newssting
BITING NEWS :
*నేడు సిద్ధిపేట జిల్లాలో కలెక్టర్లతో సీఎం కేసీఆర్‌ క్షేత్ర పర్యటన*నేడు ఢిల్లీకి దేవేందర్‌గౌడ్‌*గుంటూరు ప్రాంతంలో చంద్రబాబు పర్యటన*నేడు సనత్‌నగర్‌లో కేంద్ర మంత్రి సంతోష్‌ గంగ్వార్‌ పర్యటన *కర్ణాటక బీజేపీ నూతన అధ్యక్షుడిగా నళినీకుమార్ కటీల్*హైకోర్టు నిర్ణయాన్ని సవాల్ చేస్తూ సుప్రీంలో చిదంబరం పిటిషన్

అప్పుడు కథానాయకుడు... ఇప్పుడు యాత్ర!

11-02-201911-02-2019 11:32:41 IST
Updated On 11-02-2019 11:34:55 ISTUpdated On 11-02-20192019-02-11T06:02:41.166Z11-02-2019 2019-02-11T06:02:32.714Z - 2019-02-11T06:04:55.500Z - 11-02-2019

అప్పుడు కథానాయకుడు... ఇప్పుడు యాత్ర!
facebooktwitterGooglewhatsappwhatsappGoogle
జనవరి 9న వచ్చిన ‘ఎన్టీఆర్ కథానాయకుడు’ సినిమాకు మంచి రివ్యూస్‌తో పాటు పాజిటివ్ రెస్పాన్స్ వచ్చింది. విమర్శకులు సైతం ఈ చిత్రాన్ని ప్రశంసిస్తూ పాస్ మార్కులు వేశారు. దీంతో ఈ సినిమా సంక్రాంతి విన్నర్‌గా నిలుస్తుందని, హౌస్‌ఫుల్ కలెక్షన్స్‌తో బయ్యర్లకు భారీ లాభాలు తెచ్చిపెడుతుందని అనుకున్నారు. తీరా చూస్తే... రెండో రోజుకే ఆ అంచనాలు బోల్తా పడ్డాయి. ఒక్కసారిగా కలెక్షన్లు తగ్గుముఖం పట్టడం, అదే టైంలో వేరే సినిమాల ప్రభావం ఎక్కువగా ఉండడంతో... ఈ చిత్రం బాక్సాఫీస్ వద్ద పుంజుకోలేక చతికిలపడింది. చివరికి అతి తక్కువ వసూళ్ళతో బిచాణా ఎత్తేసి... ఆల్‌టైమ్ డిజాస్టర్స్‌లో ఒకటిగా నిలిచింది.

ఇక ఇటీవల (ఫిబ్రవరి 8న) ప్రేక్షకుల ముందుకొచ్చిన ‘యాత్ర’ సినిమాకూ మంచి టాక్‌తో పాటు రివ్యూస్ వచ్చాయి. కానీ... కలెక్షన్స్ మాత్రం అంతంతమాత్రంగానే వస్తున్నాయి. కాకపోతే ఈ సినిమాను కొద్దిమంది బయ్యర్లకే కొన్ని ఏరియాలకు తక్కువ రేటుకు అమ్మారు. మిగిలిన ఏరియాల్లో స్వయంగా నిర్మాతలే విడుదల చేశారు. ఈ చిత్రానికి అయిన నిర్మాణ ఖర్చులు తక్కువే కాబట్టి... ప్రస్తుతం నమోదవుతున్న వసూళ్ళ దృష్ట్యా ఇది బ్రేక్ ఈవెన్‌కి చేరుతుంది. కుదిరితే లాభాలు కూడా రావొచ్చని ట్రేడ్ వర్గాలు అంచనా వేస్తున్నాయి.

అయితే... ఇక్కడ లాభనష్టాలన్నవి పెద్ద విషయం కాదు. ప్రజల్లో చెరగని ముద్ర వేసుకున్న ఎన్టీఆర్, వైఎస్ రాజశేఖర్‌రెడ్డి లాంటి గొప్ప వ్యక్తుల బయోపిక్‌లు... ఎందుకు ‘మహానటి’ స్థాయిలో ఆదరణ చూరగొనడం లేదన్నది మెయిన్ పాయింట్! అందుకు కొన్ని ప్రధాన కారణాలున్నాయంటున్నారు విశ్లేషకులు!‘మహానటి’ చిత్రంలో సావిత్రి జీవితంలో జరిగిన ప్రతి విషయాన్ని కళ్ళకు కట్టినట్లు చూపించారు. చరిత్రను ఏమాత్రం వక్రీకరించకుండా... పాజిటివ్స్, నెగెటివ్స్‌ అంశాల్ని ప్రేక్షకుల హృదయాల్ని కదిలించేలా చిత్రీకరించారు.

కానీ... కథానాయకుడు, యాత్ర సినిమాల్ని అలా తెరకెక్కించలేదు. కేవలం పాజిటివ్స్‌ని మాత్రమే హైలైట్ చేసి, డ్రామాకి పెద్ద పీట వేసి, నెగెటివ్ అంశాల్ని పక్కనపెట్టారు. అదే ఈ బయోపిక్ మేకర్స్ చేసిన అతి పెద్ద తప్పని విశ్లేషకులు వివరిస్తున్నారు. అందుకే... మౌత్ టాక్ బాగున్నప్పటికీ జనాలు ఈ రెండు చిత్రాలకు వెళ్ళడం లేదని చెప్తున్నారు. ‘మహానటి’ స్థాయిలో ప్రభావం చూపలేకపోవడం వల్లే ఈ రెండు బయోపిక్‌లు ప్రేక్షకుల ఆదరణ పొందలేకపోతున్నాయని అభిప్రాయాలు వ్యక్తమవుతున్నాయి.


Syed Abdul Khadar Jilani


సయ్యద్ అబ్దుల్ ఖాదర్ జిలానీ- కంటెంట్ రైటర్‌. జర్నలిజంలో ఐదేళ్ళ అనుభవం. ప్రముఖ మీడియా సంస్థ టీవీ9, తొలివెలుగు, ఇతర డిజిటల్ మీడియా సంస్థల్లో పనిచేశారు. సినిమా కథనాలు, రివ్యూలు, రాజకీయాలు, టెక్నాలజీ, లైఫ్ స్టయిల్ వంటి అంశాలపై మంచి అవగాహన. ప్రస్తుతం న్యూస్‌స్టింగ్.ఇన్‌లో కంటెంట్ రైటర్‌గా పనిచేస్తున్నారు.
 syedabdul@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle