newssting
BITING NEWS :
ఎన్డీయేతో బంధం తెంచుకున్న అకాలీదళ్. కేంద్రం తీసుకొచ్చిన బిల్లులకు వ్యతిరేకంగా అకాలీదళ్ నిర్ణయం. ఈ బిల్లుల ప్రభావం రైతులు, దళితులు, రైతు కూలీల అందరిపై పడిందని తెలిపిన అకాలీదళ్ చీఫ్ సుఖ్‌బీర్ సింగ్ బాదల్ ప్రకటన. శనివారం పార్టీ నిర్వహించిన మూడు గంటల ఎమర్జెన్సీ కోర్ కమిటీ సమావేశం అనంతరం నిర్ణయం. 23 ఏళ్ల సుదీర్ఘ రాజకీయ బంధాన్ని తెగతెంపులు చేసుకున్న అకాలీదళ్ * బాలీవుడ్‌ వివాదాస్పద నటి కంగనా రనౌత్‌పై కర్ణాటకలోని తుమకూరు కోర్టులో కేసు దాఖలు. కేంద్ర ప్రభుత్వ రైతు చట్టాలకు వ్యతిరేకంగా ఆందోళన చేస్తున్న రైతులను ఉగ్రవాదులతో పోల్చుతూ ట్వీట్‌ చేయడాన్ని తప్పుబడుతూ తుమకూరు జేఎంఎఫ్సీ కోర్టులో రమేశ్‌ నాయక్‌ అనే న్యాయవాది పిటిషన్‌ దాఖలు * అత్యంత ప్రతిష్టాత్మకమైన ఢిల్లీలోని జాతీయ న్యాయ విశ్వవిద్యాలయం ఎన్‌ఎల్‌యూ వైస్‌ చాన్సలర్‌గా వరంగల్‌ జిల్లాకు చెందిన ప్రొఫెసర్‌ పి.శ్రీకృష్ణదేవరావు నియామకం. ప్రస్తుత వైస్‌ చాన్సలర్‌ ప్రొఫెసర్‌ రణబీర్‌ సింగ్‌ పదవీ విరమణ చేయడంతో శ్రీకృష్ణదేవరావు నియామకం. దేశంలోని పలు విశ్వవిద్యాలయాలలో కీలక బాధ్యతలు నిర్వహించిన శ్రీకృష్ణదేవరావు న్యాయ విద్యలో మార్పులు తీసుకువచ్చేందుకు యూజీసీ నియమించిన నిపుణుల కమిటీలో కూడా ఆయన సభ్యుడిగా కూడా పనిచేశారు * శివసేన నేత, లోక్ సభ సభ్యుడు సంజయ్‌ రౌత్‌, మహారాష్ట్ర మాజీ సీఎం దేవేంద్ర ఫడ్నవిస్ ఓ స్టార్ హోటల్ లో రహస్యంగా భేటీ అయినట్టు గుప్పుమన్న వార్తలు. ఓ లగ్జరీ హోటల్‌ లో సుమారు గంటన్నర పాటు వీరిమధ్య చర్చలు జరిగినట్టు సమాచారం. దేశవ్యాప్తంగా చర్చకు దారితీసిన ఈ సమావేశం వార్తలు. ఈ సమావేశం నిజమేనని, దీని వెనుక రాజకీయ కారణాలు లేవని స్పష్టం చేసిన బీజేపీ * అమెరికాలోని హిందూఆధ్యాత్మిక గురువు స్వామి ప్రత్యాగ్‌బోధానంద కన్నుమూత. పెన్సిల్వేనియాలో అర్ష విద్యా గురుకులానికి ఉపాధ్యక్షులుగా ఉన్న ప్రత్యాగ్‌బోధానంద వయసు 69 సంవత్సరాలు. గురుకులం 34వ వార్షిక ఉత్సవాల్లో పాల్గొన్న తర్వాత తీవ్రమైన గుండెపోటు రావడంతో ఈనెల 20తేదీన తుదిశ్వాస విడిచినట్టు తెలిపిన ఆయన శిష్యులు. ప్రత్యాగ్‌బోధానంద పార్థివదేహాన్ని భారత్‌కు తరలింపుకు ప్రయత్నాలు * పార్లమెంటు ఆమోదించిన మూడు వ్యవసాయ బిల్లులకి వ్యతిరేకంగా పంజాబ్‌లో కొనసాగుతున్న రైల్‌ రోకో ఆందోళన. గత మూడు రోజులుగా రైతులు రైలు పట్టాలపై కూర్చొని నిర్వహిస్తున్న రైల్‌ రోకో. తొలుత కిసాన్‌ మజ్దూర్‌ సంఘర్ష్ కమిటీ నిరసన కార్యక్రమాలకు పిలుపునిస్తే, ఆ తర్వాత మద్దతు ప్రకటించిన వివిధ సంఘాలు * బాలీవుడ్‌ పరిశ్రమలో కలకలం సృష్టిస్తున్న డ్రగ్స్‌ వ్యవహారం. దీపికా పదుకొనె, శ్రద్ధా కపూర్‌, సారా అలీఖాన్‌ నార్కోటిక్స్‌ కంట్రోల్‌ బ్యూరో ఎదుట శనివారం హాజరు. వేర్వేరుగా ఐదు గంటలకు పైగా కొనసాగిన విచారణ. నటీమణుల వాగ్మూలాన్ని రికార్డు చేసిన ఎన్సీబీ * ఉపరితల ద్రోణి ప్రభావంతో తెలుగు రాష్ట్రలలో పలు జిల్లాల్లో కురిసిన భారీ వర్షాలు శుక్రవారం రాత్రి నుంచి ఆదివారం ఉదయం వరకు కురిసిన ఓ మోస్తరు నుంచి భారీ వర్షాలు. వాగులు, వంకలు పొంగిపొర్లుతుండటంతో అక్కడక్కడా నిలిచిన రాకపోకలు. పలుచోట్ల నీటమునిగిన పంట పొలాలు. అత్యధికంగా రంగారెడ్డి జిల్లా నందిగామలో 19 సెంటీమీటర్ల వర్షపాతం నమోదు * అక్టోబరు 1 నుంచి సినిమా థియేటర్లు తెరిచేందుకు అనుమతినిచ్చిన పశ్చిమ బెంగాల్ ప్రభుత్వం. ఈ విషయాన్ని ట్వీట్ ద్వారా తెలియజేసిన ముఖ్యమంత్రి మమతా బెనర్జీ. పరిస్థితులను గాడిలో పెట్టేందుకు అక్టోబరు 1 నుంచి సినిమా థియేటర్ల తెరిచేందుకు అనుమతినిస్తున్నామని, అలాగే సాంస్కృతిక కార్యక్రమాలు, మ్యాజిక్ షోలు నిర్వహించేందుకు కూడా అనుమతినిస్తున్నామని ట్వీట్ * నెల్లూరు జిల్లాలో ఇటీవల జరిగిన రౌడీషీటర్ దారుణ హత్య మరువక ముందే చోటు చేసుకున్న మరో ఘటన. చిల్లకూరు మండలం కలవకకొండలో చేజర్ల సుబ్రహ్మణ్యం(38) అనే వ్యక్తి దారుణ హత్య. ఆదివారం ఉదయం అతి కిరాతకంగా చంపేసిన గుర్తు తెలియని వ్యక్తులు. సమాచారం మేరకు ఘటనాస్థలికి చేరుకున్న పోలీసులు కేసు నమోదు * సంగారెడ్డిలో వాగు దాటుతున్న వ్యక్తి వరద నీటిలో గల్లంతు. భారీ వర్షాలకు వాగు దాటుతున్న ముగ్గరు వ్యక్తులు గల్లంతవ్వగా ఇద్దరు వ్యక్తులను ఒడ్డుకు చేర్చిన స్థానికులు. కంగ్టి మండలం జంగి బికి చెందిన 55 ఏళ్ల మంగలి మారుతి కాకి వాగు వరద ఉధృతిలో గల్లంతు. మారుతి ఆచూకీ కోసం మండల రెవెన్యూ అధికారుల గాలింపు చర్యలు.

రేవంత్‌కు కష్టాలు తప్పవా? భూకబ్జా ఆరోపణలపై సర్కార్ సీరియస్

29-02-202029-02-2020 08:33:22 IST
Updated On 29-02-2020 18:12:54 ISTUpdated On 29-02-20202020-02-29T03:03:22.351Z29-02-2020 2020-02-29T03:00:27.304Z - 2020-02-29T12:42:54.528Z - 29-02-2020

రేవంత్‌కు కష్టాలు తప్పవా? భూకబ్జా ఆరోపణలపై సర్కార్ సీరియస్
facebooktwitterGooglewhatsappwhatsappGoogle
తెలంగాణ‌లో అధికార తెలంగాణ రాష్ట్ర స‌మితిని ధీటుగా ఎదుర్కొనే  కొంద‌రు నేత‌ల్లో మ‌ల్కాజ్‌గిరి ఎంపీ, టీపీసీసీ వ‌ర్కింగ్ ప్ర‌సిడెంట్ రేవంత్ రెడ్డి ఒక‌రు. టీఆర్ఎస్ పార్టీ అన్నా, ముఖ్య‌మంత్రి కేసీఆర్ కుటుంబం అన్నా ఆయ‌నకు అస్స‌లు ప‌డ‌దు. కాంగ్రెస్ పార్టీలో రేవంత్‌రెడ్డి అంత తీవ్రంగా ప్ర‌భుత్వంపైన ఎవ‌రూ విమ‌ర్శ‌లు చేయ‌రు. దీంతో ప్ర‌భుత్వం ప్ర‌త్య‌క్షంగానో, ప‌రోక్షంగానో రేవంత్ రెడ్డిని ఇబ్బంది పెట్టాల‌ని చూస్తోంది.

ఎన్నిక‌ల ముందు పోలీసు ఒత్తిళ్లు, ఐటీ దాడుల‌తో రేవంత్ రెడ్డి బాగానే ఇబ్బంది ప‌డ్డారు. కొడంగ‌ల్‌లో ఓట‌మి త‌ర్వాత కొంత‌కాలం పాటు ఆయ‌న కూడా సైలెంట్ అయ్యారు. కానీ, మ‌ల్కాజ్‌గిరి ఎంపీగా గెలిచిన త‌ర్వాత మ‌రోసారి అధికార పార్టీకి వ్య‌తిరేకంగా స్పీడ్ పెంచారు. భూకేటాయింపులు, పార్టీ ఫండ్స్ కోసం టీఆర్ఎస్ చేప‌ట్టిన గులాబీ కూలీపై ఆయ‌న కోర్టులో కొట్లాడుతున్నారు. మ‌రో వైపు ప్రజాక్షేత్రంలోనూ ఆయ‌న టీఆర్ఎస్ ప్ర‌భుత్వానికి వ్య‌తిరేకంగా పోరాడుతున్నారు.

టీఆర్ఎస్ ప్ర‌భుత్వం ప్ర‌తిష్టాత్మ‌కంగా చేప‌ట్టిన ప‌ట్నం ప్ర‌గ‌తి కార్య‌క్ర‌మానికి కౌంట‌ర్‌గా ప‌ట్నం గోస కార్య‌క్ర‌మాన్ని ప్రారంభించి ప్ర‌జ‌ల్లోకి వెళుతున్నారు. ఒక‌వైపు కొర్టుల్లో, మ‌రోవైపు ప్ర‌జ‌ల్లో టీఆర్ఎస్ ప్రభుత్వంపై రేవంత్ పోరాటం చేస్తుండ‌గా ఆయ‌నపై భూఆక్ర‌మాల ఆరోప‌ణ‌లు మొద‌ల‌వ‌డం సంచ‌ల‌నంగా మారింది. ఇటీవ‌ల గోప‌న్‌ప‌ల్లిలో రేవంత్‌రెడ్డి, ఆయ‌న సోద‌రుడు కొండ‌ల్ రెడ్డి అక్ర‌మంగా స్వాధీనం చేసుకున్నార‌నే ఆరోప‌ణ‌లు వ‌చ్చాయి.

ఈ వ్య‌వ‌హారంలో ఓ డిప్యూటీ క‌లెక్ట‌ర్‌పై కూడా ప్ర‌భుత్వం చ‌ర్య‌లు తీసుకుంది. రేవంత్ రెడ్డి సోద‌రుల‌కు వ్య‌తిరేకంగా ఆర్డీఓకు వ‌రుస‌గా అక్క‌డి ప్ర‌జ‌ల నుంచి ఫిర్యాదులు అందుతున్నాయి. దీంతో ఈ వ్యవ‌హారంలో రేవంత్ రెడ్డి ఆర్థికంగా న‌ష్ట‌పోవ‌డంతో పాటు కొత్త కేసును ఎదుర్కునే అవ‌కాశాలు క‌నిపిస్తున్నాయి. ఇదిలా కొన‌సాగుతుండ‌గానే రేవంత్ రెడ్డికి సంబంధించిన మ‌రిన్ని వ్య‌వ‌హారాల్లో అక్ర‌మాలు జ‌రిగాయా అని త‌వ్వి తీసే ప‌నిలో టీఆర్ఎస్ ఉన్న‌ట్లు తెలుస్తోంది.

ఉప్ప‌ల్‌లోనూ రేవంత్ రెడ్డికి కొంత భూమి ఉంది. ఈ భూమిని కొనే స‌మ‌యంలో కొన్ని అక్ర‌మ లావాదేవీలు జ‌రిగాయ‌ని టీఆర్ఎస్ భావిస్తోంది. త్వ‌ర‌లో దీనికి సంబంధించి కూడా ఫిర్యాదు చేసే అవ‌కాశం ఉంది. హైదరాబాద్‌లో రేవంత్ రెడ్డికి సంబంధించిన ఆస్తులు, అక్ర‌మాలపై అచ్చంపేట టీఆర్ఎస్ ఎమ్మెల్యే గువ్వ‌ల బాల్‌రాజ్ దృష్టి పెట్టారు. ఆయ‌నే రేవంత్‌కు వ్య‌తిరేకంగా ఆధారాలు సేక‌రించ‌డం, ఫిర్యాదు చేయించ‌డం వంటివి చేస్తున్న‌ట్లు తెలుస్తోంది.

అయితే, రేవంత్ రెడ్డి మాత్రం పైకి ఇవ‌న్నీ తేలిగ్గా తీసుకుంటున్న‌ట్లు చెబుతున్నారు. త‌న‌పై ఎన్ని కేసులు పెడితే తాను టీఆర్ఎస్‌పై ఎంత కొట్లాడుతున్నట్లు లెక్క అంటున్నారు. త‌న ఆస్తులు అన్నీ పోయినా టీఆర్ఎస్‌పై పోరాటం మాత్రం ఆప‌న‌ని చెబుతున్నారు. రేవంత్ ధైర్యంగా క‌నిపిస్తున్నా టీఆర్ఎస్‌ మాత్రం ఆయ‌న‌కు చెక్ పెట్టడానికి ఈసారి కొంత సీరియ‌స్‌గానే ప్ర‌య‌త్నిస్తోంది. పీసీసీ అధ్య‌క్ష ప‌ద‌వి రేసులో ఉన్న రేవంత్‌రెడ్డికి ఈ కేసులు కొంత ఇబ్బందిగా మారే అవ‌కాశం కూడా ఉంది.

 

చేతులు మారుతున్న ఏపీలో పోర్టులు..  కాకినాడ పోర్టు అరబిందో కైవ‌సం?!

చేతులు మారుతున్న ఏపీలో పోర్టులు.. కాకినాడ పోర్టు అరబిందో కైవ‌సం?!

   11 hours ago


గ్రేటర్ వరద ప్రాంతాలలో రేవంత్ పర్యటన.. కారుని ఢీ కొడతారా?

గ్రేటర్ వరద ప్రాంతాలలో రేవంత్ పర్యటన.. కారుని ఢీ కొడతారా?

   11 hours ago


ఏపీకి మ‌ద్యం అక్ర‌మ ర‌వాణాలో కొత్త పుంత‌లు

ఏపీకి మ‌ద్యం అక్ర‌మ ర‌వాణాలో కొత్త పుంత‌లు

   12 hours ago


యూపీ సీఎం యోగి ఆదిత్యనాథ్ ను కలిసిన 'రవికిషన్'

యూపీ సీఎం యోగి ఆదిత్యనాథ్ ను కలిసిన 'రవికిషన్'

   13 hours ago


బీజేపీలో పురందేశ్వ‌రికి కీల‌క ప‌ద‌వి... సామాజిక స‌మీక‌ర‌ణే ఎజెండా

బీజేపీలో పురందేశ్వ‌రికి కీల‌క ప‌ద‌వి... సామాజిక స‌మీక‌ర‌ణే ఎజెండా

   13 hours ago


అంబటి భూకబ్జా లీకులు.. సొంత పార్టీ నేతలే టార్గెట్ చేశారా?

అంబటి భూకబ్జా లీకులు.. సొంత పార్టీ నేతలే టార్గెట్ చేశారా?

   14 hours ago


ఎన్‌డీఏకు అకాలీదళ్‌ గుడ్‌బై.. రైతు వ్యతిరేక బిల్లులపై విభేదం

ఎన్‌డీఏకు అకాలీదళ్‌ గుడ్‌బై.. రైతు వ్యతిరేక బిల్లులపై విభేదం

   14 hours ago


డీకే అరుణకి జాతీయ పదవి.. రెడ్డి సామాజికవర్గంపై బీజేపీ టార్గెట్?

డీకే అరుణకి జాతీయ పదవి.. రెడ్డి సామాజికవర్గంపై బీజేపీ టార్గెట్?

   15 hours ago


ఏపీని ముంచెత్తుతున్న భారీ వర్షాలు.. పంటనష్టం

ఏపీని ముంచెత్తుతున్న భారీ వర్షాలు.. పంటనష్టం

   16 hours ago


తెలంగాణలో ఆడపిల్లను లక్ష్మిలా కొలుస్తున్నారు.. మంత్రి హరీష్ రావు

తెలంగాణలో ఆడపిల్లను లక్ష్మిలా కొలుస్తున్నారు.. మంత్రి హరీష్ రావు

   17 hours ago


ఇంకా


      040 23600300

newsting
Daily Updates
facebooktwitterGooglewhatsappwhatsappGoogle