వాట్సప్.. ఇది వచ్చాక సాధారణ మెసేజీలు చేయడమన్నదే మానేశారు ప్రజలు. అందరి చేతుల్లోకి స్మార్ట్ ఫోన్స్ వచ్చేయడంతో వాట్సప్ ఓపెన్ చేయడం.. అవతలివాళ్ళకు మెసేజీలు చేసేయడం. కానీ కొన్ని కొన్ని సార్లు మన ప్రమేయం లేకుండా వాట్సప్ గ్రూప్ లలోకి చేరుస్తూ ఉంటారు. గ్రూప్ నుండి లెఫ్ట్ అయిపోదామనుకుంటే.. అవతలి వాళ్ల మనోభావాలు ఎక్కడ దెబ్బతింటాయో అని బాధపడుతూ ఉంటాం. అందుకనే మ్యూట్ పెట్టుకుంటూ ఉంటాం. 

తాజాగా కొత్త అప్డేట్ ను వాట్సప్ తీసుకుని వచ్చింది. నోటిఫికేషన్లను 8 గంటలు, వారం, నెల, ఏడాది వరకు మాత్రమే మ్యూట్ చేసే సదుపాయం ఉండేది. వాట్సప్ ఇప్పుడా ఆప్షన్ల జాబితాలో శాశ్వతంగా మ్యూట్ చేసే అవకాశాన్ని కూడా చేర్చింది. వాట్సప్ లో ఈ సరికొత్త ఫీచర్ ను 'ఆల్వేస్' పేరిట అందుబాటులోకి తీసుకువచ్చారు.

వాట్సప్ మొబైల్ లోనే కాకుండా, వాట్సప్ వెబ్ లోనూ పొందుపరిచినట్టు సంస్థ వెల్లడించింది. ఈ ఫీచర్ కు సంబంధించిన ప్రయోగాత్మక బీటా వెర్షన్ ను వాట్సప్ ఇంతకుముందే తీసుకువచ్చింది. దీనికి అత్యధికుల నుంచి సంతృప్తి వ్యక్తం కావడంతో తాజాగా అందరికీ అందుబాటులోకి తీసుకువచ్చింది. వాట్సప్ లో ఈ ఫీచర్ కనిపించకపోతే లేటెస్ట్ వెర్షన్ కు అప్ డేట్ చేసుకోవాలి. ఇంకేముంది అవసరంలేని నోటిఫికేషన్లు ఎప్పటికీ మన కంటపడవు.. మళ్లీ మనం అన్ మ్యూట్ చేసేదాకా ఆ నోటిఫికేషన్లు మనల్ని డిస్టర్బ్ చేయవు.      

గూగుల్ పే.. డబ్బులను ట్రాన్స్ ఫర్ చేసుకోడానికి పలువురు ఉపయోగించే యాప్ ఇది. అయితే కొన్ని మొబైల్ ఫోన్లలో గూగుల్ పే పనిచేయడం లేదంటూ కథనాలు వస్తున్నాయి. శాంసంగ్ గెలాక్సీ నోట్ 20 అల్ట్రా హ్యాండ్ సెట్స్ లో గూగుల్ పే యాప్ పని చేయడం లేదట. గత కొద్ది నెలలుగా ఆ యాప్ ను వాడుతుంటే సమస్యలు వస్తున్నాయని, సరిగా పనిచేయడం లేదని పలువురు సామాజిక మాధ్యమాల్లో పోస్టులు పెడుతూ ఉన్నారు. కొన్ని శాంసంగ్ గెలాక్సీ నోట్ 20 అల్ట్రా ఫోన్ల విషయంలోనే ఈ సమస్యలు వచ్చాయని.. మిగిలిన మొబైల్ ఫోన్లలో ఎటువంటి సమస్యలు తలెత్తలేదని నిపుణులు స్పష్టం చేశారు. సౌత్ కొరియా టెక్ దిగ్గజం శాంసంగ్ గెలాక్సీ నోట్ 20 అల్ట్రా మొబైల్ ను ఆగష్టు నెలలో లాంఛ్ చేసింది. 

శాంసంగ్ గెలాక్సీ నోట్ 20 అల్ట్రా మొబైల్ ఫోన్ లో గూగుల్ పే ద్వారా ఎన్.ఎఫ్.సి. పేమెంట్లు చేస్తూ ఉండగా తమకు టెక్నికల్ సమస్యలు వస్తున్నాయని చెబుతున్నారు. శాంసంగ్ గెలాక్సీ నోట్ 20 అల్ట్రా మొబైల్ ఫోన్ లో గూగుల్ పే ద్వారా ఎన్.ఎఫ్.సి. పేమెంట్లు చేస్తుంటే ఒక్కసారిగా యాప్ పనిచేయడం ఆగిపోతోందని.. ఎరుపు రంగు ఆశ్చర్యార్థకం సింబల్ ను చూపిస్తోందని చెబుతూ ఉన్నారు.. 'ఎర్రర్' మెసేజీ కూడా వస్తోందని వెల్లడించారు. ఇక మిగతా సమయాల్లో గూగుల్ పే బాగా పని చేస్తోందని అంటున్నారు. డీఫాల్ట్ పేమెంట్ ప్రొవైడర్ గా పెట్టుకున్నప్పటికీ కూడా ఎన్.ఎఫ్.సి. పేమెంట్ చేయాలని అనుకున్నప్పుడు వీలు పడడం లేదని చెబుతూ ఉన్నారు. ప్రపంచ వ్యాప్తంగా ఈ సమస్యలు తలెత్తడం లేదని తెలుస్తోంది.       

సిమ్ కార్డు స్లాట్ ను మార్చడం ద్వారా సమస్య పరిష్కారం అయిందని కొందరు చెబుతూ ఉంటే.. మరి కొందరేమో ఓటిఏ అప్ డేట్ చేయడం ద్వారా ఇప్పుడు అంతా సర్దుకుందని చెబుతూ ఉన్నారు. తాము ఏమి చేసినా సమస్య మాత్రం పరిష్కారమవ్వలేదని.. మరికొందరు యూజర్లు చెప్పుకొచ్చారు. దీనిపై శాంసంగ్ సంస్థ ఏమని సమాధానం ఇస్తుందో చూడాలి. 

జ‌నం మారి పోయారు. మామూలుగానే షాపింగ్ కి వెళ్లే ఓపిక‌ల్లేవు. ఇక క‌రోనా క‌దా. బ‌య‌టికి ఎందుకులే అనుకుంటున్నారు. అందుకే అంతా ఈ కామ‌ర్స్ పై ప‌డ్డారు. పండ‌గ క‌దా. ఫుల్లు ఆఫ‌ర్లు పెట్టేశాయి ఈ కామ‌ర్స్ పోర్టళ్లు. ఆల్రెడీ జ‌నం బాగా అల‌వాటు ప‌డిపోయారు. గుండు పిన్ను కాన్నుంచి టీవీలు ఫ్రిడ్జ్ ల దాకా అన్నీ ఈ కామ‌ర్స్ సైట్ల‌లో కొనేందుకు ఇంట్ర‌స్ట్ చూపిస్తున్నారు క‌దా. ఈ పండ‌గ ఆఫ‌ర్ల‌తో అంద‌రూ రెడీగా ఉన్నారు. ఒక్క‌టే మాట‌.. ఇప్పుడొద్దులే.. పండ‌గ టైంలో ఆఫ‌ర్లు పెడ‌త‌రు అప్పుడు కొందాం. దానికి త‌గ్గ‌ట్లే.. ఈ కామ‌ర్స్ సైట్లు కూడా పోటీ ప‌డి మ‌రీ ఆఫ‌ర్లు పెట్టేస్తున్నాయి. ఆల్రెడీ పెట్టేశాయి కూడా. 

ఈ పండ‌గ సీజ‌న్ కోస‌మే వెయిట్ చేసిన ఈ కామ‌ర్స్ సైట్ లు వాళ్ల ప‌ని వాళ్లు చేశారు. ఈ పండ‌గ సీజ‌న్ కోస‌మే వెయిట్ చేస్తున్న ఈ కామ‌ర్స్ క‌స్ట‌మ‌ర్లు కూడా వాళ్ల ప‌ని వాళ్లు చేశారు. ఫ‌లితంగా ఇళ్ల‌ల్లోకి కొత్త కొత్త సామాన్లొచ్చాయి. వ్యాపారుల‌కేమో.. క‌ట్ట‌ల‌కి క‌ట్ట‌లు క‌రెన్సీ వ‌చ్చింది. అమెజాన్, ఫ్లిప్ కార్ట్ తప్పు చేశాయా..?

జ‌స్ట్ ఒక ఐదు రోజుల్లోనే పిచ్చి సేల్స్ చేశారు జ‌నాలు. ఎన్నాళ్ల నుంచో వెయిటింగ్ క‌దా. ఎడారిలో వాన ప‌డ్డ‌ట్లే ఉంది. సైట్ల‌లో పెట్టిన స‌రుకంతా ఆవిరై పోయిందంట‌. ఏ సైట్ లో ఎక్కువ ప‌ర్సంటేజ్ డిస్కౌంట్ ఇస్తున్నారో చూడ్డం బుక్ చేయ‌డం. అవ‌స‌రం లేకున్నా స‌రే.. బ్యాలెన్స్ ఉంటే చాలు. డ‌బ్బులుంటే ఖ‌ర్చైత‌య్.. ఏదైనా వ‌స్తువు కొనుక్కున్న‌ట్లుంట‌ది. ఇలాంటి ఆఫ‌ర్లు మ‌ళ్లీ పెట్ట‌రు అని బుక్ చేసుకున్నారు జ‌నాలు. ఫైన‌ల్ గా ఐదు రోజుల్లో 22 వేల కోట్ల స‌రుకు కొన్నార‌ట జ‌నాలు. బ‌ట్ట‌లు.. వ‌స్తువులు అన్నీ క‌లిసి.. ఫుల్లుగా బుక్ చేసుకున్నారు. దీపావ‌ళి దాకా ఉండే ఆఫ‌ర్ల‌లో ఇంకెన్ని కొంటారో. ఇక ప‌ల్లెటూళ్ల‌కి కూడా డెలివ‌రీలు చేస్తున్నాయి ఈ కామ‌ర్స్ సైట్లు. ఇంకెన్ని బుక్ చేసుకుంటారో ఏమో. 

తిరిగే అవ‌స‌రం లేదు. రిస్క్ లేదు. ఐదొంద‌లో వెయ్యో త‌క్కువే వ‌స్తున్న‌య్.. క్రెడిట్ కార్డుల ఆఫ‌ర్లో.. డెబిట్ కార్డుల ఆఫ‌ర్లో ఉంటూనే ఉన్న‌య్. పైగా ఆ కూప‌న్ ఈ కూప‌న్ అని ఏదో పెట్టేస్తున్నారు. వీటికి తోడు డెలివ‌రీ ఫ్రీ. అస‌లు షాపుల‌కి పోవాల్సిన అవ‌స‌రం ఏంటి చెప్పండి. 

శాంసంగ్ గెలాక్సీ ఎస్21 మొబైల్ ఫోన్ సిరీస్ ను వచ్చే ఏడాది మార్కెట్ లోకి తీసుకుని రానున్నారు. ఈ మొబైల్ ఫోన్ చైనాకు చెందిన 3C వెరిఫికేషన్ ను పాస్ అయ్యింది. ఈ సిరీస్ లో భాగంగా మూడు మొబైల్ ఫోన్లు రాబోతూ ఉన్నాయని తెలుస్తోంది. శాంసంగ్ గెలాక్సీ ఎస్21 సిరీస్ మొబైల్స్ కు చెందిన బ్యాటరీ డీటెయిల్స్ లీక్ అయ్యాయి. శాంసంగ్ గెలాక్సీ ఎస్21 సిరీస్ లో భాగంగా మూడు మొబైల్స్ రాబోతున్నాయని అంటున్నారు. శాంసంగ్ గెలాక్సీ ఎస్21, శాంసంగ్ గెలాక్సీ ఎస్21 ప్లస్ , శాంసంగ్ గెలాక్సీ ఎస్21 అల్ట్రా గా చెబుతూ ఉన్నారు. 

3C సెర్టిఫికేషన్ సమయంలో శాంసంగ్ గెలాక్సీ ఎస్21 సిరీస్ మొబైల్స్ కనిపించాయని టిప్స్టర్ సంస్థ చెబుతోంది. SM-G9910 అనే మోడల్ నెంబర్ తో శాంసంగ్ గెలాక్సీ ఎస్21 తీసుకుని వచ్చారు. 3,880mAh బ్యాటరీతో ఈ మొబైల్ ఫోన్ రాబోతోంది. అలాగే 25W ఫాస్ట్ ఛార్జింగ్ సపోర్ట్ కూడా ఉందట. శాంసంగ్ గెలాక్సీ ఎస్21 ప్లస్ కు SM-G9960 మోడల్ నెంబర్ ఇచ్చారు. దీని బ్యాటరీ కెపాసిటీ 4,660mAh గా చెబుతూ ఉన్నారు. శాంసంగ్ గెలాక్సీ ఎస్21 అల్ట్రా కు SM-G9980 మోడల్ నెంబర్ ఇచ్చారు. 4,800mAh బ్యాటరీ సపోర్టుతో ఈ మొబైల్ ఫోన్ రానుంది. 25W ఫాస్ట్ ఛార్జింగ్ సపోర్టుతో ఈ మొబైల్ ఫోన్ రన్ అయ్యే అవకాశాలు ఉన్నట్లు చెబుతూ ఉన్నారు. Qualcomm Snapdragon 875 SoC ను ఈ మొబైల్ ఫోన్స్ లో భాగంగా తీసుకుని రాబోతున్నారు.    

శాంసంగ్ గెలాక్సీ ఎస్21 సిరీస్ డిస్ప్లే కు సంబంధించిన సమాచారాన్ని కూడా లీక్ చేశారు. శాంసంగ్ గెలాక్సీ ఎస్21, శాంసంగ్ గెలాక్సీ ఎస్21 ప్లస్ మొబైల్స్ 2డి స్క్రీన్స్ తో రాబోతూ ఉన్నాయి.. దీన్ని బట్టి కర్వ్డ్ డిస్ప్లే వస్తుందనే ఆశలను వదిలేయాల్సిందే. శాంసంగ్ గెలాక్సీ ఎస్21 అల్ట్రాలో కర్వ్డ్ ఎడ్జెస్ ఉండనున్నాయి. ఈ మొబైల్ ఫోన్స్ 2021 జనవరిలో వచ్చే అవకాశం ఉందని భావిస్తూ ఉన్నారు.  

ఆండ్రాయిడ్ ఫోన్లు గొప్పవా.. యాపిల్ ఐఫోన్లు గొప్పవా..? అంటూ చర్చ ఎప్పటి నుండో జరుగుతూ ఉంది. యాపిల్ యూజర్లు తమ మొబైల్ ఫోన్లు ఆండ్రాయిడ్ కంటే గొప్పగా ఉంటుందని.. పెర్ఫార్మన్స్ సూపర్ అని చెబుతూ ఉంటారు. ఆండ్రాయిడ్ యూజర్లు మాత్రం ఎక్కువ ఫీచర్లు ఆండ్రాయిడ్ లోనే ఉంటాయని.. అది కూడా అతి తక్కువ ధరకే మంచి మంచి ఫీచర్లు అందుబాటులో ఉంటాయని అన్నారు. యాపిల్ ఫోన్ కు పెట్టే డబ్బుల్లో సగం డబ్బు ఆండ్రాయిడ్ ఫోన్ కు పెడితే చాలని అంటూ ఉంటారు. రెండు ప్లాట్ ఫామ్ లకు ఫాలోవర్లు ఉన్నారు. 

తాజాగా ఆండ్రాయిడ్, ఐఓఎస్ మొబైల్స్ కు పెట్టిన పోటీకి సంబంధించిన వీడియో సామాజిక మాధ్యమాల్లో వైరల్ అవుతోంది. మొదట '@corylewis04' అనే టిక్ టాక్ యూజర్ 33 సెకెండ్ల నిడివి గల వీడియోను పోస్టు చేశారు. రెండు మొబైల్ ఫోన్లను ఒకటేసారి తాకుతూ.. అందులో ఉన్న యాప్స్ ఏవి త్వరగా ఓపెన్ అవుతాయో పరీక్షించాడు. ఐఓఎస్ మొబైల్ లో కంటే ఆండ్రాయిడ్ మొబైల్ ఫోన్ లోనే యాప్స్ త్వరగా ఓపెన్ అవ్వడం.. వేగంగా పని చేయడం జరిగింది. దీంతో ఆండ్రాయిడ్ యూజర్లు చాలా గొప్పగా చెప్పుకుంటూ ఉన్నారు. 

ట్విట్టర్ లో ఈ వీడియో క్షణాల్లో వైరల్ అయిపోయింది. 25 మిళియన్లకు పైగా ఇప్పటికే ఈ వీడియోను చూశారు. కొన్ని వేల మంది కామెంట్లు చేస్తూ ఉన్నారు. అంతా సరే కానీ యాపిల్ కెమెరాతో మీ ఆండ్రాయిడ్ ఫోన్ కెమెరాలు పోటీ పడతాయా అని ఐఓఎస్ యూజర్లు ప్రశ్నిస్తూ ఉన్నారు. 

ఈ జియోకి నామ‌క‌ర్ణం ఎవ‌రు చేశారో కానీ.. ఏ మాత్రం త‌గ్గ‌డం లేదు. జియో జియో అంటూ క‌ల‌వ‌రించే టైం వ‌చ్చిన‌ట్లే ఉంది. ఇప్పుడు జియో పేజెస్ కూడా అందుబాటులోకి తెచ్చింది రిల‌య‌న్స్. జియో పేజెస్ వ‌చ్చేలా బ్రౌజ‌ర్ ని అప్డేట్ చేసింది. ఇది దేశీ మొబైల్ జియో బ్రౌజ‌ర్ అన‌మాట‌. ఇక ఏం కావాల‌న్నా జియోలోనే వెత‌కొచ్చు. అది ఉంది.. ఇది లేదు అనే మాట రాకుండా అన్నీ అందుబాటులోకి తీసుకొస్తామంటోంది జియో. జ‌స్ట్ గూగుల్ ప్లే స్టోర్ లో జియో మొబైల్ బ్రౌజ‌ర్ యాప్ ని డౌన్ లోడ్ చేసుకుంటే చాలు. చాలా యాప్ లు డిలీట్ చేసుకోవ‌చ్చ‌ట‌. ఎందుకంటే వాటిలో దొరికే అన్నీ.. ఈ జియో బ్రౌజ‌ర్ యాప్ లో దొరుకుత‌య్ క‌దా.

మ‌రి ఈ జియో బ్రౌజ‌ర్ లో మెయిన్ గా ఏం దొరుకుత‌య్ అంటే. గూగుల్ దొరుకుద్ది. లోక‌ల్ గా ఫేమ‌స్ అయిన సైట్లు.. లోక‌ల్ గా ఆ ఏరియా జ‌నాలు ఎక్కువ‌గా వాడే వెబ్ సైట్లు క‌ళ్ల‌ముందే ఉంట‌య్. ఏం కావాల‌న్నా స‌ర్చ్ చేస్తే.. హై స్పీడ్ తో క‌ళ్ల ముందు ఉంట‌య్. ఇక భాష‌ల విష‌యానికొస్తే కూడా ఏ ప్రాబ్ల‌మ్ లేదు. మొత్తం 8 ఇండియ‌న్ లాంగ్వేజుల్లో రానుంది జియో బ్రౌజ‌ర్. ఇంగ్లీష్, తెలుగు, హిందీతో పాటు.. త‌మిళ్, మ‌ళ‌యాలం, క‌న్న‌డం ఇలా 8 లాంగ్వేజుల‌ను ఇన్ బిల్ట్ చేసింది. ఇక సెక్యూరిటీ విష‌యంలో కూడా నో డౌట్.. ఎలాంటి వ్య‌క్తిగ‌త స‌మాచారం చోరీ కాకుండా ఫుల్ గా ప్రొటెక్ట్ చేస్తున్నామంటోంది జియో. జియో మరో సంచలనం..

సింపుల్ గా చెప్పాలంటే ముందుగా జియో సిమ్ తీసుకోవాలి.. జిమో ఫోర్ జీ డేటా రీచార్జ్ చేసుకోవాలి.. ఆ డేటా మొత్తాన్ని జియో బ్రౌజ‌ర్ లోనే ఖ‌ర్చు పెట్టేయాలి. అదీ కాన్సెప్ట్. ఇంకెందుకు కానిచ్చేయండి. ఆగం క‌దా మ‌నం కూడా. అదీ కాక‌.. మ‌న దేశీ యాప్ ఆయే. బైటోళ్ల‌ని బాగు చేసే బ‌దులు.. మనోళ్ల‌ని బాగు చేసుకుంటే ఆ శాటిస్ఫాక్ష‌న్ అయినా ఉంటుంది క‌దా. ఏమంట‌రు.

ప్రస్తుతం 4జీ ఇంటర్నెట్ ను వాడుతున్న నెటిజన్లు.. అతి త్వరలో 5జీని ఎంజాయ్ చేయబోతూ ఉన్నారు. అందుకే పలు కంపెనీలు 5జీ మొబైల్స్ ను లాంఛ్ చేయబోతూ ఉన్నాయి. వివో సంస్థ కూడా 5జీ మొబైల్ ను తీసుకుని వచ్చింది. వివో X51 పేరుతో ఫ్లాగ్ షిప్ 5జీ మొబైల్ ఫోన్ ను యూరప్ లో లాంఛ్ చేశారు. 6.56-ఇంచ్ OLED స్క్రీన్ తో పాటూ ఆక్టా కోర్ క్వాల్ కామ్ స్నాప్ డ్రాగన్ 765G SoC తో రానుంది. క్వాడ్ రియర్ కెమెరా సెటప్ తో 48-మెగా పిక్సెల్ స్నాపర్ కెమెరాను ఏర్పాటు చేశారు. జులై నెలలో భారత్ లో లాంఛ్ చేసిన వివో X50 ప్రో మొబైల్ రీ బ్రాండెడ్ వెర్షన్ గా వివో X51 అని చెబుతూ ఉన్నారు మార్కెట్ విశ్లేషకులు. 

ఈ చైనీస్ సంస్థ యూరప్ మార్కెట్ లోకి Y70, Y20s, Y11s సిరీస్ ద్వారా అడుగుపెట్టింది. భారత్ లో గతంలో లాంఛ్ చేసిన Y20కి రీబ్రాండెడ్ వెర్షన్ గా Y20s ను చెబుతూ ఉన్నారు. ఈ నాలుగు స్మార్ట్ ఫోన్ లను ఫ్రాన్స్, జర్మనీ, ఇటలీ, పోలాండ్, స్పెయిన్, యుకే లలో లాంఛ్ చేశారు. 2 వేల 500 కే బ్రాండెడ్ 5 జీ ‌స్మార్ట్ ఫోన్

వివో X51 ధర.. ప్రత్యేకతలు: 

వివో X51 ధర 71,900 గా చెబుతూ ఉన్నారు. 8జీబీ+256జీబీ ధరను 71900 వరకూ ఉండనుంది. ఈ మొబైల్ కేవలం ఒకటే రంగులో.. అది కూడా ఆల్ఫా గ్రే కలర్ లో లభిస్తోంది. అక్టోబర్ 29 నుండి సేల్స్ మొదలుపెట్టనున్నారు. 

6.56-ఇంచ్ OLED స్క్రీన్ తో పాటూ ఆక్టా కోర్ క్వాల్ కామ్ స్నాప్ డ్రాగన్ 765G SoC తో రానుంది. క్వాడ్ రియర్ కెమెరా సెటప్ తో 48-మెగా పిక్సెల్ స్నాపర్ కెమెరాను ఏర్పాటు చేశారు. 90hz రీఫ్రెష్ రేట్ తో రానుంది. 8జీబీ ర్యామ్, 256జీబీ ఆన్ బోర్డు స్టోరేజీ ఈ మొబైల్ కు ఉంది. Wi-Fi 2.4G, 5G Wi-Fi MIMO, Bluetooth 5.1, GPS, OTG, NFC,  USB 2.0 సదుపాయం కలదు. ఫింగర్ ప్రింట్ స్కానర్ కూడా ఉంది. 181.5 గ్రాములు బరువున్న ఈ మొబైల్ ఫోన్ కు 4315 ఎంఏహెచ్ బ్యాటరీ కెపాసిటీ ఉంది. 33W ఫాస్ట్ ఛార్జింగ్ సదుపాయం ఉంది.     

అప్పుడప్పుడు స్మార్ట్ వాచ్ లు ప్రాణాలను కాపాడిన ఘటనలకు సంబంధించిన వార్తలను అక్కడక్కడా వింటూ ఉంటాం. తాజాగా భారతదేశంలో యాపిల్ స్మార్ట్ వాచ్ ఒక వ్యక్తి ప్రాణాలు నిలబెట్టింది. అది కూడా కొడుకు బహూకరించిన యాపిల్ స్మార్ట్ వాచ్ తండ్రి ప్రాణం కాపాడింది..! ఇండోర్ కు చెందిన రాజన్ అనే వృద్ధుడు గతంలో ఫార్మా రంగంలో పనిచేసి పదవీ విరమణ చేశారు. రాజన్ కు కుమారుడు సిద్ధార్థ్ ఓ యాపిల్ వాచ్ సిరీస్ 5 స్మార్ట్ వాచ్ ను గిఫ్ట్ గా ఇచ్చాడు.

ఇటీవల రాజన్ అనారోగ్యం పాలయ్యారు. దాంతో యాపిల్ వాచ్ లో ఉండే ఈసీజీ ఫీచర్ తో తన హృదయస్పందన వేగాన్ని తెలుసుకుని ఆ రిపోర్టును తన ఫ్యామిలీ డాక్టర్ కు పంపారు. హార్ట్ బీట్ బాగానే ఉందని, అయితే రాజన్ కు అధిక రక్తపోటు ఉందని ఆ డాక్టర్ తెలిపారు. ఇంకొద్ది రోజులకు రాజన్ తన హృదయ స్పందనలో తేడాలు గమనించారు. ఈసారి కూడా యాపిల్ వాచ్ సాయంతో ఈసీజీ తీసి డాక్టర్ కు పంపించారు.

ఈసారి రాజన్ హృదయ స్పందన తక్కువ వేగంతో ఉన్నట్టు గుర్తించిన డాక్టర్ ఆపరేషన్ చేయాల్సి ఉంటుందని తెలిపారు. కానీ కరోనా పరిస్థితుల కారణంగా ఆపరేషన్ చేసే పరిస్థితులు లేకపోవడంతో రాజన్ ప్రతిరోజు తన యాపిల్ వాచ్ తో ఈసీజీ తీసి డాక్టర్ కు పంపిస్తుండేవాడు. రాజన్ ఆరోగ్యాన్ని గమనిస్తూ ఆ డాక్టర్ తగిన సూచనలు ఇస్తుండేవారు. కొద్దిరోజులకు రాజన్ కు గుండె ఆపరేషన్ చేశారు. ప్రస్తుతం రాజన్ కోలుకున్నారు. యాపిల్ వాచ్ తో ఆ వృద్ధుడి గుండెలో ఉన్న లోపం గుర్తించడమే కాకుండా అతడి ప్రాణాలు పోకుండా కాపాడింది. రాజన్ కుమారుడు సిద్ధార్థ్ యాపిల్ సంస్థ సీఈవో టిమ్ కుక్ కు ఈ విషయాన్ని చెప్పాడు.. కుక్ రాజన్ బాగుండాలని ఆకాంక్షించారు. అందుకే కొన్ని కొన్ని సార్లు స్మార్ట్ వాచ్ లు ప్రాణాలను కాపాడుతూ ఉంటాయి. 

కరోనా దేశంలో విజృంభిస్తున్న సమయంలో ప్రముఖ ఐటీ కంపెనీలు ఉద్యోగులకు వర్క్ ఫ్రమ్ హోమ్ అవకాశాన్ని ఇచ్చాయి. ఇప్పుడు కరోనా తగ్గుతూ ఉండడం.. ప్రభుత్వం కూడా సడలింపులు ఇస్తూ ఉండడంతో ఉద్యోగులను తిరిగి ఆఫీసులకు రమ్మని పిలుస్తూ ఉన్నారు. కానీ కొన్ని కంపెనీలు వర్క్ ఫ్రమ్ హోమ్ సదుపాయాన్ని మరింత పొడిగిస్తూ వస్తున్నాయి. 

ఆ లిస్టులోకి అమెజాన్ సంస్థ కూడా చేరింది. త‌న ఉద్యోగుల‌కు వ‌ర్క్ ఫ్ర‌మ్ హోమ్ ను పొడిగించింది. వ‌చ్చే ఏడాది జూన్ వ‌ర‌కు ఇంటి నుంచి ప‌ని చేయ‌వ‌చ్చు అని తెలిపింది. ఎవరైతే గత కొన్ని నెలలుగా ఇంటి నుండి పని చేస్తూ ఉన్నారో.. వారికి ఈ అవ‌కాశం క‌ల్పిస్తున్నారు. గ‌తంలో వర్క్ ఫ్రమ్ హోమ్ అవకాశాన్ని జ‌న‌వ‌రి వ‌ర‌కు ఇచ్చిన అమెజాన్ సంస్థ‌.. ఇప్పుడు ఆ స‌మ‌యాన్ని జూన్ 30 వ‌ర‌కు పెంచింది.  అమెరికాలో సుమారు 19 వేల మంది అమెజాన్ వ‌ర్క‌ర్లకు క‌రోనా వైర‌స్ సోకిన నేప‌థ్యంలో ఆ సంస్థ నిర్ణ‌యం తీసుకుంది.

మైక్రోసాఫ్ట్‌, ట్విట్ట‌ర్, ఫేస్‌బుక్, గూగూల్ కూడా ఆఫీసులో అవ‌స‌రం లేని వారికి ఇంటి నుంచి ప‌ని చేసే సౌల‌భ్యాన్ని మరికొన్ని నెలల పొడిగించాయి. కరోనా కొన్ని దేశాల్లో తగ్గుతున్నట్లు కనిపిస్తూ ఉన్నా.. ఇంకొన్ని దేశాల్లో ప్రజలను ఇబ్బంది పెడుతూ ఉంది. దీంతో  చాలా కంపెనీలు ఇంకా రిస్క్ తీసుకోవాలని అనుకోవడం లేదు. వ్యాక్సిన్ వచ్చే వరకూ కూడా ఎదురు చూడాలని ఇంకొన్ని సంస్థలు చెబుతూ వస్తున్నాయి. అందుకోసమే వర్క్ ఫ్రమ్ హోమ్ ను పొడిగిస్తూ వస్తున్నాయి సంస్థలు.     

కరోనా నేపథ్యంలో తన ఉద్యోగులకు కల్పించిన వర్క్‌ ఫ్రం హోంను ఇకపై శాశ్వతంగా చేసుకునే అవకాశం ఇస్తున్నట్లు టెక్‌ దిగ్గజం మైక్రోసాఫ్ట్‌ సంస్థ కొద్దిరోజుల కిందట ప్రకటించింది. అయితే ఈ అవకాశం కొన్ని విభాగాల్లో పనిచేసే ఉద్యోగులకు మాత్రమే ఇస్తున్నట్లు స్పష్టం చేసింది. వర్క్‌ ఫ్రం హోంతో మైక్రోసాఫ్ట్‌తో పాటు ఇతర కంపెనీలు లాభపడినప్పటికి కోవిడ్‌ ప్రభావం తగ్గగానే తిరిగి ఉద్యోగులను కార్యాలయాలకు రప్పించేందుకు సన్నాహాలు చేస్తున్నాయి. మైక్రోసాఫ్ట్‌ తన ప్రకటనలో హర్డ్‌వేర్‌ ల్యాబ్స్‌, డేటా సెంటర్లు, శిక్షణా కార్యక్రమాలలో పని చేస్తోన్న ఉద్యోగులు మినహా ఇతర విభాగాల్లో పని చేసే ఉద్యోగులు శాశ్వతంగా ఇంటి నుంచి పనిచేసుకునేందుకు అవకాశం ఇస్తున్నట్లు తెలిపింది. అలా చేయాలనుకుంటున్న ఉద్యోగుల ఆయా విభాగాలకు చెందిన తమ మేనేజర్లతో చర్చించి నిర్ణయం తీసుకోవాలని సూచించింది. 

నోకియా ఎసెన్షియల్ వైర్ లెస్ హెడ్ ఫోన్స్ ను లాంఛ్ చేశారు. ఓవర్ ది ఇయర్ డిజైన్ తో 40ఎంఎం డైనమిక్ డ్రైవర్స్ తో ఈ హెడ్ ఫోన్స్ ను డిజైన్ చేశారు. ఇక ఒక్క సారి ఛార్జింగ్ పెడితే 40 గంటల పాటూ ఎటువంటి ఇబ్బంది లేకుండా సంగీతాన్ని ఎంజాయ్ చేయవచ్చని నోకియా సంస్థ చెబుతోంది. నోకియా ఎసెన్షియల్ వైర్ లెస్ హెడ్ ఫోన్స్ యూనివర్సల్ వాయిస్ అసిస్టెంట్ సపోర్ట్ తో రాబోతోంది. ఈ హెడ్ ఫోన్స్ ను గూగుల్ అసిస్టెంట్ లేదా సిరి ద్వారా ఆపరేట్ చేయవచ్చు. నోకియా ఎసెన్షియల్ వైర్ లెస్ హెడ్ ఫోన్స్ ఈ ఏడాది జులై లో చైనాలో లాంఛ్ చేశారు. 

నోకియా ఎసెన్షియల్ వైర్ లెస్ హెడ్ ఫోన్స్ ధర: 

నోకియా ఎసెన్షియల్ వైర్ లెస్ హెడ్ ఫోన్స్ ధరను 59 యూరోలుగా నిర్ణయించారు. 5100 రూపాయలు ఉండనుంది. ప్రస్తుతానికి ఈ హెడ్ ఫోన్స్ ను యూరప్ లో అమ్మకానికి ఉంచగా.. నవంబర్ నెలలో ప్రపంచవ్యాప్తంగా అమ్మకానికి ఉంచనున్నారు. ఈ హెడ్ ఫోన్స్ ఒకటే రంగులో.. అది కూడా నలుపు రంగులో అందుబాటులో ఉండనుంది. 

నోకియా ఎసెన్షియల్ వైర్ లెస్ హెడ్ ఫోన్స్ ప్రత్యేకతలు: 

నోకియా ఎసెన్షియల్ వైర్ లెస్ హెడ్ ఫోన్స్ లో 40 ఎంఎం డైనమిక్ డ్రైవర్లు ఉండనున్నాయి. 20 Hz నుండి 20,000Hz ఫ్రీక్వెన్సీ రెస్పాన్స్ రేంజ్ ఉండనుంది. మంచి 'BASS' అవుట్ పుట్ ఇవ్వడానికి ఈ హెడ్ ఫోన్స్ ను డిజైన్ చేశారు. ఫోల్డబుల్ హెడ్ బ్యాండ్ తో ఈ హెడ్ ఫోన్స్ రానున్నాయి. ఈ హెడ్ ఫోన్స్ Bluetooth 5.0 వైర్ లెస్ కనెక్టివిటీ తో పాటూ 3.5 ఎంఎం జాక్ తో సదుపాయంతో అందుబాటులోకి రానుంది. మైక్రో యు.ఎస్.బి. ద్వారా ఛార్జింగ్ పెట్టుకోవచ్చు. 500 ఎంఏహెచ్ నాన్ రిమూవబుల్ బ్యాటరీతో ఈ హెడ్ ఫోన్స్ ను రూపొందించారు. మూడు గంటల్లో పూర్తిగా ఛార్జింగ్ అవుతుంది.. 40 గంటల పాటూ పాటలను వినవచ్చని సంస్థ ప్రతినిధులు చెబుతున్నారు. అల్యూమినియం ఔటర్ కవర్ తో పాటూ సాఫ్ట్ ఇయర్ బడ్స్ కారణంగా ఎంతో కంఫర్టబుల్ గా పాటలను వినవచ్చు. గూగుల్ అసిస్టెంట్, సిరి ద్వారా కూడా ఆపరేట్ చేసుకోవచ్చు. ఈ హెడ్ ఫోన్స్ బరువు 197 గ్రాములు.  

4జీ తో రాబోతున్న నోకియా ఫోన్లు ఇవే.. ధర ఎంతంటే..!

నోకియా 215 4జీ, నోకియా 225 4జీ ఫీచర్ ఫోన్లను భారత్ లో లాంఛ్ చేశారు. ఈ సరికొత్త ఫోన్లు 4G VoLTE కాలింగ్ ను సపోర్ట్ చేయడమే కాకుండా.. వైర్ లెస్ ఎఫ్.ఎం. రేడియా కూడా అందుబాటులో ఉంది. ఒక్క సారి ఛార్జింగ్ ఫుల్ చేస్తే 24 రోజుల పాటూ స్టాండ్ బై టైమ్ ఉండగలవట..! నోకియా 225 4జీ లో కెమెరా కూడా ఉంది. నోకియా 215 4జీ, నోకియా 225 4జీ మొబైల్స్ ను చైనాలో ఈ నెల మొదట్లో లాంఛ్ చేశారు. 

నోకియా 215 4జీ, నోకియా 225 4జీ ధరలు: 

 నోకియా 215 4జీ ధరను భారత్ లో 2949 రూపాయలుగా నిర్ణయించారు. నోకియా 225 4జీ మొబైల్ ఫోన్ ధరను 3499 రూపాయలుగా నిర్ణయించారు. నోకియా 215 4జీ నలుపు, గ్రీన్ రంగు ఆప్షన్స్ లో రాబోతూ ఉండగా.. నోకియా 225 4జీ బ్లాక్, క్లాసిక్ బ్లూ, మెటాలిక్ శాండ్ షేడ్స్ రంగుల్లో దొరకనుంది. నోకియా 215 4జీ, నోకియా 225 4జీ మొబైల్స్ ను నోకియా ఇండియా ఆన్ లైన్ స్టోర్ లో అక్టోబర్ 23 నుండి లభించనుంది. నవంబర్ 6 నుండి ఆఫ్ లైన్ లో ప్రముఖ రీటైల్ షాపుల్లో లభించనున్నాయి. నోకియా 225 4జీ మొబైల్ ఫ్లిప్ కార్ట్ లో అక్టోబర్ 23 నుండి లభించనుంది. 

నోకియా 215 4జీ, నోకియా 225 4జీ ఫీచర్లు: 

నోకియా 215 4జీ, నోకియా 225 4జీ మొబైల్ ఫోన్లలో డ్యూయల్ సిమ్ (నానో),  RTOS బేస్డ్ ఆన్ ది సిరీస్ 30+ ఆపరేటింగ్ సిస్టమ్, 2.4-inch QVGA డిస్ప్లే. 128MB ఆన్ బోర్డు సపోర్టుతో వచ్చిన ఈ మొబైల్ ను మెమొరి కార్డు సహాయంతో 32జీబీ వరకూ పెంచుకోవచ్చు.  4G VoLTE, Bluetooth 5.0, FM radio, Micro-USB port, 3.5mm హెడ్ ఫోన్ జాక్ తో రానుంది. ప్రీ ఇంస్టాల్ MP3 ప్లేయర్ తో ఈ మొబైల్ రానుంది. 1,150mAh రిమూవబుల్ బ్యాటరీతో వచ్చింది. నోకియా 225 4G 0.3-మెగా పిక్సెల్ కెమెరా ఉంచారు. 

చందమామపై 4జీ సెల్యులార్‌ నెట్‌వర్క్‌ను ఏర్పాటుచేయనున్నట్టు ప్రముఖ మొబైల్‌ ఫోన్ల తయారీ సంస్థ నోకియా ప్రకటించింది. అమెరికా అంతరిక్ష పరిశోధన సంస్థ (నాసా) కోసం ఈ నెట్‌వర్క్‌ను సిద్ధం చేస్తున్నట్టు వెల్లడించింది. 

చంద్రుడిపై కనెక్టివిటీనీ పెంచేందుకు ప్రముఖ టెక్ సంస్థ నోకియా, అంతరిక్ష పరిశోధన సంస్థ నాసా సంయుక్తంగా చంద్రుడిపై 4జీ ఏర్పాటు చేసేందుకు ప్రయత్నిస్తున్నాయి. దీని కోసం నాసా ఏకంగా 14.1 మిలియన్ డాలర్లను కేటాయించింది. 4జీతో ప్రారంభించి ఆ తరువాత 5జీ టెక్నాలజీని కూడా ఏర్పాటు చేయాలనేది నాసా ఆలోచన.  నోకియాకు చెందిన పరిశోధన విభాగం బెల్ ల్యాబ్స్‌ను కీలక భాగస్వామిగా ఎంపిక చేసింది. టిప్పింగ్ పాయింట్ టెక్నాలజీస్ పేరిట చేపడుతున్న ఈ ప్రాజెక్టు  ద్వారా అంతరిక్షంలో సమాచార మార్పిడిని మరింత వేగవంతమవుతుందని నాసా పేర్కొంది. దీనిపై బెల్ ల్యాబ్స్‌ కూడా స్పందించింది. తాము కీలక భాగస్వామిగా ఎంపికైనందుకు సంతోషం వ్యక్తం చేసింది. చంద్రుడిపై మానవాళి సుస్థిర నివాసం ఏర్పాటు చేసేందుకు ఈ ప్రయత్నాలు దోహద పడతాయని తెలిపింది. 

అంగారకుడిపైకి మనుషులను పంపే ప్రయత్నాల్లో ఉన్న నాసా, అందుకు చంద్రుడిని ఒక స్తావరంగా మార్చుకోవాలని ప్రణాళికలు వేస్తోంది. చంద్రుడిపై కొంతకాలం నివాసం ఉండే మనుషులకోసం 4జీ మొబైల్‌ నెట్‌వర్క్‌ ఏర్పాటు చేయనున్నది. భూమిపై పూర్తిగా సిద్ధం చేసిన నెట్‌వర్క్‌ పరికరాలను 2022 సంవత్సరాంతంలో చంద్రుడిపైకి తీసుకెళ్లి అమర్చుతారు. చంద్రుడిపై మనిషి మనుగడకు కమ్యూనికేషన్‌ వ్యవస్థ అవసరమని నోకియా చీఫ్‌ టెక్నాలజీ ఆఫీసర్‌ మార్కస్‌ వెల్డన్‌ అన్నారు. నోకియా తయారుచేస్తున్న 4జీ నెట్‌వర్క్‌లో వ్యోమగాములు ఉండేందుకు స్థావరం, యాంటెన్నాలు ఉన్నాయి. 

ట్రిఫో రోబో వ్యాక్యూమ్ క్లీనర్లు భారత్ లో కూడా అందుబాటులో..!