newssting
BITING NEWS :
ఎన్డీయేతో బంధం తెంచుకున్న అకాలీదళ్. కేంద్రం తీసుకొచ్చిన బిల్లులకు వ్యతిరేకంగా అకాలీదళ్ నిర్ణయం. ఈ బిల్లుల ప్రభావం రైతులు, దళితులు, రైతు కూలీల అందరిపై పడిందని తెలిపిన అకాలీదళ్ చీఫ్ సుఖ్‌బీర్ సింగ్ బాదల్ ప్రకటన. శనివారం పార్టీ నిర్వహించిన మూడు గంటల ఎమర్జెన్సీ కోర్ కమిటీ సమావేశం అనంతరం నిర్ణయం. 23 ఏళ్ల సుదీర్ఘ రాజకీయ బంధాన్ని తెగతెంపులు చేసుకున్న అకాలీదళ్ * బాలీవుడ్‌ వివాదాస్పద నటి కంగనా రనౌత్‌పై కర్ణాటకలోని తుమకూరు కోర్టులో కేసు దాఖలు. కేంద్ర ప్రభుత్వ రైతు చట్టాలకు వ్యతిరేకంగా ఆందోళన చేస్తున్న రైతులను ఉగ్రవాదులతో పోల్చుతూ ట్వీట్‌ చేయడాన్ని తప్పుబడుతూ తుమకూరు జేఎంఎఫ్సీ కోర్టులో రమేశ్‌ నాయక్‌ అనే న్యాయవాది పిటిషన్‌ దాఖలు * అత్యంత ప్రతిష్టాత్మకమైన ఢిల్లీలోని జాతీయ న్యాయ విశ్వవిద్యాలయం ఎన్‌ఎల్‌యూ వైస్‌ చాన్సలర్‌గా వరంగల్‌ జిల్లాకు చెందిన ప్రొఫెసర్‌ పి.శ్రీకృష్ణదేవరావు నియామకం. ప్రస్తుత వైస్‌ చాన్సలర్‌ ప్రొఫెసర్‌ రణబీర్‌ సింగ్‌ పదవీ విరమణ చేయడంతో శ్రీకృష్ణదేవరావు నియామకం. దేశంలోని పలు విశ్వవిద్యాలయాలలో కీలక బాధ్యతలు నిర్వహించిన శ్రీకృష్ణదేవరావు న్యాయ విద్యలో మార్పులు తీసుకువచ్చేందుకు యూజీసీ నియమించిన నిపుణుల కమిటీలో కూడా ఆయన సభ్యుడిగా కూడా పనిచేశారు * శివసేన నేత, లోక్ సభ సభ్యుడు సంజయ్‌ రౌత్‌, మహారాష్ట్ర మాజీ సీఎం దేవేంద్ర ఫడ్నవిస్ ఓ స్టార్ హోటల్ లో రహస్యంగా భేటీ అయినట్టు గుప్పుమన్న వార్తలు. ఓ లగ్జరీ హోటల్‌ లో సుమారు గంటన్నర పాటు వీరిమధ్య చర్చలు జరిగినట్టు సమాచారం. దేశవ్యాప్తంగా చర్చకు దారితీసిన ఈ సమావేశం వార్తలు. ఈ సమావేశం నిజమేనని, దీని వెనుక రాజకీయ కారణాలు లేవని స్పష్టం చేసిన బీజేపీ * అమెరికాలోని హిందూఆధ్యాత్మిక గురువు స్వామి ప్రత్యాగ్‌బోధానంద కన్నుమూత. పెన్సిల్వేనియాలో అర్ష విద్యా గురుకులానికి ఉపాధ్యక్షులుగా ఉన్న ప్రత్యాగ్‌బోధానంద వయసు 69 సంవత్సరాలు. గురుకులం 34వ వార్షిక ఉత్సవాల్లో పాల్గొన్న తర్వాత తీవ్రమైన గుండెపోటు రావడంతో ఈనెల 20తేదీన తుదిశ్వాస విడిచినట్టు తెలిపిన ఆయన శిష్యులు. ప్రత్యాగ్‌బోధానంద పార్థివదేహాన్ని భారత్‌కు తరలింపుకు ప్రయత్నాలు * పార్లమెంటు ఆమోదించిన మూడు వ్యవసాయ బిల్లులకి వ్యతిరేకంగా పంజాబ్‌లో కొనసాగుతున్న రైల్‌ రోకో ఆందోళన. గత మూడు రోజులుగా రైతులు రైలు పట్టాలపై కూర్చొని నిర్వహిస్తున్న రైల్‌ రోకో. తొలుత కిసాన్‌ మజ్దూర్‌ సంఘర్ష్ కమిటీ నిరసన కార్యక్రమాలకు పిలుపునిస్తే, ఆ తర్వాత మద్దతు ప్రకటించిన వివిధ సంఘాలు * బాలీవుడ్‌ పరిశ్రమలో కలకలం సృష్టిస్తున్న డ్రగ్స్‌ వ్యవహారం. దీపికా పదుకొనె, శ్రద్ధా కపూర్‌, సారా అలీఖాన్‌ నార్కోటిక్స్‌ కంట్రోల్‌ బ్యూరో ఎదుట శనివారం హాజరు. వేర్వేరుగా ఐదు గంటలకు పైగా కొనసాగిన విచారణ. నటీమణుల వాగ్మూలాన్ని రికార్డు చేసిన ఎన్సీబీ * ఉపరితల ద్రోణి ప్రభావంతో తెలుగు రాష్ట్రలలో పలు జిల్లాల్లో కురిసిన భారీ వర్షాలు శుక్రవారం రాత్రి నుంచి ఆదివారం ఉదయం వరకు కురిసిన ఓ మోస్తరు నుంచి భారీ వర్షాలు. వాగులు, వంకలు పొంగిపొర్లుతుండటంతో అక్కడక్కడా నిలిచిన రాకపోకలు. పలుచోట్ల నీటమునిగిన పంట పొలాలు. అత్యధికంగా రంగారెడ్డి జిల్లా నందిగామలో 19 సెంటీమీటర్ల వర్షపాతం నమోదు * అక్టోబరు 1 నుంచి సినిమా థియేటర్లు తెరిచేందుకు అనుమతినిచ్చిన పశ్చిమ బెంగాల్ ప్రభుత్వం. ఈ విషయాన్ని ట్వీట్ ద్వారా తెలియజేసిన ముఖ్యమంత్రి మమతా బెనర్జీ. పరిస్థితులను గాడిలో పెట్టేందుకు అక్టోబరు 1 నుంచి సినిమా థియేటర్ల తెరిచేందుకు అనుమతినిస్తున్నామని, అలాగే సాంస్కృతిక కార్యక్రమాలు, మ్యాజిక్ షోలు నిర్వహించేందుకు కూడా అనుమతినిస్తున్నామని ట్వీట్ * నెల్లూరు జిల్లాలో ఇటీవల జరిగిన రౌడీషీటర్ దారుణ హత్య మరువక ముందే చోటు చేసుకున్న మరో ఘటన. చిల్లకూరు మండలం కలవకకొండలో చేజర్ల సుబ్రహ్మణ్యం(38) అనే వ్యక్తి దారుణ హత్య. ఆదివారం ఉదయం అతి కిరాతకంగా చంపేసిన గుర్తు తెలియని వ్యక్తులు. సమాచారం మేరకు ఘటనాస్థలికి చేరుకున్న పోలీసులు కేసు నమోదు * సంగారెడ్డిలో వాగు దాటుతున్న వ్యక్తి వరద నీటిలో గల్లంతు. భారీ వర్షాలకు వాగు దాటుతున్న ముగ్గరు వ్యక్తులు గల్లంతవ్వగా ఇద్దరు వ్యక్తులను ఒడ్డుకు చేర్చిన స్థానికులు. కంగ్టి మండలం జంగి బికి చెందిన 55 ఏళ్ల మంగలి మారుతి కాకి వాగు వరద ఉధృతిలో గల్లంతు. మారుతి ఆచూకీ కోసం మండల రెవెన్యూ అధికారుల గాలింపు చర్యలు.

స‌ద‌ర్‌.. ప‌క్కా హైద‌రాబాదీ పండుగ‌

29-10-201929-10-2019 07:22:19 IST
Updated On 29-10-2019 17:17:27 ISTUpdated On 29-10-20192019-10-29T01:52:19.246Z29-10-2019 2019-10-29T01:51:44.191Z - 2019-10-29T11:47:27.227Z - 29-10-2019

 స‌ద‌ర్‌.. ప‌క్కా హైద‌రాబాదీ పండుగ‌
facebooktwitterGooglewhatsappwhatsappGoogle
దేశ‌వ్యాప్తంగా దీపావ‌ళి పండుగ ఎంత ప్ర‌ముఖ‌మైన‌దో హైద‌రాబాదీల‌కు స‌ద‌ర్ పండుగ కూడా అంతే ప్ర‌త్యేక‌మైన‌ది. దీపావ‌ళి రెండో రోజు న‌గ‌రంలో ఈ పండుగ‌ను జ‌రుపుకోవ‌డం అన‌వాయితీ. 80 ఏళ్లుగా హైద‌రాబాద్‌కే ప‌రిమిత‌మైన ఈ పండుగ క్ర‌మంగా తెలంగాణ వ్యాప్తంగా విస్త‌రిస్తోంది. వివిధ జిల్లాల్లో యాద‌వులు పండుగ‌ను ఘ‌నంగా జ‌రుపుకుంటున్నారు.

Image result for sadar festival hyderabad"

పాడి ప‌శువుల‌ను యాద‌వులు స్వంత పిల్ల‌ల్లా చూసుకుంటారు. ఎంత‌టి ప‌ని ఉన్నా ప‌శు పోష‌ణ‌లో నిమ‌గ్న‌మై ఉంటారు. ఇలా యాద‌వులంతా తీరిక లేకుండా గ‌డుపుతూ ఉండ‌టంతో ఏడాదికి ఒక‌రోజైనా ఆత్మీయంగా క‌లుసుకోవాల‌నే ఉద్దేశ్యంలో స‌ద‌ర్ పండుగ‌ను ప్రారంభించారు. 80 ఏళ్ల క్రితం న‌గ‌రంలో యాద‌వ పెద్ద‌లు ఈ పండుగ‌ను ప్రారంభించారు. అప్ప‌టి నుంచి నిరంత‌రాయంగా కొన‌సాగుతోంది.

దీపావ‌ళి త‌ర్వాత రెండో రోజున న‌గ‌రంలోని వివిధ ప్రాంతాల‌కు చెందిన యాద‌వులు త‌మ దున్న‌పోతుల‌ను గజ్జెలు, వివిధ అలంక‌ర‌ణ‌ల‌తో ముస్తాబు చేసి, బ్యాండ్‌, డ‌ప్పుల న‌డుమ నారాయ‌ణ‌గూడ‌లోని వైఎంసీఏ వ‌ద్ద‌కు తీసుకొస్తారు. యాద‌వ యువ‌కులు దున్న‌పోతుల‌తో చేసే విన్యాసాలు ఆక‌ట్టుకుంటాయి. హాకీ స్టిక్స్ చేత ప‌ట్టుకొని దున్న‌పోతుల‌పైన నిల‌బ‌డి విన్యాసాలు చేస్తుంటారు.

తెలంగాణ ఏర్ప‌డిన త‌ర్వాత స‌ద‌ర్ పండుగ‌కు ప్ర‌త్యేక గుర్తింపు వ‌చ్చింది. నారాయ‌ణ‌గూడ వైఎంసీఎ వ‌ద్ద జ‌రిగే వేడుకల‌కు ప్ర‌భుత్వ‌మే ఏర్పాట్లు చేస్తోంది. ఈ ఉత్స‌వానికి కేవ‌లం యాద‌వులే కాకుండా తిల‌కించేందుకు అన్ని వ‌ర్గాల ప్ర‌జ‌లు పెద్ద ఎత్తున త‌ర‌లివ‌స్తారు. ముఖ్యంగా, ముషిరాబాద్‌, చ‌ప్ప‌ల్ బ‌జార్‌, పాత‌బ‌స్తీ నుంచి వ‌చ్చే ఊరేగింపులు ప్ర‌త్యేక ఆక‌ర్ష‌ణ‌లుగా నిలుస్తాయి.

ఆవుల‌ను దైవంగా భావించి కొల‌వ‌డం హిందూ సంప్ర‌దాయంలో భాగ‌మే. కానీ, హైద‌రాబాద్‌లో స‌ద‌ర్ పండుగ సంద‌ర్భంగా దున్న‌పోతుల‌ను పూజించ‌డం మాత్రం ఎక్క‌డా లేని ప్ర‌త్యేక‌త‌. ఇప్పుడు హైద‌రాబాద్‌లోనే కాకుండా వివిధ జిల్లాల్లోనూ యాద‌వులు స‌ద‌ర్ ఉత్స‌వాల‌ను ఘ‌నంగా నిర్వ‌హిస్తున్నారు.

ఇక‌, ఇటీవ‌లి కాలంలో స‌ద‌ర్ సంద‌ర్భంగా పంజాబ్‌, హ‌ర్యానాకు చెందిన దున్న‌లు ప్ర‌త్యేక ఆక‌ర్ష‌ణ‌గా నిలుస్తున్నాయి. భారీ కాయంతో ఉండే ఇవి స‌ద‌ర్‌లో సంద‌డి చేస్తున్నాయి. న‌గ‌రానికి చెందిన యాద‌వ ప్ర‌ముఖులు ఎంతో ఖ‌ర్చు పెట్టి ఈ దున్న‌పోతుల‌ను పంజాబ్‌, హ‌ర్యానా నుంచి న‌గ‌రానికి తీసుకువ‌స్తున్నారు.

యువ‌రాజ్‌, రాజ‌, విరాట్ వంటి దున్న‌పోతుల‌ను గ‌త కొన్ని సంవ‌త్స‌రాలుగా న‌గ‌రానికి తీసుకువ‌స్తున్నారు. ఈ సంవ‌త్స‌రం స‌ర్తాజ్ అనే దున్న‌ను ముషిరాబాద్‌కు తీసుకొచ్చారు. ఈ దున్న‌పోతు బ‌రువు 1600 కిలోలు. వెడ‌ల్పు 15 అడుగులు. హ‌ర్యానాకు చెందిన వీరేంద‌ర్‌సింగ్ అనే వ్య‌క్తికి చెందిన ఈ దున్న విలువ అక్ష‌రాలా రూ.27 కోట్లు.

దీనిని న‌గ‌రానికి తీసుకువ‌చ్చేందుకు రూ.3.5 ల‌క్ష‌లు ఖ‌ర్చ‌య్యింది. దీని పోష‌ణ‌కు రోజుకు రూ.4 వేలు అవుతుంది. ప్ర‌తీరోజు యాపిల్స్‌, బాదం, 20 లీట‌ర్ల పాలు ఈ దున్న‌కు ఆహారంగా పెడ‌తారు. ప్ర‌తీరోజు రెండుసార్లు స్నానం, మ‌సాజ్ చేయ‌డం ప్ర‌త్యేకం. ఇంత‌లా జాగ్ర‌త్త‌గా ఈ దున్న‌పోతును చూసుకుంటారు. ప్ర‌తీయేటా ప్ర‌త్యేకంగా ఉండేందుకు గానూ ఆయా రాష్ట్రాల నుంచి ఈ దున్న‌పోతుల‌ను న‌గ‌రానికి తీసుకువ‌స్తుంటారు.

ఈ సంవ‌త్స‌రం కూడా న‌గ‌రంలో స‌ద‌ర్ ఉత్స‌వానికి ఏర్పాట్లు పూర్త‌య్యాయి. వైఎంసీఏ వ‌ద్ద ఇవాళ రాత్రి వేడుల‌కు యాద‌వులు అన్ని ఏర్పాట్లు చేశారు. న‌గ‌రంలోని న‌లుమూల‌ల నుంచి దున్న‌పోతుల‌ను ఇక్క‌డ‌కు తీసుకురానున్నారు. కేవ‌లం యాద‌వుల‌కే కాకుండా అన్ని వ‌ర్గాల వారికి ఈ పండుగ ప్రత్యేక‌మైన‌ది. ప్ర‌పంచంలో ఎక్క‌డా జ‌ర‌గ‌ని ఈ పండుగ‌ను చూడాలంటే ఇవాళ సాయంత్రం నారాయ‌ణ‌గూడ రావాల్సిందే.

 

చేతులు మారుతున్న ఏపీలో పోర్టులు..  కాకినాడ పోర్టు అరబిందో కైవ‌సం?!

చేతులు మారుతున్న ఏపీలో పోర్టులు.. కాకినాడ పోర్టు అరబిందో కైవ‌సం?!

   8 hours ago


గ్రేటర్ వరద ప్రాంతాలలో రేవంత్ పర్యటన.. కారుని ఢీ కొడతారా?

గ్రేటర్ వరద ప్రాంతాలలో రేవంత్ పర్యటన.. కారుని ఢీ కొడతారా?

   8 hours ago


ఏపీకి మ‌ద్యం అక్ర‌మ ర‌వాణాలో కొత్త పుంత‌లు

ఏపీకి మ‌ద్యం అక్ర‌మ ర‌వాణాలో కొత్త పుంత‌లు

   9 hours ago


యూపీ సీఎం యోగి ఆదిత్యనాథ్ ను కలిసిన 'రవికిషన్'

యూపీ సీఎం యోగి ఆదిత్యనాథ్ ను కలిసిన 'రవికిషన్'

   10 hours ago


బీజేపీలో పురందేశ్వ‌రికి కీల‌క ప‌ద‌వి... సామాజిక స‌మీక‌ర‌ణే ఎజెండా

బీజేపీలో పురందేశ్వ‌రికి కీల‌క ప‌ద‌వి... సామాజిక స‌మీక‌ర‌ణే ఎజెండా

   10 hours ago


అంబటి భూకబ్జా లీకులు.. సొంత పార్టీ నేతలే టార్గెట్ చేశారా?

అంబటి భూకబ్జా లీకులు.. సొంత పార్టీ నేతలే టార్గెట్ చేశారా?

   11 hours ago


ఎన్‌డీఏకు అకాలీదళ్‌ గుడ్‌బై.. రైతు వ్యతిరేక బిల్లులపై విభేదం

ఎన్‌డీఏకు అకాలీదళ్‌ గుడ్‌బై.. రైతు వ్యతిరేక బిల్లులపై విభేదం

   11 hours ago


డీకే అరుణకి జాతీయ పదవి.. రెడ్డి సామాజికవర్గంపై బీజేపీ టార్గెట్?

డీకే అరుణకి జాతీయ పదవి.. రెడ్డి సామాజికవర్గంపై బీజేపీ టార్గెట్?

   12 hours ago


ఏపీని ముంచెత్తుతున్న భారీ వర్షాలు.. పంటనష్టం

ఏపీని ముంచెత్తుతున్న భారీ వర్షాలు.. పంటనష్టం

   13 hours ago


తెలంగాణలో ఆడపిల్లను లక్ష్మిలా కొలుస్తున్నారు.. మంత్రి హరీష్ రావు

తెలంగాణలో ఆడపిల్లను లక్ష్మిలా కొలుస్తున్నారు.. మంత్రి హరీష్ రావు

   14 hours ago


ఇంకా


      040 23600300

newsting
Daily Updates
facebooktwitterGooglewhatsappwhatsappGoogle