

మరోవైపున సుప్రీంకోర్టు తీర్పు తర్పాత కూడా తాము నిరసన ప్రదర్శనలను ఆపివేయబోమని రైతు నిరసనకారులు తే్ల్చి చెప్పారు. మూడు వ్యవసాయ చట్టాలను సస్పెండ్ మాత్రమే చేశారు కానీ వాటిని ఇంకా రద్దు చేయలేదన్నారు. సుప్రీంకోర్టు నియమించిన కమిటీ సభ్యులందరూ ప్రభుత్వ అనుకూలురే కాబట్టి అలాంటి కమిటీని దాని నిర్ణయాలను ఆమోదించే ప్రసక్తే లేదని రైతు నేతలు తేల్చి చెప్పారు.

దేశంలోని యువత రాజకీయాల్లో అడుగుపెట్టకపోతే వారసత్వ రాజకీయాలు ఇంకా రాజ్యమేలుతూనే ఉంటాయని ప్రధాని నరేంద్రమోదీ హెచ్చరించారు. వారసత్వ రాజకీయాలను కుటుంబాల్లోనే కొనసాగిస్తున్న వారికి చట్టంపై  గౌరవం కానీ, భయం కానీ ఏమాత్రమూ ఉండవని అదే అన్ని రకాల అవినీతికి మూలం అవుతోందని ప్రధాని పేర్కొన్నారు.

కేంద్ర యువజన వ్యవహారాల శాఖ, లోక్‌సభ సచివాలయం సంయుక్తంగా పార్లమెంట్‌ సెంట్రల్‌ హాల్లో నిర్వహించిన రెండో జాతీయ యువజన పార్లమెంట్‌ ఉత్సవాల ముగింపు సమావేశంలో ప్రధాని మోదీ ప్రసంగించారు. వారసత్వ రాజకీయాలపై తీవ్రంగా విమర్శించారు. తమ సొంత కుటుంబాలలో వారసత్వ ఉదాహరణలను కొందరు చూస్తారనీ, అందువల్ల వారికి చట్టంపై గౌరవం గానీ భయం గానీ ఉండదు అని మోదీ చెప్పారు.

దేశంలో రాజకీయ సంస్కృతిని కాపాడాలంటే యువత పెద్ద ఎత్తున రాజకీయాల్లోకి రావాలని ప్రధాని నరేంద్రమోదీ పిలుపునిచ్చారు. వారసత్వ రాజకీయాలు ప్రజాస్వామ్యానికి అతి పెద్ద శత్రువని, వాటి అసమర్థత దేశానికి భారం అవుతుందని మోదీ హెచ్చరించారు. వారసత్వ రాజకీయాల అసమర్థత, చేతకానితనం నియంతృత్వానికి కొత్త రూపం ఇస్తుందని, దీన్ని అరికట్టడానికే యువత రాజకీయాల్లోకి రావాలని ప్రధాని పిలుపునిచ్చారు

ప్రధాని ఏ పార్టీ పేరు ప్రస్తావించకపోయినప్పటికీ.. గతంలో కాంగ్రెస్‌ సహా ప్రతిపక్ష పార్టీలపై ఇలాంటి విమర్శలే చేశారు. వారసత్వ రాజకీయాలు కూడా దేశంలో రాజకీయ, సామాజిక అవినీతి వెనుక దాగిన పెద్ద కారణాల్లో ఒకటి అని పేర్కొన్నారు. 

వారసత్వ రాజకీయాలు ప్రజాస్వామ్యంలో కొత్త నియంతృత్వానికి దారితీస్తాయన్నారు. అన్నిటికంటే దేశం ముందు అనే భావనకు బదులుగా నేను, నా కుటుంబం అనే సెంటిమెంట్‌ను ఈ రాజకీయాలు బలోపేతం చేస్తాయి అని మోదీ హెచ్చరించారు. 

యువభారతం మార్పుకు వాహికలుగా మారాలని మోదీ పిలుపునిచ్చారు. ఈ పరిస్థితిని మార్చాల్సిన బాధ్యత యువతమీదే ఉందన్నారు. భారత్ కోసం పనిచేయాలనే భావనతో యువత రాజకీయాల్లోకి పెద్ద ఎత్తున రావాలని మోదీ పిలుపునిచ్చారు. సామాన్య ప్రజలు రాజకీయాల్లో భాగం కాకపోతే వారసత్వ రాజకీయాల సంస్కృతి కొనసాగుతూనే ఉంటుందని మోదీ హెచ్చరించారు.

ఏరా అబ్బాయ్.. క్లాస్ లో ఫ‌స్ట్ వ‌చ్చిన‌వ్ గా..

ఆ వ‌చ్చాలే న‌న్నారూ.. క‌రోనా టైం క‌దా.. ఏదో క‌లిసొచ్చింది.

స‌రె స‌రెలే.. మొత్తానికైతే ఫ‌స్టే వ‌చ్చావ్ గా

ఆ ఆ.. శాటిస్ఫాక్ష‌న్ ఉన్నా లేకున్నా.. నేనే ఫ‌స్టు మ‌రి

శాటిస్ఫాక్ష‌న్ ది ఏముందిరా అబ్బాయ్.. ఫ‌స్ట్ అంటే ఫ‌స్టే.. అందుల త‌ప్పేముంది.

అవును న‌న్నారూ.. ఫ‌స్టే వ‌చ్చా. 

మ‌రి పార్టీ చేసుకుంటున్న‌వా లేదా.. పైస‌ల్ కావాలా.

వ‌ద్దులెండి నాన్నారూ..

మ‌రి బండి బండి అంటున్న‌వ్ క‌దా.. కొన‌మంటావా ఏంటి.

వామ్మో వద్దు నాన్నోయ్.. 

ఏరా.. బండి వ‌ద్దు అంటావేంటి

నాన్నార‌యో.. నీకు దండాలండ‌యో.. నా బ‌తుకు న‌న్ను బ‌త‌క‌నీ.. ఆ డొక్కు సైకిల్ మీద‌నే రింగులు కొట్టుకుంట తిరుగుతా కానీ.. నాకా బండీ వ‌ద్దు గిండీ వ‌ద్దు నీకు దండాలు పెడ‌తా.

ఏంట్రా అబ్బాయ్.. మొన్న‌నే గర్ల్ ఫ్రెండ్ కూడా ఓకే చెప్పిందంట క‌దా. నాక్కూడా తెలిసిందేలే. ఎంచ‌క్కా బండేసుకుని తిరగొచ్చు క‌దా. కొనుక్కో.. మంచి 200 సీసీ బండేదైనా చూసుకో.. లేదంటే 250 సీసీ అయినా ప‌ర్లేదు. కొనేద్దాం. పైస‌లొచ్చిన‌య్. 

250 వ‌ద్దు.. 200 వ‌ద్దు. నా సైకిలేదో నేనేసుకుని పోతా. కావాల్నంటె ఒక కొత్త సైకిల్ కొనిపెట్టు.. కాలేజీకి ఏంచ‌క్కా మేఘాల్లో తేలిపోతా. 

అదేంట్రా .. బండిమీద పిల్ల‌నేసుకుని ఊరంతా జాలీగా తిర‌గరా.. సినిమాల‌కీ గ‌ట్రా పోరా అంటే.. సైకిల్ ఏసుకుని పోతా.. గిర్రు గిర్రున తిరుగుతా అంట‌వ్. మా రోజుల్లో బండ్లు లేక ఎంత ఇన్స‌ల్ట్ ఫీల‌య్యామో మాకు తెలుసు. ఇప్పుడు అందుకే.. నీకు ఆ బాధ లేకుండా చూడాల‌ని చూస్తున్నా.. ఏం ప‌ర్లేదు బండేసుకుని పో. కొనిపెడ‌తా.

బాబూ నాన్న‌గారూ.. నీకు డ‌బ్బులెక్కువైతే.. ఆన్ లైన్ లో పేకాట ఆడుకో.. లేదంటే ఏ గ్యాంబ్లింగో చేసుకో.. త‌ప్పో ఒప్పో పోలీసులు ఊసుకుంటారు. నాకు మాత్రం బండి కొనీ మాక‌.

ఏరా.. ఎందుక‌ట్టా ఫిక్స్ అయ్యావ్. పిల్ల బండెక్క‌న‌న్న‌దా.

పిల్ల బండెందుకు ఎక్క‌దు. ఊరంతా వంద సార్లు తిర‌గ‌మ‌న్నా తిరుగుద్ది. కానీ.. ఆమెను తిప్ప‌డానికి బండొక్క‌టి ఉంటే స‌రిపోద్దా. పెట్రోల్ పొయ్యాలి క‌దా నాన్నారూ.. 

అదేంట్రా ..పాకెట్ మనీ ఇస్తాగా.. పోయించుకుని పో.. 

నువ్విచ్చే పాకెట్ మ‌నీతో.. ఐస్ క్రీమ్ పార్ల‌ర్ కి వంద సార్లు తిర‌గొచ్చు.. బిర్యానీలు గ‌ట్రా బిర్రుగ తినొచ్చు.. పిజ్జాలు బ‌ర్గ‌ర్ ల‌తో  కూడా ఎంజాయ్ చేయొచ్చు. నా పిల్ల‌ని షాపింగులు కూడా చేయించొచ్చు. కానీ.. ఈ పెట్రోల్ పోయించ‌డం వీలు కాదు నాన్నారూ. 

అదేంట్రా అట్టా అంట‌వ్. అంత పెరిగిందా.

పెరిగిందా ఏంది. 91 రూపాయ‌లుంది లీట‌రు. నువ్వు కొనిచ్చే బండి 30 కిలోమీట‌ర్లు వ‌స్త‌ది. అంటే.. 30 కిలోమీట‌ర్ల‌కి లీట‌ర్ చొప్పున 91 రూపాయి అంటే.. కిలోమీట‌ర్ కి మూడు రూపాయ‌లు. కాలేజీకి పోయి.. పిల్ల‌తో బైక్ పై షికారుకి పోతే.. రోజూ అలా తిరిగితే ఏం జ‌రుగుద్దో తెలుసా. మంచిగ ఆటోలోనో సైకిల్ మీద‌నో పోతే.. మంచి మంచి గిఫ్టులు కొనిస్తున్న‌డు అనుకుంటుంది. నాకా బండీ వ‌ద్దు.. ఆ పెట్రోల్ క‌ష్టాలూ వ‌ద్దు. మీకో దండం పెడ‌తా.. న‌న్నిట్టా వ‌దిలెయ్.. నువ్వు సైకిల్ కొనియ్య‌క‌పోయినా ప‌ర్లేదు. ఆ డొక్కు సైకిల్ నే మ‌ళ్లీ రిపేర్ చేసుకుంటా.. లేదంటే.. వెయిట్ లెస్ చెప్పులు కొనుక్కుని.. స‌ర‌దాగా నా పిల్ల‌తో రొమాంటిక్ వాకింగ్ కి వెళ్తాం. అది న‌య్యం. మీకో దండం. ఉంటా మ‌రి. కాలేజ్ లు ఓపెన్ అవుతున్న‌య్ అంట‌. అట్ట పొయ్యొస్త‌.

అన్ని పండుగ‌లు వేరు సంక్రాంతి వేరు. అన్ని సంక్రాంతులు వేరు ఈ సంక్రాంతి వేరు. ఎందుకంటే.. ఎప్ప‌టిలాగే జ‌ర‌గ‌డం లేదు అ సంక్రాంతికి. అన్ని సార్లు.. కోడి పందాలు.. ముగ్గులు.. పిండివంట‌ల‌తో బిజీ బిజీగా ఉంటుంది. ఏ టీవీ చూసినా ఏ వార్త చూసినా.. కోడి పందాలు.. డ‌బ్బులు చేతులు మార‌డాలు.. ముగ్గుల పోటీలు.. మ‌హిళ‌ల సంద‌డి గురించే ఉంటుంది. కానీ ఈ సారి మాత్రం అలా కాదు. కోవిడ్ వ్యాక్సిన్.. కరోనా టీకా.. ఢిల్లీకి చేరిందంట‌. హైద‌రాబాద్ వ‌చ్చిందంట‌.. జిల్లా కేంద్రాల‌కు వ‌స్తుందంట‌. విజ‌య‌వాడ నుంచి మ‌న ఊరికి కూడా వ‌స్తుందంట‌. ముందుగా వేసేది క‌రోనా వారియ‌ర్స్ కే న‌ట‌. ఇలా ఎన్నో వింటున్నాం. చూస్తున్నాం.

ఇక అధికారులు కూడా అంతే. పండ‌గ అనేదేం పట్టించుకునే సిచ్చువేష‌న్ లో లేరు. వ్యాక్సిన్ భ‌ద్ర‌త ఏంటి.. ఎన్ని బాక్సులు వ‌చ్చాయి. ఎంత‌మంది సెక్యూరిటీని పెట్టాలి. అస‌లు ఏ ఎయిర్ కండిష‌న్ లో ఉంచాలి. డాక్ట‌ర్లు అందుబాటులో ఉంటున్నారా లేదా. వ‌ర‌ల్డ్ హెల్త్ ఆర్గ‌నైజేష‌న్ వాళ్ల‌తో మాట రాకుండా చూసుకోవాలి. స‌ర్కార్ తో తిట్లు తిన‌కుండా జాగ్ర‌త్త ప‌డాలి. స‌స్పెండ్ లు గ‌ట్రా అయితే చాలా ఇరిటేష‌న్ ఉంటుంది అంటూ.. ఆఫీస‌ర్లు కూడా చాలా కేర్ తీసుకుంటున్నారు. పూణే సీర‌మ్ ఇన్ స్టిట్యూట్ నుంచి క‌రోనా వ్యాక్సిన్ వ‌చ్చేసింది. ఆల్రెడీ హైద‌రాబాద్, విజ‌య‌వాడ‌కు చేరుకుంది. అక్క‌డి నుంచి జిల్లా కేంద్రాల‌కు వ‌స్తుంది ఇవ్వాళ‌. రేపు ఎళ్లుండి లోగా ఏర్పాట్లు చేస్తే.. 16 న అంద‌రికీ వ్యాక్సిన్ వేయాలి అని లెక్క‌లేస్తున్నారు ఆఫీస‌ర్లు. 

సో.. పండ‌గ వెళ్లిన తెల్లారే వ్యాక్సిన్ వేయాలి కాబ‌ట్టి.. పండ‌గ రోజుల్లో అధికారులు పండ‌గ చేసుకుంటాం అంటే కుద‌ర్దు. అన్నీ చ‌క్క‌బెట్టాలి. సిబ్బందిని రెడీ చేయాలి. అంతా సెట్ రైట్ చేయాలి. ఇక తెలంగాణ సీఎం కేసీఆర్ అయితే.. ప్ర‌జా ప్ర‌తినిధులు కూడా ప‌క్క‌నే నుంచోవాలి అని ఆర్డ‌ర్స్ చేశారు. ఆఫీస‌ర్ల‌తో క‌లిసి.. వ్యాక్సిన్ వేసే ప్రాసెస్ ను అబ్జ‌ర్వ్ చేయాలని.. ముందుండి న‌డిపించాలి అని ఆర్డ‌ర్స్ చేశారు. అటు ఏపీలో ఇలాంటి ఆర్డ‌ర్స్ ఏం లేకున్నా.. అక్క‌డి ప్ర‌జాప్ర‌తినిధులు కూడా హ‌డావిడిగానే ఉన్నారు. వీలైనంత‌లో లోక‌ల్ గా మాట రాకుండా చూసుకుంటున్నారు.

మానవులకు బర్డ్ ఫ్లూ సోకుతున్న ఉదంతాలకు శాస్రీయంగా ఆధారాలు లేవని కేంద్ర పశుసంవర్థక మంత్రి గిరరాజ్ సింగ్ పేర్కొన్నారు. వినియోగదారులు అనవసరంగా భయాందోళనలకు గురికావద్దని సూచించారు.

ఈ నేపధ్యంలో రాష్ట్ర ప్రభుత్వాలు హోల్ సేల్ మార్కెట్లను మూసివేయడం లేక పౌల్ట్రీ ఉత్పత్తులపై ఆంక్షలు విధించవద్దని కేంద్రమంత్రి సూచించారు. జాతీయ రాజధాని ఢిల్లీ వెలుపలనుంచి ప్రాసెస్ చేసిన, ప్యాకేజి చేసిన చికెన్‌పై నిషేధం విధిస్తూ ఢిల్లీ ముఖ్యమంత్రి అరవింద్ కేజ్రీవాల్ నిర్ణయించిన నేపథ్యంలో మంత్రి దానికి వ్యతిరేకంగా స్పందించడం విశేషం.

ఢిల్లీలోని ఘాజీపూర్ పౌల్ట్రీ మార్కెట్‌ను మూసివేయాలని డిల్లీ ప్రభుత్వం తీసుకున్న నిర్ణయంపై మంత్రి ఆందోళన వ్యక్తం చేశారు. బర్డ్ ఫ్లూ మనుషులకు సంక్రమిస్తుందని శాస్త్రీయ, సాంకేతిక కారణాలు లభ్యమైనట్లయితే అలాంటి నిర్ణయాన్ని ప్రభుత్వాలు తీసుకోవచ్చని అలాంటివేవీ లేకుండా నిషేధాలు విధిస్తే పౌల్ట్రీ రైతులే కాకుండా మొక్కజొన్న రైతులు కూడా దెబ్బతింటారని కేంద్ర మంత్రి చెప్పారు.

కాగా దేశంలోని పది రాష్ట్రాల్లో బర్డ్ ఫ్లూ వ్యాపించినట్లు కేంద్ర ప్రభుత్వం నిర్ధారించింది. ఇప్పటికి కేరళ, రాజస్తాన్, మధ్యప్రదేశ్, హిమాచల్ ప్రదేశ్, హర్యానా, గుజరాత్, ఉత్తరప్రదేశ్, ఢిల్లీ, ఉత్తరాఖండ్, మహారాష్ట్ర లకు బర్డ్ ఫ్లూ వ్యాపించినట్లు కేంద్ర ప్రభుత్వం పేర్కొంది.

బర్డ్ ఫ్లూ నేపథ్యంలో హిమాచల్ ప్రదేశ్ కూడా ఇతర రాష్ట్రాలనుంచి వచ్చే పౌల్ట్రీ ఉత్పత్తులను నిషేధించడం గమనార్హంయ

నీటిలోనివసించే జంతువులు, పక్షుల మార్కెట్లు, జూలు, పౌల్ట్రీ ఫామ్‌లు మొదలైన చోట్ల నిఘా పెంచాలని రాష్ట్రాలను, కేంద్రపాలిత ప్రాంతాలను కేంద్ర ప్రభుత్వం అభ్యర్థించింది.

మంగళవారం భారత్ ఒక చారిత్రాత్మక క్షణానికి నాంది పలికింది. మంగళవారం తెల్లవారు జామున దేశ చరిత్రలో ఒక కీలక పరిణామం సంభవించింది. అతితక్కువ కాలంలో కరోనా వ్యాక్సిన్ కోవిషీల్డ్‌ను అభివృద్ధి చేసిన సీరం ఇన్‌స్టిట్యూట్ మంగళవారం తొలి విడత టీకా సరఫరా ప్రారంభించంది.

పుణెలోని తయారీ కేంద్రం నుంచి వ్యాక్సిన్‌ డోసుల్ని మూడు ప్రత్యేక ట్రక్కుల ద్వారా పంపించింది. కట్టుదిట్టమైన భద్రత నడుమ వీటిని పుణె విమానాశ్రయానికి తరలించారు. అక్కడి నుంచి దేశంలోని వివిధ ప్రాంతాలకు ఉదయం 10 గంటలకల్లా సరఫరా చేయనున్నారు. తెలుగు రాష్ట్రాలకు కూడా మధ్యాహ్నం 12 లోపు తొలి కార్గొ విమానం కరోనా టీకాలతో చేరుకోనుంది.

తొలి విడత డోసులు పుణె నుంచి ఢిల్లీ, అహ్మదాబాద్‌, కోల్‌కతా, చెన్నై, బెంగళూరు, కర్నాల్‌, హైదరాబాద్‌, విజయవాడ, గువాహటి, లఖ్‌నవూ, చండీగఢ్‌, భువనేశ్వర్‌కు చేరనున్నట్లు సమాచారం. ఇందుకోసం మొత్తం 8 ప్రత్యేక వాణిజ్య, 2 కార్గో విమానాలను వినియోగించుకోనున్నట్లు తెలుస్తోంది.

తొలి కార్గో విమానం హైదరాబాద్‌, విజయవాడ, భువనేశ్వర్‌కు రానుండగా.. మరొకటి కోల్‌కతా, గువాహటికి వెళ్లనున్నట్లు కరోనా పంపిణీతో సంబంధమున్న ఓ అధికారి తెలిపారు. ముంబయికి రోడ్డుమార్గం ద్వారా వ్యాక్సిన్‌ డోసులను సరఫరా చేయనున్నట్లు సమాచారం. స్పైస్‌జెట్‌కు చెందిన విమానాల్ని టీకా రవాణా కోసం వినియోగిస్తున్నట్లు ఆ సంస్థ మేనేజింగ్‌ డైరెక్టర్‌ అజయ్‌ సింగ్‌ తెలిపారు.

కోవిషీల్డ్ రవాణా కోసం జీపీఎస్‌ సౌకర్యమున్న ట్రక్కులను వినియోగించారు. మొత్తం 478 బాక్సుల్లో టీకాలను భద్రంగా ఉంచినట్లు అధికారులు తెలిపారు. ఒక్కో బాక్సు బరువు దాదాపు 32 కిలోలు ఉంటుందని సమాచారం.

ఈ నెల 16 నుంచి దేశవ్యాప్తంగా వ్యాక్సినేషన్‌ ప్రక్రియ ప్రారంభం కానున్న సంగతి తెలిసిందే. అందుకు శరవేగంగా ఏర్పాట్లు ప్రారంభమవుతున్నాయి. ఇందులో మూడు కోట్ల మంది ఆరోగ్య సిబ్బంది, ఫ్రంట్‌లైన్‌ వర్కర్లకు మొదటి ప్రాధాన్యత ఇస్తారు. ఆ తర్వాత.. 50 ఏళ్లు పైబడినవారికి, ఆరోగ్య సమస్యలున్న 50 ఏళ్లలోపు వారికి టీకా‌ వేస్తారు.

దేశంలో తొలివిడతలో మూడు కోట్ల మంది కరోనా యోధులకు వ్యాక్సిన్‌ ఇచ్చేందుకయ్యే ఖర్చును కేంద్ర ప్రభుత్వమే భరిస్తుందని ప్రధాని నరేంద్ర మోదీ ప్రకటించారు. మరోవైపు భారత్‌ బయోటెక్‌ కూడా తన టీకాలను నేరుగా 12 రాష్ట్రాలకు సరఫరా చేయనుంది. ఈ ప్రక్రియ మంగళవారం ప్రారంభమై, రెండు రోజుల్లో ముగియనుందని సంబంధిత అధికారులు తెలిపారు.

కేంద్రప్రభుత్వం ఇప్పటికే 1.01 కోట్ల కోవిషీల్డ్ డోసులను కొనుగోలు చేసింది. ఏప్రిల్ నెలనాటికి ఒక్కొక్కటి రూ. 200ల చొప్పున 5.60 కోట్ల డోసులను కొనడానికి ప్రభుత్వం ప్రయత్నాలు ప్రారంభించింది. మరో ఆరునెలల్లోపు 30 కోట్లమంది ప్రజలకు కరోనా టీకాలు ఇవ్వాలని భారత ప్రభుత్వం సంకల్పించింది. ఇది ప్రపంచంలో కెల్లా అతి పెద్ద వ్యాక్సినేషన్ కార్యక్రమం కావడం విశేషం.

అమెరికా అమెరికా అంటాం కానీ.. అక్క‌డ ఏం జ‌రిగినా ప్ర‌పంచం అంతా టెన్ష‌న్ ప‌డ‌క త‌ప్ప‌దు. ఈ అమెరికాలో కానీ అల్ల‌ర్లు జ‌రిగితే మామూలుగా ఉండ‌దు. మామూలు జ‌నాలు కూడా గ‌న్నులు తీసి.. టుప్పూ టుప్పూ మ‌ని కాలుస్తుంటారు. అదో గ‌న్ క‌ల్చ‌ర్.. దాన్ని ఎవ‌రూ ఏం చేయ‌లేరు. ఇప్పుడు గ‌న్ క‌ల్చ‌ర్ ఇంకా పెరిగింది. అల్ల‌ర్లు జ‌రిగితే.. జ‌నం అంతా రోడ్ల‌పై ప‌డ‌తారు. మ‌నవాళ్లైతే సింపుల్ గా ధ‌ర్నాలు ర్యాలీలు చేస్తారు. కానీ అమెరికాలో అలా కాదు. షాపులపై బిల్డింగుల‌పై మాల్స్ పై ప‌డ‌తారు. ప‌గుల గొడ‌తారు.. కార్లు ధ్వంసం చేయ‌డం.. లూఠీలు చేయ‌డం.. అబ్బో ఎన్ని సార్లు చూశాం. 

ఇప్పుడు కూడా అదే ప‌రిస్థితి క‌నిపిస్తోందంట‌. వ‌చ్చే 20 న కొత్త అధ్య‌క్షుడిగా బైడెన్ ప్ర‌మాణ స్వీకారం చేయ‌నున్నారు. దీంతో ఎఫ్ బీ ఐ అన్ని జాగ్ర‌త్త‌లూ తీసుకుంటోంది. అమెరికా రాజ‌ధానిలో వాషింగ్ట‌న్ లో అల్ల‌ర్లు జ‌రిగే ప్ర‌మాదం ఉంద‌ని.. ఎమ‌ర్జెన్సీ విధించాల‌ని ప్ర‌సిడెంట్ ను కోరింది ఎఫ్ బీ ఐ. దీంతో.. అమెరికా అధ్య‌క్షుడు బైడెన్.. ఎమెర్జెన్సీ విధించారు. ఇక అమెరికాలోని అన్ని రాష్ట్ర‌ల రాజ‌ధానుల్లో కూడా అల్ల‌ర్లు జ‌రిగే అవ‌కాశాలు ఉన్నాయ‌ని.. ఎఫ్ బీ ఐ రిపోర్ట్ ఇచ్చింది.

ఇక కేంద్రం కూడా అన్ని ర‌కాలుగా అల‌ర్ట్ అయింది. ఆఫీస‌ర్లు అంతా హ‌డావిడిగా ఉన్నారు. ఎలాంటి అల్ల‌ర్లు జ‌ర‌క్కుండా జాగ్ర‌త్త చ‌ర్య‌లు తీసుకుంటున్నారు. మొన్న క్యాపిట‌ల్ భ‌వ‌నంపై దాడి త‌ర్వాత ప‌రిస్థితులు మారాయి క‌దా. బైడెన్ ప్ర‌మాణ స్వీకారానికి పెద్ద ఎత్తున అల్ల‌ర్లు జ‌రుగుతాయి అనేది అక్క‌డి వారి లెక్క‌. వారిని ట్రంపే రెచ్చ గొడుతున్నారు అనే ఆరోప‌ణ‌లు కూడా ఉన్నా.. త‌నే అధ్య‌క్షుడు కాబ‌ట్టి.. అఫీషియ‌ల్ గా అడ్డుకునే నిర్ణ‌యాలు కూడా త‌నే తీసుకోవాలి. దీంతో ఆఫీస‌ర్ల‌పై ప్రెజ‌ర్ బానే ఉంది. అయినా స‌రే.. అమెరికా లెక్క‌లు వేరే క‌దా. మ‌న హాలీవుడ్ సినిమాల్లో యాక్ష‌న్ సీన్స్ ఎలా ఉంటాయో.. రియాల్టీలో కూడా అలాగే ఉంటుంది. ఎవ్వారం. అందుకే.. ఆఫీస‌ర్లు రెడీ అవుతున్నారు. ఏ మాత్రం తేడా వ‌చ్చినా.. రంగంలోకి దిగేందుకు అన్ని రాష్ట్రాల రాజ‌ధానుల్లో రెడీగా ఉన్నారు. ముఖ్యంగా వాషింగ్ట‌న్ డీసీపై ఫుల్ గా ఫోక‌స్ చేశారు. దేశం మొత్తంలో.. సిబ్బందిని అల‌ర్ట్ చేసి.. జ‌ర‌గ‌బోతున్న అల్ల‌ర్ల‌ని అడ్డుకునేందుకు ప్ర‌య‌త్నిస్తున్నారు. ఆస్తుల ధ్వంసం.. ప్రాణ న‌ష్టం కూడా ఉంటుంద‌నే భ‌యంతో.. ముందే ప్రిపేర్ అవుతున్నారు అమెరికా ఆఫీస‌ర్లు.

జనవరి 16 నుంచి దేశవ్యాప్తంగా చేపడుతున్న వ్యాక్సినేషన్ ప్రారంభ దశలో రాజకీయ నేతలు, ప్రజాప్రతినిధులు పాల్గొనవద్దని ప్రధాని నరేంద్ర మోదీ సూచించారు. తొలిదశలో కరోనా టీకాను 3 కోట్లమందికిపైగా ఆరోగ్య సంరక్ష

మ సిబ్బందికి, ఫ్రంట్ లైన్ వర్కర్లకు మాత్రమే అందిస్తామని, ఇందుకయ్యే ఖర్చును కూడా కేంద్రప్రభుత్వమే భరిస్తుందని ప్రధాని పేర్కొన్నారు. తొలి దశలో హెల్త్‌కేర్, ఫ్రంట్‌లైన్‌ వర్కర్లు మినహా ఇతరులు ఈ కార్యక్రమంలో పాలుపంచుకోవద్దని మోదీ కోరారు.

సోమవారం రాష్ట్రాల సీఎంలతో వీడియో కాన్ఫరెన్స్‌ ద్వారా సమావేశమైన ప్రధాని మోదీ కరోనా తాజా పరిస్థితి, వ్యాక్సినేషన్‌ ఏర్పాట్లపై చర్చించారు. భారత్‌లో కొన్ని నెలల్లోనే 30 కోట్ల మందికిపైగా ప్రజలకు ఈ టీకా ఇస్తామని వెల్లడించారు.

వ్యాక్సిన్‌ అంశంలో సైంటిస్టుల మాటే చివరి మాట అని తాను మొదటినుంచీ చెబుతూనే ఉన్నానని ప్రధాని గుర్తుచేశారు. ప్రజలకు సమర్థవంతమైన వ్యాక్సిన్‌ ఇచ్చేందుకు సైంటిస్టులు అన్ని రకాల చర్యలు తీసుకుంటున్నారని తెలిపారు. ఇప్పటికే దేశంలో ఉపయోగానికి అనుమతి లభించిన కోవిషీల్డ్, కోవాగ్జిన్‌తోపాటు మరో నాలుగు కరోనా వ్యాక్సిన్లు అనుమతుల కోసం ఎదురుచూస్తున్నాయని మోదీ వివరించారు.

మహమ్మారిపై పోరాటంలో మనం ముందంజలో ఉన్నప్పటికీ అజాగ్రత్త ఏమాత్రం పనికిరాదని మోదీ హెచ్చరించారు. కరోనా వ్యాక్సినేషన్‌పై వదంతులు వ్యాప్తి చెందకుండా చర్యలు తీసుకోవాలని రాష్ట్రాలకు సూచించారు. ప్రామాణికమైన ప్రొటోకాల్‌ ప్రకారం అందరికీ టీకా ఇస్తారని, తమ వంతు వచ్చేవరకు వేచి చూడాలని విజ్ఞప్తి చేశారు.

తొలి దశలో ఆరోగ్య సంరక్షణ సిబ్బందితోపాటు పారిశుధ్య కార్మికులు, పోలీసులు, పారామిలటరీ సిబ్బంది, హోంగార్డులు, విపత్తు నిర్వహణ స్వచ్ఛంద కార్యకర్తలు, సైనిక జవాన్లు, సంబంధ రెవెన్యూ సిబ్బందికి టీకా అందుతుందని, వీరంతా కలిపి 3 కోట్ల మందికిపైగా ఉంటారని ప్రధాని మోదీ తెలిపారు. టీకా అవసరమైన వారు నమోదు చేసుకోవడానికి. కో–విన్‌ అనే డిజిటల్‌ వేదిక ఏర్పాటు చేశామన్నారు.

టీకా తొలిడోస్‌ తీసకున్నాక వ్యాక్సినేషన్‌ సర్టిఫికెట్‌ను జారీ చేస్తుందని, రెండో డోసు ఎప్పుడు తీసుకోవాలో ఈ సర్టిఫికెట్‌ అప్రమత్తం చేస్తుందని వివరించారు. సైంటిస్టులు, నిపుణుల సూచనల ప్రకారం కరోనా టీకా ఇవ్వాల్సిన ప్రాధాన్యతా జాబితాను రూపొందిస్తామని చెప్పారు.

హెల్త్‌కేర్, ఫ్రంట్‌లైన్‌ సిబ్బందికి కరోనా టీకా ఇచ్చిన తర్వాత 50 ఏళ్ల వయసు దాటిన వారికి, 50 ఏళ్లలోపు వయసుండి వివిధ రకాల వ్యాధులతో బాధపడుతున్న వారికి టీకా ఇవ్వనున్నట్లు కేంద్ర ప్రభుత్వం గతంలోనే ప్రకటించింది. 50 ఏళ్లు దాటిన వారిని గుర్తించడానికి చివరిసారిగా జరిగిన లోక్‌సభ, అసెంబ్లీ ఎన్నికల ఓటర్‌ జాబితాను ఉపయోగించుకోనున్నట్లు కేంద్ర ఆరోగ్య శాఖ వెల్లడించింది.

హెర్డ్ ఇమ్యూనిటీ అలాగైతేనే సాధ్యం... హర్ష వర్ధన్

టీకా ప్రారంభ దశలో రాజకీయ నాయకులు చేయి పెట్టొద్దని, ఆ కార్యక్రమంలో పాల్గొనవద్దని ప్రధాని విస్పష్ట ప్రకటన చేయడానికి తగిన కారణం ఉంది. తొలి దశ కరోనా వ్యాక్సినేషన్‌లో ఎంపీలు, ఎమ్మెల్యేలు వంటి ప్రజా ప్రతినిధులు భాగం పంచుకోవడానికి అనుమతించాల్సిందిగా హర్యానా ప్రభుత్వం కేంద్రాన్ని గత నవంబర్ 24నే అభ్యర్థించింది. హర్యానా సీఎం మనోహర్ లాల్ కట్టర్ అప్పట్లో చేసిన ఈ అభ్యర్థనపై ప్రధాని ఆప్పట్లో స్పందించలేదు. తర్వాత రాష్ట్ర ఆరోగ్య మంత్రి అనిలి విజి కూడా కేంద్ర ఆరోగ్య శాఖ మంత్రికి లేఖ రాశారు కానీ దానికి కూడా కేంద్రం స్పందించలేదు.

గత గురువారం రాష్ట్రాల ఆరోగ్య మంత్రులతో కేంద్ర ఆరోగ్య శాఖామంత్రి హర్ష వర్ధన్ భేటీలోనూ బీహార్, ఒడిశా ఆరోగ్య శాఖ మంత్రులు మరోసారి ఇదే డిమాండ్ చేశారు. పంచాయితీల నుంచి పార్లమెంటు సభ్యులను కూడా ఫ్రంట్ లైన్ వర్కర్లుగానే భావించి వారికి కూడా వ్యాక్సినేషన్ ఇవ్వాలని వీరు కోరారు.

దీనికి కేంద్ర ఆరోగ్య మంత్రి హర్షవర్ధన్ సమాధానమిస్తూ దేశంలోని ప్రతి ఒక్కరినీ తొలి దశ వ్యాక్సినేషన్ కోసం పరిగణించలేమని చెప్పారు. లభ్యమవుతున్న కరోనా డోసుల ప్రాతిపదికన చూస్తే ఒకేసారి దేశ ప్రజలందరికీ వ్యాక్సిన్ ఇవ్వలేమన్నారు. అందుకే ప్రాధాన్య బృందాలను మాత్రమే తొలి దశలో ఎంచుకున్నామని మంత్రి స్పష్టం చేశారు.

ఈ నేపథ్యంలోనే వైద్యసిబ్బంది, పారిశుధ్య కార్మికులు, పోలీసులు వంటి విశాల ప్రజా బృందాలకు తొలిదశ వ్యాక్సినేషన్ ఇవ్వాలని నిర్ణయించుకుంది. దీనిద్వారా హెర్డ్ ఇమ్యూనిటీ కూడా సాధ్యమై కరోనాను నిరోధించవచ్చని కేంద్రం భావిస్తోంది.

బీహార్‌లో అధికారంలో ఉన్న బీజేపీ, జనతా దళ్ యునైటెడ్ పార్టీల సీనియర్ నేతల మధ్య తీవ్రమైన అభిప్రాయ భేదాలు నెలకొన్న నేపథ్యంలో ఆదివారం నాటికి కాస్త రాజీ కుదిరినట్లు కనిపిస్తోంది. విభేదాలను మరింతగా పెంచుకుపోయే ఉద్దేశం తమకు లేదని బీహార్ ముఖ్యమంత్రి నితీశ్ కుమార్‌కి చెందిన  జేడీయూ స్పష్టం చేసింది.

రెండురోజుల పాటు జరిగిన జేడీయూ కార్యనిర్వాహకవర్గం బేటీ ముగింపులో లోక్ సభాపక్ష నేత లలన్ సింగ్ తాము ఎన్డీయేతోనే ఉంటామని తేల్చి చెప్పారు.

గత నవంబర్‌లో అసెంబ్లీ ఎన్నికలు ముగిసిన తర్వాత ఇరుపార్టీల మధ్య అంతంత మాత్రాన ఉన్న సంబంధాలు మరింత క్షీణించిపోయాయని వస్తున్న వార్తలన్ను లలన్ సింగ్ తోసిపుచ్చారు. 

అసెంబ్లీ ఎన్నికల్లో 74 స్థానాలు సాధించిన బీజేపీ, 43 స్థానాలకు పరిమితమైన జేడీయు మధ్య సంబంధాలను సంఖ్యాబలమే నిర్ణయిస్తున్న నేపథ్యంలో ఇరు పార్టీల సంబంధాల మధ్య లుకలుకలు పొడసూపుతున్నాయి.

గత రెండురోజులుగా సాగుతున్న పార్టీ అత్యున్నత సమావేశం ఫలితం గురించి చాలానే రూమర్లు వచ్చాయి. కానీ మేం ఒక విషయం స్పష్టం చేయాలనుకుంటున్నాం. మేం ఎన్డీయేతోనే ఉంటాం. సీట్ల పరంగా మేం ఎన్నికల్లో కాస్త దెబ్బతిన్నట్లు కనిపించినా మా వోటు షేర్ తగ్గలేదని ఈ భేటీలో గుర్తించాం

బీజేపీతో పొత్తు చేసుకుని అసెంబ్లీ ఎన్నికల్లో తమ పార్టీ భారీ మూల్యమే చెల్లించిందని, ఎల్‌జేపీ అధినేత చిరాగ్ పాశ్వాన్ వంటివారు తమ పార్టీపై పెద్ద ఎత్తున దుష్ప్రచారం చేసి దెబ్బతీశారని బిహార్ ముఖ్యమంత్రి నితీశ్ కుమార్ రెండు రోజుల క్రితం చేసిన ఆరోపణ సంచలనానికి దారితీసింది.

దీంతో బీజేపీతో జేడీయూ సంబందాలు క్షీణించిపోయాయని గుసగుసలు వినిపించాయి. కానీ దెబ్బతిన్న సంబంధాలను మరమ్మతు చేయాలని జేడీయుూ నిర్ణయించుకుంది.

నితీశ్ కుమార్ బేరసారాల్లో ఘటికుడు.. తేజస్వి ఎద్దేవా

అసెంబ్లీ ఎన్నికల్లో ఆర్జేడీని దాదాపు అధికారం చేరువలోకి తీసుకువచ్చిన ఆ పార్టీ అధినేత తేజస్వి యాదవ్ తాజాపరిణామాలపై వ్యాఖ్యానిస్తూ నితీశ్ కుమార్ బేరసారాలలో ఘటికుడనీ, తన పొత్తుదారైన బీజీపేనీ బ్లాక్ మెయిల్ చేస్తున్నాడని ఎద్దేవా చేశారు. 

నితీశ్ కుమార్ గతాన్ని చూడండి. జార్జ్ ఫెర్నాండజ్‌ని, మా పార్టీని, లేదా కాంగ్రెస్ పార్టీని సైతం నితీశ్ మోసం చేయలేదా.. నితీశ్ కుమార్ ఎప్పుడూ అధికార దాహంతోనే ఉంటారు. అధికారం కోసం బ్లాక్ మెయిలర్ అవతారం ఎత్తిన నితీశ్ బిహార్‌ను పెను నష్టంలోముంచెత్తారు. తాను నాయకుడు కాదు అంటూ తేజస్వి పేర్కొన్నారు.

2015 అసెంబ్లీ ఎన్నికల్లో మహాఘట బంధన్ భారీ మెజారిటీ సాధించినప్పటికీ జేడీయు అధినేత నితీశ్ కుమార్ ఆర్జేడీ, కాంగ్రెస్ పార్టీలకు జెల్లకొట్టి బీజేపీతో పొత్తు కలిపి అధికారంలో కొనసాగారు. అందుకే 2020 అసెంబ్లీ ఎన్నికల్లో తేజస్వి పదే పదే నితీశ్ కుమార్ అధికార దాహాన్ని ఎత్తి చూపుతూ వచ్చారు.

నూతన వ్యవసాయ చట్టాలపై రైతు సంఘాల నిరసనను పట్టించుకోవడంలో, రైతుల సమస్యల పరిష్కారంలో కేంద్రప్రబుత్వం సరిగా వ్యవహరించలేదని భారత సర్వోన్నత న్యాయస్థానం తేల్చి చెప్పింది. కోట్లమంది రైతుల జీవితాలతో ముడిపడిన ఈ సమస్యను ప్రభుత్వం ఎందుకు ప్రతిష్టాత్మకమైన విషయంగా చూస్తోందని సుప్రీంకోర్టు ప్రశ్నించింది. కొంతకాలం సాగు చట్టాల అమలును నిలిపివేయండి. లేదా మేమే స్టే విధిస్తామని అత్యున్నత న్యాయస్థానం తేల్చి చెప్పేసింది. సుప్రీంకోర్టు స్వయంగా రైతుల పక్షాన నిలబడటంతో వ్యవసాయ చట్టాల రద్దుకోసం సుదీర్ఘం ఉద్యమం చేస్తున్న రైతులు, రైతు సంఘాలకు భారీ ఊరట లభించింది.

కేంద్రప్రభుత్వం 2020 చివరలో తీసుకొచ్చిన మూడు వ్యవసాయ సవరణ చట్టాలకు వ్యతిరేకంగా వచ్చిన వివిధ పిటిషన్లపై సుప్రీంకోర్టు సోమవారం విచారణ ప్రారంభించింది. డీఎంకే ఎంపీ తిరుచ్చి శివ, ఆర్జేడీ ఎంపీ మనోజ్ కె. ఝాతో పాటు పలువురు దాఖలు చేసిన పిటిషన్లపై సుప్రీంకోర్టు విచారణ మొదలెట్టింది. ఈ సందర్బంగా సుప్రీంకోర్టు ప్రధాన న్యాయమూర్తి జస్టిస్ అరవింద్ బాబ్డే రైతు సమస్యల పరిష్కార ప్రక్రియ నడుస్తున్న ధోరణి పట్ల తాము అసంతృప్తి చెందుతున్నామని ప్రకటించారు.

కేంద్ర ప్రభుత్వం కోట్లమంది రైతుల జీవితాలతో ముడిపడిన ఈ అంశాన్ని ప్రతిష్టాత్మక సమస్యగా ఎందుకు చూస్తోందని ప్రశ్నించిన సుప్రీంకోర్టు ప్రధాన న్యాయమూర్తి శరద్ అరవింద్ బొబ్డే కేంద్ర వైఖరిపై అసంతృప్తితో ఉన్నామన్నారు. రైతుల ఆందోళన, సమస్యను పరిష్కరించడలంలో కేంద్రం సరిగా వ్యవహరించలేదని అభిప్రాయపడ్డారు. కేంద్రం పరిస్థితిని సరిగ్గా నిర్వహిస్తోందని, చర్చలు ప్రభావవంతంగా ఉన్నాయని తమకు విశ్వాసంలేదన్నారు. అందుకే చట్టాల అమలును తాత్కాలికంగా నిలిపివేయడం ద్వారా వాతావరణాన్ని అనుకూలంగా మార్చడానికి తాము ప్రయత్నిస్తున్నామని ఆయన పేర్కొన్నారు.

ఈ నేపథ్యంలోనే కొంతకాలం చట్టాల అమలును నిలిపి వేయాలని లేదంటే తామే స్టే విధిస్తామని ధర్మాసనం తెగేసి చెప్పింది. అలాగే ఈ చట్టాల పరిశీలనకు సంబంధించి ఒక నిపుణుల కమిటీ ఏర్పాటు చేయనున్నట్టు ప్రకటించింది. అలాగే రైతులు తమ నిరసనను కొనసాగించుకోవచ్చని కూడా స్పష్టం చేసింది. వ్యవసాయ చట్టాలు రైతులకు సంబంధించినంతవరకు చాలా సీరియల్ వ్యవహారమని కేంద్రం దీని పరిష్కారం ఇంత సుదీర్ఘ సమయం ఎందుకు తీసుకుంటోదని కోర్టు నిలదీసింది.

కాగా, రైతు సంఘాలతో ప్రభుత్వ చర్చల్లో కొనసాగుతున్న ప్రతిష్టంభన మధ్య సీజేఐ వ్యాఖ్యలు ప్రాధన్యతను సంతరించుకున్నాయి. కొంతమంది రైతులు ఆత్మహత్యలను ప్రస్తావించిన సుప్రీంకోర్టు, వీటిపై ఆందోళనవ్యక్తం చేసింది. వృద్దులు, మహిళలు కూడా రైతుల నిరసనలో పాల్గొంటున్నారు. ప్రస్తుతం ఏ జరుగుతోంది అంటూ సుప్రీంకోర్టు ప్రశ్నించింది. వీటన్నింటికీ ప్రభుత‍్వమే బాధ్యత వహించాలని కోరింది. అంతేకాదు అసలు ఏం జరుగుతోందని కూడా ప్రశ్నించింది.

ఏదైనా తప్పు జరిగితే మనలో ప్రతి ఒక్కరమూ బాధ్యత వహించాలి. ఇకపై ఎవరి రక్తంతోనూ మన చేతులు తడవకూడదని పేర్కొన్నారు. ఈమూడు చట్టాల పరిశీనలకు గాను ఐసీఎఆర్‌తో సహా నిపుణులతో కూడిన కమిటీని ఏర్పాటు చేస్తామని ప్రధాన న్యాయమూర్తి చెప్పారు. వ్యతిరేక అనుకూల వాదనలను ఈ కమిటీకి అందించుకోవచ్చని, కమిటీ నివేదిక మేరకు తాము వ్యవహరిస్తామని ఆయన తెలిపారు.

ఆర్థిక వ్యవస్థపై తాము నిపుణులం కాము. కానీ ప్రభుత్వం సాగు చట్టాల అమలును నిలిపివేస్తోందా లేదా ఆ పని మేమే చేయాలా అని సుప్రీంకోర్టు నిలదీసింది. చట్టాలను తీసుకొచ్చంది కేంద్రప్రభుత్వమే కాబట్టి ఈ సమస్యను కేంద్రమే సరైన తీరులో పరిష్కరించాలని కోర్టు అభిప్రాయపడింది.

కాగా కేంద్రం తీసుకొచ్చిన కొత్త చట్టాలకు కేవలం 2-3 రాష్ట్రాలు మాత్రమే నిరసన తెలుపుతున్నాయని అటార్నీ జనరల్‌ మెహతా సుప్రీంకు తెలిపారు. దక్షిణాది రాష్ట్రాల రైతులు, ఇతర ప్రాంతాల రైతులు నిరసనల్లో పాల్గొనడం లేదన్నారు. కానీ అటార్నీ జనరల్ అభిప్రాయాన్ని కోర్టు లెక్కలోకి తీసుకులేదు.