newssting
BITING NEWS :
*సమ్మెపై మధ్యవర్తిత్వానికి కెకె రెడీ.. స్వాగతించిన ఆర్టీసీ జేఏసీ *అరుదైన రికార్డు నెలకొల్పిన విరాట్ కోహ్లీ*చేతులెత్తేసిన సౌతాఫ్రికా... సిరీస్‌ కైవసం చేసుకున్న టీమిండియా*తెలంగాణలో పదో రోజుకు చేరిన ఆర్టీసీ కార్మికుల సమ్మె.. నేడు ఇందిరాపార్క్ దగ్గర ట్రేడ్ యూనియన్ల బహిరంగసభ*ఏపీ సీఎం వైఎస్‌ జగన్మోహన్‌రెడ్డితో భేటీ కానున్న నటుడు చిరంజీవి*ఢిల్లీ: నేటి నుంచి అయోధ్యపై సుప్రీంకోర్టులో తుదిదశ వాదనలు.. ఈ నెల 17లోపు వాదనలు పూర్తిచేయాలని సుప్రీం నిర్ణయం*నేడు, రేపు నెల్లూరు జిల్లాలో టీడీపీ అధినేత చంద్రబాబు పర్యటన.. జిల్లా నేతలదో సమీక్షలు*సీపీఐ రాష్ట్రకమిటీ అత్యవసర భేటీ.. ఆర్టీసీ సమ్మె, హుజూర్‌నగర్ ఉపఎన్నికల్లో టీఆర్ఎస్‌కు మద్దతుపై చర్చ*మా తండ్రి తో ఎలాంటి గొడవలు లేవు...కోడెల మృతికి ఒత్తిడే కారణం: కొడుకు శివరాం, భార్య వాంగ్మూలం *తెలంగాణ ఆర్టీసీలో నియామకాలకు నోటిఫికేషన్...తాత్కాలిక ప్రాతిపదికన డ్రైవర్లు, కండక్టర్లు, మెకానిక్, ఎలక్ట్రీషియన్‌ పోస్టులకూ దరఖాస్తుల ఆహ్వానం*నిండుకుండలా సోమశిల జలాశయం..ప్రాజెక్టు పూర్తిస్థాయి సామర్థ్యం 78 టీఎంసీలు...ప్రస్తుత నీటిమట్టం 75 టీఎంసీలు*ఇవాళ గోదావరిలో మునిగిపోయిన బోటు వెలికితీత పనులు మళ్ళీ ప్రారంభం

'సీనయ్య'గా వినాయక్...లుక్ అదిరింది

09-10-201909-10-2019 14:58:32 IST
Updated On 09-10-2019 14:59:59 ISTUpdated On 09-10-20192019-10-09T09:28:32.557Z09-10-2019 2019-10-09T09:28:30.741Z - 2019-10-09T09:29:59.776Z - 09-10-2019

'సీనయ్య'గా వినాయక్...లుక్ అదిరింది
facebooktwitterGooglewhatsappwhatsappGoogle
తెలుగు సినిమా పరిశ్రమలో దాసరినారాయణరావు  వేసిన ముద్ర చెరగనిది. దర్శకరత్న అనే బిరుదుకు దాసరి సరిగా సరిపోతాడు. 24 శాఖల మీద మంచి పట్టు ఆయన సొంతం. ఆయన అందించిన కథ, స్క్రీన్ ప్లే, మాటలు, పాటలతో తెలుగులో చాలా సూపర్ హిట్స్ వచ్చాయి. నటుడుగా టర్న్ తీసుకున్న దాసరి చాలా చిత్రాల్లో ప్రధాన పాత్రలో నటించారు.

ఆయన నటించిన 'ఒసేయ్ రాములమ్మ', 'సూరిగాడు', 'అమ్మ రాజీనామా', 'మేస్త్రి', 'ఎర్రబస్సు' లాంటి సినిమాలను ప్రేక్షకులు మరిచిపోలేరు.  'మేస్త్రి' సినిమాలో నటనకు గాను ఆయన నంది అవార్డు సొంతం చేసుకున్నాడు. దర్శకుడిగా దాసరి టచ్ చేయని జోనర్ లేదు. సాంఘిక, జానపద, పౌరాణిక, విప్లవాత్మక, పీరియాడిక్ మూవీస్ తీసి తెలుగు సినిమా ఖ్యాతిని పెంచారు.

ఆయన మరణం తరువాత సినిమా పరిశ్రమలో ఆ మార్క్ కనపించే వారు ఎవరు లేరని అనుకున్నారు. కానీ నేనున్నానంటూ మాస్ చిత్రాల దర్శకుడు వినాయక్ ముందుకు వచ్చాడు. ఆది సినిమాతో ఎన్టీఆర్, దిల్ సినిమాతో నితిన్, ఠాగూరు, ఖైదీ నెంబర్ 150 సినిమాలతో చిరంజీవికి సూపర్ హిట్స్ ఇచ్చిన వినాయక్ ఈ మధ్య కాలంలో సరైన హిట్స్ చిత్రాలు తీయలేకపోయాడు. సాయి ధరమ్ తేజ్ నటించిన ఇంటిలిజెంట్ సినిమా దారుణ పరాజయంతో వినాయక్ దర్శకత్వానికి బ్రేక్ ఇచ్చాడు.

హీరోగా మారాలనే ఉద్దేశంతో తన మేక్ ఓవర్ లో మార్పులు చేసే పనిలో పడ్డాడు. విజయదశమి కానుకగా ఆయన హీరోగా నటించిన 'సీనయ్య' సినిమా లుక్ ను చిత్ర యూనిట్ విడుదల చేసింది. చేతిలో రెంచ్ పట్టుకుని మెకానిక్ గెటప్ లో ఉన్న పోస్టర్ ని రిలీజ్ చేసాడు. ఇప్పుడు ఈ పోస్టర్ చూసిన వాళ్లందరూ కూడా దాసరినారాయణరావు లాగానే డైరెక్టర్ హీరోగా మారాడని, ఆయన బాటలోనే నడిచి అన్ని జోనర్స్ లో సినిమాలు తీస్తే చిన్న బడ్జెట్ సినిమాలకి మంచి బలం వస్తుందని అబిప్రాయపడుతున్నారు.

నేడు (అక్టోబర్ 9) వినాయక్ పుట్టిన రోజు. ఈ సందర్భంగా సినిమా పూజ కార్యక్రమాలు జరుపుకుంది. 'శరభ' సినిమా ఫేమ్ నరసింహారావు ఈ చిత్రానికి దర్శకత్వం వహిస్తున్నారు.

దిల్ సినిమాతో నిర్మాతగా తనకు లైఫ్ నిచ్చిన వినాయక్ ని హీరోగా పరిచయం చేసే బాధ్యతను ప్రముఖ నిర్మాత దిల్ రాజు తీసుకున్నారు. మణిశర్మ సంగీతాన్ని అందిస్తున్న ఈ సినిమా రెగ్యులర్ షూటింగ్ అతి త్వరలో జరుపుకోనుంది. హిట్ చిత్రాలను తీసి టాప్ డైరెక్టర్ గా పేరు తెచ్చుకున్న వినాయక్ హీరోగా ఏమేరకు మెప్పిస్తారో చూడాలి.

Image


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle