హైదరాబాద్‌లో నడిరోడ్డుపై చిరుత.. వాహనదారుల హడల్

14-05-202014-05-2020 09:53:52 IST
Updated On 14-05-2020 12:03:31 ISTUpdated On 14-05-20202020-05-14T04:23:52.265Z14-05-2020 2020-05-14T04:23:41.033Z - 2020-05-14T06:33:31.101Z - 14-05-2020

లాక్ డౌన్ కారణంగా జనం రోడ్లమీదకు రావడానికి జంకుతుంటే వన్యప్రాణులు, క్రూరజంతువులు మాత్రం రోడ్లమీదకు వస్తున్నాయి. తాజాగా హైదరాబాద్ శివారులో ఓ చిరుత నడిరోడ్డుపై కనిపించింది. రంగారెడ్డి జిల్లా మైలార్ దేవపల్లి పోలీస్టేషన్ పరిధిలోని కాటేదాన్ రైల్వే ట్రాక్ వద్ద చిరుత NH7 మెయిన్ రోడ్ పై ఉంది చిరుత. గాయాలు కావడంతో ఎటు వెళ్ళలేని పరిస్థితిలో హైవేపై పడిఉంది.  ఈ చిరుతను చూసిన కాటేదాన్ ప్రజలు భయాందోళనకు గురయ్యారు . సమాచారం అందుకున్న మైరాల్ దేవ్ పల్లి  పోలీసులు చిరుత ఉన్న సంఘటన స్థలానికి చేరుకున్నారు.

పోలీసులు అటవీ అధికారులకు సమాచారం అందించారు. చిరుతను చూసిన వాహనదారులు హడలిపోతున్నారు. చిరుత వాహనదారులపై దాడిచేసే ప్రమాదం వుండడంతో సమీపంలో వాహనాల రాకపోకలను నియంత్రించారు. స్థానికులు అప్రమత్తంగా ఉండాలని అక్కడ పోలీసులను కాపలాగా వుంచారు. అటవీ అధికారులు వచ్చి మత్తుమందు ఇచ్చి తరలించేవరకూ అక్కడ వాతావరణం టెన్షన్ టెన్షన్ గా వుండనుంది.