newssting
BITING NEWS :
*ఘనంగా మాజీ ప్రధాని రాజీవ్‌గాంధీ జయంతి* కర్నాటక సీఎం యడియూరప్ప కేబినెట్ విస్తరణ..17మందికి ఛాన్స్ *పంచాయతీరాజ్‌లో మరో రూ.300 కోట్ల పనులు రద్దు*పోలవరం రీ టెండరింగ్ పై హైకోర్టులో నవయుగ పిటిషన్ * కృష్ణా నదీ వరద ప్రాంతాల్లో చంద్రబాబు పర్యటన* చంద్రుని కక్ష్యలోకి చంద్రయాన్‌-2*రాజస్థాన్ నుంచి రాజ్యసభకు ఏకగ్రీవంగా ఎన్నికైన మాజీ ప్రధాని మన్మోహన్ సింగ్ *అరుణ్ జైట్లీ ఆరోగ్యం విషమం.. వెంటిలేటర్ పై చికిత్స *పన్ను సంస్కరణలపై ఆర్థికమంత్రి నిర్మలా సీతారామన్ కి టాస్క్‌ఫోర్స్‌ నివేదిక

హైటెక్ సిటీ-రాయదుర్గం మెట్రో ఆగస్టుకి పరుగులు.. !

19-07-201919-07-2019 12:57:07 IST
Updated On 19-07-2019 15:20:06 ISTUpdated On 19-07-20192019-07-19T07:27:07.017Z19-07-2019 2019-07-19T07:26:11.384Z - 2019-07-19T09:50:06.411Z - 19-07-2019

హైటెక్ సిటీ-రాయదుర్గం మెట్రో ఆగస్టుకి పరుగులు.. !
facebooktwitterGooglewhatsappwhatsappGoogle
హైదరాబాద్ నగరంలో ప్రజా రవాణా వ్యవస్థ రూపురేఖల్ని మార్చిన ఘనత మెట్రో రైలుకే దక్కింది. మొత్తం 72 కిలోమీటర్ల మొదటిదశ ప్రాజెక్టులో ఇప్పటికే 56 కిలోమీటర్లు పూర్తయి ప్రయాణికులు ఉపయోగించుకుంటున్నారు. పెండింగ్‌లో ఉన్న హైటెక్‌ సిటీ-రాయదుర్గం మార్గంతోపాటు కారిడార్-2కు సంబంధించి జేబీఎస్- ఎంజీబీఎస్ మార్గం అందుబాటులోకి వస్తోంది.

కారిడార్-1లో ఇప్పటికే ఎల్బీనగర్ నుంచి మియాపూర్ వరకు, కారిడార్-3లో నాగోల్ నుంచి హైటెక్‌సిటీ వరకు మెట్రోరైళ్లు ప్రయాణికులను గమ్యస్థానాలకు చేరుస్తున్నాయి. కారిడార్-3లో హైటెక్‌ సిటీ వద్ద రివర్సల్ సౌకర్యంతోపాటు రాయదుర్గం వరకు 1.5 కిలోమీటర్ల మార్గం పెండింగ్‌లో ఉన్న సంగతి తెలిసిందే. 

ఆగస్టు చివరికల్లా పెండింగ్ పనులు పూర్తిచేసి ప్రయాణికులకు అందుబాటులో తేవడానికి హైదరాబాద్ మెట్రోరైలు అధికారులు ప్లాన్ సిద్ధం చేశారు. కారిడార్-2 మార్గంలో కూడా స్టేషన్లు, ఎలక్ట్రిఫికేషన్, సిగ్నలింగ్, ట్రాక్ దాదాపు సిద్ధమయ్యాయి. ప్రతిపాదిత జేబీఎస్ నుంచి ఫలక్‌నుమా వరకు 15 కిలోమీటర్ల మార్గంలో పది కిలోమీటర్ల మార్గం ఈఏడాది నవంబర్‌ నాటికి సిద్ధం అవుతుందని భావిస్తున్నారు. అలాగే, శంషాబాద్ ఎయిర్‌ పోర్టుకు కనెక్టివిటీ చేసే రెండోదశ ప్రాజెక్టు పనులను ఈ ఏడాదే ప్రారంభిస్తారు. 

దీనికి సంబంధించిన డీపీఆర్ బాధ్యతలను ఢిల్లీ మెట్రోరైలు కార్పొరేషన్‌కు అప్పగించారు. దీనికి సంబంధించిన డీపీఆర్ రాష్ట్రప్రభుత్వానికి చేరింది. మొత్తం 200 కిలోమీటర్ల మెట్రో మార్గాన్ని నిర్మించి ప్రయాణాన్ని సుఖవంతం చేయాలనే లక్ష్యంతో రాష్ట్ర ప్రభుత్వం కొత్త మార్గాలపై దృష్టి పెట్టింది.

ఎలివేటెడ్ బస్ ర్యాపిడ్ ట్రాన్సిట్ సిస్టం- ఈబీఆర్టీఎస్ పేరుతో నిర్మించే ఈ ప్రాజెక్టు వల్ల ట్రాఫిక్ ఇబ్బంది తీరి, పర్యావరణ ముప్పు కూడా తప్పనుంది. ఈబీఆర్టీఎస్‌లో నిర్మించే మార్గం ప్రత్యేకమయినదిగా భావిస్తున్నారు. దీని ద్వారా ఇతర వాహనాలను అనుమతించరు. పిల్లర్లపై నిర్మించే రోడ్డు మార్గంలో ర్యాపిడ్ సిస్టం బస్సులే నడుస్తాయి.

కేపీహెచ్‌బీ నుంచి ప్రారంభమయ్యే ఈ రూట్ ముఖ్యమైన ప్రాంతాలను కలుపుకొంటూ నార్సింగి ఎక్స్‌ రోడ్డు వద్ద ఎయిర్‌ పోర్టు మెట్రోస్టేషన్‌కు కనెక్టవుతుందని అంటున్నారు. 

ఈ ప్రాజెక్టు డిటేయిల్డ్  రిపోర్టు కోసం హైదరాబాద్ ఎయిర్‌పోర్టు మెట్రో లిమిటెడ్ టెండర్లు ఆహ్వానించింది. 18 కిలోమీటర్ల డెడికేటెడ్ వే డీపీఆర్ కోసం మెట్రోరైలు సంస్థ బిడ్లను ఆహ్వానించింది. పీపీపీ ప్రాజెక్టుగా దీనిని నిర్మించనున్నారు. ఇది పూర్తయితే ఎయిర్ పోర్టుకి వెళ్ళడం సులభం అవుతుంది. 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle