newssting
Radio
BITING NEWS :
సింగపూర్‌లో జరిగిన అందాల పోటీల్లో ఆంధ్రప్రదేశ్‌కు చెందిన యువతి బాన్న నందిత(21) మొదటి స్థానంలో నిలిచి కిరీటం గెల్చుకుంది. మిస్‌ యూనివర్స్‌ సింగపూర్‌-2021గా ఎన్నికయ్యింది నందిత. * పంజాబ్‌ కొత్త ప్రభత్వం సోమవారం కొలువుదీరింది. నూతన ముఖ్యమంత్రిగా దళిత సిక్కు నాయకుడు చరణ్‌జిత్‌ సింగ్‌ చన్నీ ప్రమాణ స్వీకారం చేశారు. పంజాబ్‌లో తొలి దళిత సీఎంగా చన్నీ రికార్డు సృష్టించారు. * ఏపీలో 7212 ఎంపీటీసీ స్థానాలకు ఫలితాలు విడుదల కాగా.. వైఎస్సార్‌సీసీ 5998 స్థానాలతో నిలిచింది. కాగా, టీడీపీ 826 స్థానాలకు పరిమితమైంది. అదే విధంగా 512 జడ్పీటీసీ స్థానాల్లో ఫలితాల్ని ప్రకటించగా, వైఎస్సార్‌సీసీ 502 స్థానాలు గెలుచుకుంది. టీడీపీ-6, జనసేన-2, సీసీఎం-1,ఇతరులు-1 జడ్పీటీసీ స్థానాలకు పరిమితమయ్యాయి. * తెలంగాణ ఐటీ శాఖ మంత్రి కల్వకుంట్ల తారక రామరావు ట్విటర్‌ వేదికగా ఓటుకు కోట్లు కేసులో లై డిటెక్టర్‌ పరీక్షకు రేవంత్‌ సిద్ధమా? అని సవాల్‌ చేసిన సంగతి తెలిసిందే. కాగా, ఈ ట్వీట్‌కు తెలంగాణ పీసీసీ అధ్యక్షుడు రేవంత్‌ రెడ్డి స్పందించారు. * ఐటీ దాడులపై సోమవారం (సెప్టెంబర్‌ 20న) సోషల్‌ మీడియాలో సోనూసూద్‌ స్పందించాడు. ‘ప్రజలకు సేవ చేయాలని నాకు నేనుగా ప్రతిజ్ఙ చేశాను. నా ఫౌండేష‌న్‌లో ప్ర‌తి రూపాయి పేదలు, అవసరమైన వారికి ఉపయోగపడేందుకు ఎదురుచూస్తోంది. సంస్థ ముందుకు వెళ్లేలా ఉపయోగపడేందుకు మానవత దృక్పథంతో కొన్ని బ్రాండ్లను ఎంకరేజ్‌ చేశాను. * జాతీయ ఓపెన్‌ అథ్లెటిక్స్‌ చాంపియన్‌షిప్‌ చివరిరోజు ఆంధ్రప్రదేశ్‌ అథ్లెట్‌ నల్లబోతు షణ్ముగ శ్రీనివాస్‌ పురుషుల 200 మీటర్ల విభాగంలో కాంస్య పతకాన్ని సాధించాడు. ఫైనల్‌ రేసును శ్రీనివాస్‌ 21.12 సెకన్లలో ముగించి మూడో స్థానంలో నిలిచాడు.

వలస కూలీలు ఇక తిరిగిరారు.. సంక్షోభంలో నిర్మాణరంగం

05-05-202005-05-2020 06:36:56 IST
Updated On 05-05-2020 08:55:09 ISTUpdated On 05-05-20202020-05-05T01:06:56.458Z05-05-2020 2020-05-05T01:06:54.523Z - 2020-05-05T03:25:09.341Z - 05-05-2020

వలస కూలీలు ఇక తిరిగిరారు.. సంక్షోభంలో నిర్మాణరంగం
facebooktwitterGooglewhatsappwhatsappGoogle
లాక్‌డౌన్‌ నుంచి నిర్మాణ రంగానికి ప్రభుత్వం సడలింపునివ్వడం నిర్మాణదార్లకు, కార్మికులకు ఊరటనిచ్చే పరిణామమే అయినా.. పని ప్రదేశంలో ఉన్న కూలీలు, కార్మికులతోనే భవన నిర్మాణ పనులను కొనసాగించాలని ప్రభుత్వం మార్గదర్శకాల్లో పేర్కొంది. దీంతో నిర్మాణదారులకు పెద్ద చిక్కొచ్చిపడింది. లాక్‌డౌన్‌ కారణంగా చాలా మంది ఇప్పటికే పనులున్న చోటును వదిలి స్వస్థలాలకు చేరుకున్నారు. ఇంకొందరు సొంతూర్లకు బయలుదేరి మధ్యలో ఉన్నారు. కొందరు అక్కడే ఉన్నా ఇంటి మీద బెంగ పెట్టుకొని, ఎప్పుడెప్పుడు స్వస్థలాలకు వెళతామా అని ఎదురుచూస్తున్నారు. వారిలో కొందరు పనులు చేసేందుకు సిద్ధంగా లేరు. తిరిగి వెళ్లిన కూలీలు ఇప్పట్లో వచ్చే అవకాశం లేదు. దీంతో కూలీల కొరతతో చాలా చోట్ల పనులు కొనసాగడంపై తీవ్ర అనిశ్చితి నెలకొంది.

ఈ నేపథ్యంలో మూటా ముల్లే సర్దుకొని స్వస్థలాలకు బయలుదేరిన భవన నిర్మాణరంగ  కార్మికులను నిర్మాణదార్లు అడ్డుకుంటున్నారు. ‘పనులు మొదలవుతాయి. మీరు ఇక్కడే పనులు చేసుకోవచ్చు. ఉండిపోండి’ అని చెబుతున్నారు. కానీ, ఇందుకు కార్మికులు ససేమిరా అంటున్నారు. స్వస్థలాలకు వెళ్లిపోతామని పట్టుబడుతున్నారు. దీంతో పని ప్రదేశంలోనే ఉన్న కార్మికులు, కూలీలతో ఎంత మేరకు పని చేయించగలమని, నిర్మాణానికి అవసరమైన సామగ్రి ఎలా తీసుకురావాలని నిర్మాణదారులు ప్రశ్నిస్తున్నారు. 

తెలంగాణంలో నిర్మాణ రంగానికి సంబంధించి గుర్తింపు కార్డు కలిగి ఉన్న కూలీలు 15.4 లక్షల మంది ఉన్నారు. వీరికి లక్షల్లో ఉన్న అసంఘటిత రంగంలోని కూలీలు, కార్మికులు అదనం. రాష్ట్రంలో నిర్మాణ రంగం పరుగులు పెడుతుండంతో ఇతర రాష్ట్రాల్లోని కార్మికులు, కూలీలు కూడా ఇక్కడకు వచ్చారు. మొత్తంగా వలస కార్మికులు, కూలీలతో కలిపి నిర్మాణ రంగంలో 25 లక్షల మందికి పైగా పనిచేస్తున్నట్లు అంచనా. ఇతర రాష్ర్టాల నుంచి వచ్చిన వారు దాదాపు 4లక్షల మంది ఉంటారని సమాచారం. 

మొత్తం కూలీల్లో సుమారు 4లక్షల మంది గ్రేటర్‌ హైదరాబాద్‌, మెట్రో డెవల్‌పమెంట్‌ అథారిటీ(హెచ్‌ఎండీఏ) పరిధిలోనే పని చేస్తుంటారు. కరోనా ప్రభావంతో కాంట్రాక్టర్లు, బిల్డర్లు కల్పించిన వసతి, సౌకర్యాలతో కొందరు పని ప్రదేశంలోనే ఉండగా.. మరికొందరు వేర్వేరు  ప్రదేశాల్లో ఉన్నారు. మొత్తంగా సుమారు లక్ష మంది మాత్రమే అందుబాటులో ఉన్నట్లు సమాచారం.  

లాక్‌డౌన్‌తో స్వస్థలాలకు వెళ్లిన నిర్మాణ రంగ కార్మికులు, కూలీలు తిరిగి పనులు జరిగే ప్రాంతాలకు వెంటనే రావడం కష్టమేనని చెబుతున్నారు. దాదాపు 3.2 లక్షల మంది ఇతర రాష్ర్టాలకు చెందినవారు ప్రభుత్వం ఏర్పాటు చేసిన శిబిరాలు, పని ప్రదేశాల్లో ఉన్నారు. వీరిలో 90శాతం మంది స్వస్థలాలకు వెళ్లినట్లు చెబుతున్నారు. వీరంతా మహారాష్ట్ర, జార్ఖండ్‌, మధ్యప్రదేశ్‌, యూపీ, బిహార్‌లకు చెందినవారు. లాక్‌డౌన్‌ కొనసాగుతుండటంతో వెంటనే వారిక్కడికి వచ్చే అవకాశమే లేదు. 

లాక్‌ డౌన్‌ ఎత్తివేసిన తరువాత కూడా వారంతా మళ్లీ రాష్ట్రానికి వస్తారా అన్నదీ ప్రశ్నార్థకమే. స్వస్థలాలకు వెళ్లిన మన రాష్ట్రంలోని కార్మికులు, కూలీలు మాత్రమే లాక్‌డౌన్‌ ఎత్తివేసిన తర్వాత పరిస్థితులు కొంత కుదుటపడితే మళ్లీ పని ప్రాంతాలకు వస్తారన్న ఆశాభావాన్ని నిర్మాణదారులు వ్యక్తం చేస్తున్నారు. 

గ్రేటర్‌ హైదరాబాద్‌ పరిధిలో కన్నా  గ్రేటర్‌ చుట్టూ ఉన్న 7 కార్పొరేషన్లు, 7 మునిసిపాలిటీ పరిధిలోనే భవన నిర్మాణ పనులు ఎక్కువగా జరుగుతున్నాయి. ఇందులో సింహభాగం భారీ ప్రాజెక్టులన్నీ ఐటీ కారిడార్‌లోని మాదాపూర్‌, గచ్చిబౌలి, రాయదుర్గం, నానక్‌రాంగూడ, మణికొండ, నార్సింగి, కోకాపేట వంటి ప్రాంతాల్లోనే ఉన్నాయి. ఇక్కడ భారీ ప్రాజెక్టులున్న చోట బిల్డర్లు కార్మికులకు భోజనం, ఇతర వసతి సౌకర్యాలు కల్పించారు. అలాంటి సైట్లలోనే కార్మికులు కొంతవరకు అందుబాటులో ఉండి పనులు చేసేందుకు సిద్ధంగా ఉన్నారు.  

 

అక్టోబర్ 2 తర్వాత ఏరోజైనా సరే.. పరీక్షలకు సిద్దం..

అక్టోబర్ 2 తర్వాత ఏరోజైనా సరే.. పరీక్షలకు సిద్దం..

   2 hours ago


రేవంత్ రెడ్డి పై మంత్రి కేటీఆర్ పరువు నష్టం దావా

రేవంత్ రెడ్డి పై మంత్రి కేటీఆర్ పరువు నష్టం దావా

   4 hours ago


చేవెళ్ల నుండి వైఎస్ఆర్ టి పార్టీ అధ్యక్షురాలు షర్మిల పాదయాత్ర

చేవెళ్ల నుండి వైఎస్ఆర్ టి పార్టీ అధ్యక్షురాలు షర్మిల పాదయాత్ర

   16 hours ago


మంత్రి వర్గంలో భారీ మార్పులకి సిద్దపడుతున్న వైఎస్ జగన్

మంత్రి వర్గంలో భారీ మార్పులకి సిద్దపడుతున్న వైఎస్ జగన్

   17 hours ago


5-11 సంవత్సరాల వయస్సు ఉన్న పిల్లలకు ఫైజర్ వ్యాక్సిన్ ట్రయల్స్ విజయవంతం

5-11 సంవత్సరాల వయస్సు ఉన్న పిల్లలకు ఫైజర్ వ్యాక్సిన్ ట్రయల్స్ విజయవంతం

   18 hours ago


పంజాబ్ ముఖ్యమంత్రిగా చరణ్‌జిత్ చన్నీ ప్రమాణ స్వీకారానికి రాహుల్ గాంధీ హాజరు

పంజాబ్ ముఖ్యమంత్రిగా చరణ్‌జిత్ చన్నీ ప్రమాణ స్వీకారానికి రాహుల్ గాంధీ హాజరు

   a day ago


ఆంధ్రప్రదేశ్ పరిషత్‌ ఎన్నికల ఫలితాలలో వైసీపీ హవా

ఆంధ్రప్రదేశ్ పరిషత్‌ ఎన్నికల ఫలితాలలో వైసీపీ హవా

   20-09-2021


ఆంధ్రప్రదేశ్ లో ఈనెల 25న జెడ్పీ చైర్మన్ల ఎన్నిక

ఆంధ్రప్రదేశ్ లో ఈనెల 25న జెడ్పీ చైర్మన్ల ఎన్నిక

   20-09-2021


హుజూరాబాద్‌ ఉప ఎన్నికకి కాంగ్రెస్ అభ్యర్థి ఎవరు..?

హుజూరాబాద్‌ ఉప ఎన్నికకి కాంగ్రెస్ అభ్యర్థి ఎవరు..?

   20-09-2021


అక్కడ ప్రతిపక్షాలకు ఒక్క ఓటు కూడా దక్కకపోవడం విశేషం

అక్కడ ప్రతిపక్షాలకు ఒక్క ఓటు కూడా దక్కకపోవడం విశేషం

   20-09-2021


ఇంకా

NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle