newssting
BITING NEWS :
*విజయవాడలో ప్రజావేదిక కూల్చివేత *అక్రమ నిర్మాణాలపై ఉక్కుపాదం మోపుతాం: సీఎం జగన్ *పార్టీ మారడం ఖాయం.. కోమటిరెడ్డి రాజగోపాల్ రెడ్డి *పార్టీ అంటే కుల సంఘం కాదని, అందరినీ సమన్వయం చేసుకుంటూ ముందుకు వెళ్లాలి: పవన్ కళ్యాణ్ *హోదా బాధ్యత జగన్‌దే: ఎంపీ గల్లా జయదేవ్‌*‘నెహ్రూ-గాంధీ’ కుటుంబంపై ప్రధానమంత్రి నరేంద్రమోదీ తీవ్ర విమర్శలు *ప్రపంచకప్‌ సెమీస్‌లోకి దూసుకెళ్లిన ఆస్ట్రేలియా

హోర్డింగులు: ఆదాయం గోరంత.. సమస్యలు కొండంత

12-06-201912-06-2019 09:07:33 IST
Updated On 24-06-2019 11:54:33 ISTUpdated On 24-06-20192019-06-12T03:37:33.191Z12-06-2019 2019-06-12T03:37:09.791Z - 2019-06-24T06:24:33.468Z - 24-06-2019

హోర్డింగులు: ఆదాయం గోరంత.. సమస్యలు కొండంత
facebooktwitterGooglewhatsappwhatsappGoogle
హైదరాబాద్ లో ఎటు చూసినా హోర్డింగ్ లే. వివిధ వ్యాపార ప్రకటనలు, సినిమాలు.. ఒక్కటేంటి? సమస్తం హోర్డింగులలోనే దర్శనం ఇస్తాయి. అయితే ఈ హోర్డింగులపై నిషేధం విధించారు అధికారులు. ఈనెల 15 నుంచి ఆగస్ట్‌ 15 వరకు ఈ నిషేధం అమలులో ఉంటుంది.

జీహెచ్‌ఎంసీ ప్రధాన కార్యాలయంలో మంగళవారం జరిగిన  వివిధ విభాగాల ఉన్నతాధికారుల సమావేశంలో ఈమేరకు నిర్ణయం తీసుకున్నారు. ఇటీవలి కాలంలో హోర్డింగుల ఫ్లెక్సీల ఆటంకాలతో మెట్రో మార్గాల్లో పలు పర్యాయాలు మెట్రోరైళ్లు నిలిచిపోవడం తెలిసిందే. వర్షాకాలంలో వర్షాలతోపాటు ఈదురుగాలులు వీచే అవకాశం ఉన్నందున హోర్డింగ్‌లు, యూనిపోల్స్‌ కూలిపోయే అవకాశాలున్నాయి.

హైదరాబాద్‌ మెట్రో రైలు మార్గంలో 95 హోర్డింగ్‌లు ప్రమాదకరంగా ఉన్నాయని హైదరాబాద్‌ మెట్రోరైలు ఎండి ఎన్వీఎస్‌ రెడ్డి ప్రస్తావించారు. అయితే మెట్రో రైలు మార్గంలో ఉన్న అన్ని హోర్డింగ్‌లపై నిషేధం విధించామని,  కొన్ని హోర్డింగ్‌లపై అక్రమంగా ఫ్లెక్సీలను ఏర్పాటు చేస్తున్నారని అధికారులు చెబుతున్నారు.

అయితే, మెట్రో మార్గంలో ఉన్న  అన్ని హోర్డింగ్‌లను తొలగించాలని సంబంధిత ఏజెన్సీలను ఆదేశించినట్లు జీహెచ్ఎంసీ కమిషనర్ ఆదేశించారు. జీహెచ్‌ఎంసీ లెక్కల ప్రకారం నగరంలో దాదాపు 2600 హోర్డింగులున్నాయి. ఇవి కాక అనధికారికంగా మరో 2500 వరకు ఉంటాయి. అయితే జీహెచ్‌ఎంసీ తనిఖీల్లో మాత్రం 333 అక్రమ హోర్డింగుల్ని గుర్తించి దాదాపు 300 వరకు తొలగించినట్లు గత సంవత్సరం పేర్కొన్నారు. 

Image result for hyderabad metro rail  hoardings

హోర్డింగుల ఏర్పాటులో ఎలాంటి నిబంధనలు పాటించడం లేదు. గోడలపై,  భూమిపై నుంచి ఏర్పాటుచేసే హోర్డింగులు  40 ఇంటూ 25  అడుగుల వరకు ఏర్పాటు చేసుకోవచ్చు. రూఫ్‌ టాప్‌పై ఏర్పాటు చేసేవి రెండంతస్తుల వరకు 30 ఇంటూ 25 అడుగులకు మించకుండా ఏర్పాటు చేసుకోవచ్చు. అలాంటి వాటికి ఏదైనా ప్రమాదం జరిగితే తమదే బాధ్యత అని ఏజెన్సీలు సొంత పూచీకత్తునివ్వాలి.

కానీ ఇవేవీ అమలుకావడంలేదు. ఈ హోర్డింగుల వల్ల ప్రభుత్వానికి రూ.50 కోట్ల వరకూ ఆదాయం రావాలి. కానీ వాస్తవంగా వస్తోంది మాత్రం 15 కోట్లేనని తెలుస్తోంది. హోర్డింగులపై నిషేధం శాశ్వతంగా ఉండాలని నగరవాసులు, మెట్రో ప్రయాణికులు కోరుతున్నారు. 


G. Sathyanarayana Raju


గొట్టుముక్కల సత్యనారాయణరాజుకి జర్నలిజంలో విశేష అనుభవం. 21 సంవత్సరాల క్రితం జర్నలిజంలోకి ప్రవేశించిన సత్యనారాయణరాజు ప్రముఖ దినపత్రికలు, న్యూస్ ఛానెళ్ళలో బాధ్యతలు నిర్వర్తించారు. డిజిటల్ మీడియాలో ప్రవేశించి... మూడేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో సీనియర్ కంటెంట్ రైటర్‌గా పనిచేస్తున్నారు.ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle