newssting
BITING NEWS :
*కాశ్మీర్ సమస్యకు త్వరలో పరిష్కారం: రక్షణ మంత్రి రాజ్ నాథ్ సింగ్ * అసోం, బిహార్‌ వరదల్లో 159కి చేరిన మరణాలు*ఢిల్లీ మాజీ సీఎం షీలా దీక్షిత్ ఆకస్మిక మృతికి పలువురి సంతాపం *చంద్రయాన్-2 ప్రయోగానికి కౌంట్ డౌన్ ...22న నింగిలోకి.. చంద్రయాన్‌–2*ఇవాళ సికింద్రాబాద్‌ ఉజ్జయిని మహాకాళి బోనాలు*తెలంగాణ సీఎం కేసీఆర్ కు జేపీ అభినందనలు.. కొత్త పురపాలక చట్టం వికేంద్రీకరణ దిశగా ముందడుగు అంటూ కితాబులు *ఆర్ టీ ఐ సవరణ బిల్లు స.హ చట్టానికి చావు దెబ్బ: మాజీ కమిషనర్ మాడభూషి శ్రీధరాచార్యులు

మన తెలుగు వీణ

15-03-201915-03-2019 19:31:39 IST
2019-03-15T14:01:39.264Z15-03-2019 2019-03-15T14:01:37.156Z - - 22-07-2019

మన తెలుగు వీణ
facebooktwitterGooglewhatsappwhatsappGoogle
మన తెలుగు రాష్ట్రాలు ఎన్నో అద్భుతమయిన కళలకు ఆలవాలం.  కూచిపూడి నృత్యం, కర్ణాటక సంగీతం, ఎన్నో వెలుగు చూడని కళలు మన సొంతం. అటువంటి కళలను, దేవాలయాలను, కళాకారులను , వాయిద్యాలను ఒక్కసారి ఈనాటి యువతరానికి పరిచయం చేయాలనే ప్రయత్నంలో , ముందుగా ‘న్యూ‌స్ స్టింగ్’  టీం విజయనగరం జిల్లాని ఎంచుకుంది. అందులో భాగంగా ఈ వారం మీ ముందుకి తీసుకుని వస్తున్నాము బొబ్బిలి వీణ ! బొబ్బిలి అనగానే మనకి గుర్తొచ్చేది బొబ్బిలి వీణ. ఆ బొబ్బిలి వీణ గురించి మరొక్కసారి మననం చేసుకోవడానికి ముందు మనం కొన్ని విషయాల గురించి మాట్లాడుకోవడం అవసరం. 

ఒకప్పుడు చదవడానికి మనకి హార్డ్ కాపీ పుస్తకాలు మాత్రమే ఉండేవి కానీ ఇప్పుడు చదవటానికి డిజిటల్ బుక్స్ ,స్మార్ట్ ఫోన్ , ఐపాడ్‌లలోనే చదువుకునే పుస్తకాలు ఉంటున్నాయి. లైబ్రరీలకి వెళ్లే అవసరం లేకుండానే ఒక మొబైల్ లైబ్రరీనే మన వెంట పెట్టుకుని నడిచే రోజులు వచ్చేశాయి. సంగీతం ఇన్‌స్ట్రుమెంట్స్ అంటే మనకి జ్ఞాపకం వచ్చేవి వయోలిన్, తబలా, మృదంగం, నాదస్వరం, వీణ లాంటివి.  ఇంట్లో ఎవరో ఒకరు ఒక ఒక వాయిద్యాన్ని నేర్చుకుంటే  కుటుంబమంతా కూర్చుని వాళ్ళు వాయించేది విని ఆనందించేవాళ్ళం.  కానీ అదే స్థానంలో ఇప్పుడు చెవిలో పెట్టుకుని వినేలా హ్యాండ్సఫ్రీ రావటం, ఎవరికీ కుటుంబంతో కూర్చుని ఆనందించే సమయం లేకపోవటం, అంతే  కాకుండా చదువు ముందు.. తరవాత అనే పేరెంట్స్ మధ్య ఆనాటి వాయిద్యాలు కూడా మరుగున పడిపోయాయన్నది నమ్మలేని చేదునిజం. 

వీణ,వయొలిన్, మృదంగాలు అరుదుగా వినిపిస్తున్నాయి. నేర్చుకోవటానికి కూడా అంతగా శ్రద్ధ కనబరచడం లేదు. వీటికి బదులుగా ఇప్పుడు కీ బోర్డు, ఎలక్ట్రిక్ గిటార్, లేదా సాఫ్ట్‌వేర్‌తోనే సంగీతాన్ని సమకూర్చి అందించే సాధనాలు అందుబాటులోకి వచ్చాయి. ఒకవైపు సాంకేతిక అభివృద్ధి మనల్ని ఆశ్చర్యంలో ముంచెత్తి, అమితానందపరచినా మరో వైపు కొన్ని విషయాల్లో అభివృద్ధి బాధను మిగిల్చిందనే చెప్పాలి. 

అలా  మరుగున పడిన మన వాయిద్యాలని గుర్తుచేసుకోవాలనే ప్రయత్నంలోనే  మా ఈ బొబ్బిలి ప్రయాణం.   వీణ చాలా పురాతనమైన వాయిద్యం. భరతుడు తన నాట్యశాస్త్రంలో వీణను గురించి ప్రస్తావించారు. రుగ్వేద , సామవేద సాహిత్యాలైన తైత్తరీయ సంహిత అను గ్రంథాలలో వీణ గురించి లిఖించబడినది. అంతేకాకుండా వీణని మొదటిగా వాడిన ఘనత నారదునికి  దక్కింది. వీణని ఆయా ప్రాంతాలలో వేరు వేరు పేర్లతో సంబోధించారు. వాటిలో కొన్ని రుద్రవీణ, సరస్వతి వీణ, చిత్ర వీణ , విచిత్ర వీణ...ఇలా ఎన్నో పేర్లతో పిలిచేవారు.

మన తెలుగు రాష్ట్రమైన బొబ్బిలి కూడా చరిత్రలో చోటు సంపాదించుకుంది. బొబ్బిలి వీణని 17వ శతాబ్దంలో విజయనగర రాజు పెద్దరాయుడు గారి ఆధ్వర్యంలో ఉపయోగించినట్లుగా ఆధారాలు ఉన్నాయి. విజయనగర రాజులు సంగీత ప్రియులని, చాలా మంది వీణ వాయించడం నేర్చుకున్నారని , సర్వసిద్ది కమ్యూనిటీ‌కి చెందిన కళాకారులు ఈ వీణని తయారు చేసేవారని చెబుతారు.

అందువలన ఆనాటి విజయనగర రాజులు పెద్దపల్లి అనే గ్రామాన్ని వారికి కేటాయించారని. అప్పటినుండి కూడా అవి బొబ్బిలి వీణలుగా ప్రసిద్ధి చెంది తయారు చేయబడుతున్నాయని ప్రసిద్ధి. మనందరి ఆశయం ఒక్కటే. మన ప్రాచీన వారసత్వ సంపద, మన భారతీయ సంస్కృతీ సంప్రదాయానికి చిహ్నమైన వీణను భావితరాలకు అందించి, వారి భవితవ్యాన్ని అందంగా ఆనందంగా తీర్చిదిద్దడమే మనముందున్న కర్తవ్యం.

 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle