సూర్యాపేట జిల్లాలో దారుణం..టీఆర్ఎస్ నేత హత్య

15-02-202015-02-2020 10:25:39 IST
Updated On 15-02-2020 13:47:45 ISTUpdated On 15-02-20202020-02-15T04:55:39.969Z15-02-2020 2020-02-15T04:55:16.162Z - 2020-02-15T08:17:45.587Z - 15-02-2020

సహకార ఎన్నికలు ఓ నేతను బలి తీసుకున్నాయి. సూర్యాపేట జిల్లా మండలం ఎర్కారం మాజీ సర్పంచ్, టీఆర్ఎస్ నేత ఒంటెద్దు వెంకన్న దారుణంగా హత్య చేశారు. . సహకార సంఘాల ఎన్నికల ప్రచారంలో భాగంగా ఓ ఇంట్లోకి వెళ్లిన వెంకన్నపై ప్రత్యర్థులు వేటకొడవళ్లతో దాడి చేసి హతమార్చినట్టు పోలీసులు ప్రకటించారు. గ్రామంలో గత రెండు రోజులుగా సహకార సంఘాల ఎన్నిక విషయంలో కాంగ్రెస్, టీఆర్ఎస్ నేతల మధ్య ఘర్షణలు జరుగుతున్నాయి. 

వెంకన్నను టార్గెట్ చేసిన ప్రత్యర్థి పార్టీ నేతలు గ్రామంలోనే  కత్తులతో నరకడంతో వెంకన్న అక్కడికక్కడే ప్రాణాలు వదిలాడు. ఈహత్యపై టీఆర్ఎస్ నేతలు భగ్గుమంటున్నారు. వెంకన్నను హతమార్చింది  కాంగ్రెస్ నాయకులే అంటున్నారు. టీఆర్ఎస్ నేత హత్య ప్రకంపనలు కలిగిస్తోంది. రంగంలోకి దిగిన డీఎస్పీ నాగేశ్వరరావు మృతదేహాన్ని పోస్టుమార్టంకి పంపించారు. వెంకన్న హత్యతో గ్రామంలో ఉద్రిక్తత నెలకొంది. 

పోలీసులు భారీ బందోబస్తు ఏర్పాటు చేశారు. వెంకన్న హత్యతో గ్రామంలో ఫ్యాక్షన్ హత్యలు మరోసారి మొదలయ్యాయి. పదిహేనేళ్ల క్రితం ఇదే గ్రామ సర్పంచ్ కాంగ్రెస్ నాయకుడు మిద్దె రవీందర్ హత్యకు గురయ్యాడు. మరోసారి ఇలాంటి వాతావరణం ఏర్పడడంతో గ్రామస్తులు ఎప్పుడేం జరుగుతుందో అర్థంకాక ఆందోళనకు గురవుతున్నారు. రాష్ట్రవ్యాప్తంగా ఇవాళ సహకార ఎన్నికల పోలింగ్ జరుగుతోంది.