newssting
BITING NEWS :
పాకిస్తాన్‌లో కొనసాగుతున్న మీడియాపై దారుణ అణచివేత. పెద్ద ఎత్తున మీడియా ప్రతినిధులను అదుపులోకి తీసుకున్న ఫెడరల్ ఇన్వెస్టిగేషన్ ఏజెన్సీ. మీడియాపై అణచివేత లేనేలేదంటూ చెబుతున్న పాక్ ప్రధాని ఇమ్రాన్ ఖాన్. జర్నలిస్టు ముబషిర్ జైదీ తన సహచరుల అరెస్టులను బయటపెట్టడంతో వెలుగులోకి వచ్చిన వ్యవహారం * నేపాల్ దేశంలోని సింగిజా జిల్లాలో భారీవర్షాలతో కొండచరియలు విరిగిపడటం వల్ల ఒకే కుటుంబంలోని 9 మంది మరణించారని చీఫ్ జిల్లా ఆఫీసర్ గంగా బహదూర్ చెట్రీ ప్రకటన. భారీవర్షాలు, వరదల వల్ల నేపాల్ దేశంలో మొత్తం 10 మంది మరణించగా మరొకరికి తీవ్రగాయాలయ్యాయయని అధికారుల ప్రకటన * వైరస్‌తో పోరాటం చేస్తున్న ఢిల్లీ డిప్యూటీ సీఎం మనీశ్‌‌ సిసోడియా. ప్రస్తుతం విషమంగా ఆయన ఆరోగ్యం. కరోనాతో పాటు డెంగ్యూ కూడా ఎటాక్‌ చేయడంతో గడిచిన 24 గంటల్లో మరింత విషమంగా ఉందని లోక్‌నాయక్‌ జయప్రకాశ్‌ నాయక్‌ ఆస్పత్రి వైద్యుల ప్రకటన * వ్యవసాయ బిల్లులపై దేశవ్యాప్తంగా ఆగని పోరు మంటలు. వ్యవసాయ, కార్మిక సంస్కరణల బిల్లులను వ్యతిరేకిస్తూ కాంగ్రెస్‌ పార్టీ దేశవ్యాప్తంగా ఆందోళనలను. పంజాబ్‌లో రైల్‌ రోకో నిర్వహించిన రైతులు. కిసాన్‌ మజ్దూర్‌ సంఘర్ష్ కమిటీ, ఇతర రైతు సంఘాలు సంయుక్తంగా ఆందోళనలు * పార్లమెంట్‌లో ఆమోదం పొందిన వ్యవసాయ బిల్లులను వ్యతిరేకిస్తూ శుక్రవారం తలపెట్టిన భారత్‌ బంద్‌కు 20కి పైగా రైతు సంఘాలు మద్దతు. పంజాబ్‌, హరియాణాల్లో పార్టీలకు అతీతంగా ఆందోళనలో పాల్గొంటున్న 31 రైతు సంఘాలు. కర్ణాటక, తమిళనాడు, మహారాష్ట్రలోనూ పలు రైతు సంఘాలు షట్‌డౌన్‌కు పిలుపు, హిందూ మజ్ధూర్‌ సభ వంటి పలు కార్మిక సంఘాలు మద్దతు ప్రకటన * కేంద్రం ప్రవేశపెట్టిన వ్యవసాయ బిల్లుకు వ్యతిరేకంగా రైతులు ఆందోళనలతో పలు రైళ్ల రాకపోకల రద్దు. అమృత్ సర్-జయానగర్ ఎక్స్ ప్రెస్, జయానగర్-అమృత్ సర్ ఎక్స్ ప్రెస్ ల రద్దు చేయడంతో పాటు మరికొన్ని ప్యాసింజర్ రైళ్ల రద్దు. మరికొన్ని రైళ్ల ప్రయాణ దూరం కుదింపు * ఆరునెలల తర్వాత హైదరాబాద్‌లో శుక్రవారం నుంచి రోడ్డెక్కిన సిటీ బస్సులు. మొత్తం బస్సుల్లో 25 శాతమే తిప్పనున్న ఆర్టీసీ. శుక్రవారం ఉదయం షిఫ్ట్‌ నుంచి బస్సులు ప్రయాణం మొదలు కాగా వారం, పది రోజుల తర్వాత పరిస్థితిని బట్టి 50 శాతం బస్సులకు అనుమతి * నేడు హైదరాబాద్‌ లోని దుర్గం చెరువు కేబుల్‌ బ్రిడ్జి ప్రారంభం. జూబ్లీహిల్స్‌ రోడ్‌ నంబర్‌ 45 ఎలివేటెడ్‌ కారిడార్‌ కూడా ప్రారంభం. కేంద్ర హోం శాఖ సహాయ మంత్రి జి.కిషన్‌రెడ్డి, రాష్ట్ర మునిసిపల్, ఐటీ శాఖల మంత్రి కేటీఆర్ చేతుల మీదగా శుక్రవాదం సాయంత్రం బ్రిడ్జ్ ప్రారంభం * పారిశుద్ధ్య కార్మికుల సర్వీసు క్రమబద్ధీకరణకు సంబంధించిన కేసులో‌ ఘాటు వ్యాఖ్యలు చేసిన హైకోర్టు డివిజన్‌ బెంచ్. ఉచితంగా ఊడిగం చేయించుకోడానికి ఇదేమీ రాచరికం కాదని వ్యాఖ్య. సర్వీసు రూల్‌ 1994లోని సెక్షన్‌ 3 ప్రకారం దినసరి కూలీలుగా కొనసాగించరాదని హైకోర్టు మరోసారి స్పష్టం * పశ్చిమగోదావరి జిల్లా ద్వారకా తిరుమల చిన్న వెంకన్న ఆలయంలో రేపటి నుండి అధిక ఆశ్వీజమాస తిరుకళ్యాణోత్సవాలు. 30న ఆలయంలో ఏకాంతంగా స్వామివారి కళ్యాణం. కళ్యాణోత్సవాల రోజుల్లో స్వామి వారి నిత్య కళ్యాణాలు, నిత్య ఆర్జిత సేవలను రద్దు చేస్తున్నట్లు ఆలయ ఈవో డి భ్రమరాంబ వెల్లడి * 283వ రోజుకు చేరుకున్న రాజధాని రైతుల నిరసనలు. రాజధాని గ్రామాల్లోని శిబిరాల్లో సాగుతున్న రైతుల ఆందోళనలు. రాజధానిగా అమరావతి కొనసాగుతుందని ప్రభుత్వం చెప్పే వరకు ఆందోళనలు కొనసాగిస్తామని స్పష్టం చేస్తున్న రాజధాని రైతులు. కరోనా సూచనలు పాటిస్తూ సాగుతున్న అమరావతి ఉద్యమం * శ్రీశైలంలో కలకలం రేపిన అన్యమత పార్సిల్‌. ఆలయానికి సమీపంలోని దళిత కాలనీకి చెందిన ఓ కుటుంబానికి కర్నూలు నుంచి క్రిస్టియన్‌ సంస్థ ద్వారా వచ్చిన ఓ పార్సిల్‌. దానిపై కల్వరి టెంపుల్‌ చిరునామా . స్థానికులిచ్చిన సమాచారంతో పార్సిల్‌ను స్వాధీనం చేసుకున్న పోలీసులు. పార్సిల్‌లో నిత్యావసర వస్తువులున్నట్లుగా పోలీసుల వెల్లడి * కేంద్ర సుగంధ ద్రవ్యాల మండలి ఆధ్వర్యంలో ఏర్పాటు చేసిన ప్రత్యేక మిర్చి టాస్క్‌ఫోర్స్‌కు చైర్మన్ గా బీజెపీ ఎంపీ, బోర్డు సభ్యుడు జీవీఎల్‌ నరసింహారావు నియామకం. మిర్చి పంట అభివృద్ధి, వాటి ఉత్పత్తుల ఎగుమతులను ప్రోత్సహించడం ఈ టాస్క్‌ఫోర్స్‌ విధి. జీవీఎల్‌తోతోపాటు మరో 15మందిని కమిటీ సభ్యులుగా నియామకం.

‘వీక్షణం’ ఎడిటర్‌పై UAPA కేసు.. టియుడబ్ల్యూజే ఖండన

18-11-201918-11-2019 05:41:47 IST
Updated On 18-11-2019 12:31:05 ISTUpdated On 18-11-20192019-11-18T00:11:47.003Z17-11-2019 2019-11-17T14:19:49.093Z - 2019-11-18T07:01:05.806Z - 18-11-2019

‘వీక్షణం’ ఎడిటర్‌పై UAPA కేసు.. టియుడబ్ల్యూజే ఖండన
facebooktwitterGooglewhatsappwhatsappGoogle
దేశవ్యాప్తంగా పౌరుల భావప్రకటనా స్వేచ్ఛపై దాడి జరుగుతోంది. పత్రికా స్వాతంత్య్రానికి సంకెళ్ళు పడుతున్నాయి. ‘వీక్షణం’ రాజకీయార్థిక, సామాజిక మాసపత్రిక సంపాదకుడు, సీనియర్ జర్నలిస్టు ఎన్ వేణుగోపాల్ పై తెలంగాణ రాష్ట్ర ప్రభుత్వం తరఫున పోలీసులు ఇండియన్ పీనల్ కోడ్ (ఐపిసి), అన్ లాఫుల్ ఆక్టివిటీస్ ప్రివెన్షన్ ఆక్ట్ (యుఎపిఎ), తెలంగాణ పబ్లిక్ సెక్యూరిటీ ఆక్ట్ సెక్షన్ల కింద అక్రమకేసు బనాయించడం సర్వత్రా నిరసన వ్యక్తం అవుతోంది.

పోలీసుల వ్యవహారశైలి రాజ్యాంగం హామీ ఇచ్చిన భావప్రకటనా స్వేచ్ఛకు భంగకరం అని జర్నలిస్టు సంఘాలు మండిపడుతున్నాయి. తన పత్రిక ద్వారా  ప్రజావ్యతిరేక ప్రభుత్వ విధానాలను విమర్శిస్తున్నందుకు ఒక పత్రికా సంపాదకుడిపై పాలకుల కక్ష సాధింపునకు నిదర్శనంగా చెబుతున్నారు. 

ఏపీలో ఇటీవల విడుదలైన జీవో 2430పై తీవ్ర వ్యతిరేకత వ్యక్తం అవుతోంది.  పత్రికలు, ఎలక్ట్రానిక్‌, సోషల్‌ మీడియాలపై కేసులు పెట్టేందుకు ఏపీ ప్రభుత్వ తీసుకువచ్చిన జీవో 2430ను జర్నలిస్టు సంఘాలు నిరసిస్తున్నాయి. నవంబర్ 12న హైదరాబాదులో అరెస్టు చేసిన ఎన్ రవి శర్మ, బి అనూరాధల కేసులో హఠాత్తుగా ఎన్ వేణుగోపాల్ పేరు నిందితుడిగా చేర్చారు. ఈ చర్య కక్ష సాధింపు మాత్రమే కాక, పచ్చి అబద్ధాలతో కూడిన హాస్యాస్పదమైన ప్రయత్నంగా ఉందని జర్నలిస్టులు మండిపడుతున్నారు.

ఎల్ బి నగర్ రెండవ మెట్రోపాలిటన్ మేజిస్ట్రేట్ దగ్గర నవంబర్ 13న సమర్పించిన రిమాండ్ కేస్ డైరీలో ఆయనను ఏడవ ముద్దాయిగా (ఎ7) చూపి, పక్కన “విరసం విప్లవ రచయితల సంఘం సభ్యుడు” అని, “పరారీలో ఉన్నాడు” అని పేర్కొన్నారు. 2009లో వేణుగోపాల్ రాసిన ఒక వ్యాసం మీద వివాదంతో ఆయన విప్లవ రచయితల సంఘం నుంచి దూరం అయ్యాడని అందరికీ తెలుసు.

ఆ తర్వాత ఆయన ఏ సంస్థలోనూ సభ్యుడుగా వ్యవహరించడం లేదు. పూర్తికాలం వీక్షణం ఎడిటర్ గా ఉన్నారు. గత పదేళ్ళుగా ఆయన ఏ సంస్థలోనూ క్రియాశీలకంగా లేరు. స్వతంత్ర పాత్రికేయుడిగా ఆయన ప్రతిష్ఠను దిగజార్చడానికి పోలీసులు దురుద్దేశపూర్వకంగా చేసిన ప్రయత్నం అని జర్నలిస్టు సంఘాలు అంటున్నాయి. 

రచయితగా, వక్తగా ప్రసిద్ధుడైన వేణుగోపాల్ మూడు దశాబ్దాలుగా ఆయన ఎన్నో అంశాలపై అక్షరయుద్ధం చేస్తున్నారు. ఆయన ప్రచురించిన ఇరవై ఐదు పుస్తకాలు, అనువదించిన ఇరవై ఐదు పుస్తకాలు, రాసిన వందలాది వ్యాసాలు, చేసిన వందలాది ఉపన్యాసాలు తెలుగు సమాజానికి చిరపరిచితం. తెలంగాణ ప్రత్యేక రాష్ట్ర సాధన ఉద్యమంలో ఆయన పాత్ర కీలకం. ప్రస్తుతం పదవుల్లో ఉన్న ఎంతోమంది నేతలతో కలిసి ఉద్యమం చేశారు. 

ఎంతోమంది త్యాగాలతో . తెలంగాణ ఏర్పడిన తర్వాత ప్రభుత్వ విధానాలకు వ్యతిరేకంగా ఆయన వ్యాసాలు రాస్తున్నారు. రాష్ట్రప్రభుత్వ గుర్తింపు ఉన్న పాత్రికేయుడుగా, ప్రతిరోజూ ఏదో ఒక వేదిక మీద ఉపన్యసిస్తుంటారు. అంతేకాదు దినపత్రికల్లో కాలమ్ రాస్తుంటారు. అంతేకాదు వీక్షణం మాసపత్రిక నడుపుతున్నారు వేణుగోపాల్.

అటువంటి వ్యక్తి పరారీలో ఉన్నట్టు అబద్ధం చెప్పి న్యాయస్థానాన్ని తప్పుదారి పట్టించడం పోలీసుల కుట్ర వైఖరిని బైటపెడుతోంది. ఆయన వాణిని, ప్రజావ్యతిరేక విధానాలపై ఆయన ఎక్కుపెడుతున్న అక్షర తూణీరాలను అణిచివేసేందుకు ప్రభుత్వం ఇలాంటి చర్యలకు పాల్పడుతోందని జర్నలిస్టు సంఘాలు విమర్శిస్తున్నాయి. వీక్షణం సంపాదకుడిపై పెట్టిన ఈ అక్రమ కేసును తక్షణమే ఉపసంహరించుకోవాలని జర్నలిస్టు సంఘాలు డిమాండ్ చేస్తున్నాయి. 

Image may contain: text

టియూడబ్ల్యూజే ఖండన 

సీనియర్ జర్నలిస్టు, వీక్షణం పత్రిక సంపాదకుడు ఎన్. వేణుగోపాల్‌పై పెట్టిన అక్రమ కేసును వెంటనే ఎత్తివేయాలని తెలంగాణ యూనియన్ ఆఫ్ వర్కింగ్ జర్నలిస్ట్స్ (టీయూడబ్ల్యూజే - 143) డిమాండ్ చేసింది. ఈ మేరకు ఆ సంఘం ఇవాళ ఒక పత్రికా ప్రకటన విడుదల చేసింది. తెలంగాణ ఉద్యమంలో చురుకుగా పాల్గొని, తన వంతు భూమికను పోషించిన వేణుగోపాల్‌పై కేసు పెట్టడం పత్రిక స్వేచ్ఛకు, భావప్రకటనా స్వేచ్ఛకు భంగకరమని టియుడబ్ల్యుజే పేర్కొంది. సంఘం నేతలు ఆస్కానీ మారుతీ సాగర్, సయ్యద్ ఇస్మాయేల్, ఎ,రమణకుమార్ ఆ ప్రకటనలో పేర్కొన్నారు. వేణుగోపాల్‌ అరెస్టు విషయంలో పోలీసుల చర్యను ఖండిస్తూ.. తక్షణమే ఆయనపై కేసులు ఎత్తివేసి భేషరతుగా విడుదల చేయాలని  డిమాండ్ చేశారు.

అటు కేంద్రం వ్యవసాయ చట్టం- ఇటు కేసీఆర్ రెవెన్యూ చట్టం- తెలంగాణలో బీజేపీకి కష్టం

అటు కేంద్రం వ్యవసాయ చట్టం- ఇటు కేసీఆర్ రెవెన్యూ చట్టం- తెలంగాణలో బీజేపీకి కష్టం

   8 hours ago


బ్రేకింగ్ : కరోనా మృతదేహాల వద్ద కనిపించని నగలు, సెల్ఫోన్లు

బ్రేకింగ్ : కరోనా మృతదేహాల వద్ద కనిపించని నగలు, సెల్ఫోన్లు

   11 hours ago


బీహార్ అసెంబ్లీ ఎన్నికలకు మోగిన నగారా- కోవిడ్ జాగ్రత్తలపైనే అందరి దృష్టీ

బీహార్ అసెంబ్లీ ఎన్నికలకు మోగిన నగారా- కోవిడ్ జాగ్రత్తలపైనే అందరి దృష్టీ

   11 hours ago


నేడే దుర్గంచెరువు కేబుల్ బ్రిడ్జి ప్రారంభం.. ప్రత్యేకతలివే..

నేడే దుర్గంచెరువు కేబుల్ బ్రిడ్జి ప్రారంభం.. ప్రత్యేకతలివే..

   12 hours ago


కరోనా లెక్కల తకరారు? ఎవరిని  నమ్మించడానికి? ఎవరికి  వంచించడానికి??

కరోనా లెక్కల తకరారు? ఎవరిని నమ్మించడానికి? ఎవరికి వంచించడానికి??

   14 hours ago


ఏపీ నీటి తరలింపునకు కేసీఆర్‌ చక్కటి సహకారం.. ఉత్తమ్‌ మండిపాటు

ఏపీ నీటి తరలింపునకు కేసీఆర్‌ చక్కటి సహకారం.. ఉత్తమ్‌ మండిపాటు

   13 hours ago


ఎమ్మెల్సీ పోరు.. కోదండరాం టార్గెట్‌గా టీఆర్ఎస్ యాక్షన్ ప్లాన్!

ఎమ్మెల్సీ పోరు.. కోదండరాం టార్గెట్‌గా టీఆర్ఎస్ యాక్షన్ ప్లాన్!

   14 hours ago


కులపిచ్చి, ధన అహంకారమే హేమంత్ హత్యకు కారణమా ?

కులపిచ్చి, ధన అహంకారమే హేమంత్ హత్యకు కారణమా ?

   15 hours ago


మంత్రి హ‌రీష్‌రావుచే 500 ప‌ట్టాదారు పాసు పుస్త‌కాల పంపిణీ..

మంత్రి హ‌రీష్‌రావుచే 500 ప‌ట్టాదారు పాసు పుస్త‌కాల పంపిణీ..

   17 hours ago


తెలంగాణలో మరో పరువు హత్య..!

తెలంగాణలో మరో పరువు హత్య..!

   17 hours ago


ఇంకా

G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle