వరంగల్ వరదలపై విజయశాంతి విమర్శలు

19-08-202019-08-2020 13:25:02 IST
Updated On 19-08-2020 14:33:07 ISTUpdated On 19-08-20202020-08-19T07:55:02.645Z19-08-2020 2020-08-19T07:54:49.993Z - 2020-08-19T09:03:07.604Z - 19-08-2020

తెలంగాణలో భారీవర్షాల ప్రభావం వరంగల్ పై బాగా పడింది. రాష్ట్ర ప్రభుత్వం వైఫల్యం కారణంగానే వరంగల్ వాసులు వరదనీటితో ఇబ్బందులు పడుతున్నారని విమర్శించారు కాంగ్రెస్ నేత విజయశాంతి. ప్రభుత్వం చేతగానితనానికి జనం బలవుతున్నారని ఆమె మండిపడ్డారు. చిన్న చినుకులకే జలమయమయ్యే హైదరాబాద్‌ను ఎలాగూ కాపాడలేకపోయారని, ఇప్పుడు ప్రభుత్వం చేతగానితనానికి వరంగల్‌ కూడా బలైందని టీపీసీసీ ప్రచార కమిటీ చైర్‌పర్సన్‌ విజయశాంతి విమర్శించారు.

రాష్ట్రంలో రెవిన్యూ వ్యవస్థ ఎంత అద్భుతంగా పనిచేస్తోందో ఇటీవల  బయటపడిన రూ.కోటి లంచం ఘటనే చెబుతోందని విమర్శించారు. గాంధీ ఆస్పత్రి పలుమార్లు అగ్నిప్రమాదానికి గురైనా అక్కడ ఫైర్‌సేఫ్టీ వ్యవస్థ ఎక్కడ వేసిన గొంగళి అక్కడే అన్నట్లుందని ఆరోపించారు.  అన్నిరంగాల్లో తెలంగాణ సర్కార్ విఫలం అయిందని, కేసీయార్ దొర వైఫల్యాలు రాయాలంటే గ్రంథమే సరిపోదన్నారు. 

ఇదిలా ఉంటే వరంగల్ వరదల బారిన పడడానికి కారణాలపై మంత్రి కేటీయార్ ఫోకస్ పెట్టారు. వరంగల్‌ నగరంలో నెలరోజుల పాటు స్పెషల్‌ డ్రైవ్‌ నిర్వహించి నాలాలపై ఉన్న ఆక్రమణలు తొలిగిస్తామని రాష్ట్ర ఐటీ, మున్సిపల్‌ శాఖ మంత్రి కేటీఆర్‌ ప్రకటించారు. ఆక్రమణలు గుర్తించి, తొలగించేందుకు వరంగల్‌ అర్బన్‌ కలెక్టర్‌ నేతృత్వంలో కమిటీని వేసినట్లు తెలిపారు.

నగరంలో ముంపు ప్రాంతాల పరిశీలన అనంతరం మంత్రులు ఈటల రాజేందర్‌, ఎర్రబెల్లి దయాకర్‌రావు, సత్యవతి రాథోడ్‌, చీఫ్‌విప్‌ దాస్యం వినయ్‌భాస్కర్‌, ఎమ్మె ల్యేలు, అధికారులతో కలిసి మంగళవారం సమీక్షించారు.

నాలాలపై అక్రమ నిర్మాణాల వల్లే వర ద బయటకు పోక రోడ్లపైకి నీరు వచ్చి, కాలనీలు జలమయమయ్యాయని వారు చెప్పింది నూరు పాళ్లు నిజమన్నారు. ఎలాంటి ఒత్తిళ్లకు తలొగ్గ కుండా ఆక్రమణలు తొలగించాలని, గుర్తించిన చోట పనులు ప్రారంభం కావాలని అధికారులను ఆదేశించారు.

అక్రమ నిర్మాణాలైతే నిర్దాక్షిణ్యంగా తొలగించాలని, పేదల ఇళ్లయితే, ప్రభుత్వం తర ఫున డబుల్‌బెడ్‌ రూం ఇండ్లు కట్టించి ఇవ్వాలని, రిజిస్ట్రేషన్‌ ఉన్న వారివైతే నష్టపరిహారం చెల్లించా లని సూచించారు. వరంగల్‌ నగరంలో నాలాలపై ఆక్రమణలు ఇప్పుడు వచ్చినవి కాదని, ఏళ్ల క్రితం నుంచీ ఉన్నాయని, ఇండ్ల నిర్మాణం, లే-అవుట్లు, రోడ్ల నిర్మాణం పద్ధతి ప్రకారం జరగలేదన్నారు.