హైదరాబాద్‌లో ఎక్కడెక్కడ ఎన్ని కేసులో తెలుసా?

26-06-202026-06-2020 10:24:47 IST
2020-06-26T04:54:47.974Z26-06-2020 2020-06-26T04:53:27.395Z - - 10-04-2021

కరోనా వైరస్ తో హైదరాబాద్ వణికిపోతోంది. రోజురోజుకీ కొత్త రికార్డులు వస్తున్నాయి. లాక్ డౌన్ కు ముందు నగర పరిధిలో కేసుల సంఖ్య వందలోపు ఉండేది. కానీ, లాక్ డౌన్ సడలింపుల తర్వాత కేసుల సంఖ్య వందలలో నమోదవుతుంది. ప్రభుత్వం టెస్టుల సంఖ్య పెంచడంతో.. కొత్తగా నమోదవుతున్న కేసుల సంఖ్య కూడా పెరుగుతోందని అధికారులు అంటున్నారు. కరోనా నేపథ్యంలో వివిధ నగరంలో బయటకు వెళ్లాలంటేనే భయపడే పరిస్థితి ఉంది.

ఇప్పటికే చాలామంది నగరం నుంచి తమ సొంత ఊళ్లకు వెళ్లిపోయారు. రాష్ట్ర వ్యాప్తంగా 800 నుంచి 900 కేసులు నమోదవుతుంటే.. ఒక్క హైదరాబాద్ లోనే 700కు పైగా కేసులు నమోదవుతున్నాయి. ఈ కేసుల పరిస్థితిని బట్టి భాగ్యనగరంలో కరోనా ఎలా ఉందో దీనిని బట్టే అర్థం చేసుకోవచ్చు. అందుకే అత్యవసరమైతే తప్ప రోడ్ల మీదికి రావొద్దని ప్రజలకు పోలీసులు సూచిస్తున్నారు.

నగరంలో కేసుల సంఖ్య ఎక్కువ అవుతండటంతో సికింద్రాబాద్ పరిధిలోని ప్యారడైజ్ సర్కిల్, జనరల్ బజార్, సూర్యా టవర్స్ లను జూలై 5 వరకు మూసివేస్తున్నట్లు ఆ ప్రాంత అసోసియేషన్ లు ప్రకటించాయి. కొంతమంది స్వచ్ఛందంగా లాక్ డౌన్లు పాటిస్తున్నారు. పోలీసులు కూడా కరోనా వైరస్ కారణంగా వణికిపోతున్న పరిస్థితి. తాజాగా 737 కేసులు నమోదయ్యాయి. 

నగరంలో 150 డివిజన్లు వున్నాయి. వివిధ జోన్లలో కేసుల పరిస్థితి దారుణంగా పెరిగిపోతుంది. 

ఖైరతాబాద్ జోన్లో కార్వాన్ -662, గోషామహల్-497, మెహిదీపట్నం-475, జూబ్లీహిల్స్ – 369, ఖైరతాబాద్-351 కేసులు నమోదయ్యాయి. 

చార్మినార్ జోన్లో మలక్ పేట – 302, ఫలక్ నుమా – 285, చార్మినార్ – 256, చాంద్రాయణగుట్ట– 251, సంతోష్ నగర్ –163 కేసులున్నాయి

సికింద్రాబాద్ జోన్లో  అంబర్ పేట– 335, సికింద్రాబాద్– 304, బేగంపేట– 256, ముషీరాబాద్ – 174, మల్కాజ్ గిరి –165 కేసులు నమోదయ్యాయి

శేరిలింగంపల్లి జోన్లో  పటాన్ చెరు-104, శేరిలింగంపల్లి – 152, ఆర్సీ పురం-72, యూసుఫ్ గూడలో70 కేసులు నమోదయ్యాయి. 

ఎల్బీ నగర్ జోన్లో  సరూర్ నగర్ –140, ఎల్బీ నగర్ – 104, కాప్రా– 62, ఉప్పల్ – 32, హయత్ నగర్ – 45 కేసులున్నాయి 

కూకట్ పల్లి జోన్లో అల్వాల్ – 71, మూసాపేట – 61, గాజులరామారాం– 49, కూకట్ పల్లి – 33, కుత్బుల్లాపూర్– 43 కేసులు నమోదయినట్టు అధికారులు తెలిపారు.