newssting
Radio
BITING NEWS :
విశాఖ జిల్లా అనకాపల్లి ముత్రాసు కాలనీలో విషాదం. అనారోగ్యంతో భార్య చనిపోవడంతో మనస్తాపం చెంది.. ఇద్దరు పిల్లలతో కలిసి ఆత్మహత్య చేసుకున్న తండ్రి. * కడప జిల్లా ముద్దనూరు మండలం కొత్తపల్లిలో రోడ్డు ప్రమాదం. క్యాంపర్ వాహనాన్ని ఢీ కొట్టిన లారీ, ఇద్దరు మృతి. మృతులు తొండూరు మండలం మల్యాల వాసులుగా గుర్తింపు. * తెలంగాణలో భారీగా పెరిగిన కరోనా కేసులు. కొత్తగా 684 పాజిటివ్ కేసులు నమోదు, ముగ్గురు మృతి. * భద్రాచలం చెక్ పోస్ట్ వద్ద పోలీసుల తనిఖీల్లో పట్టుబడిన గంజాయి. రూ. 30 లక్షలు విలువైన రెండు క్వింటాళ్ల గంజాయి స్వాధీనం. రెండు కార్లు సీజ్, ముగ్గురు అరెస్ట్. * గుంటూరు జిల్లా తాడేపల్లి పరిసర ప్రాంతాల్లో విస్తరిస్తున్న డ్రగ్ కల్చర్. యూనివర్శిటీలు, కాలేజీలు టార్గెట్ గా డ్రగ్స్ అమ్మకాలు చేపట్టిన మాఫియా. గంజాయితో పాటు సింథటిక్ డ్రగ్స్ విక్రయాలు. ఎండీఎంఏ ట్యాబ్లెట్స్ ను పట్టుకున్న ఎస్ఈబీ అధికారులు. * ఈస్ట్ ఢిల్లీ రెడీమేడ్ వస్త్ర కారాగారంలో భారీ అగ్నిప్రమాదం. మంటలార్పుతున్న 15 ఫైరింజన్లు.

లాక్ డౌన్ వెసులుబాట్లతో స్వల్ప ఉపాధి

22-04-202022-04-2020 10:32:07 IST
Updated On 22-04-2020 11:19:17 ISTUpdated On 22-04-20202020-04-22T05:02:07.619Z22-04-2020 2020-04-22T05:00:03.986Z - 2020-04-22T05:49:17.570Z - 22-04-2020

లాక్ డౌన్ వెసులుబాట్లతో స్వల్ప ఉపాధి
facebooktwitterGooglewhatsappwhatsappGoogle
మనదేశంలో మార్చి 22 నుంచి లాక్ డౌన్ అమలులోకి వచ్చింది.అప్పటినుంచి అన్ని పనులు ఆగిపోయాయి. కేంద్ర ప్రభుత్వం లాక్‌డౌన్ నుంచి మినహాయింపులను దశలవారీగా పెంచుతోంది. ఐతే... ఈ మినహాయింపులను అమలు చేసేదీ లేనిదీ నిర్ణయాధికారం రాష్ట్రాలకు ఉంటుంది. తాజాగా స్కూల్ బుక్స్ అమ్మే షాపులు, ఎలక్ట్రిక్ ఫ్యాన్స్ అమ్మే షాపులు తెరచుకోవచ్చని కేంద్ర హోంశాఖ తెలిపింది. అంతేకాదు... ప్రీపెయిడ్ మొబైల్ ఫోన్లకు రీచార్జ్ చేసే సౌకర్యంను కూడా లాక్‌డౌన్ నుంచి తప్పించింది. కాబట్టి... మొబైల్ రీచార్జ్ షాపులు ప్రత్యేకంగా ఈ ఒక్క సేవ కోసం తెరచుకోవచ్చు.

అలాగే సీనియర్ సిటిజన్స్‌కి బెడ్‌సైడ్ అటెండెన్స్‌గా ఉండేవారికి లాక్‌డౌన్ నుంచి మినహాయింపు ఇచ్చింది. ఐతే... రాష్ట్రాల ప్రభుత్వాలు ఇందుకు అంగీకరిస్తేనే. ఉదాహరణకు తెలంగాణలో ఇవి అమలవ్వవు. ఎందుకంటే ప్రభుత్వం పూర్తిస్థాయి లాక్‌డౌన్‌ను మే 7 వరకూ కొనసాగిస్తోంది. ఏపీలో ఈ మినహాయింపులు అమలయ్యే అవకాశాలు ఉన్నాయి.

దీర్ఘకాలంగా ఉపాధి లేక ఇబ్బంది పడుతున్న కార్మికుల్ని ఆదుకునే లక్ష్యం తో ప్రభుత్వం నిర్మాణరంగానికి లాక్‌డౌన్‌లో కూడా కొంత వెసులుబాటు కల్పించడంతో  కార్మికులు మళ్లీ పనులలోకి వెళ్లవచ్చని భావిస్తున్నారు. రాష్ట్రంలో ఈ రంగంపై ఆధార పడి సుమారు 30లక్షల మంది జీవిస్తున్నారు. ఈరంగంలో పనులు మొదలైతే వీరందరికీ ఉపాధి లభిస్తుంది. ఆర్ధికంగా చేయూతనిచ్చినట్లవుతుందని ప్రభుత్వం భావించింది. అయితే వెసులుబాటు కల్పించినా ఈ రంగం పుంజుకోవడంలేదు. కొన్ని జాగ్రత్తల్తో పనికెళ్లేందుకు కార్మికులు సిద్దమైనా వారికి ఉపాధి అవకాశాలు అందుబాటులోకి రాలేదు. 

ఉపాధి కల్పనా రంగంలో అత్యంత కీలకమైన ఈ విభాగంలో వెసులుబాట్లు కల్పించిన తర్వాత కూడా ఎటు వంటి ప్రయోజనం చేకూరడంలేదని ఆవేదన వ్యక్తం అవుతోంది. ఇందుక్కారణం నిర్మాణ రంగంలో అతిముఖ్యమైన సరుకుల ధరలు అనూహ్యంగా పెంచేయడమే. లాక్‌డౌన్‌ నేపధ్యంలో నష్టాలపాలైన సిమెంట్‌ పరిశ్రమల అధిపతులు ఒక్క సారిగా సిమెంట్‌ ధరను పెంచేశారు. ఇప్పుడు మార్కెట్‌లో సిమెంట్‌ బస్తా ధర 400నుంచి 450కి పైగా పలుకుతోంది. ఈ ధరపై సిమెంట్‌ కొని నిర్మాణాలు చేసేందుకు సాధారణ వ్యక్తులెవరూ సాహసించరు. ముఖ్యంగా గ్రామాలు, పట్టణాల్లో ఇళ్ళు నిర్మించుకునేవారెవరూ ఈ ధరపై కొనుగోలుకు ముందుకురారు. 

ఇటుక ధర కూడా ఇదేవిధంగా పెరిగింది. ఇక ఇసుక అయితే అందుబాటులో లేనే లేదు. ఒక వేళ ఇసుక దొరికితే బ్లాక్‌లో కొనుగోలు చేయాల్సి వస్తోంది. ఈ మూడూ లేకుండా నిర్మాణరంగం పుంజుకునే అవకాశాల్లేవు. గతంలో సిమెంట్‌ ధరలపై ప్రభుత్వ నియంత్రణుండేది. సిమెంట్‌ను దీర్ఘకాలం నిత్యావసర వస్తువుల జాబితాలో ఉంచారు. ప్రభుత్వ నిర్దేశిత ధరను మించి ఉత్పత్తిదార్లు విక్రయించే అవ కాశం ఉండేదికాదు.

మార్కెట్‌లో అమ్మకాలు కూడా అధి కారులిచ్చే ఉత్తర్వులకనుగుణంగానే సాగేవి. నిర్మాణ అవసరాల్ని బట్టి సిమెంట్‌ కోటా జారీ చేసేవారు. ధరను ఎప్పుడూ నియంత్రణలో ఉంచేవారు. కొన్ని సందర్బాల్లో డిమాండ్‌ పెరిగేది. దీంతో బ్లాక్‌ జరిగే అవకాశం లేకుండా దక్షిణ కొరియా నుంచి సిమెంట్‌ను కేంద్రం దిగుమతి చేసుకునేది. తద్వారా అవసరానికి సరిపడే సిమెంట్‌ను మార్కె ట్‌లో అందుబాటులో ఉంచేది. 

అయితే  సిమెంట్‌ను నిత్యావసరాల జాబితా నుంచి తొలగించారు. దీంతో ధర నిర్ణయాధికారం పరిశ్రమలకు, దుకాణదారుల చేతికి ఇచ్చినట్టయింది. లాక్‌డౌన్‌ నేపధ్యంలో సిమెంట్‌ పరిశ్రమలు కొంతమేర నష్టపోవడం యదార్ధమే. అంతమాత్రాన రాత్రికి రాత్రే నష్టాలన్నీ పూడ్చేసుకుని తిరిగి లాభాలు పొందాలన్న తాపత్రయం సరికాదు. సిమెంట్‌ పరిశ్రమల అధిపతుల్ని ప్రభుత్వం కఠినంగా హెచ్చరించాలి.

నిర్దేశిత ధరను మించి విక్రయాలు జరిపితే చర్యలు చేపట్టాలి. ఏ రోజు కా రోజు ప్రభుత్వమే సిమెంట్‌ ధరను ప్రకటించాలి. అలాగే ఇటుకల తయారీకవసరమైన మట్టి, సిమెంట్‌, బూడిదలను అందుబాటులో పెట్టాలి. అనంతరం ఇటుకల ధరలపై కూడా నియంత్రణ విధించాలి. ఈ రంగం తిరిగి కోలుకునే వరకు ఇసుకను ఉచితంగా సరఫరాచేయాలనే డిమాండ్లు వెల్లువెత్తుతున్నాయి. 

గ్రామీణ స్థాయి నుంచి నిర్మాణాలు జోరందుకుంటాయి. కేవలం పట్టణాలు, నగరాల్లో నిర్మించే భారీ భవంతులకే ఇనుము వినియోగం అధికంగా ఉంటుంది. పేద, మధ్యతరగతి ఇళ్ళ నిర్మాణాల్లో కేవలం కొన్ని ఊచలు మాత్రమే అవసరమౌతాయి. ఇనుము ధర పెద్దగా ఈ నిర్మాణాల్ని ప్రభావితం చేయదు. కానీ సిమెంట్‌, ఇసుక, ఇటుకల ధరలకనుగుణంగానే ఇవి సాగుతాయి. ఈ నిర్మాణాలు పుంజుకుంటేనే ఎక్కువ సంఖ్యలో కార్మికులకు, కూలీలకు పని లభిస్తుంది. వారికి ఆర్ధికంగా ఊరటనిచ్చినట్లవుతుందని నిపుణులు సూచిస్తున్నారు. 

ఏపీలో స్కూల్స్ బంద్

ఏపీలో స్కూల్స్ బంద్

   an hour ago


వరంగల్ MGMలో మినిస్టర్ ఈటల ఆకస్మిక తనిఖీ.. డేంజర్ లో ఉందా?

వరంగల్ MGMలో మినిస్టర్ ఈటల ఆకస్మిక తనిఖీ.. డేంజర్ లో ఉందా?

   an hour ago


జడ్జి రామ కృష్ణకు కరోనా పాజిటివ్.. అనుమానం వ్యక్తం చేస్తున్న కుమారుడు

జడ్జి రామ కృష్ణకు కరోనా పాజిటివ్.. అనుమానం వ్యక్తం చేస్తున్న కుమారుడు

   5 hours ago


తెలంగాణలో పెరిగిపోతున్న కరోనా కేసులు.. ప్రభుత్వంపై రాములమ్మ ఆగ్రహం

తెలంగాణలో పెరిగిపోతున్న కరోనా కేసులు.. ప్రభుత్వంపై రాములమ్మ ఆగ్రహం

   7 hours ago


అయ్ బాబోయ్ బీజేపీ పై బెట్టింగ్.. అదీ తిరుప‌తిలో

అయ్ బాబోయ్ బీజేపీ పై బెట్టింగ్.. అదీ తిరుప‌తిలో

   2 hours ago


“బెంగాల్ లో నా సభలు రద్దు”.. రాహుల్ ప్రకటన

“బెంగాల్ లో నా సభలు రద్దు”.. రాహుల్ ప్రకటన

   9 hours ago


ఈ టైంలో అవ‌స‌ర‌మా మేడ‌మ్

ఈ టైంలో అవ‌స‌ర‌మా మేడ‌మ్

   9 hours ago


వేంకటేశ్వరస్వామి నేత్రదర్శనం రోజున వచ్చి రిగ్గింగ్‌పై ప్రమాణం చేయగలరా

వేంకటేశ్వరస్వామి నేత్రదర్శనం రోజున వచ్చి రిగ్గింగ్‌పై ప్రమాణం చేయగలరా

   2 hours ago


ఏంది సార్.. మ‌రీ ఇంత దిగజారిపోయారా

ఏంది సార్.. మ‌రీ ఇంత దిగజారిపోయారా

   4 hours ago


తిరుపతి ఉప ఎన్నిక రీపోలింగ్ పై వెనక్కు తగ్గని టీడీపీ

తిరుపతి ఉప ఎన్నిక రీపోలింగ్ పై వెనక్కు తగ్గని టీడీపీ

   10 hours ago


ఇంకా

G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle