ఈ ఏడాది ఐపీఎల్ లో కింగ్స్ లెవెన్ పంజాబ్ జట్టు రెండో హాఫ్ లో పుంజుకుని మరీ ఆడుతోంది. మొదటి ఏడు మ్యాచ్ లలో ఒక్క విజయం మాత్రమే సాధించిన కింగ్స్ లెవెన్ పంజాబ్ జట్టు.. ఇప్పుడు వరుసగా అయిదు విజయాలను సాధించింది. 12 పాయింట్లతో ప్రస్తుతం నాలుగో స్థానానికి దూసుకు వచ్చింది. ప్రతి ఏడాది ఇలాంటి ఆట తీరుతో ముంబై ఇండియన్స్ జట్టు ప్లే ఆఫ్స్ కు వస్తూ ఉండగా.. ఈ ఏడాది కింగ్స్ లెవెన్ పంజాబ్ జట్టు ప్లే ఆఫ్స్ లోకి దూసుకువెళ్లాలని భావిస్తూ ఉంది. 

సోమవారం జరిగిన మ్యాచ్ లో కింగ్స్ ఎలెవన్ పంజాబ్ జట్టు ఘన విజయం సాధించింది. కోల్‌కతా నైట్ రైడర్స్ మీద 8 వికెట్ల తేడాతో విజయం సాధించింది. పంజాబ్ బౌలర్లు కోల్‌కతాను 149 పరుగులకే కట్టడి చేయగా, లక్ష్య ఛేదనలో గేల్, మన్‌దీప్ సింగ్ రాణించడంతో పంజాబ్ విజయాన్ని అందుకుంది. 

తొలుత బ్యాటింగ్ చేసిన కోల్‌కతా నిర్ణీత 20 ఓవర్లలో 9 వికెట్ల నష్టానికి 149 పరుగులు మాత్రమే చేసింది. శుభ్‌మన్ గిల్ 45 బంతుల్లో మూడు ఫోర్లు, నాలుగు సిక్సర్లతో 57; కెప్టెన్ మోర్గాన్ 25 బంతుల్లో 5 ఫోర్లు, రెండు సిక్సర్లతో 40; లాకీ పెర్గ్యూసన్ 13 బంతుల్లో మూడు ఫోర్లు, ఓ సిక్సర్ తో 24 పరుగులు చేశారు.  పది ఓవర్లకు కోల్‌కతా నాలుగు వికెట్ల నష్టానికి 90కిపైగా పరుగులు చేయడంతో భారీ స్కోరు నమోదవుతుందని భావించారు. పంజాబ్ బౌలర్లు రాణించడంతో కోల్‌కతాకు భారీ స్కోరు చేసే అవకాశం దక్కలేదు. షమీ మూడు వికెట్లు తీసుకోగా, జోర్డాన్, రవి బిష్ణోయ్ చెరో రెండు వికెట్లు, మ్యాక్స్‌వెల్, మురుగన్ అశ్విన్ చెరో వికెట్ దక్కాయి. 

150 పరుగుల విజయ లక్ష్యంతో మైదానంలో దిగిన పంజాబ్ 18. 5 ఓవర్లలో రెండు వికెట్లు మాత్రమే కోల్పోయి విజయాన్ని అందుకుంది. తొలి వికెట్‌కు 47 పరుగులు జోడించిన అనంతరం కెప్టెన్ కేఎల్ రాహుల్ (28) పెవిలియన్ చేరాడు. క్రీజులోకి వచ్చిన క్రిస్ గేల్ మ్యాచ్ స్వరూపాన్ని మార్చేశాడు. 29 బంతుల్లో 2 ఫోర్లు, 5 సిక్సర్లతో 51 పరుగులు చేసి విజయానికి మూడు పరుగుల ముందు అవుటయ్యాడు. క్రీజులో కుదురుకున్న మన్‌దీప్ సింగ్ 56 బంతుల్లో 8 ఫోర్లు, 2 సిక్సర్లతో 66 పరుగులు చేశాడు. దీంతో మరో 7 బంతులు మిగిలి ఉండగానే పంజాబ్ విజయాన్ని అందుకుంది. క్రిస్‌గేల్‌కు మ్యాన్ ఆఫ్ ద మ్యాచ్ అవార్డు లభించింది. 

దక్షిణాఫ్రికా క్రికెట్ బోర్డు లో ఇంకా సంక్షోభం కొనసాగుతూనే ఉంది. ఆ దేశ క్రికెట్ బోర్డులో ఎన్నో అవకతవకలు, రాజీనామాలు చోటు చేసుకుంటూ ఉన్నాయని ప్రభుత్వం గతంలో ఆగ్రహం వ్యక్తం చేసింది. బోర్డు వ్యవహారాల్లో క్రీడా మంత్రి జోక్యం కూడా చేసుకున్నారు.  దీంతో ఒక్క రోజు ముందు బోర్డు డైరెక్టర్లు మొత్తం రాజీనామా చేశారు. ఇండిపెండెంట్, నాన్-ఇండిపెండెంట్ డైరెక్టర్లు మొత్తం రాజీనామా చేసినట్టు క్రికెట్ సౌతాఫ్రికా ట్విట్టర్ ద్వారా తెలిపింది.

రాజీనామాలు తక్షణం ఆమోదం పొందాయని.. బోర్డు కార్యకలాపాలు సాఫీగా సాగేందుకు తాత్కాలిక కమిటీని నియమించే వరకు ముగ్గురు డైరెక్టర్లు మాత్రం కొనసాగుతారని తెలిపింది. ఆదివారం బోర్డు తాత్కాలిక అధ్యక్షుడు బెరెస్‌ఫోర్డ్ విలియమ్స్ సహా ఆరుగురు బోర్డు సభ్యులు రాజీనామా చేశారు. 24 గంటలైనా గడవకముందే బోర్డు మొత్తం రాజీనామా చేయడం ప్రాధాన్యం సంతరించుకుంది. బోర్డు వ్యవహారాల్లో క్రీడామంత్రి నాథి ఎంథెథ్వా జోక్యం చేసుకోవడానికి ఒక రోజు ముందు ఈ నాటకీయ పరిణామాలు చోటు చేసుకున్నాయి. 

దక్షిణాఫ్రికా క్రికెట్ లో ఎన్నో రాజకీయాలు చోటు చేసుకుంటూ ఉన్నాయి. ఇంతకు ముందు కూడా ట్యాలెంట్ ఉన్న ఆటగాళ్లను తొక్కేస్తూ రాజకీయాలు నడిపారంటూ బోర్డు సభ్యుల మీద ఆగ్రహజ్వాలలు రగిలాయి. దీంతో ఆ దేశ ప్రభుత్వం కూడా కలుగజేసుకోవాల్సి వచ్చింది. ఇలాంటి తరుణంలో క్రికెట్ బోర్డు మొత్తం రాజీనామా చేసేసింది. ఈ పంచాయతి ఎప్పుడు తెగుతుందోనని క్రికెట్ అభిమానులు ఆందోళన వ్యక్తం చేస్తూ ఉన్నారు.  

ఆస్ట్రేలియా గడ్డపై బోర్డర్-గవాస్కర్ టైటిల్ కోసం టీమిండియా జట్టును బీసీసీఐ ప్రకటించింది. మూడు ఫార్మాట్ లలోనూ భారత జట్టుకు విరాట్‌ కోహ్లీ నాయకత్వం వహించనున్నారు. గాయం కారణంగా రోహిత్‌శర్మ, ఇషాంత్‌శర్మకు విశ్రాంతి కల్పించారు. నలుగురు అదనపు బౌలర్లు కూడా జట్టుతో పాటు ఆస్ట్రేలియా వెళతారు. కమలేశ్ నాగర్ కోటి, కార్తీక్ త్యాగి, ఇషాన్ పోరెల్, నటరాజన్ లకు ఈ అవకాశం దక్కింది. ఐపీఎల్ లో రాణిస్తున్న వికెట్ కీపర్ బ్యాట్స్ మన్ కేఎల్ రాహుల్ కు ప్రమోషన్ లభించింది. టీ20, వన్డే ఫార్మాట్లలో భారత జట్టుకు వైస్ కెప్టెన్ గా రాహుల్ ను నియమించారు. ఈ ఐపీఎల్ లో మెరుగైన ప్రదర్శనతో ఆకట్టుకుంటున్న వరుణ్ చక్రవర్తి టీమిండియాలో స్థానం సంపాదించాడు.

టీమిండియా టీ20 స్క్వాడ్

విరాట్ కోహ్లీ (కెప్టెన్), శిఖర్ ధావన్, మయాంక్ అగర్వాల్, కేఎల్ రాహుల్ (వైస్ కెప్టెన్/వికెట్ కీపర్), శ్రేయాస్ అయ్యర్, మనీశ్ పాండే, హార్దిక్ పాండ్యా, సంజు శాంసన్ (వికెట్ కీపర్), రవీంద్ర జడేజా, వాషింగ్టన్ సుందర్, యజువేంద్ర చహల్, జస్ప్రీత్ బుమ్రా, మహ్మద్ షమీ, నవదీప్ సైనీ, దీపక్ చహర్, వరుణ్ చక్రవర్తి.

టీమిండియా వన్డే స్క్వాడ్

విరాట్ కోహ్లీ (కెప్టెన్), శిఖర్ ధావన్, శుభ్ మాన్ గిల్, కేఎల్ రాహుల్ (వైస్ కెప్టెన్/వికెట్ కీపర్), శ్రేయాస్ అయ్యర్, మనీశ్ పాండే, హార్దిక్ పాండ్యా, మయాంక్ అగర్వాల్, రవీంద్ర జడేజా, యజువేంద్ర చహల్, కుల్దీప్ యాదవ్, జస్ప్రీత్ బుమ్రా, మహ్మద్ షమీ, నవదీప్ సైనీ, శార్దూల్ ఠాకూర్.

టీమిండియా టెస్టు స్క్వాడ్

విరాట్ కోహ్లీ (కెప్టెన్), మయాంక్ అగర్వాల్, పృథ్వీ షా, కేఎల్ రాహుల్, ఛటేశ్వర్ పుజారా, అజింక్యా రహానే (వైస్ కెప్టెన్), హనుమ విహారి, శుభ్ మాన్ గిల్, వృద్ధిమాన్ సాహా (వికెట్ కీపర్), రిషబ్ పంత్ (వికెట్ కీపర్), జస్ప్రీత్ బుమ్రా, మహ్మద్ షమీ, ఉమేశ్ యాదవ్, నవదీప్ సైనీ, కుల్దీప్ యాదవ్, రవీంద్ర జడేజా, రవిచంద్రన్ అశ్విన్, మహ్మద్ సిరాజ్.

చెన్నై సూపర్ కింగ్స్ జట్టు రాయల్ ఛాలెంజర్స్ బెంగళూరు జట్టును మట్టికరిపించింది.  బెంగళూరుతో జరిగిన మ్యాచ్ లో చెన్నై ఎనిమిది వికెట్ల తేడాతో గెలుపొందింది. టాస్ గెలిచి తొలుత బ్యాటింగ్ ఎంచుకున్న బెంగళూరు జట్టు నిర్ణీత 20 ఓవర్లలో 6 వికెట్ల నష్టానికి 145 పరుగులు చేసింది. ఆ తర్వాత బ్యాటింగ్ చేసిన చెన్నై జట్టు 18.4 ఓవర్లలోనే లక్ష్యాన్ని సాధించింది. చెన్నై జట్టులో యువ ఆటగాడు రుతురాజ్ గైక్వాడ్ 65 (51 బంతులు), అంబటి రాయుడు 39 (27 బంతులు), డుప్లెసిస్ 25 (13 బంతులు), ధోనీ 19 పరుగులు చేశారు. గైక్వాడ్, ధోనీ ఇద్దరూ నాటౌట్ గా నిలిచారు. 

సీఎస్‌కే ఘన విజయం సాధించడంపై టీమిండియా మాజీ డాషింగ్‌ ఓపెనర్‌ వీరేంద్ర సెహ్వాగ్‌ ప్రశంసలు కురిపించాడు. ధోనిని ఫుల్‌ కెప్టెన్సీ మూడ్‌లో చూసిన మ్యాచ్‌ అని చెప్పుకొచ్చాడు. పాత ధోనిని మరొకసారి చూశామని.. ఫీల్డ్‌లో పాదరసంలో వ్యూహాలు పన్నుతూ ఆర్సీబీని ఇబ్బంది పెట్టాడన్నాడు సెహ్వాగ్. బౌలింగ్‌లో ఎప్పటికప్పుడు మార్పులు చేస్తూ తన మార్కు కెప్టెన్సీతో ధోని ఆకట్టుకున్నాడని..  ముఖ్యంగా సాంత్నర్‌ను తుది జట్టులోకి తీసుకోవడం ఒక మంచి నిర్ణయమన్నాడు. అదే సమయంలో దీపక్‌ చాహర్‌, సామ్‌ కరాన్‌ల బౌలింగ్‌లో డెత్‌ ఓవర్లలో వేయించడం ధోని కెప్టెన్సీ మూడ్‌లోకి రావడాన్ని చూపెట్టిందన్నాడు. ఏబీ డివిలియర్స్‌, విరాట్‌ కోహ్లిల భాగస్వామ్యం కోమాలో ఉన్నట్లు అనిపించిందన్నాడు. ఈ జోడీ 82 పరుగుల భాగస్వామ్యం పెద్దగా ఆకట్టుకోలేదని సెహ్వాగ్‌ తెలిపాడు. ఇదే ఆర్సీబీ ఓటమికి ప్రధాన కారణమన్నాడు.

ఐపీఎల్ 13వ సీజన్‌లో అడపా దడపా విజయాలతో ఢీలా పడ్డ రాజస్తాన్‌ రాయల్స్‌.. ఎట్టకేలకు భారీ విజయాన్ని సాధించింది. ముంబై నిర్దేశించిన 196 పరుగుల భారీ టార్గెట్‌ను రాజస్తాన్‌ సునాయాసంగా ఛేదించింది. తమ బ్యాటింగ్‌లో పవర్‌ చూపెట్టిన రాజస్తాన్‌.. ముంబై ఇండియన్స్‌ను రప్ఫాడించింది. బెన్‌ స్టోక్స్‌(107 నాటౌట్‌; 60 బంతుల్లో 14 ఫోర్లు, 3 సిక్స్‌లు), సంజూ శాంసన్‌(54 నాటౌట్‌; 31 బంతుల్లో 4 ఫోర్లు, 3సిక్స్‌లు)లు చెలరేగిపోవడంతో రాజస్తాన్‌ 18.2 ఓవర్లలో రెండు వికెట్లు కోల్పోయి లక్ష్యాన్ని అధిగమించింది. ఈ జోడి అజేయంగా 152 పరుగుల భాగస్వామ్యాన్ని సాధించడంతో రాజస్తాన్‌ అలవోకగా జయకేతనం ఎగురవేసింది.

టార్గెట్‌ ఛేదనలో రాబిన్‌ ఊతప్ప(13;11 బంతుల్లో 2 ఫోర్లు)వికెట్‌ను రాజస్తాన్‌ ఆదిలోనే వికెట్‌ కోల్పోయింది. అనంతరం స్టీవ్‌ స్మిత్‌(11; 8 బంతుల్లో 1 ఫోర్‌, 1సిక్స్‌) కూడా ఎక్కువ సేపు క్రీజ్‌లో నిలబడలేదు. ఆ తరుణంలో బెన్‌ స్టోక్స్‌కు జత కలిసిన శాంసన్‌ స్కోరు బోర్డును పరుగులు పెట్టించాడు. ముంబై బౌలర్లపై విరుచుకుపడ్డ వీరిద్దరూ రాజస్తాన్‌కు చిరస్మరణీయమైన విజయాన్ని అందించారు. స్టోక్స్‌ 59 బంతుల్లో 13 ఫోర్లు, 3 సిక్స్‌లతో సెంచరీ పూర్తి చేసుకోవడమే కాకుండా జట్టును గెలుపు తీరాలకు చేర్చాడు. పాటిన్‌సన్‌ వేసిన 19 ఓవర్‌లో తొలి రెండు బంతుల్ని సిక్స్‌, ఫోర్‌లు కొట్టిన స్టోక్స్‌ విజయాన్ని ఖాయం చేశాడు. ఇది రాజస్తాన్‌కు ఐదో విజయం కాగా, ముంబైకు నాల్గో ఓటమి.

ముందుగా బ్యాటింగ్‌ చేసిన ముంబై ఇండియన్స్‌ నిర్ణీత ఓవర్లలో  ఐదు వికెట్లు కోల్పోయి 195 పరుగులు చేసింది. టాస్‌ గెలిచి ముందుగా బ్యాటింగ్‌కు దిగిన ముంబై ఇన్నింగ్స్‌కు శుభారంభం దక్కలేదు. ఓపెనర్‌ క్వింటాన్‌ డీకాక్‌(6) విఫలమయ్యాడు.  ఇన్నింగ్స్‌ తొలి ఓవర్‌లోనే జోఫ్రా ఆర్చర్‌ బౌలింగ్‌లో డీకాక్‌ బౌల్డ్‌ అయ్యాడు. ఆ తర్వాత ఇషాన్‌ కిషన్‌, సూర్యకుమార్‌ యాదవ్‌లు ఆకట్టుకున్నారు. ఈ జోడి 83 పరుగుల భాగస్వామ్యాన్ని జత చేసిన తర్వాత ఇషాన్‌ కిషన్‌(37; 36 బంతుల్లో 4 ఫోర్లు, 1 సిక్స్‌) రెండో వికెట్‌గా పెవిలియన్‌ చేరాడు. కార్తీక్‌ త్యాగి వేసిన 11 ఓవర్‌ నాల్గో బంతికి ఆర్చర్‌కు క్యాచ్‌ ఇచ్చి ఇఫాన్‌‌ ఔటయ్యాడు. 

దాంతో 90 పరుగుల వద్ద ముంబై రెండో వికెట్‌గా కోల్పోగా, మరో ఐదు పరుగుల  వ్యవధిలో సూర్యకుమార్‌(40; 26 బంతుల్లో 4 ఫోర్లు, 1సిక్స్‌) వికెట్‌ను కోల్పోయింది. శ్రేయస్‌ గోపాల్‌ వేసిన 13 ఓవర్‌ రెండో బంతికి షాట్‌ ఆడిన సూర్యకుమార్‌.. స్టోక్స్‌ క్యాచ్‌ పట్టడంతో పెవిలియన్‌ చేరాడు. పొలార్డ్‌(6) నిరాశపరిచాడు. చివరి ఓవర్లలో సౌరవ్‌ తివారీ(34; 25 బంతుల్లో 4 ఫోర్లు, 1సిక్స్‌), హార్దిక్‌ పాండ్యా(60 నాటౌట్‌; 21 బంతుల్లో 2 ఫోర్లు, 7 సిక్స్‌లు)లు బ్యాట్‌ ఝుళిపించడంతో భారీ స్కోరు చేసింది.

హార్దిక్‌ పాండ్యా వీరబాదుడు

ఈ మ్యాచ్‌లో 15 ఓవర్లు ముగిసే సరికి ముంబై నాలుగు వికెట్ల నష్టానికి 116 పరుగులు చేసింది. దాంతో రాజస్తాన్‌ కట్టుదిట్టంగానే బౌలింగ్‌ చేసినట్లు కనబడింది. కాగా, హార్దిక్‌ పాండ్యా, సౌరవ్‌ తివారీలతో చెలరేగి ఆడారు. కార్తీక్‌ త్యాగి వేసిన 16 ఓవర్‌లో ఐదు పరుగులే వచ్చినా, ఆ తర్వాత అసలు మజా మొదలైంది. జోఫ్రా ఆర్చర్‌ వేసిన 17 ఓవర్‌లో తివారీ రెండు ఫోర్లు, సిక్స్‌ కొట్టాడు. దాంతో ఆ ఓవర్‌లో మొత్తం 17 పరుగులు వచ్చాయి. 

ఇక రాజ్‌పుత్‌ వేసిన 18 ఓవర్‌లో హార్దిక్‌ చెలరేగిపోయాడు. తొలి బంతికి సిక్స్‌ కొట్టిన హార్దిక్‌.. నాలుగు,  ఐదు, ఆరు బంతుల్ని సిక్స్‌లు కొట్టాడు. హార్దిక్‌ హ్యాట్రిక్‌ సిక్స్‌లు సాధించడంతో ఆ ఓవర్‌లో 27 పరుగులు వచ్చాయి. ఇక ఆర్చర్‌ వేసిన 19 ఓవర్‌ తొలి బంతికి సౌరవ్‌ తివారీ ఔట్‌ కావడంతో మూడు పరుగులే వచ్చాయి. త్యాగి వేసిన చివరి ఓవర్‌లో హార్దిక్‌ మూడు సిక్స్‌లు, రెండు ఫోర్లు కొట్టడంతో ముంబై ఇండియన్స్‌ 27 పరుగులు పిండుకుంది. చివరి ఐదు ఓవర్లలో ముంబై వికెట్‌ మాత్రమే కోల్పోయి 79 పరుగులు సాధించింది. 

ఆటలో గెలుపోటములు అత్యంత సహజమేనని కానీ తన దృష్టిలో సీఎస్కే ఎప్పుడూ విన్నరే అంటూ చెన్నయ్ సూపర్ కింగ్స్ జట్టు కెప్టెన్ ధోనీ సతీమణి సాక్షి ధోనీ వ్యాఖ్యానించారు. ఐపీఎల్ చరిత్రలో తొలిసారి ప్లే ఆఫ్స్‌కు కూడా చేరలేక చతికిలపడిన తర్వాత ఆదివారం రాయల్ చాలెంజర్స్ బెంగళూరు జట్టుపై అనూహ్య విజయం సాధించిన సీఎస్కే‌పై అభిమానులు తీవ్ర నైరాశ్యం వ్యక్తం చేస్తున్న నేపథ్యంలో సాక్షి మీడియాలో భావోద్వేగ పోస్టు చేశారు.

ఇది కేవలం ఆట మాత్రమే. కొన్నింటిలో గెలుస్తారు. మరికొన్నింటిలో ఓడిపోతారు!! అద్వితీయమైన విజయాలు, కొన్ని ఓటములు! వాటి వల్ల కొందరికి సంతోషాలు కలిగాయి.. మరికొందరికి గుండెపగిలే వేదన మిగిల్చాయి! కొన్నింటిలో గెలుస్తారు.. మరికొన్నింటిలో ఓడిపోతారు.. ఇంకొన్నింటిని చేజార్చుకుంటారు అని సాక్షి ట్వీటారు. 

ఓడిపోవాలని ఎవరూ కోరుకోరు.. అందరూ విజేతలు కాలేరు

ఇది కేవలం ఆట మాత్రమే! ఇందుకు బదులుగా విభిన్న రకాల స్పందనలు! ఈ భావోద్వేగాలను, క్రీడాస్ఫూర్తిని దెబ్బతీసేందుకు అనుమతినివ్వకూడదు! ఎందుకంటే ఇది కేవలం ఆట మాత్రమే!! ఓడిపోవాలని ఎవరూ కోరుకోరు, అయితే అందరూ విజేతలు కాలేరు! 

మైదానాన్ని వీడే సమయంలో వినకూడని శబ్దాలు, చూడకూడని సైగలు.. మనోబలంతో వాటిపై పైచేయి సాధించాలి! ఇది కేవలం ఆట మాత్రమే!! మీరు అప్పుడు విజేతలే, ఇప్పుడు కూడా విజేతలే! నిజమైన యోధులు యుద్ధం చేయడం కోసమే పుడతారు.. వాళ్లు అభిమానుల గుండెల్లో ఎల్లప్పుడూ సూపర్‌ కింగ్స్‌ గానే ఉంటారు’అని సాక్షి ధోని సీఎస్‌కే ఆటగాళ్లకు మద్దతుగా నిలిచారు.

మూడుసార్లు ఐపీఎల్‌ ఛాంపియన్‌గా నిలిచిన చెన్నై సూపర్‌కింగ్స్‌ ఈసారి పేలవ ప్రదర్శనతో అభిమానులను తీవ్ర నిరాశకు గురిచేసింది. ఐపీఎల్‌- 2020 సీజన్‌లో పాయింట్ల పట్టికలో చివరి స్థానంలో నిలిచి, కనీసం ప్లే ఆఫ్స్‌కు కూడా చేరకుండా చతికిలపడింది. ఆదివారం నాటి మ్యాచ్‌లో ఆర్సీబీపై విజయం సాధించినప్పటికీ, ఆ గెలుపును అభిమానులు పూర్తిగా ఆస్వాదించలేకపోతున్నారు. 

ఈ సీజన్‌లో ప్లే ఆఫ్స్‌ నుంచి వైదొలిగిన తొలిజట్టుగా అపఖ్యాతి మూటగట్టుకున్న సీఎస్‌కే ఆట తీరుతో నైరాశ్యంలో మునిగిపోయారు. కాగా ఈ పోస్టు పట్ల నెటిజన్ల నుంచి మిశ్రమ స్పందనలు వస్తున్నాయి. 

గతంలో కోల్‌కతా నైట్‌రైడర్స్‌తో జరిగిన మ్యాచ్‌లో ధోని, కేదార్‌ జాదవ్‌ పేలవ ప్రదర్శనపై తీవ్రస్థాయిలో విమర్శలు వెల్లువెత్తిన సంగతి తెలిసిందే. ఈ క్రమంలో కొంతమంది ఆకతాయిలు ధోని కూతురు జీవాపై అత్యాచారానికి పాల్పడతామంటూ బెదిరింపులకు దిగగా, పోలిసులు వారిని అరెస్టు చేశారు. 

ఇక నిన్న, ఆర్సీబీతో జరిగిన మ్యాచ్‌లో సీఎస్‌కే 8 వికెట్ల తేడాతో జయకేతనం ఎగురవేసిన సంగతి తెలిసిందే. రుతురాజ్‌ గైక్వాడ్‌  51 బంతుల్లో 4 ఫోర్లు, 3 సిక్స్‌లతో అజేయంగా 65 పరుగులు సాధించి సీఎస్‌కే విజయంలో కీలక పాత్ర పోషించాడు. 

ఆదివారం నాడు చెన్నై సూపర్ కింగ్స్, రాయల్ ఛాలెంజర్స్ బెంగళూరు జట్ల మధ్య జరిగిన మ్యాచ్ లో కోహ్లీ మరో రికార్డును అందుకున్నాడు. ఈ మ్యాచ్ లో కోహ్లీ ఒక సిక్స్, ఒక ఫోర్ మాత్రమే కొట్టి హాఫ్ సెంచరీ నమోదు చేశాడు. ఆ కొట్టిన ఒక్క సిక్సర్ ద్వారా కోహ్లీ ఓ రికార్డును అందుకున్నాడు. చెన్నై మ్యాచ్‌లో కోహ్లీ సిక్స్‌ కొట్టడం ద్వారా ఐపీఎల్‌లో 200వ సిక్సర్‌ను సాధించాడు. చెన్నై స్పిన్నర్ రవీంద్ర జడేజా వేసిన 17వ ఓవర్‌ మూడో బంతిని ముందుకొచ్చిన కోహ్లీ సిక్స్‌ సాధించాడు. ఫలితంగా ఐపీఎల్‌లో రెండొందల సిక్సర్లు కొట్టిన జాబితాలో విరాట్ కూడా చేరిపోయాడు. ఈ మ్యాచ్‌లో విరాట్ ఒకే ఒక్క సిక్స్ బాదాడు.

ఐపీఎల్‌లో అత్యధిక సిక్సర్లు బాదిన ఆటగాళ్ల జాబితాలో కింగ్స్ ఎలెవన్ పంజాబ్ ఆటగాడు క్రిస్‌ గేల్ అగ్రస్థానంలో ఉన్నాడు. గేల్ ఐపీఎల్ లో ఇప్పటి వరకూ 336 సిక్సర్లు బాదాడు. బెంగళూరు స్టార్ ప్లేయర్ ఏబీ డివిలియర్స్ (231), చెన్నై సూపర్ కింగ్స్ కెప్టెన్ ఎంఎస్ ధోనీ (216), ముంబై ఇండియన్స్ సారథి రోహిత్ శర్మ (209) వరుసగా తర్వాతి స్థానాల్లో కొనసాగుతున్నారు. తాజాగా ఈ జాబితాలో విరాట్ కోహ్లీ (200) నిలిచాడు. 

బెంగళూరుతో జరిగిన మ్యాచ్ లో చెన్నై ఎనిమిది వికెట్ల తేడాతో గెలుపొందింది. టాస్ గెలిచి తొలుత బ్యాటింగ్ ఎంచుకున్న బెంగళూరు జట్టు నిర్ణీత 20 ఓవర్లలో 6 వికెట్ల నష్టానికి 145 పరుగులు చేసింది. ఆ తర్వాత బ్యాటింగ్ చేసిన చెన్నై జట్టు 18.4 ఓవర్లలోనే లక్ష్యాన్ని సాధించింది. చెన్నై జట్టులో యువ ఆటగాడు రుతురాజ్ గైక్వాడ్ 65 (51 బంతులు), అంబటి రాయుడు 39 (27 బంతులు), డుప్లెసిస్ 25 (13 బంతులు), ధోనీ 19 పరుగులు చేశారు. గైక్వాడ్, ధోనీ ఇద్దరూ నాటౌట్ గా నిలిచారు. 

ఆదివారం నాడు రాజస్థాన్ రాయల్స్ మీద విజయం సాధించి ఈ ఏడాది ప్లే ఆఫ్స్ లో అడుగుపెట్టిన మొదటి టీమ్ గా నిలవాలని ముంబై ఇండియన్స్ జట్టు భావించింది. అయితే ఆ ఆశలపై రాజస్థాన్ రాయల్స్ జట్టు నీళ్లు పోసింది. ముంబై ఇండియన్స్ జట్టు తరపున హార్దిక్ పాండ్యా మెరుపులు మెరిపించగా.. రాజస్థాన్ రాయల్స్ తరపున బెన్ స్టోక్స్ సెంచరీతో కదంతొక్కి రాజస్థాన్ కు విజయాన్ని అందించాడు. ముంబై ఇండియన్స్ నిర్దేశించిన లక్ష్యాన్ని రాజస్థాన్ ఎంతో అలవోకగా చేధించింది. 

ముంబై ఇండియన్స్ నిర్దేశించి 196 పరుగుల భారీ విజయ లక్ష్యాన్ని రాజస్థాన్ రాయల్స్  రెండు వికెట్లు మాత్రమే కోల్పోయి మరో 10 బంతులు మిగిలి ఉండగానే అందుకుంది. రాబిన్ ఉతప్ప (13), స్టీవ్ స్మిత్ (11) తక్కువ స్కోర్లకే పెవిలియన్ చేరినప్పటికీ బెన్ స్టోక్స్, సంజు శాంసన్ కలిసి జట్టుకు విజయాన్ని అందించారు. స్టోక్స్ ఫోర్లు, సిక్సర్లతో విరుచుకుపడ్డాడు. 60 బంతుల్లో 14 ఫోర్లు, 3 సిక్సర్లతో అజేయ సెంచరీ (107) చేశాడు. సంజు శాంసన్ 31 బంతుల్లో 4 సిక్సర్లు, 3 ఫోర్లతో 54 పరుగులతో రాణించడంతో 18.2 ఓవర్లలోనే జట్టుకు విజయాన్ని అందించాడు. 

మొదట బ్యాటింగ్ చేసిన ముంబై ఇండియన్స్ నిర్ణీత 20 ఓవర్లలో 5 వికెట్ల నష్టానికి 195 పరుగుల భారీ స్కోరు చేసింది. ఇషాన్ కిషన్ 37, సూర్యకుమార్ యాదవ్ 40, సౌరభ్ తివారీ 34 పరుగులు చేయగా, చివర్లో హార్దిక్ పాండ్యా చెలరేగిపోయాడు. 21 బంతులు మాత్రమే ఎదుర్కొన్న పాండ్యా 2 ఫోర్లు, 7 సిక్సర్లతో అజేయంగా 60 పరుగులు చేయడంతో ముంబై భారీ స్కోరు చేయగలిగింది. సెంచరీతో రాజస్థాన్‌కు విజయాన్ని అందించిన స్టోక్స్‌కు మ్యాన్ ఆఫ్ ద మ్యాచ్ అవార్డు లభించింది. 

ఇండియన్ ప్రీమియర్ లీగ్ ప్లే ఆఫ్ మ్యాచ్ లకు సంబంధించిన షెడ్యూల్ ను బీసీసీఐ విడుదల చేసింది. దుబాయ్, అబూదాబి స్టేడియాలలో ఐపీఎల్-2020 ప్లే ఆఫ్ మ్యాచ్ లను నిర్వహించేందుకు బీసీసీఐ సమాయత్తమవుతోంది. పాయింట్ల పట్టికలో టాప్-4లో ఉన్న జట్లు ప్లే ఆఫ్ కు వెళ్లనున్నాయి. నవంబర్ 5 నుండి 10 వరకు దుబాయ్ మరియు అబుదాబిలో మ్యాచ్‌లు జరగనున్నాయి. ఈ మేరకు ఐపీఎల్ తన అధికారిక ట్విట్టర్ ఖాతాలో ఓ పోస్ట్ ఉంచింది. నవంబర్‌ 3వ తేదీతో ఐపీఎల్ లీగ్‌ దశలోని మ్యాచ్‌లు ముగియనున్నాయి. నవంబర్‌ 4వ తేదీన విశ్రాంతి దినం.

పాయింట్ల పట్టికలో టాప్ 1, 2 స్థానాల్లో ఉన్న జట్ల మధ్య క్వాలిఫయర్ మ్యాచ్ నవంబర్ 5న జరగనుంది. 6వ తేదీన టాప్ 3, 4 స్థానాల్లో ఉన్న జట్ల మధ్య ఎలిమినేటర్ మ్యాచ్ జరుగుతుంది. ఆ తరువాత 8వ తేదీన క్వాలిఫయర్ 2 మ్యాచ్ జరుగుతుంది. ఈ మ్యాచ్ లో క్వాలిఫయర్ 1లో ఓడిన జట్టు, ఎలిమినేటర్ మ్యాచ్ లో గెలిచిన జట్టు తలపడతాయి. 

నవంబర్‌ 9వ తేదీన విశ్రాంతి దినం. ఐపీఎల్‌ 2020 ఫైనల్ మ్యాచ్ దుబాయ్‌ వేదికగా నవంబర్‌ 10న జరుగనుంది. క్వాలిఫయర్‌-1లో విజేత, క్వాలిఫయర్‌-2లో గెలిచిన జట్టు మధ్య ఫైనల్ జరుగుతుంది. ప్లేఆఫ్స్‌, ఫైనల్ మ్యాచ్‌లు అన్ని రాత్రి గం. 7.30ని.లకు ప్రారంభమవుతాయి.

ప్లే ఆఫ్ దారులు దాదాపు మూసుకుపోయిన సమయంలో చెన్నై సూపర్ కింగ్స్ జట్టు రాయల్ ఛాలెంజర్స్ బెంగళూరు జట్టును మట్టికరిపించింది.  బెంగళూరుతో జరిగిన మ్యాచ్ లో చెన్నై ఎనిమిది వికెట్ల తేడాతో గెలుపొందింది. టాస్ గెలిచి తొలుత బ్యాటింగ్ ఎంచుకున్న బెంగళూరు జట్టు నిర్ణీత 20 ఓవర్లలో 6 వికెట్ల నష్టానికి 145 పరుగులు చేసింది. ఆ తర్వాత బ్యాటింగ్ చేసిన చెన్నై జట్టు 18.4 ఓవర్లలోనే లక్ష్యాన్ని సాధించింది. చెన్నై జట్టులో యువ ఆటగాడు రుతురాజ్ గైక్వాడ్ 65 (51 బంతులు), అంబటి రాయుడు 39 (27 బంతులు), డుప్లెసిస్ 25 (13 బంతులు), ధోనీ 19 పరుగులు చేశారు. గైక్వాడ్, ధోనీ ఇద్దరూ నాటౌట్ గా నిలిచారు. 

మొదట బ్యాటింగ్ చేసిన బెంగళూరుకు దేవదత్ పడిక్కల్‌ (22: 21 బంతుల్లో 2x4, 1x6), అరోన్ ఫించ్ (15: 11 బంతుల్లో 3x4 ) మంచి ఆరంభాన్ని ఇచ్చారు. జట్టు స్కోరు 31 వద్ద ఫించ్‌ను కరన్‌, 46 వద్ద పడిక్కల్‌ను శాంట్నర్‌ పెవిలియన్‌ పంపించారు. వికెట్‌ మరింత కష్టంగా మారడంతో విరాట్‌ కోహ్లీ, ఏబీ డివిలియర్స్‌ ఆచితూచి ఆడారు. 15 ఓవర్లలలో జట్టు స్కోరు 101/2కి  తీసుకెళ్లారు. మూడో వికెట్‌కు 82 పరుగుల భాగస్వామ్యం నెలకొల్పారు. 15 ఓవర్లు ముగియడంతో స్కోర్‌ వేగం పెంచే క్రమంలో బెంగళూరు వెంటవెంటనే వికెట్లు పోగొట్టుకుంది. భారీ షాట్లు ఆడబోయిన ఏబీ, మొయిన్‌ అలీ వెంటవెంటనే ఔటయ్యారు. అయితే కోహ్లీ 43 బంతుల్లో 1 ఫోర్‌, 1సిక్స్‌తో 50 పరుగులు చేశాడు. స్కోరును పెంచే క్రమంలో 19 ఓవర్‌ చివరి బంతికి ఔటయ్యాడు. చివర్లో మెరుపులు లేకపోవడంతో జట్టు స్కోరు 145మాత్రమే అయింది. సీఎస్‌కే బౌలర్లలో సామ్‌ కరన్‌ మూడు వికెట్లు తీశాడు.

రాయల్‌ ఛాలెంజర్స్‌ బెంగళూరు నిర్దేశించిన లక్ష్య ఛేదనను చెన్నై 8 వికెట్లు కోల్పోయి ఛేదించింది. 146 పరుగుల లక్ష్యాన్ని 18.4 ఓవర్లలోనే 2 వికెట్లు కోల్పోయి ఛేదించింది. ఓపెనర్‌ రుతురాజ్‌ గైక్వాడ్‌ (65 నాటౌట్‌ 51 బంతుల్లో 4ఫోర్లు, 3సిక్సర్లు) అర్ధ సెంచరీతో అలరించడంతో చెన్నై అలవోకగా విజయం సాధించింది. అంబటి రాయుడు (39; 27 బంతుల్లో 3×4, 2×6), ఫాఫ్ డుప్లెసిస్‌ (25; 13 బంతుల్లో 2×4, 2×6) రాణించారు. బెంగళూరు బౌలర్లలో క్రిస్‌ మోరీస్‌, యుజ్వేంద్ర చహల్‌ చెరో వికెట్‌ పడగొట్టారు. పవర్ ప్లేలోనే రుతురాజ్ కూడా బ్యాట్ ఝళిపించడంతో 5 ఓవర్లు ముగిసే సరికి చెన్నై 46/0తో మెరుగైన స్థితిలో నిలిచింది. అయితే ఆరో ఓవర్లో క్రిస్ మోరిస్‌ బౌలింగ్‌లో డుప్లెసిస్ ఔటవగా.. అనంతరం వచ్చిన అంబటి రాయుడు కూడా ఎటువంటి తడబాటు లేకుండా ఇన్నింగ్స్ చివరి దాకా తీసుకుని వెళ్ళాడు. ఆఖర్లో ధోని 19 పరుగులు చేశాడు. రుతురాజ్ తో కలిసి చెన్నైకు విజయాన్ని అందించాడు.  

ఈ ఏడాది చెన్నై సూపర్ కింగ్స్ ప్లే ఆఫ్ ఆశలు గల్లంతయ్యాయి. అయితే మిగిలిన మ్యాచ్ లలో గెలిచి పరువు నిలబెట్టుకోవాలని భావిస్తోంది. ఆదివారం నాడు రాయల్ ఛాలెంజర్స్ బెంగళూరు జట్టుతో చెన్నై సూపర్ కింగ్స్ తలపడబోతోంది. ఈ మ్యాచ్‌లో టాస్ గెలిచిన రాయల్ చాలెంజర్స్ బెంగళూరు బ్యాటింగ్ ఎంచుకుంది. బెంగళూరు జట్టులోకి ఉదానా స్థానంలో మోయిన్ అలీ వచ్చాడు. చెన్నై జట్టు లోకి శార్దుల్ ఠాకుర్, జోస్ హజెల్ వుడ్ స్థానాల్లో మిచెల్ సాంట్నర్, మోను కుమార్ లను తీసుకున్నారు. ఈ మ్యాచ్ లో గెలిస్తే పాయింట్ల పట్టికలో టాప్ కు వెళ్ళవచ్చని బెంగళూరు జట్టు భావిస్తోంది. 10 మ్యాచ్ లలో 7 మ్యాచ్ లు గెలిచిన బెంగళూరు జట్టు పాయింట్ల పట్టికలో మూడో స్థానంలో ఉండగా.. చెన్నై సూపర్ కింగ్స్ 11 మ్యాచ్ లలో మూడు మ్యాచ్ లలో మాత్రమే గెలిచి పాయింట్ల పట్టికలో ఆఖరి స్థానంలో ఉంది. మిగిలిన మ్యాచ్ లలో నైనా గెలిచి పరువు నిలుపుకోవాలని చెన్నై భావిస్తోంది. 

రాయల్ చాలెంజర్స్ బెంగళూరు: దేవదత్ పడిక్కల్, ఆరోన్ ఫించ్, విరాట్ కోహ్లీ, ఏబీ డివిలియర్స్, గుర్‌క్రీత్ సింగ్, క్రిస్ మోరిస్, వాషింగ్టన్ సుందర్, మొయిన్ అలీ, మహ్మద్ సిరాజ్, నవ్‌దీప్ సైనీ, నదీమ్, యుజ్వేంద్ర చాహల్

చెన్నై సూపర్ కింగ్స్: ఫాఫ్ డుప్లెసిస్, రుతురాజ్ గైక్వాడ్, ఎన్ జగదీషన్, అంబటి రాయుడు, ఎంఎస్ ధోనీ, సామ్ కరన్, రవీంద్ర జడేజా, దీపక్ చాహర్, మోను కుమార్, మిచెల్ సాంట్నర్, ఇమ్రాన్ తాహిర్

ఐపీఎల్ లో ఎంతో మంది స్టార్ ఆటగాళ్లను తమ ఫ్రాంఛైజీ జట్ల తరపున ఆడించుకోవాలని యాజమాన్యాలు భావిస్తూ ఉంటాయి. ఎందుకంటే ఒంటి చేత్తో మ్యాచ్ ను మలుపు తిప్పుతూ ఉంటారని అనుకుంటూ ఉంటారు. అలా వేలంపాటలో కోట్ల రూపాయలకు కొని తెచ్చుకున్న ఆటగాళ్లు మ్యాచ్ లలో తీవ్రంగా విఫలమవుతూ ఉంటారు. ఇక చేసేదేమీ లేక.. కొన్ని మ్యాచ్ లు ఆడించి.. ఆ తర్వాత సీజన్ కు ఎందుకులే అని అనుకుంటూ ఉంటారు. ఈ సీజన్ లో కూడా  అలాంటి ఆటగాళ్లు ఎంతో మంది ఉన్నారు. అంతర్జాతీయ క్రికెట్ లో దుమ్ము దులిపిన సదరు ఆటగాళ్లు ఐపీఎల్ లో చేతులెత్తేశారు. ఆ ఆటగాళ్ల లిస్టులో మ్యాక్స్ వెల్ కూడా ఒకడు. 

కింగ్స్ లెవెన్ పంజాబ్ తరపున ఆడుతున్న మ్యాక్స్ వెల్.. 10 మ్యాచ్‌లాడి‌ వంద బంతులను మాత్రమే ఆడాడు. మ్యాచ్‌కు వచ్చి సగటున పది బంతులు మాత్రమే ఆడాడు. ఇక మ్యాక్స్‌వెల్‌ చేసిన పరుగులు 102. సన్‌రైజర్స్‌ హైదరాబాద్‌తో మ్యాచ్‌లో  మ్యాక్సీ 13 బంతులాడి 12 పరుగులు చేశాడు.  ఓవరాల్‌గా ఈ సీజన్‌లో వంద బంతుల్ని ఎదుర్కోవడంతో పాటు వంద పరుగుల్ని కూడా పూర్తి చేసుకున్నాడు. లెగ్ సైడ్ అద్భుతమైన షాట్స్ ఆడగల మ్యాక్స్ వెల్.. రివర్స్ స్వీప్ లో కూడా అద్భుతమైన షాట్స్ ఆడగలడు. కానీ ఈ సీజన్ లో 10 ఇన్నింగ్స్‌ల్లో ఒక సిక్స్‌ కూడా లేదు. పంజాబ్ జట్టు మ్యాక్స్ వెల్ గత చరిత్రను చూసి ఎంతో నమ్మకంతో వరుసగా అవకాశాలు ఇస్తుంటే మ్యాక్స్ వెల్ మాత్రం దాన్ని వినియోగించుకోలేకపోతున్నాడు. ఇక మిగిలిన మ్యాచ్ లలో ఎలా రాణిస్తాడో.. లేక పంజాబ్ జట్టు పక్కన పెడుతుందో లేదో చూడాలి.