newssting
BITING NEWS :
పాకిస్థాన్, ఆఫ్ఘనిస్థాన్ దేశాల్లో గురువారం ఉదయం సంభవించిన భూకంపం. పాకిస్థాన్ దేశంలోని ఇస్లామాబాద్ నగరానికి పశ్చిమాన 40 కిలోమీటర్ల దూరంలో ఉదయం 5.46 గంటలకు భూ ప్రకంపనలు. భూకంప ప్రభావం రిక్టర్ స్కేలుపై 4.3 అని సీస్మోలజీ శాస్త్రవేత్తల ప్రకటన. ఆఫ్ఘనిస్థాన్ దేశంలోని కాబూల్ నగరానికి ఈశాన్యంలోని 237 కిలోమీటర్ల దూరంలో ఉదయం 5.33 గంటలకు భూకంపం. రిక్టర్ స్కేలుపై 4.2గా నమోదు * గుజరాత్‌లో గురువారం తెల్లవారుజామున భారీ అగ్నిప్రమాదం. సూరత్‌లోని హజీరా ఆధారిత ఆయిల్ అండ్ నేచురల్ గ్యాస్ కార్పొరేషన్ (ఓఎన్‌జీసీ) ప్లాంట్‌లో తెల్లవారుజామున 3:30 గంటలకు ప్రమాదం. ఓఎన్‌జీసీ ప్లాంట్‌లోని రెండు టెర్మినల్స్ వద్ద పేలుడుతో భారీ ఎత్తున చెలరేగిన మంటలు * ఆఫ్రికన్ స్వైన్ ఫ్లూ ప్రభావిత ప్రాంతాల్లో 12 వేల పందులను మట్టుబెట్టాలని అసోం ప్రభుత్వం ఆదేశం. ఆఫ్రికన్ స్వైన్ ఫ్లూను అరికట్టే చర్యల్లో భాగంగా నిర్ణయం. పందులను చంపేందుకు యజమానులకు పరిహారం. రాష్టంలోని 14 జిల్లాలలో స్వైన్ ఫ్లూ ప్రభావం,స్వైన్ ప్లూ కారణంగా ఇప్పటి వరకూ రాష్ట్రంలో 18 వేలకు పైగా పశువులు మృతి * ముంబైలో మరోసారి రికార్డు స్థాయిలో వర్షాలు. సెప్టెంబర్‌ నెలలో ఇంతటి స్థాయిలో వర్షాలు కురవడం గత 26 ఏళ్లలో ఇది నాల్గోసారి. మంగళవారం, బుధవారం 24 గంటలలో ఏకంగా 286.4 మిల్లీమీటర్ల వర్షపాతం నమోదు. 1994 తర్వాత సెప్టెంబర్‌ నెలలో కురిసిన భారీ వర్షమిదే. 1974 నుంచి 2020 కాలంలో సెప్టెంబర్‌లో ఇంత భారీ వర్షం నమోదు కావడం ఇది నాల్గోసారి * ఢిల్లీలో కరోనా వైరస్ మరోసారి విజృంభణ. కరోనా బాధితులలో 11.55 శాతం మంది వెంటిలేటర్ సపోర్టుతో చికిత్స. కొద్దిరోజులుగా అంతకంతకూ పెరుగుతున్న ఢిల్లీలో వెంటిలేటర్‌పై ఉంటున్న రోగుల సంఖ్య. ఢిల్లీలో స్థానిక కోవిడ్ బాధితుల కోసం రిజర్వ్ చేసిన 62 శాతం వెంటిలేటర్ బెడ్లు ఫుల్ * కరోనాతో మృతి చెందిన కర్ణాటక బీజేపీ ఎంపీ, రైల్వే శాఖ సహాయ మంత్రి సురేశ్‌ అంగడి(65). మూడు రోజులుగా తీవ్ర అనారోగ్యంతో బాధపడుతూ ఢిల్లీ ఎయిమ్స్‌ ఆసుపత్రి ట్రామా సెంటర్‌లో చికిత్స పొందుతూ తుదిశ్వాస విడిచిన సురేష్ అంగడి. కరోనా వల్ల చనిపోయిన తొలి కేంద్ర మంత్రి ఈయనే * భద్రాద్రి కొత్తగూడెం చెన్నాపురం అటవీ ప్రాంతంలో పోలీసులకు మావోయిస్టుల మధ్య ఎదురుకాల్పులు. ముగ్గురు మావోయిస్టుల మృతి చెందగా అందులో ఇద్దరు మహిళలు. అయితే కాల్పులు జరిగిన ప్రదేశం నుండి రైఫిల్, పేలుడు సామాగ్రి స్వాధీనం చేసుకున్న పోలీసులు. మరికొంత మంది మావోయిస్టుల కోసం కొనసాగుతున్న గాలింపు చర్యలు * హైదరాబాద్ నగర శివారులో రోడ్డెక్కిన సిటీ బస్సులు. రాజేంద్రనగర్, మహేశ్వరం, ఇబ్రహీంపట్నం, బండ్లగూడ శివారు ఆర్టీసీ డిపోల నుంచి బస్సు సర్వీసులు ప్రారంభం. ప్రతి డిపో నుంచి 12 బస్సులను నడుపుతున్న ఆర్టీసీ * కరోనాకు మరో ప్రముఖ నటుడు బలి. తెలుగు కమెడియన్ నటుడు కోసూరి వేణుగోపాల్ కరోనా కారణంగా కన్నుమూత. గత 22 రోజులుగా గచ్చిబౌలిలోని ఓ ప్రైవేట్ హాస్పిటల్‌లో వెంటిలేటర్‌పై చికిత్స పొందుతూ బుధవారం రాత్రి మృతి. కరోనా నెగిటివ్ వచ్చాక కూడా అనారోగ్యం నుంచి కోలుకోలేకపోయిన కమెడియన్ * శ్రీశైలం ప్రాజెక్టుకు కొనసాగుతున్న భారీ వరద ప్రవాహం. జలాశయం 8 గేట్లను 10 అడుగుల మేర ఎత్తివేసి దిగువకు నీటిని విడుదల * చిత్తూరు జిల్లాలోని కుప్పంలో ఏనుగులు బీభత్సం. పంట పొలాలకు కాపలాగా ఉన్న వారిపై ఏనుగులు దాడి. ఒకరు మృతి చెందగా మరికొందరికి గాయాలు. ఏనుగుల బీభత్సంతో భయాందోళనలు వ్యక్తం చేసున్న గ్రామస్థులు * పశ్చిమ మధ్యప్రదేశ్‌ పరిసరాల్లో కొనసాగుతున్న అల్పపీడనం. అల్పపీడనానికి అనుబంధంగా 5.8 కి.మీ ఎత్తున ఆవరించిన ఉపరితల ఆవర్తనం. గురు, శుక్రవారాలలో ఉత్తర, దక్షిణ కోస్తాంధ్ర, రాయలసీమలో వర్షాలు కురిసే అవకాశం. తేలికపాటి నుంచి ఓ మోస్తరు వర్షాలు కురిసే అవకాశం.

షరతులతో వస్తే ఓకే..! సమ్మెపై కేసీఆర్‌ నెక్ట్స్‌ ప్లాన్‌ అదేనా!!

20-11-201920-11-2019 08:00:40 IST
2019-11-20T02:30:40.118Z20-11-2019 2019-11-20T02:29:45.527Z - - 24-09-2020

షరతులతో వస్తే ఓకే..! సమ్మెపై కేసీఆర్‌ నెక్ట్స్‌ ప్లాన్‌ అదేనా!!
facebooktwitterGooglewhatsappwhatsappGoogle
డిమాండ్ల సాధన కోసం ఆర్టీసీ జేఏసీ ఆధ్వర్యంలో చేపట్టిన సమ్మె హైకోర్టు తీర్పుతో కొత్త మలుపు తిరిగింది. గత 46రోజులుగా ఆర్టీసీ కార్మికులు ప్రభుత్వంపై పోరాటం సాగిస్తున్నారు. డిమాండ్లు పరిష్కరించే వరకు వెనక్కి తగ్గమని పోరాటాన్ని ఉధృతం చేస్తూ వచ్చారు. కానీ సోమవారం హైకోర్టు తీర్పుతో కార్మికుల్లో ఆందోళన మొదలైంది.

ఇన్నాళ్లు ప్రభుత్వాన్ని చివాట్లు పెడుతూ వచ్చిన హైకోర్టు.. సోమవారం ఆర్టీసీ సమ్మె చట్టవిరుద్ధమో కాదో మేం చెప్పలేమని, ఆ అధికారం మాకు లేదని, లేబర్‌ కోర్టు ఆ విషయాన్ని తేలుస్తుందని చెప్పింది.

దీంతో ఆర్టీసీ జేఏసీ వర్సెస్‌ ప్రభుత్వ వివాదం లేబర్‌ కోర్టుకు చేరింది. అదేవిధంగా ప్రభుత్వానికి ఎలాంటి సూచనలు చేయలేమని హైకోర్టు చెప్పింది. ఇన్నాళ్లు హైకోర్టు తీర్పులతో పట్టుదలతో సమ్మెను కొనసాగించిన కార్మికులు ఒక్కసారిగా డీలాపడినట్లు కనిపించింది.

హైకోర్టు తీర్పు నేపథ్యంలో సమ్మెను విరమించేందుకు ఆర్టీసీ జేఏసీ నిర్ణయించినట్లు తెలుస్తోంది. ఇప్పటికే తమ డిమాండ్లలో ప్రధానమైనది ఆర్టీసీని ప్రభుత్వంలో విలీనం చేయాలని.. ఆ డిమాండ్‌ను పక్కకు పెడుతున్నట్లు ఆర్టీసీ జేఏసీ ప్రకటించినా.. సీఎం కేసీఆర్‌ జేఏసీతో చర్చలు జరిపేందుకు నిరాకరించారు.

దీంతో కార్మికులు సమ్మెను ఉధృతం చేశారు. తాజాగా హైకోర్టు తీర్పుతో సమ్మెను తాత్కాలికంగా వాయిదా వేసి విధుల్లో చేరే ఆలోచనలో ఆర్టీసీ జేఏసీ ఉన్నట్లు తెలుస్తోంది.

మరోవైపు రెండు వారాల్లో లేబర్‌ కోర్టు ఆర్టీసీ సమ్మె చట్టవిరుద్ధమా..? చట్ట ప్రకారమే జరుగుతుందా? అనే అంశంపై తీర్పు ఇవ్వనున్న నేపథ్యంలో అప్పటి వరకు వేచిచూస్తే మంచిదని ఆర్టీసీ జేఏసీలోని మరో వర్గం పేర్కొంటుంది.

కాగా మంగళవారం ఆర్టీసీ జేఏసీ నాయకులు, అఖిలపక్షం నేతలు సమావేశం అయ్యారు. దీంతో ఆర్టీసీ జేఏసీ జిల్లా కమిటీల అభిప్రాయాలను స్వీకరించిన తరువాత తుదినిర్ణయం తీసుకోనున్నారు.

ఇదిలా ఉంటే ఆర్టీసీ జేఏసీపై సీఎం కేసీఆర్‌ మాత్రం మెట్టుదిగే పరిస్థితి కనిపించటం లేదు. హైకోర్టు తీర్పు నేపథ్యంలో ఆర్టీసీ సమ్మెపై వేచిచూసే ధోరణిలో టీఆర్‌ఎస్‌ ప్రభుత్వం ఉన్నట్లు సమాచారం. కార్మిక సంఘాల స్పందనను బట్టే ప్రతిస్పందించాలని సర్కార్‌ నిర్ణయించినట్లు తెలియవచ్చింది.

కార్మికులు భేషరతుగా విధుల్లో చేరాలని, విధుల్లో చేరుతున్నట్లు అన్ని డిపోల్లో వ్యక్తిగతంగా లేఖలు అందజేయాలని, భవిష్యత్తుల్లో సమ్మె చేయమని లిఖిత పూర్వక ప్రమాణ పత్రం ఇవ్వాలని నిబంధనలు విధించే యోచనలో ప్రభుత్వం ఉన్నట్లు తెలుస్తోంది.

ప్రభుత్వ షరతులను అంగీకరించిన కార్మికులనే విధుల్లో తీసుకోవాలనే ఆలోచనలో కేసీఆర్‌ ఉన్నట్లు తెలియవచ్చింది. ఆ షరతులకు కార్మికులు అంగీకరించని పక్షంలో లేబర్‌ కోర్టు తీర్పు వరకు వేచి చూడాలనినే భావనలో కేసీఆర్‌ ఉన్నట్లు సమాచారం.

లేబర్‌ కోర్టులో సమ్మె చట్టవిరుద్దమని తేలితే కార్మికులందరికీ వీఆర్‌ఎస్‌ ప్రకటించే యోచనలో కూడా ప్రభుత్వం ఉన్నట్లు తెలియవచ్చింది. కేసీఆర్‌ కార్మికులకు మరోచాన్స్‌ ఇచ్చే అవకాశాలు పుష్కలంగా ఉండటంతో ఆర్టీసీ కార్మికులు ఏమేరకు సద్వినియోగం చేసుకుంటారు..? లేక లేబర్‌ కోర్టు తీర్పువరకు వేచిచూసేందుకు నిర్ణయించుకుంటారా అనేది ఇప్పుడు ఆసక్తికరంగా మారింది.

రెండుసార్లు శ్రీవారిని దర్శించుకున్న సీఎం.. ఆశ్చర్యపోతున్న భక్తులు

రెండుసార్లు శ్రీవారిని దర్శించుకున్న సీఎం.. ఆశ్చర్యపోతున్న భక్తులు

   2 hours ago


టెస్టింగ్, ట్రేసింగ్ ఇదేనా మంత్రం – కరోనా కట్టడిపై మోడీ సర్కార్ నిస్సహాయత

టెస్టింగ్, ట్రేసింగ్ ఇదేనా మంత్రం – కరోనా కట్టడిపై మోడీ సర్కార్ నిస్సహాయత

   2 hours ago


కర్ణాటక ఎమ్మెల్యేల జీతాల తగ్గింపు.. మరి మిగతా రాష్ట్రాల సంగతేమిటి?

కర్ణాటక ఎమ్మెల్యేల జీతాల తగ్గింపు.. మరి మిగతా రాష్ట్రాల సంగతేమిటి?

   4 hours ago


మోదీ-షాల‌కు కొడాలి కౌంట‌ర్‌...  ఇంత ధైర్యం ఎలా వ‌చ్చింద‌బ్బా?

మోదీ-షాల‌కు కొడాలి కౌంట‌ర్‌... ఇంత ధైర్యం ఎలా వ‌చ్చింద‌బ్బా?

   4 hours ago


వ్యవసాయ బిల్లులపై ఎవరికి లాభం.. ఎవరికి నష్టం..?

వ్యవసాయ బిల్లులపై ఎవరికి లాభం.. ఎవరికి నష్టం..?

   5 hours ago


పొలిటికల్ ఎంట్రీ పై స్పందించిన పీపుల్ స్టార్.!

పొలిటికల్ ఎంట్రీ పై స్పందించిన పీపుల్ స్టార్.!

   6 hours ago


ఇంటినుంచి పనే భేషుగ్గా ఉంది... హైదరాబాద్ ఐటీ ఉద్యోగులు

ఇంటినుంచి పనే భేషుగ్గా ఉంది... హైదరాబాద్ ఐటీ ఉద్యోగులు

   8 hours ago


ఏపీలో తగ్గుతున్న కేసులు.. పెరుగుతున్న రికవరీ రేటు

ఏపీలో తగ్గుతున్న కేసులు.. పెరుగుతున్న రికవరీ రేటు

   8 hours ago


ఇంటర్ సిలబస్ కుదింపు ఉంది.. లేదు.. తెలంగాణ బోర్డు గందరగోళం

ఇంటర్ సిలబస్ కుదింపు ఉంది.. లేదు.. తెలంగాణ బోర్డు గందరగోళం

   9 hours ago


శ్రీ వెంకటేశ్వర స్వామి దర్శనం అయినట్లుంది.. సీఎం జగన్‌కు మోదీ ప్రశంసలు

శ్రీ వెంకటేశ్వర స్వామి దర్శనం అయినట్లుంది.. సీఎం జగన్‌కు మోదీ ప్రశంసలు

   9 hours ago


ఇంకా


      040 23600300

newsting
Daily Updates
facebooktwitterGooglewhatsappwhatsappGoogle