newssting
BITING NEWS :
పాకిస్థాన్, ఆఫ్ఘనిస్థాన్ దేశాల్లో గురువారం ఉదయం సంభవించిన భూకంపం. పాకిస్థాన్ దేశంలోని ఇస్లామాబాద్ నగరానికి పశ్చిమాన 40 కిలోమీటర్ల దూరంలో ఉదయం 5.46 గంటలకు భూ ప్రకంపనలు. భూకంప ప్రభావం రిక్టర్ స్కేలుపై 4.3 అని సీస్మోలజీ శాస్త్రవేత్తల ప్రకటన. ఆఫ్ఘనిస్థాన్ దేశంలోని కాబూల్ నగరానికి ఈశాన్యంలోని 237 కిలోమీటర్ల దూరంలో ఉదయం 5.33 గంటలకు భూకంపం. రిక్టర్ స్కేలుపై 4.2గా నమోదు * గుజరాత్‌లో గురువారం తెల్లవారుజామున భారీ అగ్నిప్రమాదం. సూరత్‌లోని హజీరా ఆధారిత ఆయిల్ అండ్ నేచురల్ గ్యాస్ కార్పొరేషన్ (ఓఎన్‌జీసీ) ప్లాంట్‌లో తెల్లవారుజామున 3:30 గంటలకు ప్రమాదం. ఓఎన్‌జీసీ ప్లాంట్‌లోని రెండు టెర్మినల్స్ వద్ద పేలుడుతో భారీ ఎత్తున చెలరేగిన మంటలు * ఆఫ్రికన్ స్వైన్ ఫ్లూ ప్రభావిత ప్రాంతాల్లో 12 వేల పందులను మట్టుబెట్టాలని అసోం ప్రభుత్వం ఆదేశం. ఆఫ్రికన్ స్వైన్ ఫ్లూను అరికట్టే చర్యల్లో భాగంగా నిర్ణయం. పందులను చంపేందుకు యజమానులకు పరిహారం. రాష్టంలోని 14 జిల్లాలలో స్వైన్ ఫ్లూ ప్రభావం,స్వైన్ ప్లూ కారణంగా ఇప్పటి వరకూ రాష్ట్రంలో 18 వేలకు పైగా పశువులు మృతి * ముంబైలో మరోసారి రికార్డు స్థాయిలో వర్షాలు. సెప్టెంబర్‌ నెలలో ఇంతటి స్థాయిలో వర్షాలు కురవడం గత 26 ఏళ్లలో ఇది నాల్గోసారి. మంగళవారం, బుధవారం 24 గంటలలో ఏకంగా 286.4 మిల్లీమీటర్ల వర్షపాతం నమోదు. 1994 తర్వాత సెప్టెంబర్‌ నెలలో కురిసిన భారీ వర్షమిదే. 1974 నుంచి 2020 కాలంలో సెప్టెంబర్‌లో ఇంత భారీ వర్షం నమోదు కావడం ఇది నాల్గోసారి * ఢిల్లీలో కరోనా వైరస్ మరోసారి విజృంభణ. కరోనా బాధితులలో 11.55 శాతం మంది వెంటిలేటర్ సపోర్టుతో చికిత్స. కొద్దిరోజులుగా అంతకంతకూ పెరుగుతున్న ఢిల్లీలో వెంటిలేటర్‌పై ఉంటున్న రోగుల సంఖ్య. ఢిల్లీలో స్థానిక కోవిడ్ బాధితుల కోసం రిజర్వ్ చేసిన 62 శాతం వెంటిలేటర్ బెడ్లు ఫుల్ * కరోనాతో మృతి చెందిన కర్ణాటక బీజేపీ ఎంపీ, రైల్వే శాఖ సహాయ మంత్రి సురేశ్‌ అంగడి(65). మూడు రోజులుగా తీవ్ర అనారోగ్యంతో బాధపడుతూ ఢిల్లీ ఎయిమ్స్‌ ఆసుపత్రి ట్రామా సెంటర్‌లో చికిత్స పొందుతూ తుదిశ్వాస విడిచిన సురేష్ అంగడి. కరోనా వల్ల చనిపోయిన తొలి కేంద్ర మంత్రి ఈయనే * భద్రాద్రి కొత్తగూడెం చెన్నాపురం అటవీ ప్రాంతంలో పోలీసులకు మావోయిస్టుల మధ్య ఎదురుకాల్పులు. ముగ్గురు మావోయిస్టుల మృతి చెందగా అందులో ఇద్దరు మహిళలు. అయితే కాల్పులు జరిగిన ప్రదేశం నుండి రైఫిల్, పేలుడు సామాగ్రి స్వాధీనం చేసుకున్న పోలీసులు. మరికొంత మంది మావోయిస్టుల కోసం కొనసాగుతున్న గాలింపు చర్యలు * హైదరాబాద్ నగర శివారులో రోడ్డెక్కిన సిటీ బస్సులు. రాజేంద్రనగర్, మహేశ్వరం, ఇబ్రహీంపట్నం, బండ్లగూడ శివారు ఆర్టీసీ డిపోల నుంచి బస్సు సర్వీసులు ప్రారంభం. ప్రతి డిపో నుంచి 12 బస్సులను నడుపుతున్న ఆర్టీసీ * కరోనాకు మరో ప్రముఖ నటుడు బలి. తెలుగు కమెడియన్ నటుడు కోసూరి వేణుగోపాల్ కరోనా కారణంగా కన్నుమూత. గత 22 రోజులుగా గచ్చిబౌలిలోని ఓ ప్రైవేట్ హాస్పిటల్‌లో వెంటిలేటర్‌పై చికిత్స పొందుతూ బుధవారం రాత్రి మృతి. కరోనా నెగిటివ్ వచ్చాక కూడా అనారోగ్యం నుంచి కోలుకోలేకపోయిన కమెడియన్ * శ్రీశైలం ప్రాజెక్టుకు కొనసాగుతున్న భారీ వరద ప్రవాహం. జలాశయం 8 గేట్లను 10 అడుగుల మేర ఎత్తివేసి దిగువకు నీటిని విడుదల * చిత్తూరు జిల్లాలోని కుప్పంలో ఏనుగులు బీభత్సం. పంట పొలాలకు కాపలాగా ఉన్న వారిపై ఏనుగులు దాడి. ఒకరు మృతి చెందగా మరికొందరికి గాయాలు. ఏనుగుల బీభత్సంతో భయాందోళనలు వ్యక్తం చేసున్న గ్రామస్థులు * పశ్చిమ మధ్యప్రదేశ్‌ పరిసరాల్లో కొనసాగుతున్న అల్పపీడనం. అల్పపీడనానికి అనుబంధంగా 5.8 కి.మీ ఎత్తున ఆవరించిన ఉపరితల ఆవర్తనం. గురు, శుక్రవారాలలో ఉత్తర, దక్షిణ కోస్తాంధ్ర, రాయలసీమలో వర్షాలు కురిసే అవకాశం. తేలికపాటి నుంచి ఓ మోస్తరు వర్షాలు కురిసే అవకాశం.

హ‌రీష్‌ను అందుకే రంగంలోకి దింపారా..?

07-01-202007-01-2020 07:56:16 IST
Updated On 07-01-2020 12:54:18 ISTUpdated On 07-01-20202020-01-07T02:26:16.689Z07-01-2020 2020-01-07T02:26:13.400Z - 2020-01-07T07:24:18.179Z - 07-01-2020

హ‌రీష్‌ను అందుకే రంగంలోకి దింపారా..?
facebooktwitterGooglewhatsappwhatsappGoogle
తెలంగాణ రాష్ట్ర స‌మితిలో ట్ర‌బుల్‌షూట‌ర్‌గా గుర్తింపు పొందారు మంత్రి హ‌రీష్‌రావు. ఉద్య‌మ‌కాలం నుంచి పార్టీకి అన్ని విధాలుగా ఆయ‌న బ‌ల‌మ‌య్యారు. ఎక్క‌డ ఉప ఎన్నిక‌లు జ‌రిగినా, పార్టీకి కీల‌క‌మైన ఎన్నిక‌లు జ‌రిగినా అక్క‌డ హ‌రీష్ రంగ‌ప్ర‌వేశం చేసేవారు.

త‌న రాజ‌కీయ వ్యూహాలు, మాస్ ఇమేజ్‌, ఎల‌క్ష‌నీరింగ్‌తో టీఆర్ఎస్ అభ్య‌ర్థుల‌ను గెలిపించుకొని వ‌చ్చేవారు. అయితే, ఇటీవ‌ల ప‌లు కీల‌క‌మైన ఎన్నిక‌ల్లో హ‌రీష్ కేవ‌లం త‌న నియోజ‌క‌వ‌ర్గానికి మాత్ర‌మే ప‌రిమితం అయ్యారు.

కానీ, మున్సిప‌ల్ ఎన్నిక‌ల్లో మాత్రం ఆయ‌నను మ‌రోసారి రంగంలోకి దింపింది టీఆర్ఎస్ అధిష్ఠానం. దీంతో ఆయ‌న త‌న ప‌ని ప్రారంభించారు. ఇప్ప‌టికే స‌న్నాహ‌క స‌మావేశాలు నిర్వ‌హిస్తున్నారు.

కీల‌క‌మైన మ‌ల్కాజ్‌గిరి పార్ల‌మెంటు ప‌రిధిలోని మున్సిప‌ల్ కార్పొరేష‌న్లు, మున్సిపాలిటీల‌తో పాటు గ‌జ్వెల్‌, సంగారెడ్డి మున్సిపాలిటీల్లో పార్టీ ప్ర‌చార బాధ్య‌త‌లు ఆయ‌న‌కు అప్ప‌గించిన‌ట్లు తెలుస్తోంది. ఈ మున్సిపాలిటీల‌ను టీఆర్ఎస్ ప్ర‌తిష్టాత్మ‌కంగా భావిస్తోంది.

2018 అసెంబ్లీ ఎన్నిక‌ల నుంచి పార్టీలో హ‌రీష్‌రావు ప్రాధాన్యం త‌గ్గుతూ కేటీఆర్ ప్రాధాన్య‌త పెరుగుతోంది. ఆ ఎన్నిక‌ల్లో కేవ‌లం త‌న నియోజ‌క‌వ‌ర్గంతో పాటు కేసీఆర్ పోటీ చేసిన గ‌జ్వేల్‌కే హ‌రీష్ ప‌రిమిత‌మ‌య్యారు. పార్ల‌మెంటు ఎన్నిక‌ల్లోనూ ఆయ‌న కేవ‌లం మెద‌క్ పార్ల‌మెంటు నియోజ‌క‌వ‌ర్గంలో మాత్ర‌మే ప‌ని చేశారు. కేటీఆర్ మాత్రం ఈ రెండు ఎన్నిక‌ల్లోనూ రాష్ట్ర‌మంతా తిరిగి ప్ర‌చారం చేశారు. మున్సిప‌ల్ ఎన్నిక‌ల్లోనూ ప్ర‌చార బాధ్య‌త‌లు కేటీఆర్ తీసుకున్నారు.

అయితే, హ‌రీష్‌రావును కూడా ఈ ఎన్నిక‌ల్లో క్రియాశీల‌కం చేయాల‌ని టీఆర్ఎస్ నిర్ణ‌యించింది. ముఖ్యంగా హైద‌రాబాద్ శివార్ల‌లోని మ‌ల్కాజ్‌గిరి పార్ల‌మెంటు నియోజ‌క‌వ‌ర్గం ప‌రిధిలో ఎక్కువ మున్సిపాలిటీలు, కార్పొరేష‌న్లు ఉన్నాయి.

పైగా ఇక్క‌డి నుంచి ఎంపీగా పీసీసీ వ‌ర్కింగ్ ప్ర‌సిడెంట్ రేవంత్ రెడ్డి ఉన్నారు. కాంగ్రెస్‌కు కూడా ఇక్క‌డ బ‌ల‌మైన ఓటు బ్యాంకు ఉంది. దీంతో ఇక్క‌డి బాధ్య‌త‌ల‌ను హరీష్‌రావు తీసుకున్నారు. ఇప్ప‌టికే ఆయ‌న స‌న్నాహ‌క స‌మావేశం కూడా నిర్వ‌హించారు.

ఇంత‌కుముందు కూడా రేవంత్ రెడ్డి దూకుడుకు హ‌రీష్‌రావు చెక్ పెట్టారు. రేవంత్ రెడ్డి స్వంత నియోజ‌క‌వ‌ర్గం కొడంగ‌ల్‌పై దృష్టి పెట్టిన హ‌రీష్‌రావు ఇక్క‌డ రేవంత్‌ను ఓడించ‌డంలో కీల‌క పాత్ర పోషించారు.

త‌ర్వాత ఆరు నెల‌ల పాటు రేవంత్ రెడ్డి సైలెంట్ అవ్వాల్సి వ‌చ్చింది. మ‌ళ్లీ ఆయ‌న మ‌ల్కాజ్‌గిరి ఎంపీగా గెలిచారు. ఇప్పుడు మ‌రోసారి హ‌రీష్‌రావు మున్సిప‌ల్ ఎన్నిక‌ల్లో మ‌ల్కాజ్‌గిరి పార్ల‌మెంటుపై దృష్టి పెడితే టీఆర్ఎస్ క్లీన్ స్వీప్ చేసి రేవంత్ రెడ్డికి షాక్ త‌గులుతుంద‌ని టీఆర్ఎస్ శ్రేణులు భావిస్తున్నాయి.

దీంతో పాటు ఉమ్మ‌డి మెద‌క్ జిల్లాలోని మున్సిపాలిటీల బాధ్య‌త కూడా హ‌రీష్‌రావు తీసుకుంటున్నారు. సీఎం కేసీఆర్ నియోజ‌క‌వ‌ర్గంలోని గ‌జ్వేల్ మున్సిపాలిటీతో పాటు కాంగ్రెస్ ఎమ్మెల్యే జగ్గారెడ్డి నియోజ‌క‌వ‌ర్గం సంగారెడ్డి మున్సిపాలిటీపై కూడా హరీష్ ప్ర‌త్యేకంగా దృష్టి పెట్టారు.

మున్సిప‌ల్ ఎన్నిక‌ల్లో తాను ప్ర‌చారం చేయ‌న‌ని ఇప్ప‌టికే ముఖ్య‌మంత్రి కేసీఆర్ స్ప‌ష్టం చేశారు. దీంతో కేటీఆర్ రాష్ట్ర‌మంతా ప్ర‌చారం చేయ‌నున్నారు. హ‌రీష్‌రావు కీల‌క మున్సిపాలిటీల్లో గెలిపించే బాధ్య‌త తీసుకున్నారు. మొత్తానికి హ‌రీష్‌రావు మ‌రోసారి పార్టీలో కీ రోల్ ప్లే చేస్తున్న‌ట్లు క‌నిపిస్తోంది.

అవినీతి తిమింగలం.. చెట్లకు నీరు పోసేవాడు కూడా బినామీనే..

అవినీతి తిమింగలం.. చెట్లకు నీరు పోసేవాడు కూడా బినామీనే..

   2 hours ago


రెండుసార్లు శ్రీవారిని దర్శించుకున్న సీఎం.. ఆశ్చర్యపోతున్న భక్తులు

రెండుసార్లు శ్రీవారిని దర్శించుకున్న సీఎం.. ఆశ్చర్యపోతున్న భక్తులు

   5 hours ago


టెస్టింగ్, ట్రేసింగ్ ఇదేనా మంత్రం – కరోనా కట్టడిపై మోడీ సర్కార్ నిస్సహాయత

టెస్టింగ్, ట్రేసింగ్ ఇదేనా మంత్రం – కరోనా కట్టడిపై మోడీ సర్కార్ నిస్సహాయత

   5 hours ago


కర్ణాటక ఎమ్మెల్యేల జీతాల తగ్గింపు.. మరి మిగతా రాష్ట్రాల సంగతేమిటి?

కర్ణాటక ఎమ్మెల్యేల జీతాల తగ్గింపు.. మరి మిగతా రాష్ట్రాల సంగతేమిటి?

   6 hours ago


మోదీ-షాల‌కు కొడాలి కౌంట‌ర్‌...  ఇంత ధైర్యం ఎలా వ‌చ్చింద‌బ్బా?

మోదీ-షాల‌కు కొడాలి కౌంట‌ర్‌... ఇంత ధైర్యం ఎలా వ‌చ్చింద‌బ్బా?

   7 hours ago


వ్యవసాయ బిల్లులపై ఎవరికి లాభం.. ఎవరికి నష్టం..?

వ్యవసాయ బిల్లులపై ఎవరికి లాభం.. ఎవరికి నష్టం..?

   8 hours ago


పొలిటికల్ ఎంట్రీ పై స్పందించిన పీపుల్ స్టార్.!

పొలిటికల్ ఎంట్రీ పై స్పందించిన పీపుల్ స్టార్.!

   9 hours ago


ఇంటినుంచి పనే భేషుగ్గా ఉంది... హైదరాబాద్ ఐటీ ఉద్యోగులు

ఇంటినుంచి పనే భేషుగ్గా ఉంది... హైదరాబాద్ ఐటీ ఉద్యోగులు

   10 hours ago


ఏపీలో తగ్గుతున్న కేసులు.. పెరుగుతున్న రికవరీ రేటు

ఏపీలో తగ్గుతున్న కేసులు.. పెరుగుతున్న రికవరీ రేటు

   10 hours ago


ఇంటర్ సిలబస్ కుదింపు ఉంది.. లేదు.. తెలంగాణ బోర్డు గందరగోళం

ఇంటర్ సిలబస్ కుదింపు ఉంది.. లేదు.. తెలంగాణ బోర్డు గందరగోళం

   11 hours ago


ఇంకా


      040 23600300

newsting
Daily Updates
facebooktwitterGooglewhatsappwhatsappGoogle