newssting
BITING NEWS :
పాకిస్థాన్, ఆఫ్ఘనిస్థాన్ దేశాల్లో గురువారం ఉదయం సంభవించిన భూకంపం. పాకిస్థాన్ దేశంలోని ఇస్లామాబాద్ నగరానికి పశ్చిమాన 40 కిలోమీటర్ల దూరంలో ఉదయం 5.46 గంటలకు భూ ప్రకంపనలు. భూకంప ప్రభావం రిక్టర్ స్కేలుపై 4.3 అని సీస్మోలజీ శాస్త్రవేత్తల ప్రకటన. ఆఫ్ఘనిస్థాన్ దేశంలోని కాబూల్ నగరానికి ఈశాన్యంలోని 237 కిలోమీటర్ల దూరంలో ఉదయం 5.33 గంటలకు భూకంపం. రిక్టర్ స్కేలుపై 4.2గా నమోదు * గుజరాత్‌లో గురువారం తెల్లవారుజామున భారీ అగ్నిప్రమాదం. సూరత్‌లోని హజీరా ఆధారిత ఆయిల్ అండ్ నేచురల్ గ్యాస్ కార్పొరేషన్ (ఓఎన్‌జీసీ) ప్లాంట్‌లో తెల్లవారుజామున 3:30 గంటలకు ప్రమాదం. ఓఎన్‌జీసీ ప్లాంట్‌లోని రెండు టెర్మినల్స్ వద్ద పేలుడుతో భారీ ఎత్తున చెలరేగిన మంటలు * ఆఫ్రికన్ స్వైన్ ఫ్లూ ప్రభావిత ప్రాంతాల్లో 12 వేల పందులను మట్టుబెట్టాలని అసోం ప్రభుత్వం ఆదేశం. ఆఫ్రికన్ స్వైన్ ఫ్లూను అరికట్టే చర్యల్లో భాగంగా నిర్ణయం. పందులను చంపేందుకు యజమానులకు పరిహారం. రాష్టంలోని 14 జిల్లాలలో స్వైన్ ఫ్లూ ప్రభావం,స్వైన్ ప్లూ కారణంగా ఇప్పటి వరకూ రాష్ట్రంలో 18 వేలకు పైగా పశువులు మృతి * ముంబైలో మరోసారి రికార్డు స్థాయిలో వర్షాలు. సెప్టెంబర్‌ నెలలో ఇంతటి స్థాయిలో వర్షాలు కురవడం గత 26 ఏళ్లలో ఇది నాల్గోసారి. మంగళవారం, బుధవారం 24 గంటలలో ఏకంగా 286.4 మిల్లీమీటర్ల వర్షపాతం నమోదు. 1994 తర్వాత సెప్టెంబర్‌ నెలలో కురిసిన భారీ వర్షమిదే. 1974 నుంచి 2020 కాలంలో సెప్టెంబర్‌లో ఇంత భారీ వర్షం నమోదు కావడం ఇది నాల్గోసారి * ఢిల్లీలో కరోనా వైరస్ మరోసారి విజృంభణ. కరోనా బాధితులలో 11.55 శాతం మంది వెంటిలేటర్ సపోర్టుతో చికిత్స. కొద్దిరోజులుగా అంతకంతకూ పెరుగుతున్న ఢిల్లీలో వెంటిలేటర్‌పై ఉంటున్న రోగుల సంఖ్య. ఢిల్లీలో స్థానిక కోవిడ్ బాధితుల కోసం రిజర్వ్ చేసిన 62 శాతం వెంటిలేటర్ బెడ్లు ఫుల్ * కరోనాతో మృతి చెందిన కర్ణాటక బీజేపీ ఎంపీ, రైల్వే శాఖ సహాయ మంత్రి సురేశ్‌ అంగడి(65). మూడు రోజులుగా తీవ్ర అనారోగ్యంతో బాధపడుతూ ఢిల్లీ ఎయిమ్స్‌ ఆసుపత్రి ట్రామా సెంటర్‌లో చికిత్స పొందుతూ తుదిశ్వాస విడిచిన సురేష్ అంగడి. కరోనా వల్ల చనిపోయిన తొలి కేంద్ర మంత్రి ఈయనే * భద్రాద్రి కొత్తగూడెం చెన్నాపురం అటవీ ప్రాంతంలో పోలీసులకు మావోయిస్టుల మధ్య ఎదురుకాల్పులు. ముగ్గురు మావోయిస్టుల మృతి చెందగా అందులో ఇద్దరు మహిళలు. అయితే కాల్పులు జరిగిన ప్రదేశం నుండి రైఫిల్, పేలుడు సామాగ్రి స్వాధీనం చేసుకున్న పోలీసులు. మరికొంత మంది మావోయిస్టుల కోసం కొనసాగుతున్న గాలింపు చర్యలు * హైదరాబాద్ నగర శివారులో రోడ్డెక్కిన సిటీ బస్సులు. రాజేంద్రనగర్, మహేశ్వరం, ఇబ్రహీంపట్నం, బండ్లగూడ శివారు ఆర్టీసీ డిపోల నుంచి బస్సు సర్వీసులు ప్రారంభం. ప్రతి డిపో నుంచి 12 బస్సులను నడుపుతున్న ఆర్టీసీ * కరోనాకు మరో ప్రముఖ నటుడు బలి. తెలుగు కమెడియన్ నటుడు కోసూరి వేణుగోపాల్ కరోనా కారణంగా కన్నుమూత. గత 22 రోజులుగా గచ్చిబౌలిలోని ఓ ప్రైవేట్ హాస్పిటల్‌లో వెంటిలేటర్‌పై చికిత్స పొందుతూ బుధవారం రాత్రి మృతి. కరోనా నెగిటివ్ వచ్చాక కూడా అనారోగ్యం నుంచి కోలుకోలేకపోయిన కమెడియన్ * శ్రీశైలం ప్రాజెక్టుకు కొనసాగుతున్న భారీ వరద ప్రవాహం. జలాశయం 8 గేట్లను 10 అడుగుల మేర ఎత్తివేసి దిగువకు నీటిని విడుదల * చిత్తూరు జిల్లాలోని కుప్పంలో ఏనుగులు బీభత్సం. పంట పొలాలకు కాపలాగా ఉన్న వారిపై ఏనుగులు దాడి. ఒకరు మృతి చెందగా మరికొందరికి గాయాలు. ఏనుగుల బీభత్సంతో భయాందోళనలు వ్యక్తం చేసున్న గ్రామస్థులు * పశ్చిమ మధ్యప్రదేశ్‌ పరిసరాల్లో కొనసాగుతున్న అల్పపీడనం. అల్పపీడనానికి అనుబంధంగా 5.8 కి.మీ ఎత్తున ఆవరించిన ఉపరితల ఆవర్తనం. గురు, శుక్రవారాలలో ఉత్తర, దక్షిణ కోస్తాంధ్ర, రాయలసీమలో వర్షాలు కురిసే అవకాశం. తేలికపాటి నుంచి ఓ మోస్తరు వర్షాలు కురిసే అవకాశం.

లాక్ డౌన్ తర్వాత తొలి రైలు తెలంగాణ నుంచే స్టార్ట్.. ఆద్యంతం రహస్యం

02-05-202002-05-2020 15:21:25 IST
Updated On 02-05-2020 15:50:19 ISTUpdated On 02-05-20202020-05-02T09:51:25.343Z02-05-2020 2020-05-02T09:51:22.361Z - 2020-05-02T10:20:19.251Z - 02-05-2020

లాక్ డౌన్ తర్వాత తొలి రైలు తెలంగాణ నుంచే స్టార్ట్.. ఆద్యంతం రహస్యం
facebooktwitterGooglewhatsappwhatsappGoogle
లాక్ డౌన్ సమయంలోనూ తెలంగాణ అరుదైన ఘటనకు నాందిపలికింది. దాదాపు 40 రోజుల లాక్ డౌన్ తర్వాత దేశంలోనే తొలిసారిగా వలస కూలీలను రైళ్ల ద్వారా తరలించిన ఘటన తెలంగాణ నుంచే ప్రారంభమైంది. అత్యంత రహస్యంగా ప్రభుత్వం, పోలీసుల అధికారులు సాగించిన ఆపరేషన్‌లో భాగంగా 1,225 మంది వలస కూలీలతో కూడిన ప్రత్యేక రైలు శుక్రవారం ఉదయం 4.50కి హైదరాబాద్ లోని లింగంపల్లి రైల్వే స్టేషన్‌ నుంచి జార్ఖండ్‌లోని హతియాకు బయల్దేరింది. ఒక్కో కోచ్‌లో 72 మంది ప్రయాణికులకు సీట్లు అందుబాటులో ఉంటూడగా  భౌతిక దూరం పాటింపుపై కేంద్రం మారదర్శకాలకు అనుగుణంగా 54 మందిని మాత్రమే అధికారులు అనుమతించారు. 

మొత్తం 24 కోచ్‌లలో ప్రయాణీకులతో హైదరాబాద్ నుంచి బయలుదేరిన ప్రత్యేక రైలు ఎట్టకేలకు జార్కండ్ లోని హతీయా జిల్లాకు శుక్రవారం రాత్రి చేరుకుంది. సొంత రాష్ట్రానికి, సొంత ఊరుకు ఎప్పుడెప్పుడు చేరగలమా అని ఉద్వేగంతో గడిపిన వలసకూలీలకు హాతియా రైలుస్టేషన్లో సీనియర్ అధికారులు స్వాగతం పలికారు. ఈ సందర్భంగా చాలా సంతోషంగా ఉందని, నా ఆనందాన్ని ప్రకటించడానికి మాటలు కూడా రావట్లేదని రామ్ గర్‌కు చెందిన ఒక వలసకూలీ విలపిస్తూ చెప్పండం అధికారులను కదిలించివేసింది. ప్రయాణంలో మాకు తగిన ఆహారం అందించి ఏలోటూ లేకుండా చూసుకున్నారని తొలిరైలు ప్రయాణికులు చెప్పారు.

జార్కండ్‌కు తెలంగాణ నుంచి రైలు వెళుతోందని వార్త పొక్కితే కూలీలతోపాటు వేలమంది విద్యార్థులు, రైల్వే ఉద్యోగులు కూడా స్టేషన్‌కు వెల్లువెత్తుతారన్న భయంతో చివరి క్షణం వరకు రైలు ఎక్కడినుంచి బయలుదేరుతుందన్న విషయం తెలియనివ్వకుండా ప్రభుత్వం అత్యంత నిగూఢంగా వ్యవహరించి లాక్ డౌన్ తర్వాత దేశంలోనే తొలి రైలు ప్రయాణాన్ని విజయవంతంగా ముగించింది. శుక్రవారం వేకువజామున హైదరాబాద్‌లోని లింగంపల్లి  రైల్వేస్టేషన్‌లో జార్ఖండ్‌కు వెళ్లే ప్రత్యేక రైలు ఎక్కుతున్న వలస కూలీల ఫొటోలను ప్రభుత్వం విడుదల చేసేంతవరకు మీడియాతో సహా ఎవరికీ ఈ విషయం తెలీకపోవడం విశేషం.

లాక్‌డౌన్‌తో ఇరుక్కుపోయిన వలస కూలీలు, విద్యార్థులు, పర్యాటకులు ఊపిరి పీల్చుకుంటున్నారు. వారిని వారి స్వస్థలాలకు తరలించే కార్యక్రమం తెలంగాణ నుంచి మొదలైంది. వారిని రైళ్ల ద్వారా తరలించాలని కేంద్రం నిర్ణయించింది. ఈ మేరకు రైల్వే బోర్డు అనుమతి ఇవ్వటంతో ఆ దిశగా చర్యలు ప్రారంభమయ్యాయి. సంగారెడ్డి జిల్లాలో పనిచేస్తున్న వలస కూలీలు లాక్‌డౌన్‌తో తీవ్ర ఇబ్బందులు పడ్డారు. చివరకు ఆందోళనకు దిగటం, అది కాస్తా ఉద్రిక్తతకు దారితీయటం, పోలీసు వాహనాలు ధ్వంసం కావటానికి దారితీసిన సంగతి తెలిసిందే. 

వారిని స్వస్థలాలకు పంపేందుకు రాష్ట్ర ప్రభుత్వం చర్యలు చేపట్టి విషయాన్ని కేంద్రం దృష్టికి తీసు కెళ్లటంతో రైలు ద్వారా తరలింపునకు అంగీకరించింది. సీఎస్‌ సోమేశ్‌కుమార్, పురపాలక శాఖ ముఖ్య కార్యదర్శి అర్వింద్‌ కుమార్, ఈ తరలింపు వ్యవహారాన్ని పర్యవేక్షించే నోడల్‌ అధికారి సుల్తానియా తదితరులు అర్ధరాత్రి వరకు పర్యవేక్షించి ఏర్పాట్లు పూర్తి చేశారు. ఇలా వేరే ప్రాంతాలకు చెంది లాక్‌ డౌన్‌ వల్ల మరో చోట ఇరుక్కు పోయిన వారందరినీ రైళ్ల ద్వారా తరలించాలని కేంద్రం నిర్ణయించింది. లాక్‌డౌన్‌ నేపథ్యంలో ఎక్కడి రైళ్లు అక్కడే నిలిచిపోగా ఆ తర్వాత పట్టాలెక్కిన తొలి రైలు ఇదే. 

హైదరాబాద్‌లో ఇతర రాష్ట్రాలకు చెందిన లక్షల మంది ఉంటున్నారు. సెలవు రోజుల్లో వీరు సొంత ప్రాంతాలకు వెళ్లి వస్తుండటం సహజం. లాక్‌డౌన్‌ వల్ల వీరు గత 40 రోజులుగా ఇక్కడే ఉండిపోయారు. లాక్‌డౌన్‌కు ఎప్పుడు విముక్తి వస్తుందో చెప్పలేని పరిస్థితి నెలకొంది. ఈ నేపథ్యంలో ఎలాగోలా సొంత ప్రాంతాలకు వెళ్లాలని వారు ప్రయత్నిస్తూనే ఉన్నారు. కొందరు కాలినడకన వెళ్తుండగా, కొందరు అక్రమంగా వాహనాల్లోని సరుకుల మధ్య కూర్చుని వెళ్లే ప్రయత్నం చేస్తున్నారు. ఇప్పుడు వలస కూలీలు, విద్యార్థులు, పర్యాటకులను వారి ప్రాంతాలకు తరలించేందుకు కేంద్రం పచ్చజెండా ఊపటంతో, వారి మాటున ఉద్యోగులు, ఇతరులు కూడా వెళ్లేందుకు యత్నిస్తున్నారు. వీరి సంఖ్య ఎక్కువగా ఉండటంతో తరలించటం సాధ్యం కాదు. 

వలస కూలీల కోసం రైళ్లను నడుపుతున్న సంగతి ముందే తెలిస్తే.. వీరు కూడా పెద్ద సంఖ్యలో ఆయా స్టేషన్లకు వచ్చే ప్రమాదం ఉందని రైల్వే భావిస్తోంది. ఇటీవల ముంబైలో ఇలాగే వేల సంఖ్యలో వలస కూలీలు స్టేషన్‌కు రావటంతో గందరగోళం నెలకొన్న సంగతి తెలిసిందే. దీంతో రైల్వే అధికారులు ఈ రైలు విషయాన్ని గోప్యంగా ఉంచారు. గురువారం అర్ధరాత్రి దాటిన తర్వాత గానీ స్థానిక స్టేషన్‌ అధికారులకు సమాచారం ఇవ్వలేదు. ఉదయం రైలు బయల్దేరే వరకు అదే విభాగంలోని మిగతావారికి కూడా తెలియకపోవటం విశేషం.

వలస కూలీలు, విద్యార్థులు, పర్యాటకులను పంపే క్రమంలో తెలంగాణతో పాటు, వారు వెళ్లాల్సిన రాష్ట్ర ప్రభుత్వం పరస్పరం చర్చించుకుని ఏకాభిప్రాయానికి వస్తేనే రైళ్లు నడపనున్నట్టు రైల్వే బోర్డు పేర్కొంటోంది. లాక్‌డౌన్‌ నిబంధనలు అనుసరిస్తూ రైల్వే స్టేషన్‌కు తెచ్చే బాధ్యత తెలంగాణ రాష్ట్ర ప్రభుత్వం తీసుకోవాలని, వారు దిగిన తర్వాత వారిని క్వారంటైన్‌ చేయటమా, ఇతర షెల్టర్లకు పంపటమా, ఇళ్లకు చేర్చటమా అని నిర్ణయించి తరలించే బాధ్యత అక్కడి రాష్ట్ర ప్రభుత్వం తీసుకోవాలని బోర్డు స్పష్టం చేసింది. వారికి భోజన, పానీయాల వసతి కూడా రాష్ట్ర ప్రభుత్వాలే చూసుకోవాలని, ప్రయాణ సమయం ఎక్కువగా ఉంటే మాత్రం రైల్లో వారికి భోజనం, నీళ్లు అందిస్తామని రైల్వే బోర్డు నిర్ణయించింది.

లాక్‌ డౌన్‌ కారణంగా హైదరాబాద్‌లో చిక్కుకున్న బిహార్, ఒడిశాకు చెందిన 1,200 కూలీలను వారి సొంత రాష్ట్రాలకు తరలించడం వెనుక జరిగిన పోలీస్‌ ఆపరేషన్‌ ఫలించింది. ఈ మొత్తం ఆపరేషన్‌ను వెస్ట్‌ జోన్‌ ఐజీ స్టీఫెన్‌ రవీంద్ర అత్యంత రహస్యంగా, విజయవంతంగా పూర్తి చేశారు. ఏడీజీ జితేందర్‌ ఆదేశాల మేరకు రంగంలోకి దిగిన స్టీఫెన్‌ రవీంద్ర.. బుధవారం రాత్రే కూలీల వద్దకు వెళ్లారు. అందరినీ సొంత రాష్ట్రాలకు పంపుతామని వారికి హామీ ఇచ్చి వారిని శాంతింపజేశారు. ఎప్పుడు, ఎలా పంపుతారన్న విషయం ఆఖరు నిమిషం వరకు కూలీలకు కూడా తెలియనివ్వలేదు. 

గురువారం రాత్రి 12 గంటల నుంచి 1.30 గంటల వరకు మొత్తం 1,200 మందికి కరోనా పరీక్షలు నిర్వహించారు. అందరికి నెగెటివ్‌ వచ్చింది. అప్పుడే లింగంపల్లి రైల్వే అధికారులకు కూలీలను తీసుకొస్తున్నామని పోలీసులు సమాచారం అందించారు. పోలీసులు తెప్పించిన దాదాపు 30కి పైగా బస్సుల్లో తరలించారు. తెల్లవారుజామున 2.30 తర్వాత బస్సులు లింగంపల్లి రైల్వే స్టేషన్‌కు చేరాయి. ప్రత్యేక రైలులో అంతా ఎక్కాక వారికి ఆహారం, వాటర్‌ అందించారు. గురువారం తెల్లవారుజామున 3.30 గంటలు దాటాక రైలు బయల్దేరింది.

లాక్ డౌన్ అనంతరం రెండో రైలు కేరళలోని ఎర్నాకులం నుంచి ఒరిస్సా లోని భువనేశ్వర్‌కు శుక్రవారం సాయంత్రం 6 గంటలకు బయలుదేరింది. దాదాపు వెయ్యిమంది వలసకూలీలకు కరోనా పరీక్షలు జరిపి పాజిటివ్ రాలేదని నిర్థారించుకున్న తర్వాతే ప్రయాణానికి అనుమతించారు.

 

అవినీతి తిమింగలం.. చెట్లకు నీరు పోసేవాడు కూడా బినామీనే..

అవినీతి తిమింగలం.. చెట్లకు నీరు పోసేవాడు కూడా బినామీనే..

   an hour ago


రెండుసార్లు శ్రీవారిని దర్శించుకున్న సీఎం.. ఆశ్చర్యపోతున్న భక్తులు

రెండుసార్లు శ్రీవారిని దర్శించుకున్న సీఎం.. ఆశ్చర్యపోతున్న భక్తులు

   4 hours ago


టెస్టింగ్, ట్రేసింగ్ ఇదేనా మంత్రం – కరోనా కట్టడిపై మోడీ సర్కార్ నిస్సహాయత

టెస్టింగ్, ట్రేసింగ్ ఇదేనా మంత్రం – కరోనా కట్టడిపై మోడీ సర్కార్ నిస్సహాయత

   4 hours ago


కర్ణాటక ఎమ్మెల్యేల జీతాల తగ్గింపు.. మరి మిగతా రాష్ట్రాల సంగతేమిటి?

కర్ణాటక ఎమ్మెల్యేల జీతాల తగ్గింపు.. మరి మిగతా రాష్ట్రాల సంగతేమిటి?

   5 hours ago


మోదీ-షాల‌కు కొడాలి కౌంట‌ర్‌...  ఇంత ధైర్యం ఎలా వ‌చ్చింద‌బ్బా?

మోదీ-షాల‌కు కొడాలి కౌంట‌ర్‌... ఇంత ధైర్యం ఎలా వ‌చ్చింద‌బ్బా?

   6 hours ago


వ్యవసాయ బిల్లులపై ఎవరికి లాభం.. ఎవరికి నష్టం..?

వ్యవసాయ బిల్లులపై ఎవరికి లాభం.. ఎవరికి నష్టం..?

   7 hours ago


పొలిటికల్ ఎంట్రీ పై స్పందించిన పీపుల్ స్టార్.!

పొలిటికల్ ఎంట్రీ పై స్పందించిన పీపుల్ స్టార్.!

   8 hours ago


ఇంటినుంచి పనే భేషుగ్గా ఉంది... హైదరాబాద్ ఐటీ ఉద్యోగులు

ఇంటినుంచి పనే భేషుగ్గా ఉంది... హైదరాబాద్ ఐటీ ఉద్యోగులు

   9 hours ago


ఏపీలో తగ్గుతున్న కేసులు.. పెరుగుతున్న రికవరీ రేటు

ఏపీలో తగ్గుతున్న కేసులు.. పెరుగుతున్న రికవరీ రేటు

   10 hours ago


ఇంటర్ సిలబస్ కుదింపు ఉంది.. లేదు.. తెలంగాణ బోర్డు గందరగోళం

ఇంటర్ సిలబస్ కుదింపు ఉంది.. లేదు.. తెలంగాణ బోర్డు గందరగోళం

   11 hours ago


ఇంకా

NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle