newssting
Radio
BITING NEWS :
విశాఖ జిల్లా అనకాపల్లి ముత్రాసు కాలనీలో విషాదం. అనారోగ్యంతో భార్య చనిపోవడంతో మనస్తాపం చెంది.. ఇద్దరు పిల్లలతో కలిసి ఆత్మహత్య చేసుకున్న తండ్రి. * కడప జిల్లా ముద్దనూరు మండలం కొత్తపల్లిలో రోడ్డు ప్రమాదం. క్యాంపర్ వాహనాన్ని ఢీ కొట్టిన లారీ, ఇద్దరు మృతి. మృతులు తొండూరు మండలం మల్యాల వాసులుగా గుర్తింపు. * తెలంగాణలో భారీగా పెరిగిన కరోనా కేసులు. కొత్తగా 684 పాజిటివ్ కేసులు నమోదు, ముగ్గురు మృతి. * భద్రాచలం చెక్ పోస్ట్ వద్ద పోలీసుల తనిఖీల్లో పట్టుబడిన గంజాయి. రూ. 30 లక్షలు విలువైన రెండు క్వింటాళ్ల గంజాయి స్వాధీనం. రెండు కార్లు సీజ్, ముగ్గురు అరెస్ట్. * గుంటూరు జిల్లా తాడేపల్లి పరిసర ప్రాంతాల్లో విస్తరిస్తున్న డ్రగ్ కల్చర్. యూనివర్శిటీలు, కాలేజీలు టార్గెట్ గా డ్రగ్స్ అమ్మకాలు చేపట్టిన మాఫియా. గంజాయితో పాటు సింథటిక్ డ్రగ్స్ విక్రయాలు. ఎండీఎంఏ ట్యాబ్లెట్స్ ను పట్టుకున్న ఎస్ఈబీ అధికారులు. * ఈస్ట్ ఢిల్లీ రెడీమేడ్ వస్త్ర కారాగారంలో భారీ అగ్నిప్రమాదం. మంటలార్పుతున్న 15 ఫైరింజన్లు.

విదేశాలనుంచి వచ్చిన వారికి క్వారంటైన్ కష్టాలు

10-05-202010-05-2020 18:18:15 IST
Updated On 10-05-2020 19:07:57 ISTUpdated On 10-05-20202020-05-10T12:48:15.944Z10-05-2020 2020-05-10T12:48:10.291Z - 2020-05-10T13:37:57.974Z - 10-05-2020

విదేశాలనుంచి వచ్చిన వారికి క్వారంటైన్ కష్టాలు
facebooktwitterGooglewhatsappwhatsappGoogle
దేశాలు దాటి వచ్చారు. కానీ స్వదేశంలో వారు కష్టాలు పడుతున్నారు. వలస వెళ్ళిన దేశంలో పనులు లేక బ్రతుకుజీవుడా అని విమానంలో హైదరాబాద్ వచ్చారు. కానీ ఇక్కడికి వచ్చాక క్వారంటైన్ అన్నారు. వచ్చేముందు చెప్పిన మాటలకు.. హైదరాబాద్ ఎయిర్ పోర్టులో దిగాక జరుగుతున్న దానికి పొంతనలేకుండా పోతోందని కొందరు వాపోతున్నారు. నిన్న కువైట్ నుండి వచ్చి పెయిడ్ క్వారయింటైన్ లో ఉంటున్న వారి అవస్థలు అన్నీ ఇన్నీ కావు.

తెలంగాణలోని రాజన్న సిరిసిల్ల జిల్లాకు చెందిన ప్రభాకర్ తన అవస్థలను మీడియా ముందు వెళ్లబోసుకున్నారు. ‘‘నిన్న రాత్రి శంషాబాద్ వచ్చాం.పెయిడ్ క్వారయింటైన్ కోసం కేవలం ఐదువేలు కడితే సరిపొతుందని అన్నారు. తర్వాత అది 15 వేలు, 30 వేలు విలువైన రూములు ఉన్నాయని అన్నారు. డబ్బులు కట్టకపోతే మళ్ళీ రిటర్న్ పంపుతామని అంటున్నారు.

అక్కడ 3 నెలలుగా పనులు లేక ఇబ్బంది పడ్డాం. మా దగ్గర డబ్బులు లేవు. ప్రభుత్వమే మమ్మల్ని అదుకోవాలి. విమానంలో వచ్చేప్పుడు కూడా భౌతిక దూరం పాటించలేదు. మాకు అన్నం సరిగా పెట్టడం లేదు. చిన్నపిల్లలకు పెట్టినట్టు అన్నం పెడుతున్నారు. రాష్ట్ర ప్రభుత్వం నుండి సహాయసహకారాలు అందివ్వాలని విన్నవిస్తున్నాం’’ అని వాపోయారు ప్రభాకర్. 

అంతకుముందు కువైట్ నుంచి వచ్చిన ప్రయాణికుల కోసం  ప్రభుత్వం 4 హోటళ్లు రెడీ చేసినట్టు ప్రకటించింది. విదేశాల నుంచి వచ్చే వారికి సొంత ఖర్చులతో హోటళ్లలో క్వారంటైన్‌ అవకాశం కల్పించింది ప్రభుత్వం.. కువైట్‌ నుంచి వచ్చిన వారి కోసం హైదరాబాద్‌లో నాలుగు హోటళ్లు సిద్ధం చేశారు. హైటెక్‌సిటీ సమీపంలోని షెరటాన్‌ హోటల్, గచ్చిబౌలిలోని రెడ్‌ ఫాక్స్‌ హోటల్‌ను ఎక్కువ చార్జీ కేటగిరీలో కేటాయించారు.ఇక్కడ ఒక్కొక్కరికి భోజనంతో కలుపుకొని రూ.30 వేలు (క్వారంటైన్‌ మొత్తానికి) చార్జీ చేస్తారు. రూ.15 వేల కేటగిరీ కింద కామత్‌ లింగాపూర్, కాచిగూడలోని ఫ్లాగ్‌షిప్‌ హోటళ్లను కేటాయించారు. 

ఆ తర్వాత వచ్చే వారికి కూడా ఇప్పటికే ఆయా హోటళ్లలో గదులు సిద్ధం చేశారు అధికారులు.విదేశాల నుంచి వచ్చిన వారిని హోటళ్లకు తరలించే బాధ్యతను పర్యాటక శాఖకు అప్పగించారు. అందుకు ఆర్టీసీ ప్రత్యేకంగా బస్సులు నడుపింది. హోటళ్ల ఎంపిక, తదితర అంశాలను ప్రభుత్వం ఏర్పాటు చేసిన కమిటీ ఐఏఎస్‌ అధికారుల కమిటీ పర్యవేక్షిస్తోంది. అయితే తమకు ఇబ్బందులున్నాయని కువైట్ నుంచి వచ్చిన వారు అంటున్నారు.

 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle