newssting
Radio
BITING NEWS :
విశాఖ జిల్లా అనకాపల్లి ముత్రాసు కాలనీలో విషాదం. అనారోగ్యంతో భార్య చనిపోవడంతో మనస్తాపం చెంది.. ఇద్దరు పిల్లలతో కలిసి ఆత్మహత్య చేసుకున్న తండ్రి. * కడప జిల్లా ముద్దనూరు మండలం కొత్తపల్లిలో రోడ్డు ప్రమాదం. క్యాంపర్ వాహనాన్ని ఢీ కొట్టిన లారీ, ఇద్దరు మృతి. మృతులు తొండూరు మండలం మల్యాల వాసులుగా గుర్తింపు. * తెలంగాణలో భారీగా పెరిగిన కరోనా కేసులు. కొత్తగా 684 పాజిటివ్ కేసులు నమోదు, ముగ్గురు మృతి. * భద్రాచలం చెక్ పోస్ట్ వద్ద పోలీసుల తనిఖీల్లో పట్టుబడిన గంజాయి. రూ. 30 లక్షలు విలువైన రెండు క్వింటాళ్ల గంజాయి స్వాధీనం. రెండు కార్లు సీజ్, ముగ్గురు అరెస్ట్. * గుంటూరు జిల్లా తాడేపల్లి పరిసర ప్రాంతాల్లో విస్తరిస్తున్న డ్రగ్ కల్చర్. యూనివర్శిటీలు, కాలేజీలు టార్గెట్ గా డ్రగ్స్ అమ్మకాలు చేపట్టిన మాఫియా. గంజాయితో పాటు సింథటిక్ డ్రగ్స్ విక్రయాలు. ఎండీఎంఏ ట్యాబ్లెట్స్ ను పట్టుకున్న ఎస్ఈబీ అధికారులు. * ఈస్ట్ ఢిల్లీ రెడీమేడ్ వస్త్ర కారాగారంలో భారీ అగ్నిప్రమాదం. మంటలార్పుతున్న 15 ఫైరింజన్లు.

సెప్టెంబర్ 17 చుట్టూ రాజకీయం- కమలం vs కారు

11-09-202011-09-2020 23:20:02 IST
Updated On 11-09-2020 23:23:13 ISTUpdated On 11-09-20202020-09-11T17:50:02.473Z11-09-2020 2020-09-11T17:49:54.808Z - 2020-09-11T17:53:13.916Z - 11-09-2020

సెప్టెంబర్ 17 చుట్టూ రాజకీయం- కమలం vs కారు
facebooktwitterGooglewhatsappwhatsappGoogle
తెలంగాణలో సెప్టెంబర్ 17వ తేదీని విమోచన దినోత్సవంగా ప్రకటించాలని భారతీయ జనతా పార్టీ ఆధ్వర్యంలో ఈరోజు చలో అసెంబ్లీ ముట్టడి కార్యక్రమానికి వెళ్తున్న బిజెపి నాయకులు, కార్యకర్తలను పోలీసులు ఎక్కడికక్కడ అరెస్టు చేస్తున్నారు. బీజేపీ రాష్ట్ర అధ్యక్షుడు బండి సంజయ్ సహా పలువురు నాయకులను పోలీసులు అదుపులోనికి తీసుకున్నారు. పెద్దపల్లి జిల్లా మంథని నియోజకవర్గంలోని కమాన్ పూర్, రామగిరి, మంథని మండలాలలో ఉన్న బిజెపి నాయకులను కార్యకర్తలను అసెంబ్లీ ముట్టడికి వెళ్లకుండా ముందస్తుగా అరెస్టు చేసి పోలీస్ స్టేషన్ కు తరలించారు.

తెలంగాణ రాక ముందు సెప్టెంబర్ 17వ తేదీని తెలంగాణలో విమోచన దినోత్సవంగా జరుపుకుంటామని చెప్పిన కేసిఆర్. తెలంగాణ ఆవిర్భావం తరువాత  విమోచన దినోత్సవం జరపకుండా, తెలంగాణ ప్రజలను మోసం చేస్తున్నారని బీజేపీ విమర్శిస్తున్నది. 2023 ఎన్నికల్లో విజయం సాధించి భారతీయ జనతా పార్టీ అధికారంలోకి రాగానే సెప్టెంబర్ 17వ తేదీని విమోచన దినోత్సవంగా  అధికారికంగా నిర్వహిస్తామని హామీ ఇస్తున్నది. తెలంగాణ విమోచన దినోత్సవాన్ని సెప్టెంబర్ 17న అధికారికంగా రాష్ట్ర ప్రభుత్వం నిర్వహించాలని భారతీయ జనతా పార్టీ ఈ రోజు ఛలో అసెంబ్లీ కార్యక్రమాన్ని చేపట్టింద.

ఈ కార్యక్రమంలో పాల్గొనడానికి బయలు దేరిన బిజెపి మాజీ ఎమ్మెల్యే లక్ష్మణ్, బీజేపీ   కార్యదర్శి మాధవ్ లను పోలీసులు హౌజ్ అరెస్ట్ చేశారు.  సెప్టెంబర్ 17 ను తెలంగాణ విమోచన దినోత్సవంగ అధికారికంగా ప్రకటించాలని కోరుతూ ఈరోజు అసెంబ్లీ ముట్టడికి రాష్ట్ర బీజేపీ పిలుపు మేరకు భయలుదేరుతున్న ఉమ్మడి నల్గొండ జిల్లా నాయకులను కూడా పోలీసులు అదుపులోనికి తీసుకున్నారు. అలాగే యాదాద్రి భువనగిరి జిల్లా రామన్నపేట, సూర్యపేట జిల్లా , నల్గొండ జిల్లాలో ఈ తెల్లవారుజాము నుండే బీజేపీ నాయకుల అరెస్టుల పర్వం ప్రారంభమైంది. అరెస్టులను ఖండిస్తూ బీజేపీ తీవ్ర స్థాయిలో టీఆర్ఎస్ సర్కార్ పై విమర్శలు గుప్పిస్తున్నది.   

తెరాస ప్రభుత్వం ఏం ఐ ఎం అడుగులకు మడుగులొత్తుతూ తెలంగాణ విమోచన దినాన్ని అధికారికంగా నిర్వహించకపోగా బిజెపి కార్యకర్తలను అక్రమంగా అరెస్టు చేయడం దారుణమని బీజేపీ నేతలు విమర్శించారు. ఇక బీజేపీ రాష్ట్ర అధ్యక్షుడు బండి సంజయ్ అరెస్టు హైదరాబాద్ లో తీవ్ర ఉద్రిక్తతకు దారి తీసింది. చలో అసెంబ్లీ పిలుపు మేరకు అసెంబ్లీ ముట్టడికి బయలు దేరిన బండి సంజయ్ ను పోలీసులు అరెస్టు చేసి ఘోషా మహల్ పీఎస్ కు తరలించారు. 

ఈ సందర్భంగా బీజేపీ కార్యకర్తలు పోలీసు వాహనాన్ని చుట్టుముట్టి కదలకుండా అడ్డుకున్నారు. ఈ సందర్భంగా బీజేపీ కార్యకర్తలు, పోలీసుల మధ్య తీవ్ర వాగ్వాదం జరిగి ఘర్షణ వాతావరణం ఏర్పడింది. చివరకు నిరసన కారులను చెదరగొట్టి బండి సంజయ్ ను ఘోషామహల్ పీఎస్ కు తరలించారు. మొత్తం మీద తెలంగాణ విమోచన దినోత్సవం కేంద్రంగా బీజేపీ- టీఆర్ఎస్ మధ్య రాజకీయ యుద్ధం జరుగుతోందని చెప్పవచ్చు. దుబ్బాక ఉపఎన్నిక, జీహెచ్ఎంసీ ఎన్నికలలో తెలంగాణ విమోచన దినోత్సవం వ్యవహారం ఒక కీలక అంశంగా మార్చాలని బీజేపీ శతథా ప్రయత్నిస్తున్నది. అదే విధంగా బీజేపీ వ్యూహాలు ఫలించకుండాటీఆర్ఎస్ కూడా వ్యూహాలు పన్నుతున్నది. మొత్తం మీద తెలంగాణ విమోచన దినోత్సవం రాజకీయయుద్ధానికి వేదికగా మారుతోంది.


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle