newssting
BITING NEWS :
* గోదావరిలో పర్యాటక బోటు మునక పలువురు గల్లంతు. *వైసీపీ ప్రభుత్వ పాలనలో ప్రజలకెన్నో ఇబ్బందులు.. ఇక పోరాటమే:పవన్ కళ్యాణ్ *.హైదరాబాద్ చేరుకున్న సత్య నాదెళ్ళ ...తండ్రి మాజీ ఐఏఎస్ అధికారి బీఎన్ యుగంధర్ అంత్యక్రియలు *బద్వేలులో భారీ అగ్నిప్రమాదం *హుజూర్‌నగర్‌ అభ్యర్థిని ప్రకటించిన కాంగ్రెస్‌ ...కాంగ్రెస్‌ అభ్యర్థిగా పద్మావతి *మిగులు రాష్ట్రాన్ని దివాలా తీయించారు ..కేసీఆర్ పై భట్టి విమర్శలు *నేడు భారత్‌–దక్షిణాఫ్రికా తొలి టి20

రవిబాబులో కనిపించని కోణాలెన్నో!

11-09-201911-09-2019 15:26:12 IST
2019-09-11T09:56:12.033Z11-09-2019 2019-09-11T09:55:52.319Z - - 15-09-2019

రవిబాబులో కనిపించని కోణాలెన్నో!
facebooktwitterGooglewhatsappwhatsappGoogle

‘కాదేది కవితకనర్హం’ అన్న తీరుగా ..ఆయన దేనితోనైనా సినిమా తీయగలడు..ఏ క్యారెక్టర్ లోనైనా జీవించగలడు..దయ్యాలతో రొమాన్స్ చేయించగలడు..పందికి కూడా నటన నేర్పగలడు. ఆఖరికి కుక్కర్‌ని కూడా ఆయన వదలలేదు. దాన్ని కూడా ఆయన సినిమాల్లో పెట్టేశాడు. అతనే నటుడు..దర్శకుడు రవిబాబు. విభిన్న చిత్రాలు తెరకెక్కించడంలో ఈయనకి సాటి లేరు. ఇతనికి సినీ బ్యాక్ గ్రౌండ్ బాగానే ఉంది. ప్రముఖ సీనియర్ నటుడు చలపతిరావు తనయుడే ఈ రవిబాబు.  సినిమాల్లో విలన్ గా ఆయన నటప్రస్థానం మొదలయింది. ఆ తర్వాత అమెరికా వెళ్లి డైరెక్షన్ లో శిక్షణ పొందాడు. తిరిగి వచ్చి పలు చిత్రాలకు దర్శకత్వం వహించాడు రవిబాబు. ఈయన నిర్మాత..రచయిత కూడా.

రవిబాబు  డైరెక్ట్ చేసిన మొదటి చిత్రం అల్లరి. ఈ చిత్రంతో ఇవివి సత్యనారాయణ రెండో కుమారుడు నరేష్ ని సినీ పరిశ్రమకు పరిచయం చేశాడు. విశేషం ఏంటంటే ఆ చిత్రం పేరు నరేష్ ఇంటి పేరుగా మారి అల్లరి నరేష్ అయ్యాడు. ఈ మూవీ తర్వాత అమ్మాయిలు..అబ్బాయిలు, సోగ్గాడు, పార్టీ చిత్రాలకు దర్శకత్వం వహించాడు. ఈ చిత్రాలు ఫ్లాప్ కాదు గానీ ఓ మోస్తరు విజయాన్ని రవిబాబుకి తెచ్చిపెట్టాయి.

పలు చిత్రాల్లో క్యారెక్టర్ ఆర్టిస్గ్ గా నటిస్తూనే డైరెక్షన్ లో తనదైన ముద్రని వేశాడు. అనసూయ చిత్రంలో విలన్‌గా .. మురారిలో బుల్లబ్బాయిగా ఇన్నోసెంట్ విలన్ గా తన నటనతో ఆకట్టుకున్నాడు ..సీతమ్మవాకిట్లో సిరిమల్లెచెట్టులో గూడిరాజుగా మంచి వినోదాన్ని పండించాడు రవిబాబు. విలనే కానీ ఆ విలనిజంతో కామెడీని చేయగల సమర్థత కలవాడు రవిబాబు. అందుకు తగ్గట్టుగా తన బాడీలాంగ్వేజ్ ని మార్చుకోవడంలో ఆయన సిద్ధహస్తుడు.  

రారాకృష్ణయ్య, స్వామిరారా, గుండెల్లో గోదావరి, అవును, రచ్చ, మనసారా, అమరావతి, బ్రహ్మానందం డ్రామా కంపెనీ, కాళిదాసు, ఆట, తొలిప్రేమ, నేనున్నాను, ఈడోరకం..ఆడోరకం, పవిత్ర, దోచేయ్ చిత్రాలలో హీరోలతో పోటీగా నటించాడు. ఆయన దర్శకత్వంలో ఏజెంట్ గోపి, అమరావతి, నచ్చావులే, మనసారా, అనసూయ, పార్టీ, సోగ్గాడు చిత్రాలు వచ్చాయి. కాగా రవిబాబు నిర్మాతగా..రైటర్ గా అనసూయ చిత్రాన్ని నిర్మించాడు. నువ్విలా చిత్రంతో ఆరు మంది నూతన నటీ నటులను ఆయన తెలుగు తెరకి పరిచయం చేశాడు. హర్రర్ కథాంశంతో అవును చిత్రాన్ని తీసి దర్శకుడిగా తనేమిటో నిరూపించుకున్నాడు. ఈ చిత్రం రవికి విజయాన్ని తెచ్చి పెట్టింది. 

ఈ చిత్రం తర్వాత అవునుకి సీక్వెల్ ని కూడా తీశాడు. పందిపిల్లని పెట్టి అదిగో అని టైటిల్ పెట్టి తీసిన చిత్రం రవిబాబుకి వినూత్న దర్శకుడిగా పేరు తెచ్చింది. ఇకపోతే అల్లరి నరేష్ తో లడ్డూబాబు అనే చిత్రాన్ని తీశాడు రవిబాబు. ఇది కూడా డిఫరెంట్ కాన్సెప్టే. ఈ చిత్రంలో నరేష్ చాలా లావుగా ఉండి అందరూ నవ్వుకునేలా ఆయన పాత్రని డిజైన్ చేశాడు. ఈ చిత్రం కూడా రవిబాబుకి నిరాశే మిగిల్చింది.

ఆయన తీస్తున్న చిత్రాలు జయపజయాలతో సంబంధం లేకుండా దర్శకత్వాన్ని వీడకుండా పట్టు వదలని విక్రమార్కుడిలా తాను తీయాలనుకున్న కాన్సెప్ట్ లతో చిత్రాలను చేస్తూనే ఉన్నాడు రవిబాబు.  లేటెస్ట్ గా ఆవిరి అనే చిత్రాన్ని తెరకెక్కిస్తున్నాడు రవిబాబు. ఈ చిత్రంలో రవిబాబు కూడా నటిస్తూ..దర్శకత్వం  వహించాడు. నేహా చౌహన్..శ్రీముక్త..భరణిశంకర్..ముక్తర్ ఖాన్ ముఖ్య పాత్రల్లో నటిస్తున్నారు. ఈ మూవీని ప్లైయింగ్ ప్రాగ్స్ నిర్మిస్తుంది. విశేషం ఏంటంటే ప్రముఖ నిర్మాత దిల్ రాజు సొంత బ్యానర్ శ్రీ వెంకటేశ్వర క్రియేషన్స్ పై ఈ మూవీని విడుదల చేస్తున్నారు. మరి ఈ చిత్రమైనా రవిబాబుకి ఆశించిన విజయాన్ని తెచ్చిపెడుతుందేమో చూద్దాం. 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle