గ‌త కేంద్ర క్యాబినెట్ లో తెలుగు రాష్ట్రాల‌కు పెద్ద‌గా ప్రాధాన్య‌త ద‌క్క‌లేదు. అంత‌కుముందు ఉన్న యూపీఏ 2లో ఉమ్మ‌డి ఆంధ్ర‌ప్ర‌దేశ్ నుంచి సుమారు 10 మందికి కేంద్ర క్యాబినెట్ లో స్థానం ద‌క్కింది. అప్పుడు కాంగ్రెస్ పార్టీకి 32 సీట్లు రాష్ట్రం నుంచి రావ‌డంతో ప్ర‌భుత్వంలో కూడా ఉమ్మ‌డి ఏపీకి మంచి ప్రాధాన్య‌తే ల‌భించింది. త‌ర్వాత ఎన్డీఏ ప్ర‌భుత్వంలో మొద‌ట ఏపీ నుంచి తెలుగుదేశం పార్టీకి రెండు కేంద్ర మంత్రి ప‌ద‌వులు ద‌క్కాయి. టీడీపీ ఎంపీలు అశోక్ గ‌జ‌ప‌తి రాజు, సుజ‌నా చౌద‌రి కేంద్ర‌మంత్రుల‌య్యారు.

తెలంగాణ‌లో బీజేపీ నుంచి ఒక్క బండారు ద‌త్తాత్రేయ మాత్ర‌మే గెల‌వ‌డంతో ఆయ‌న‌కు మంత్రి ప‌ద‌వి ద‌క్కింది. త‌ర్వాత మంత్రివ‌ర్గ విస్త‌ర‌ణ జ‌రిగిన‌ప్పుడు ఆయ‌న ప‌ద‌వి కూడా పోయింది. ఏపీలోనూ ఏడాది ముందే టీడీపీ ఎన్డీఏ నుంచి బ‌య‌ట‌కు రావ‌డంతో మంత్రులు రాజీనామా చేశారు. దీంతో గ‌త ప్ర‌భుత్వంలో చివ‌రి ఏడాది తెలుగు రాష్ట్రాల నుంచి ఒక్క కేంద్ర మంత్రి కూడా లేరు.

అయితే, ఈసారి తెలంగాణ‌లో ఏకంగా న‌లుగురు బీజేపీ ఎంపీలు విజ‌యం సాధించారు. ఇక్క‌డ ఆ పార్టీ టీఆర్ఎస్ కు ప్ర‌త్యామ్నాయంగా ఎద‌గాల‌నుకుంటోంది. దీంతో ఈసారి క‌చ్చితంగా ఒక‌రిని లేదా ఇద్ద‌రిని రాష్ట్రం నుంచి కేంద్ర క్యాబినెట్ లోకి తీసుకోవ‌చ్చు. ముఖ్యంగా సీనియ‌ర్ నేత అయినా సికింద్రాబాద్ ఎంపీ కిష‌న్ రెడ్డికి క్యాబినెట్ లో చోటు ద‌క్క‌డం ఖాయ‌మే అంటున్నారు.

సీనియ‌ర్ నేత కావ‌డం, పార్టీకి రాష్ట్ర అధ్య‌క్షుడిగా కూడా ప‌నిచేసి ఉండ‌టంతో పాటు పార్టీ పెద్ద‌ల‌తో ఆయ‌న‌కు స‌త్సంబంధాలు ఉన్నాయి. అన్నింటికీ మించి తెలంగాణ రెడ్డి సామాజ‌క‌వ‌ర్గాన్ని ఆక‌ట్టుకోవాల‌నేది బీజేపీ వ్యూహ‌మ‌ని తెలుస్తోంది. దీంతో కిష‌న్ రెడ్డిని క్యాబినెట్ లోకి తీసుకోవ‌చ్చు. ఆయ‌న 2014లోనే ఎంపీగా పోటీ చేసి క్యాబినెట్ లోకి వెళ్లాల‌ని ఆశించినా అప్పుడు పార్టీ ద‌త్తాత్రేయ‌కు మ‌రో అవ‌కాశం ఇవ్వ‌డంతో కిష‌న్ రెడ్డి ఛాన్స్ మిస్ అయ్యింది. ఈసారి మాత్రం కిష‌న్ రెడ్డిని కేంద్రమంత్రిగా చూసే అవ‌కాశాలు ఎక్కువ‌గా ఉన్నాయి.

ఒక‌వేళ మ‌రొక‌రిని సైతం రాష్ట్రం నుంచి కేంద్ర క్యాబినెట్ లోకి తీసుకోవాల‌నుకుంటే మాత్రం నిజామాబాద్ లో క‌విత‌ను ఓడించిన ధ‌ర్మ‌పురి అర్వింద్ లేదా క‌రీంన‌గ‌ర్ ఎంపీ బండి సంజ‌య్ కు కూడా అవ‌కాశం ద‌క్క‌వ‌చ్చు. వీరిద్ద‌రూ అనూహ్య విజ‌యం సాధించ‌డంతో పార్టీలో ప్ర‌త్యేక గుర్తింపు తెచ్చుకున్నారు. ఇద్ద‌రూ బీసీలు కావ‌డంతో ఒక‌రికి అవ‌కాశం ద‌క్క‌వ‌చ్చు.

ఇక‌, ఆంధ్ర‌ప్ర‌దేశ్ నుంచి కూడా బీజేపీ నేత‌ల‌కే ఒక‌రికి లేదా ఇద్ద‌రి మంత్రి ప‌ద‌వులు ద‌క్క‌వ‌చ్చు. ఈ రేసులో ఆ పార్టీ రాష్ట్ర అధ్య‌క్షులు క‌న్నా ల‌క్ష్మీనారాయ‌ణ ముందున్నార‌ట‌. ఆయ‌న‌కు ఇప్ప‌టికే పార్టీ అధిష్టానం ఎంపీగా గెలిచినా ఓడినా రాజ్య‌స‌భ అవ‌కాశం ఇచ్చి కేంద్ర క్యాబినెట్ లోకి తీసుకుంటామ‌ని హామీ ఇచ్చారు. ఇక‌, ఇప్పటికే యూపీ నుంచి రాజ్య‌స‌భ స‌భ్యుడిగా ఉన్న తెలుగు వ్య‌క్తి జీవీఎల్ న‌ర‌సింహారావు కూడా రేసులో ఉన్నారు. యూపీఏ హ‌యాంలో కేంద్ర‌మంత్రిగా ప‌నిచేసి ఇప్పుడు బీజేపీలో ఉన్న ద‌గ్గుబాటి పురందేశ్వ‌రి సైతం కేంద్ర‌మంత్రి రేసులో ఉన్న‌ట్లు స‌మాచారం. మ‌రి, ఈసారైనా ఎన్డీఏ తెలుగు రాష్ట్రాల‌కు క్యాబినెట్ లో ప్రాధాన్య‌త ఇస్తే ఎవ‌రు కేంద్ర‌మంత్రులు అవుతారో చూడాలి.

ఎప్పుడూ లేనివిధంగా మోడీ జైత్రయాత్ర సాగించారు. సర్వేలు, అంచనాలను ఆయన తోసిరాజని మళ్లీ హస్తిన పీఠం చేజిక్కుంచుకున్నారు. ఎన్నికల ఫలితాల అనంతరం మోడీ సభలో ఉద్వేగంగా మాట్లాడారు. జనం అంతా మోడీ అంటున్నారు కానీ ఈ విజ‌యం మోడీది కాదని ప్రజలదే అన్నారు.  నిజాయితీ కలిగిన స‌మాజం కోసం ప‌రిత‌పిస్తున్న ప్రజ‌ల‌ది ప్రధాని నరేంద్రమోడీ అన్నారు. మ‌రోసారి అవ‌కాశం ఇచ్చిన ప్రజ‌ల‌కు ఆయ‌న కృత‌జ్ఞత‌లు తెలియ‌చేశారు. త‌న స‌మ‌యంలోని అన్ని క్షణాల‌ను ప్రజ‌ల సేవ‌కే అంకితం చేస్తాన‌ని ఆయ‌న అన్నారు. 

సంపూర్ణ విజ‌యం సిద్ధించిన త‌ర్వాత ఆయ‌న బిజెపి కార్యకర్తలనుద్దేశించి ప్రసంగించారు. సరికొత్త భారతదేశం కోసమే దేశ ప్రజలు బిజెపికి మరోసారి అవకాశమిచ్చారని ప్రధానమంత్రి నరేంద్రమోడీ అన్నారు. ఎన్నికల ఫలితాలపై ఆయన స్వాత్రంత్యం వచ్చాక ఎన్నో ఎన్నికలు జరిగాయని, కానీ ఈ ఎన్నికల్లోనే అత్యంత ఎక్కువ పోలింగ్‌ శాతం నమోదైందని తెలిపారు. 40 డిగ్రీల ఎండల్లోనూ ఓటర్లు తమ నిర్ణయాన్ని స్పష్టం చేశారని ఆయ‌న అన్నారు. అందరికీ రుణపడి ఉంటానన్నారు మోడీ. 

ఈ ఎన్నికల్లో ప్రజంతా ధర్మం, న్యాయం వైపు నిలబడ్డారని, ఇందుకు ప్రతి ఒక్క భారతీయుడికి ధన్యవాదాలు అని ఆయ‌న‌ తెలిపారు. ఈ ఎన్నికల్లో బిజెపి కోసం ప్రజలు కూడా ఎంతో కష్టపడ్డారు. ఉజ్వల భారత్‌ కోసం ప్రజల మా వెంట నడుస్తున్నారు. ఒక్కరు గెలిచారంటే హిందుస్థాన్‌ గెలిచినట్లే.. ప్రజాస్వామ్యం గెలిచినట్లే. ప్రజలు గెలిచినట్లే. అందుకే బిజెపి, ఎన్డీయే విజయాన్ని దేశ ప్రజలకు అంకితం చేస్తున్నాం.

పార్టీలు ఏవైనా.. ఈ ఎన్నికల్లో గెలిచిన ప్రతి ఒక్కరికీ అభినందనలు అని మోడీ తెలిపారు. ప్రధాని మోడీ వెంట పార్టీ జాతీయ అధ్యక్షుడు అమిత్‌షా ఉన్నారు. వేదిక‌పై కేంద్ర హోం శాఖ మంత్రి రాజ్‌నాథ్ సింగ్ త‌దిత‌రులు ఉన్నారు. స‌భా ప్రాంగ‌ణం అంతా మోడీ నామ సమర్పణ‌తో మారుమోగిపోయింది. మోడీ మేనియాతో తెలంగాణలోనూ అద్భుత విజయం సాధించింది బీజేపీ. నాలుగు సీట్లు బీజేపీ ఖాతాలో పడిన సంగతి తెలిసిందే. 

ఈ ఎన్నిక‌ల ఫ‌లితాల్లో బీజేపీకి పూర్తిస్థాయి మెజార్టీ వ‌చ్చి, న‌రేంద్ర మోడీ మ‌రోసారి ప్ర‌ధాని అయితే, 48 ఏళ్ల రికార్డ్ ఆయ‌న తిర‌గ‌రాసిన‌ట్లే. ఎందుకంటే 48 సంవ‌త్స‌రాల త‌ర్వాత ఒకే పార్టీ, ఒకే వ్య‌క్తి వ‌రుస ఎన్నికల్లో గెలిచి ప్ర‌ధాని అవ్వ‌డం జ‌ర‌ుగుతోంది. ఎందుకంటే, 1967లో జ‌రిగిన ఎన్నిక‌ల్లో కూడా ఇందిరాగాంధీ నాయ‌క‌త్వంలో కాంగ్రెస్ పార్టీ పూర్తిస్థాయి మెజార్టీతో గెలిచి అధికారం ద‌క్కించుకుంది.

ఆ త‌ర్వాత అంటే, 1971 ఎన్నిక‌ల్లో పూర్తిస్థాయి మెజార్టీతో ఇందిరాగాంధీ నాయ‌క‌త్వంలో కాంగ్రెస్ పార్టీ అధికారంలోకి వ‌చ్చింది. ఇలా వ‌రుస‌గా రెండు ఎన్నిక‌ల్లో గెలిచిన ఘ‌న‌త అప్ప‌ట్లో ఇందిరా గాంధీ సొంత‌మైంది. 

ఎందుకంటే, 1952, 1957, 1962 ఎన్నిక‌ల్లో పూర్తిస్థాయి మెజార్టీతో ప్ర‌ధాని అయిన జ‌వ‌హ‌ర్ లాల్ నెహ్రూ త‌ర్వాత‌, ఇందిరా గాంధీనే వ‌రుస‌గా రెండుసార్లు ప్ర‌ధాని అయ్యారు. ఇప్ప‌టి దాకా దేశంలో 16 సార్లు జ‌రిగిన పార్ల‌మెంట‌రీ ఎన్నికల్లో నెహ్రూ మిన‌హా ఇందిరాగాంధీనే రికార్డ్ నెల‌కొల్పారు. మొద‌టిసారి జ‌రిగిన సార్వ‌త్రిక ఎన్నిక‌ల్లో కాంగ్రెస్ పార్టీకి 398 సీట్లు వ‌చ్చాయి. 

ఆ త‌ర్వాత రెండోసారి పార్ల‌మెంట‌రీ ఎన్నిక‌ల్లో కాంగ్రెస్ పార్టీకి 395 సీట్లు, మూడోసారి జ‌రిగిన సార్వ‌త్రిక ఎన్నిక‌ల్లో కాంగ్రెస్ పార్టీకి 394 సీట్లు వ‌చ్చాయి. ఈ మూడు సార్లు నెహ్రూ ప్ర‌ధానిగా బాధ్య‌త‌లు నిర్వ‌హించారు. ఇక 1967లో 303 సీట్లు, 1971లో 372 సీట్ల‌తో ఇందిరాగాంధీ వ‌రుస‌గా రెండుసార్లు ప్ర‌ధాని అయ్యారు.

ఇక 1980 ఎన్నిక‌ల్లో కాంగ్రెస్ పార్టీ గెలిచి ఇందిరాగాంధీ మూడోసారి ప్ర‌ధాని అయినా, ఆ త‌ర్వాత ఆమె మ‌ర‌ణంతో, 1984లో కాంగ్రెస్ అధికారంలోకి వ‌చ్చింది. అప్పుడు ప్ర‌ధానిగా రాజీవ్ గాంధీ బాధ్య‌త‌లు నెర‌వేర్చారు. 

ఇక 1999 నుంచీ 2004 దాకా రెండుసార్లు ప్ర‌ధానిగా అటల్ బిహారీ వాజ్ పాయ్ ప్ర‌ధాన మంత్రిగా ఉన్నా, బీజేపీకి పూర్తిస్తాయి మెజార్టీ లేదు. ఇత‌ర పార్టీల భాగ‌స్వామ్యంతో అట‌ల్ బిహారీ వాజ్ పాయ్ ప్ర‌ధానిగా ప‌నిచేశారు. ఇక  2004 నుంచి 2014 దాకా మ‌న్మోహ‌న్ వ‌రుస‌గా రెండుసార్లు ప్ర‌ధాన 

మంత్రిగా బాధ్య‌త‌లు నిర్వ‌హించినా, కాంగ్రెస్ పార్టీకి పూర్తిస్థాయి మెజార్టీ లేదు. యూపీఏ భాగ‌స్వామ్య పార్టీల‌తో ఆయ‌న ప్ర‌ధానిగా ప‌నిచేశారు. కానీ 2014 ఎన్నిక‌ల్లో న‌రేంద్ర మోడీ నాయ‌క‌త్వంలో బీజేపీకి పూర్తిస్థాయి మెజార్టీ ఉంది. ఈ ఎన్నిక‌ల్లో కూడా బీజేపీకి పూర్తిస్థాయి మెజార్టీ వ‌చ్చి, న‌రేంద్ర మోడీ మ‌రోసారి ప్ర‌ధాన మంత్రి అయితే, 48 సంవ‌త్స‌రాల చ‌రిత్ర రిపీట్ అయిన‌ట్లే.

తీవ్ర ఉత్కంఠ రేపుతున్న లోక్ సభ ఎన్నికల ఫలితాల ప్రారంభ ట్రెండ్స్‌లో బీజేపీ నేతృత్వంలోని ఎన్డీయే స్పష్టమైన ఆధిక్యంతో దూసుకుపోతోంది. మళ్ళీ నమోమంత్రం ఫలించింది. జనం మరోసారి నరేంద్రమోడీకి పట్టం కట్టినట్టు కౌంటింగ్‌ ట్రెండ్స్‌ స్పష్టం చేస్తున్నాయి. తిరుగులేని మెజారిటీతో సొంతంగా ఎన్డీయే కూటమి అధికారంలోకి వచ్చే అవకాశముందని ఇప్పటివరకు అందుతున్న కౌంటింగ్‌ ఫలితాల సరళి చాటుతోంది. దేశవ్యాప్తంగా ఇప్పటివరకు అందుతున్న కౌంటింగ్‌ ట్రెండ్స్‌ను బట్టి ఎన్డీయే 332 స్థానాల్లో ఆధిక్యంలో ఉండగా.. కేవలం బీజేపీ 285 స్థానాల్లో ఆధిక్యంలో కొనసాగుతోంది. 

ఈ ఎన్నికలపై ఎన్నో ఆశలు పెట్టుకున్న కాంగ్రెస్‌ పార్టీ విఫలం చెందింది. రాహుల్ నేతృత్వంలోని యూపీఏ కూటమి 110 స్థానాలతో సరిపెట్టుకునే పరిస్థితి కనిపిస్తోంది. ఇతర పార్టీలు 111 స్థానాలతో రెండో స్థానంలో ఉన్నాయి. దేశవ్యాప్తంగా మరోసారి నమో మేనియా పనిచేసినట్టు కనిపిస్తుండగా.. ఈసారి ఎన్నికల్లో రాహుల్‌ గాంధీ ప్రచారం, ప్రభావం, ఆయన సోదరి ప్రియాంక గాంధీ ప్రచారమూ పెద్దగా పనిచేయనట్టు స్పష్టమవుతోంది. యూపీలో ఎస్పీ, బీఎస్పీ కూటమికి అంతగా ప్రజాదరణ లభించలేదని చెప్పాలి.

ఇటు ఒడిషాలో మళ్ళీ బీజేడీ ప్రభంజనం కనిపించింది. నవీన్ పట్నాయక్ మరోమారు సీఎం పీఠం అధిరోహించనున్నారు. మహారాష్ట్రలో బీజేపీ - శివసేన కూటమి దూసుకుపోతుంది. ఇప్పటి వరకూ జరిగిన కౌంటింగ్‌లో బీజేపీ - సేన 40కి పైగా స్థానాల్లో ఆధిక్యంలో కొనసాగుతుండగా.. కాంగ్రెస్‌- ఎన్‌సీపీ కూటమి కేవలం ఆరు స్థానాల్లో మాత్రమే ముందంజలో ఉంది. బీజేపీ అధ్యక్షుడు అమిత్‌ షా గాంధీ నగర్‌లో దాదాపు 1,25,000 ఓట్ల ఆధిక్యంతో దూసుకుపోతున్నారు.

కర్ణాటకలో కాంగ్రెస్‌-జేడీఎస్‌ కూటమికి భారీ షాక్‌ తగిలింది. మొత్తం 28 లోక్‌సభ స్థానాలకు గాను బీజేపీ 23 చోట్ల ఆధిక్యంలో కొనసాగుతోంది. ఢిల్లీ ఏడు లోక్‌సభ స్థానాల్లో బీజేపీ ఆధిక్యంలో కొనసాగుతుంది. ఢిల్లీలో కాంగ్రెస్, ఆప్ ప్రభావం కనిపించలేదు. కేంద్ర మంత్రి మేనకా గాంధీ సుల్తాన్‌పూర్‌లో వెనకంజలో ఉండగా.. వరుణ్‌ గాంధీ మాత్రం ఫిలిబిత్‌లో దూసుకుపోతున్నారు. మరోవైపు సోనియా గాంధీ రాయ్‌బరేలీలో ముందంజలో ఉన్నారు.

ఈ ఎన్నిక‌ల ఫ‌లితాల్లో బీజేపీకి పూర్తిస్తాయి మెజార్టీ వ‌చ్చి, న‌రేంద్ర మోడీ మ‌రోసారి ప్రధాని అయితే, 48 ఏళ్ల రికార్డ్ ఆయ‌న తిర‌గ‌రాసిన‌ట్లే. ఎందుకంటే 48 సంవ‌త్సరాల త‌ర్వాత ఒకే పార్టీ, ఒకే వ్యక్తి వ‌రుస ఎన్నికల్లో గెలిచి ప్రధాని అవ్వడం జ‌ర‌గ‌నుంది.

ఎందుకంటే, 1967లో జ‌రిగిన ఎన్నిక‌ల్లో కూడా ఇందిరాగాంధీ నాయ‌క‌త్వంలో కాంగ్రెస్ పార్టీ పూర్తిస్థాయి మెజార్టీతో గెలిచి అధికారం ద‌క్కించుకుంది. ఆ త‌ర్వాత అంటే, 1971 ఎన్నిక‌ల్లో పూర్తిస్థాయి మెజార్టీతో ఇందిరాగాంధీ నాయ‌క‌త్వంలో కాంగ్రెస్ పార్టీ అధికారంలోకి వ‌చ్చింది. 

ఇలా వ‌రుస‌గా రెండు ఎన్నిక‌ల్లో గెలిచిన ఘ‌న‌త అప్పట్లో ఇందిరా గాంధీ సొంత‌మైంది. ఎందుకంటే, 1952, 1957, 1962 ఎన్నిక‌ల్లో పూర్తిస్థాయి మెజార్టీతో ప్రధాని అయ్యిన జ‌వ‌హ‌ర్ లాల్ నెహ్రూ త‌ర్వాత‌, ఇందిరా గాంధీనే వ‌రుస‌గా రెండుసార్లు ప్రధాని అయ్యారు. ఇప్పటి దాకా దేశంలో 16 సార్లు జ‌రిగిన పార్లమెంట‌రీ ఎన్నికల్లో నెహ్రూ మిన‌హా ఇందిరాగాంధీనే రికార్డ్ నెల‌కొల్పారు. మొద‌టిసారి జ‌రిగిన సార్వత్రిక ఎన్నిక‌ల్లో కాంగ్రెస్ పార్టీకి 398 సీట్లు వ‌చ్చాయి. 

ఆ త‌ర్వాత రెండోసారి పార్లమెంట‌రీ ఎన్నిక‌ల్లో కాంగ్రెస్ పార్టీకి 395 సీట్లు, మూడోసారి జ‌రిగిన సార్వత్రిక ఎన్నిక‌ల్లో కాంగ్రెస్ పార్టీకి 394 సీట్లు వ‌చ్చాయి. ఈ మూడు సార్లు నెహ్రూ ప్రధానిగా బాధ్యత‌లు నిర్వహించారు.

ఇక 1967లో 303 సీట్లు, 1971లో 372 సీట్లతో ఇందిరాగాంధీ వ‌రుస‌గా రెండుసార్లు ప్రధాని అయ్యారు. ఇక 1980 ఎన్నిక‌ల్లో కాంగ్రెస్ పార్టీ గెలిచి ఇందిరాగాంధీ మూడోసారి ప్రధాని అయినా, ఆ త‌ర్వాత ఆమె మ‌ర‌ణంతో, 1984లో కాంగ్రెస్ అధికారంలోకి వ‌చ్చింది. అప్పుడు ప్రధానిగా రాజీవ్ గాంధీ బాధ్యత‌లు నెర‌వేర్చారు. 

ఇక 1999 నుంచీ 2004 దాకా రెండుసార్లు ప్రధానిగా అటల్ బిహారీ వాజ్ పాయ్ ప్రధాన మంత్రిగా ఉన్నా, బీజేపీకి పూర్తిస్తాయి మెజార్టీ లేదు. ఇత‌ర పార్టీల భాగ‌స్వామ్యంతో అట‌ల్ బిహారీ వాజ్ పాయ్ ప్రధానిగా ప‌నిచేశారు. ఇక  2004 నుంచి 2014 దాకా మ‌న్మోహ‌న్ వ‌రుస‌గా రెండుసార్లు ప్రధాన మంత్రిగా బాధ్యత‌లు నిర్వహించినా, కాంగ్రెస్ పార్టీకి పూర్తిస్థాయి మెజార్టీ లేదు.

యూపీఏ భాగ‌స్వామ్య పార్టీల‌తో ఆయ‌న ప్రధానిగా ప‌నిచేశారు. కానీ 2014 ఎన్నిక‌ల్లో న‌రేంద్ర మోడీ నాయ‌క‌త్వంలో బీజేపీకి పూర్తిస్థాయి మెజార్టీ ఉంది. ఈ ఎన్నిక‌ల్లో కూడా బీజేపీకి పూర్తిస్థాయి మెజార్టీ వ‌చ్చి, న‌రేంద్ర మోడీ మ‌రోసారి ప్రధాన మంత్రి అయితే, 48 సంవ‌త్సరాల చ‌రిత్ర రిపీట్ అయిన‌ట్లే.

ఎన్నికల ఫలితాల కోసం అంతా ఎదురుచూస్తున్నారు. ఈ నేపథ్యంలో బీజేపీ విజయానికి కారణమయ్యే ఐదు హిందీ రాష్ట్రాల గురించే చర్చ జరుగుతోంది. ఈసారి ఎన్నికల్లో హిందీ బెల్ట్‌లో పరాభవం తప్పదని ఆందోళన చెందుతున్న బీజేపీకి ఎగ్జిట్ పోల్ ఫలితాలు ఆశాజనకంగా కనిపిస్తున్నాయి. గత ఎన్నికల్లో బాసటగా నిలిచిన ఆ ఐదు రాష్ట్రాలు మళ్ళీ తమకే అనుకూలంగా ఉన్నట్లు ఎగ్జిట్ ఫలితాలు వెల్లడించడంతో కమలనాధుల్లో కొత్త ఉత్సాహం వచ్చింది.

ఉత్తరప్రదేశ్, మధ్యప్రదేశ్, రాజస్థాన్, బీహార్, ఛత్తీస్‌గడ్‌లో బీజేపీ ఎక్కువ స్థానాలు గెలుచుకునే ఛాన్స్ ఉందంటూ ఎగ్జిట్ పోల్స్ వెల్లడించాయి. ఈ ఐదు రాష్ట్రాల్లో 185 లోక్‌సభ స్థానాలున్నాయి. 2014లో వీటిలో 165 సీట్లను బీజేపీ గెలుచుకుంది. మధ్యప్రదేశ్, రాజస్థాన్‌, ఛత్తీస్‌ఘడ్ రాష్ట్రాల్లో గత డిసెంబర్‌లో జరిగిన ఎన్నికల్లో కాంగ్రెస్ పార్టీ విజయం సాధించింది. లోక్ సభ ఎన్నికల్లోనూ సత్తా చాటాలని భావించిన ఆ పార్టీకి చుక్కెదురవుతోందని ఎగ్జిట్ ఫలితాలు పేర్కొన్నాయి.

ఇక 80 సీట్లు ఉన్న యూపీలో గత ఎన్నికల్లో 71 సీట్లు గెలుచుకున్న బీజేపీకి ఈ సారి మాత్రం 33 నుంచి 65 సీట్లు మాత్రమే గెలుచుకుంటుందని తెలిపాయి. పైగా ఈ ఐదు రాష్ట్రాలోని 185 సీట్లలో బీజేపీ 144 సీట్ల వరకూ గెలుపొందే అవకాశం ఉందని కూడా ఎగ్జిట్ పోల్స్ వెల్లడించాయి. మరి వాస్తవిక ఫలితాలు ఎలా ఉంటాయో మరి కాసేపట్లో తేలిపోనుంది. 

రాజ‌కీయాల్లోకి లేటుగా వ‌చ్చినా లేటెస్ట్ పాలిటిక్స్ చూపించార‌ట పంజాబ్ లోని గురుదాస్ పూర్ బీజేపీ అభ్యర్థి స‌న్నీ డియోల్. ఈ ఎన్నిక‌ల్లో ఆయ‌న విజ‌యం ఖాయ‌మ‌ని దాదాపుగా స‌ర్వేలు తేల్చేశాయ‌ట‌. ఆల‌స్యంగా టిక్కెట్ అందుకున్నా ఆయ‌న ప్రచారంలో దూసుకెళ్లారంటున్నారు. 

స్థానిక బీజేపీ శ్రేణుల‌తో పాటు సన్నీ అభిమానులు ప్రతి ర్యాలీలో పాల్గొన్నార‌ట‌. ముఖ్యంగా గ‌ద్ద‌ర్, బోర్డర్ వంటి దేశ‌భ‌క్తి సినిమాల‌తో జ‌నాన్ని ఉర్రూత‌లూగించారు స‌న్నీ దియోల్. ఇక ఆయ‌న పోటీ చేసిన గురుదాస్ పూర్ ఎంపీ సీటు కూడా పాకిస్తాన్ స‌రిహ‌ద్దులో ఉండడంతో, జనం క్రేజ్ కూడా రెట్టింపు అయిందట‌. 

ఇక రాజ‌కీయాలు అంటే త‌న‌కు తెలియ‌ద‌న్న స‌న్నీ, దేశసేవ‌లో నిరంత‌రం ఉంటాన‌నీ, ప్రజాసేవ‌కుడిగా జీవితం సాగిస్తాన‌ని ప్రక‌టించారు. మ‌రో విష‌యం ఏంటంటే, పంజాబ్ ప్రజ‌ల‌కు ఇంకా బీజేపీ, అకాలీద‌ళ్ మీద కోపం త‌గ్గలేద‌ట‌. 

ఈ ప్రభావం స‌న్నీ మీద ప‌డ‌కుండా చాలా జాగ్రత్తలు తీసుకున్నారు గురుదాస్ పూర్ బీజేపీ నేత‌లు. స‌న్నీ వాడిన రేంజ్ రోవ‌ర్ వాహ‌నానికి బీజేపీ జెండా క‌ట్టేలేద‌ట‌. స‌భ‌ల్లో కూడా ఎక్కడా మోడీ, అమిత్ షాల పేర్లు ప్ర‌స్తావించ‌కుండా జాగ్ర‌త్త‌లు తీసుకున్నార‌ట‌. 

అంతేకాదు బీజేపీకి చెందిన కీల‌క నేత‌లు ఎవ్వరూ స‌న్నీకి మ‌ద్దతుగా ప్రచారం చేయ‌లేదు. కేవ‌లం సన్నీ డియోల్ కుటుంబానికి ఉన్న క్రేజ్, అభిమానుల బ‌లం మీదే స‌న్నీ ఆధార‌ప‌డిన‌ట్లు అర్థం అవుతోంది. ప్రచారంలో తెల్లచొక్కా, బ్లూ క‌ల‌ర్ జీన్స్ వేసుకున్న స‌న్నీ, మెడ‌లో కాషాయ కండువా కానీ, బీజేపీ కండువా కానీ క‌ప్పులేద‌ట‌. 

ఇక‌ పోస్టర్ల మీద‌ కూడా త‌న తండ్రి ధ‌ర్మేంద్ర, త‌ల్లి ప్రకాష్ కౌర్ ఫొటోల‌తో పాటు తాను గెలిస్తే ఏం చేస్తానో తెలిపే నినాదాలు మాత్రమే ముద్రించార‌ట‌. ఉగ్ర‌వాదం, మాద‌క ద్రవ్యాల‌తో న‌ష్టపోయిన పంజాబ్ యువ‌త‌ను ఆదుకుంటాన‌నీ, త‌న‌కు ఒక్క అవ‌కాశం ఇవ్వాల‌ని స‌న్నీ ప్రతి స‌భ‌లో కోరారు. 

ఇక సన్నీ దియోల్ మీద కాంగ్రెస్ అభ్యర్థిగా బ‌రిలో ఉన్న సునీల్ జ‌క్కర్ ప్రచారంలో వెనుక‌బ‌టం కూడా ఆయ‌న‌కు క‌ల్సొస్తుంద‌ని బీజేపీ నేత‌లు భావిస్తున్నారు. మొత్తానికి మొద‌టిసారి రాజ‌కీయ రంగంలో అదృ‌ష్టాన్ని ప‌రీక్షించుకుంటున్న స‌న్నీ డియోల్ గెల‌వాల‌ని ఆయ‌న అభిమానులు తెగ ఆరాట ప‌డుతున్నారు. మ‌రో విష‌యం ఏంటంటే, స‌న్నీ దియోల్ స్టార్ డం ముందు కాంగ్రెస్ అభ్యర్థి ప్రకాష్ జ‌క్కర్ తేలిపోయార‌ట‌.

ఈ ఎన్నిక‌ల్లో దేశ ప్రజ‌లంద‌రి చూపూ ఉత్తరప్రదేశ్ మీదే ఉంది. ఎందుకంటే ఆ రాష్ట్రంలో మొత్తం 80 ఎంపీ సీట్లు ఉండ‌టంతో పాటు, గ‌త ఎన్నిక‌ల్లో బీజేపీ సొంతంగా 71 సీట్లు గెల్చుకుంది. అందుకే ఈసారి అక్కడ ఏ పార్టీకి ఎన్ని సీట్లు వ‌స్తాయ‌న్న దానిపై జోరుగా చ‌ర్చ‌లు జ‌రుగుతున్నాయి.

ఓవైపు అప్నాద‌ళ్ పార్టీకీ ఒక సీటు కేటాయించిన బీజేపీ, మిగిలిన అన్ని పార్లమెంట్ నియోజ‌క‌వ‌ర్గాల్లో ఒంట‌రి పోరు చేసింది.  ఇక స‌మాజ్ వాదీ పార్టీ, బ‌హుజ‌న్ స‌మాజ్ పార్టీ పొత్తు పెట్టుకుని బ‌రిలో దిగాయి.

ఇక కాంగ్రెస్ పార్టీ ఒంట‌రిగా బ‌రిలో దిగినా, కొన్నిచోట్ల ఎస్పీ, బీఎస్పీల‌కు ప‌రోక్షంగా స‌హ‌ర‌కించింద‌ట‌. దీంతో ఈ ఎన్నిక‌ల్లో బీజేపీకి గ‌తంలో గెలిచిన వాటిలో సగం కూడా రావ‌న్న ప్రచారం జ‌రిగింది. కొన్ని జాతీయ మీడియా సంస్థలు కూడా ఇలాంటి వార్తలు ప్రసారం చేశాయి. అయితే ఎగ్జిట్ పోల్ నివేదిక‌లు విప‌క్ష పార్టీల‌కు కంగుతినిపించాయి.

తాము అనుకన్నది ఒక‌టి, అయింది మ‌రొక‌టి కావ‌డంతో టెన్షన్ ప‌డుతున్నాయి. ఆ పార్టీల టెన్షన్ ఎలా ఉన్నా, వాస్తవ ప‌రిస్థితులను ప‌రిగ‌ణ‌న‌లోకి తీసుకోవాలంటోంది సెంట‌ర్ ఫ‌ర్ స్టడీ ఆఫ్ సొసైటీ అండ్ పాలిటిక్స్ సంస్థ. ప్రతి ఎన్నిక‌ల స‌మ‌యంలో వాస్తవ ప‌రిస్థితుల‌ను అంచ‌నా వేసే ఈ కాన్పూర్ సంస్థ ఈ ఎన్నిక‌ల మీద‌ కూడా ఉత్తర‌ప్రదేశ్ మొత్తం స‌ర్వే చేసి, ఓ నివేదిక విడుద‌ల చేసింది.

అన్ని స‌మీక‌ర‌ణాల‌ను ప‌రిశీలించిన త‌ర్వాత ఓట్ల బ‌దిలీ మీద ఆశ‌లు పెట్టుకున్న ఎస్సీ, బీఎస్పీలకు జ‌నం ఝ‌ల‌క్ ఇచ్చిన‌ట్లు ఈ సంస్థ ప్ర‌క‌టించింది. కాగిత లెక్కల‌కు, వాస్తవ ప‌రిస్థితుల‌కు చాలా తేడా ఉంద‌నేది ఆ సంస్థ చెప్పే మాట‌. ఎందుకంటే, అన్ని ద‌శ‌ల పోలింగులో అఖిలేష్, మాయావ‌తి పార్టీల మ‌ధ్య ఓట్ల బ‌దిలీ చాలా త‌క్కువ‌గా జ‌రిగింద‌ట‌.

గ‌తంలో ముస్లింలు పూర్తిగా అఖిలేష్ వైపు ఉండేవారు. కానీ ప్రియాంక వాద్రా ప్రచారంలో దిగ‌డంతో, ముస్లింల ఓట్లు కాంగ్రెస్ పార్టీ వైపు మ‌ళ్లాయ‌ట‌. ఎందుకంటే, కాంగ్రెస్ పార్టీకి ఎక్కువ సీట్లు వ‌స్తేనే మోడీని ఓడించ‌వ‌చ్చనీ, ఎస్పీ, బీఎస్పీ కూట‌మికి ఓటు వేస్తే ఉప‌యోగం లేకుండా పోతుంద‌ని ముస్లింలు భావించార‌ట‌. 

దీంతో ముస్లింల ఓట్లు కాంగ్రెస్, ఎస్పీ, బీఎస్పీ కూట‌మి మ‌ధ్య చీలిన‌ట్లు తేలింది. మ‌రో ఇష‌యం ఏంటంటే, పొత్తులో భాగంగా స‌మాజ్ వాదీ పార్టీ 37 సీట్ల‌లో పోటీ చేసింది. అయితే ఆ పార్టీ నుంచి టిక్కెట్ రాని వారు ఎదురు తిరిగార‌ట‌. వీరిలో కొంద‌రు కాంగ్రెస్ వైపు వెళ్లితే, మ‌రికొంద‌రు బీజేపీ వైపు మొగ్గుచూపార‌ట‌.

ఇక మొద‌టి నుంచీ స‌మాజ్ వాదీ పార్టీని మోస్తున్న యాద‌వుల ఓట్లలో కూడా చీలిక వ‌చ్చిన‌ట్లు తెలుస్తోంది. ప్రగ‌తిశీల స‌మాజ్ వాదీ పార్టీ పెట్టుకున్న అఖిలేష్ బాబాయ్ శివ‌పాల్ యాద‌వ్ వైపు ఎక్కువ మంది యాద‌వులు మొగ్గుచూపిన‌ట్లు తేలింది. దీంతో వారి ఓట్లు చీలాయి. 

ఇక సమాజ్ వాదీ పార్టీ అభ్యర్ధులు నిల‌బ‌డిన చోట, బీఎస్పీ కేడ‌ర్ వారికి ఓటు వేయ‌లేదు. మొద‌టి నుంచీ యాద‌వులు, ద‌ళితులు మ‌ధ్య ఉన్న వైరంతో ద‌ళితుల ఓట్లలో ఎక్కువ శాతం బీజేపీ వైపు మ‌ళ్లిన‌ట్లు తేలింది.

దీంతో ఎస్పీ అభ్యర్ధులు బ‌ల‌హీన‌ప‌డ్డార‌ట‌. అలాగే బీఎస్పీ అభ్యర్ధులు నిల‌బ‌డిన సీట్లలో యాద‌వులు వారికి ఓటు వేయ‌లేద‌ట‌. ఎందుకంటే మాయావ‌తి అధికారంలో ఉన్నప్పుడు చాలా మంది యాద‌వుల మీద ఎస్సీఎస్టీ అట్రాసిటీ కేసులు న‌మోదు అయ్యాయి. ఆ కోపం యాద‌వుల్లో ఇప్ప‌టికీ ఉంద‌ట‌. అందుకే వారు బీఎస్పీ అభ్యర్ధుల‌కు ఓటే వేయ‌లేదు. ఒక‌వేళ యాద‌వ వ‌ర్గానికి చెందిన వ్యక్తి బ‌రిలో ఉంటేనే ఓటేశార‌ట‌. 

మ‌రో విష‌యం ఏంటంటే, ఒక‌ప్పటి మాదిరిగా ద‌ళితులు మొత్తం మాయావ‌తి వైపు లేద‌ని తేలిపోయింది. ఆమెను చాలా మంది ద‌ళితులు న‌మ్మడం లేద‌ట‌. ఎందుకంటే 2014 ఎన్నిక‌ల్లో యూపీలోని 17 ఎస్సీ పార్ల‌మెంట్ నియోజ‌క‌వ‌ర్గాల్లో బీజేపీ గెలిచింది.

అలాగే 2017 యూపీ అసెంబ్లీ ఎన్నిక‌ల్లో మొత్తం 86 ఎస్సీ రిజ‌ర్వేష‌న్ ఉన్న స్థానాల్లో 70 బీజేపీ గెలిచింది. అంటే ద‌ళితులు ఓట్లు బీఎస్సీ, బీజేపీ మ‌ధ్య చీలిన‌ట్లు అర్థం అవుతోంది. ఈ ప‌రిణామాల‌న్నీ బీజేపీకి క‌లిసొచ్చాయ‌నీ, అందుకే ఆ పార్టీకి ఎక్కువ సీట్లు గెల్చుకుంద‌ని కాన్పూర్ సంస్థ తేల్చింది.

రాజ‌కీయాల‌కు గ్లామ‌ర్ జోడించాల‌ని తాప‌త్రయ‌ప‌డిన ఆ తార ఈ ఎన్నిక‌ల్లో దెబ్బతిన‌డం ఖాయ‌మ‌ని ఎగ్జిట్ పోల్స్ తేల్చేశాయి. ప‌శ్చిమ బెంగాల్లోని అసోన్ సోల్ పార్లమెంట్ సీటు నుంచి తృణ‌మూల్ కాంగ్రెస్ పార్టీ అభ్యర్థిగా బ‌రిలో దిగారు మూన్ మూన్ సేన్. 2014 ఎన్నిక‌ల్లో బెంగాల్లోని బంకురా ఎంపీ సీటు నుంచి పోటీ చేసి గెలిచారు మూన్ మూన్ సేన్. 

బంకురా ఎంపీ సీటు నుంచి గ‌తంలో తొమ్మిది సార్లు గెలిచిన సీపీఎం నేత వాసుదేవ్ ఆచార్యను ఆమె ఓడించారు. అయితే ఐదేళ్లలో ప్ర‌జా స‌మ‌స్యల‌ను ఆమె ఏమాత్రం ప‌ట్టించుకోలేదట‌. అంతేకాదు, చాలాసార్లు పార్లమెంట్ స‌మావేశాల‌కు ఆమె గైర్హాజ‌రు అయ్యార‌ట‌. ఇక ప్ర‌జ‌ల‌కు కూడా అందుబాటులో లేక‌పోవ‌డంతో, ఈ ఎన్నిక‌ల్లో ఆమెను అసోన్ సోల్ సీటుకు మార్చారు టీఎంసీ అధినేత్రి మ‌మ‌త బెన‌ర్జీ. 

ఈ మార్పును ఊహించ‌ని మూన్ మూన్ సేన్, బంకురా సీటు ప‌రిధిలోని ప‌లు ప్రాంతాల్లో ప‌ర్యట‌న‌లు చేశారు. కానీ చివ‌రి నిమిషంలో సీటు మ‌రాడంతో ఆమె కంగుతిన్నార‌ట‌. మమ‌త బెన‌ర్జీ మాట‌కు ఎదురు చెప్పలేక‌, అసోన్ సోల్ నుంచి బ‌రిలో దిగారు.

కేంద్ర మంత్రి, సిట్టింగ్ ఎంపీ బ‌బూల్ సుప్రియో మీద ఆమె పోటీ ప‌డ్డారు. గ‌త ఎన్నిక‌ల్లో ఈ సీటు నుంచి బీజేపీ అభ్యర్ధిగా పోటీ చేసిన సుప్రియో, 70 వేల ఓట్ల మెజార్టీతో గెలిచారు. స్థానిక స‌మ‌స్యలు, పార్టీ కేడ‌ర్, ప్రజ‌ల‌కు అందుబాటులో ఉన్న సుప్రియో, ప‌లుమార్లు మ‌మ‌త బెన‌ర్జీకి ప్రభుత్వానికి వ్యతిరేకంగా ఆందోళ‌న‌లు చేశారు. 

అంటే, ఏదో ర‌కంగా జ‌నం దృష్టి త‌న మీద ఉండేట‌ట్లు చేసుకోవ‌డంలో ఆయ‌న విజ‌యం సాధించార‌ట‌. ఇక ఈ ఎన్నిక‌ల ప్రచారంలో కూడా మూన్ మూన్ సేన్ వివాదాస్పద నిర్ణయాలు, కామెంట్లు చేశారు. బ‌హిరంగ స‌భ‌ల్లో పాల్గొన్న ఆమె, ముస్లింల ఓట్ల కోసం, హిందువుల మీద నోరు జారార‌ట‌.

ఇక బ‌బూల్ సుప్రియో కారు ధ్వంసం సంగ‌తి తెల్సుకోకుండానే ఆమె వెట‌కారంగా ట్వీట్ చేసి జ‌నం కోపానికి కార‌ణం అయ్యారు. అంతేకాదు, క‌ర‌ప‌త్రాల్లో త‌న ఫొటోతో పాటు త‌న త‌ల్లి ఫొటోను కూడా ముద్రించి ప్రచారం చేయ‌డం వివాదాస్పదం అయింది. 

మ‌రో విష‌యం ఏంటంటే, మూన్ మూన్ సేన్ అభ్యర్థిత్వం మీద కొంద‌రు స్థానిక టీఎంసీ నేత‌లు గుర్రుగా ఉన్నార‌ట‌. వీరంతా ప‌రోక్షంగా సుప్రియోకు మ‌ద్దతు ఇచ్చారట‌. ఇక ఈ సీటులో గెల‌వ‌డం క‌ష్టమ‌ని భావించిన కాంగ్రెస్, సీపీఎంలు కూడా వీలైనంతగా బీజేపీ అభ్యర్థికి ఓట్లు పంపిణీ చేసిన‌ట్లు స‌మాచారం.

ఇక ప్రత్యేక డార్జిలింగ్ కోసం పోరాడుతున్న గూర్ఖా జ‌న‌ముక్తి మోర్చా, గూర్ఖా నేష‌న‌ల్ లిబ‌రేష‌న్ ఫ్రంట్ పార్టీలు బ‌హిరంగంగా బీజేపీకి మ‌ద్దతు ప‌లికాయి. దీంతో బీజేపీ అభ్య‌ర్థి బ‌బూల్ సుప్రియో విజ‌యం ఖాయ‌మ‌ని తేలింద‌ట‌.

బీహార్ రాజ‌ధాని పాట్నా సాహెబ్ ఎంపీ సీటు మీద జోరుగా బెట్టింగ్ జ‌రుగుతోంద‌ట‌. ఈ సీటు నుంచి పోటీ చేస్తున్న కేంద్ర మంత్రి, బీజేపీ అభ్య‌ర్థి ర‌వి శంక‌ర్ ప్ర‌సాద్ మీద బ‌రిలో దిగిన కాంగ్రెస్ అభ్య‌ర్థి శ‌త్రుఘ్న‌సిన్హాల మ‌ధ్య పోటాపోటీగా ప్ర‌చారం జ‌రిగింది. మొన్న‌టి దాకా ఇద్ద‌రి విజ‌యాల మీద భారీగా పందేలు జ‌రిగాయి. 

అయితే ఎగ్జిట్ పోల్ త‌ర్వాత చాలా మంది శ‌త్రుఘ్న‌సిన్హా కాసిన పందేన్ని న‌ష్టానికి వెన‌క్కి తీసుకున్నారట. మొత్తం డ‌బ్బులు న‌ష్ట‌పోయే బ‌దులు, కొద్దిగా న‌ష్ట‌పోవ‌డ‌మే బెట‌ర‌న్న ధోర‌ణికి వ‌చ్చార‌ట‌. ఎందుకంటే ఈ సీటు నుంచి ర‌వి శంక‌ర్ ప్ర‌సాద్ విజ‌యం ఖాయ‌మ‌ని అన్ని స‌ర్వేలు తేల్చేశాయి. 

మొద‌టి నుంచీ బీజేపీకి ప‌ట్టున్న ఈ సీటులో 2009, 2014 ఎన్నికల్లో బీజేపీ అభ్య‌ర్థిగా పాట్నా సాహెబ్ సీటు నుంచి పోటీ చేసి గెలిచిన శ‌త్రుఘ్న‌సిన్హా, ఈ ఎన్నిక‌ల్లో కూడా ఈ సీటు కావాల‌ని ప‌ట్టుబ‌ట్టారు. అయితే పార్టీ అధిష్టానం ఆయ‌న కోరిక‌ను తిర‌స్క‌రించ‌డంతో, బీజేపీకి రాజీనామా చేసి కాంగ్రెస్ పార్టీలో చేరారు. 

ఇక పాట్నా సాహెబ్ పార్లమెంట్ల సీటు ప‌రిధిలో ఎక్కువ శాతం కాయ‌స్థ కుల‌స్తులు ఉన్నారు. శత్రుఘ్న‌సిన్హా, ర‌వి శంక‌ర్ ప్ర‌సాద్ ఇద్ద‌రూ అదే సామాజిక వ‌ర్గానికి చెందిన వారు. మొన్న‌టి దాకా సిన్హాకు మ‌ద్ద‌తుగా ఉన్న ఇక్క‌డ ప్ర‌జ‌లు, ఆయ‌న తీరు మీద విసుగు చెందారట‌. ఎందుకంటే, తాను కాంగ్రెస్ పార్టీ నుంచి బ‌రిలో దిగిన శ‌త్రుఘ్న‌సిన్హా, యూపీలోని ల‌క్నో సీటు నుంచి త‌న భార్య పూన‌మ్ సిన్హాను స‌మాజ్ వాదీ పార్టీ అభ్య‌ర్థిగా పోటీలో పెట్టారు.

అక్క‌డ ప్ర‌చారానికి వెళ్లిన ఆయ‌న‌, బీజేపీతో పాటు కాంగ్రెస్ పార్టీని కూడా తిట్టేశారు. ఇదే జ‌నానికి మండింది. ప్ర‌జాసేవ‌, పార్టీ మీద నిబ‌ద్ధ‌త క‌న్నా, సొంత ప్ర‌యోజ‌నాలే శ‌త్రుఘ్న‌సిన్హ‌కు ముఖ్య‌మ‌ని జ‌నం నిర్ణ‌యానికి వ‌చ్చారు. ఇదంతా ర‌విశంక‌ర్ ప్ర‌సాద్ ఓట్ బ్యాంక్ రెట్టింపు చేసింద‌ట‌. ఇక బీజేపీ పెద్ద‌లు కూడా శ‌త్రుఘ్న‌సిన్హా మీద గుర్రుగానే ఉంది. 

2014 ఎన్నిక్లోల గెలిచిన త‌ర్వాత ఆయ‌న‌, ప్ర‌ధాని మోడీ ప‌లుమార్లు ఆరోప‌ణ‌లు చేశారు. యూపీఏ ప‌క్షాలు ఏర్పాటు చేసిన స‌మావేశాల‌కు వెళ్లారు. వారి ముందే మోడీ మీద ఆరోప‌ణ‌లు గుప్పించారు. దీంతో ఆయ‌న్ని పార్టీ నుంచి వ‌దిలించుకోడానికి బీజేపీ డిసైడ్ అంయింది. అందుకే సిన్హా పార్టీ మార అవ‌కాశం ఉంద‌ని తెల్సినా,  పాట్నా సాహెబ్ సీట్ ఇవ్వడానికి అమిత్ షా నిరాక‌రించిన‌ట్లు అర్థం అవుతోంది.

ఎగ్జిట్ పోల్స్ చూసిన త‌ర్వాత ప‌శ్చిమ బెంగాల్ ముఖ్య‌మంత్రి మ‌మ‌త బెన‌ర్జీకి కంటి మీద కునుకు లేకుండా పోయింద‌ట‌. ఓవైపు ఈవీఎం మిష‌న్ల మీద ఆరోప‌ణ‌లు చేస్తున్న మ‌మ‌త‌, లోలోప‌ల ర‌గిలి పోతున్న‌ట్లు ఆమె సొంత పార్టీ నేత‌లు చెబుతున్నారు. మ‌మ‌త బెన‌ర్జీ ఇంత‌గా ర‌గిలి పోవడానికి చాలా కారణాలు ఉన్నాయ‌ట‌. 

ముస్లిం ఓట్ బ్యాంక్ మీద ఆపేక్ష కొద్దీ వారి కోసం అడ్డ‌గోలుగా ప‌థ‌కాలు ప్ర‌వేశ‌పెట్టి, హిందూ ఓట్ బ్యాంక్ దూరం చేసుకున్న మ‌మ‌త బెన‌ర్జీ, 2021లో జ‌ర‌గ‌నున్న బెంగాల్ అసెంబ్లీ ఎన్నిక‌ల ఫ‌లితాల మీద బెంగ పెట్టుకున్నార‌ట‌. ఈ పార్ల‌మెంట్ ఎన్నిక‌ల‌ ఫ‌లితాలే రెండేళ్ల త‌ర్వాత కూడా అసెంబ్లీ ఎన్నిక‌ల్లో రిపీట్ అయితే త‌న ప‌రిస్థితి ఏంట‌న్న దానిపై ఆమె తీవ్రంగా ఆలోచిస్తున్న‌ట్లు వార్త‌లు వ‌స్తున్నాయి. 

ఇప్ప‌టికే ప‌శ్చిమ బెంగాల్లోని సీపీఎం, కాంగ్రెస్ పార్టీల‌ను మ‌ట్ట‌సానికి తొక్కేసిన మ‌మ‌త‌, బీజేపీని ఏం చేయ‌లేని పరిస్థితిలో ఉన్నార‌ట‌. మొన్న‌టి దాకా కేంద్రం మ‌ద్ద‌తు ఉండ‌టంతో స్థానిక బీజేపీ నేత‌లు, పార్టీని బాగా విస్త‌రించారు.

ఇప్పుడు మ‌రోసారి ప్ర‌ధాని మోడీ అయితే, త‌న పార్టీ టీఎంసీ దెబ్బ‌తిన‌డం ఖాయ‌మ‌న్న‌ది ఆమె అనుమానం. అంతేకాదు, ఈ పార్ల‌మెంట్ ఎన్నిక‌ల్లో పోటీ చేసిన కాంగ్రెస్, సీపీఎంలు నామ‌మాత్రంగానే ప్ర‌చారం చేసి, త‌మ ఓట్ బ్యాంక్ మొత్తాన్ని బీజేపీ వైపు మ‌ళ్లించిన‌ట్లు స‌ర్వేలే తేల్చేశాయి. 

ఇక మాట‌ల యుద్ధమే కాకుండా వీధి పోరాటాల్లో కూడా టీఎంసీతో బీజేపీ సై అంటోంది. టీఎంసీ కార్య‌క‌ర్త‌లు ఎంత‌గా రెచ్చిపోతుంటే, అంత‌కంటే ఎక్కువ రీతిలో బీజేపీ కార్య‌క‌ర్త‌లు రెచ్చిపోతున్నారు. మ‌రో విష‌యం ఏంటంటే, త‌మ‌తో 40 మంది త్రుణ‌మూల్ కాంగ్రెస్ పార్టీ ఎంఎల్ఏలు ట‌చ్ లో ఉన్నారంటూ ప్ర‌ధాని మోడీ బెంగాల్ ఎన్నిక‌ల స‌భ‌లో బాంబ్ పేల్చారు. ఇది కూడా దీదీని టెన్ష‌న్ పెడుతోంది. 

మ‌రోసారి మోడీ ప్ర‌ధాని అయితే, ఈ రెండేళ్ల పాటైనా త‌న ప్ర‌భుత్వం స‌జావుగా సాగుతుందా అన్న అనుమానం మ‌మ‌త బెన‌ర్జీని ఇప్పుడు వెంటాడుతోంద‌ట‌. ఈ ఎన్నికల్లో కాంగ్రెస్, సీపీఎంలు ప్రేక్ష‌క పాత్ర వ‌హించాయ‌నీ, త‌మ‌కు రెండంకెల సీట్లు వ‌స్తే, దూకుడు పెంచుతామ‌నీ ఇప్ప‌టికే ప‌శ్చిమ బెంగాల్ బీజేపీ ఉపాధ్య‌క్షుడు ప్ర‌కాష్ మ‌జుందార్ ప్ర‌క‌టించారు. ఇక మోడీ ప్ర‌ధాని అయితే త‌న‌కు దిన‌దినం గండ‌మేన‌ని మ‌మ‌త బెన‌ర్జీకి అర్థ‌మైంద‌ట‌. 

ఇక తాజా రాజ‌కీయ ప‌రిస్థితుల‌ను గ‌మ‌నిస్తున్న కాంగ్రెస్, సీపీఎంలు ఈ ఫ‌లితాల త‌ర్వాత మ‌మ‌త బెన‌ర్జీ ప్ర‌భుత్వాన్ని కూల్చేసినా త‌మ‌కు అభ్యంత‌రం లేద‌ని ఇప్ప‌టికే సంకేతాలు పంపాయ‌ట‌. త‌మ పార్టీ అధిష్టానం ఇందుకు ఒప్పుకున్నా, ఒప్పుకోక‌పోయినా త‌మ‌కు ఎలాంటి అభ్యంత‌రం లేద‌నీ, త‌మ‌తో పాటు బీజేపీకి కూడా ఉమ్మ‌డి శ‌త్రువైన మ‌మ‌త బెన‌ర్జీని గ‌ద్దె నుంచి దింపితే కానీ, తాము స్వేచ్చ‌గా ఉండ‌లేమ‌న్న ధోర‌ణలో ఆ రెండు పార్టీల నేత‌లు ఉన్నార‌ట‌. 

అందుకే అవ‌కాశం కోసం ఎదురు చూస్తున్నట్లు బెంగాలీ మీడియా క‌థ‌నాలు రాస్తోంది. ఇప్పుడు మ‌మ‌త దీదీని ఇంటికి పంపితే, బెంగాల్ అసెంబ్లీ ఎన్నిక‌ల్లో ఎవ‌రి బ‌లం ఎంతో తేలిపోతుంద‌నీ, అప్ప‌టి సంగ‌తి అప్పుడు చూద్దామ‌న్న ఆలోచ‌న‌లో బెంగాల్ కాంగ్రెస్, సీపీఎం నేత‌లు ఉన్న‌ట్లు తెలుస్తోంది.

ఎంతో రాజ‌కీయ నేప‌థ్యం ఉన్న న్యూఢిల్లీ పార్ల‌మెంట్ సీటు నుంచి ఈసారి కూడా సిట్టింగ్ ఎంపీ మీనాక్షి లేఖి విజ‌యం ఖాయ‌మ‌ట‌. గ‌త ఎన్నికల్లో బీజేపీ అభ్య‌ర్ధిగా బ‌రిలో దిగిన మీనాక్షి లేఖి, త‌న ప్ర‌త్య‌ర్థి ఆశిష్ ఖేతాన్ మీద 1,52,708 ఓట్ల‌తో గెలిచారు. ఆ ఎన్నిక‌ల్లో కాంగ్రెస్ అభ్య‌ర్ధి లక్షా 82 వేల ఓట్ల‌తో మూడో స్థానంలో నిలిచారు. 

2004, 2009 పార్లమెంట‌రీ ఎన్నికల్లో ఈ సీటు నుంచి గెలిచిన అజ‌య్ మాకెన్, ఈసారి కూడా కాంగ్రెస్ అభ్య‌ర్థిగా బ‌రిలో దిగారు. ఆమ్ ఆద్మీ పార్టీ నుంచి బ్రిజేష్ గోయ‌ల్ పోటీ చేశారు. బీజేపీ, ఆమ్ ఆద్మీ పార్టీల మీద విమ‌ర్శ‌లు గుప్పించారు. అటు ఢిల్లీ సీఎం అర‌వింద్ కేజ్రీవాల్ కూడా మీనాక్షి లేఖి మీద ఆరోప‌ణ‌లు చేశారు. 

న్యూఢిల్లీ పార్ల‌మెంట్ సీటు ప‌రిధిలో ఆమె ఏ ప‌నులూ చేయ‌లేద‌న్నారు. ఈ ఐదేళ్ల కాలంలో ఎలాంటి అభివృద్ధి జ‌ర‌గ‌లేద‌ని అజ‌య్ మాకెన్ కూడా త‌న ప్ర‌చారంలో ఊద‌ర‌గొట్టారు. అయితే 2004 నుంచి 2014 దాకా అంటే ఆ ప‌దేళ్ల కాలంలో న్యూఢిల్లీ ఎంపీ సీటు ప‌రిధిలో అజ‌య్ మాకెన్ ఏం చేశార‌ని ప్ర‌శ్నించారు మీనాక్షి లేఖి. ఇక‌ దాదాపు 32 కోట్ల రూపాయ‌ల ఎంపీ నిధుల‌తో న్యూఢిల్లీ ఎంపీ సీటు ప‌రిధిలో మీనాక్షి లేఖి ప‌లు అభివృద్ధి కార్య‌క్ర‌మాలు చేశార‌ట‌. 

స్వ‌చ్చ భార‌త్ అభియాన్ ప‌థ‌కంతో పాటు, యువ‌త‌కు స్కిల్ ట్రైనింగ్ సెంట‌ర్ల ఏర్పాటు, టెలీకం నెట్ వ‌ర్క్ విస్త‌ర‌ణ వంటి ప‌లు అభివృద్ధి ప‌నులు చేయ‌డంలో ఆమె విజ‌యం సాధించిన‌ట్లు స్థానిక మీడియాలో వ‌చ్చిన వార్త‌లు మీనాక్షి లేఖికి ప్ల‌స్ పాయింట్ అయ్యాయి. అంతేకాదు, న్యూఢిల్లీ, ఢిల్లీ క్యాంటిన్, స‌రాయ్ రొహిల్లా రైల్వే స్టేష‌న్ల అభివృద్ధి, ఈ మూడు స్టేష‌న్ల మ‌ధ్య ఎక్కువ‌గా లింక్ రైళ్ల‌ను ఏర్పాటు చేసి, ఉద్యోగుల ఇబ్బందులు తొల‌గించి, ప్ర‌యాణ కాలాన్ని త‌గ్గించార‌ని కూడా చాలా మంది చెబుతున్న‌మాట‌. 

అంతేకాదు, జాతీయ‌వాదం, దేశ‌భ‌ద్ర‌త‌, అభివృద్ది వేర‌న్న కాంగ్రెస్, ఆప్ ప్ర‌చారాన్ని చాలా మంది తిర‌స్క‌రించార‌ట‌. జాతీయ‌వాదం, దేశభ‌ద్ర‌త లేకుండా అభివృద్ధి ఎలా జ‌రుగుతుంద‌న్న మీనాక్షి లేఖి ప్ర‌చారానికి చాలా మంది ఆక‌ర్షితులు అయ్యార‌ని తేలింది. ఇక ఎగ్జిట్ పోల్స్ కూడా మీనాక్షి లేఖి విజ‌యం ఖాయ‌మ‌ని తేల్చాయి. బంప‌ర్ మెజార్టీ వ‌చ్చే అవ‌కాశం ఉన్న‌ట్లు కొన్ని స‌ర్వేలు చెబుతున్నాయి.