newssting
BITING NEWS :
*కాకినాడలో ముగిసిన జనసేన రైతు సౌభాగ్యదీక్ష*పౌరసత్వ బిల్లుకి రాష్ట్రపతి ఆమోదం *అసోం, మేఘాలయ, త్రిపురల్లో కొనసాగుతున్న ఉద్రిక్తతలు *ఐదో రోజుకు ఏపీ అసెంబ్లీ సమావేశాలు..ఉపాధి హామీ నిధుల విడుదల కోరుతూ..నేడు అసెంబ్లీ ఎదుట టీడీపీ ఎమ్మెల్యేల ధర్నా*నేడు విశాఖలో సీఎం జగన్‌ పర్యటన..ఏయూ పూర్వ విద్యార్థుల సమ్మేళనానికి హాజరు*దిగివస్తున్న ఉల్లి ధరలు...కిలో ఉల్లి 70-80 లోపే అమ్మకాలు *అమరావతి: ఐఆర్ఎస్ అధికారి జాస్తి కృష్ణ కిషోర్‌ని సస్పెండ్ చేసిన ప్రభుత్వం.. గత ప్రభుత్వంలో ఏపీ ఆర్థిక అభివృద్ధి మండలి సీఈవోగా పనిచేసిన కృష్ణ కిషోర్*హైదరాబాద్‌: బంజారాహిల్స్ ఎస్‌బీటీ నగర్‌లో రౌడీ షీటర్ హత్య... రౌడీ షీటర్‌ సయీద్ నూర్‌ను హత్య చేసిన నలుగురు వ్యక్తులు, బంజారాహిల్స్ పీఎస్‌లో లొంగుబాటు*తెలంగాణ హైకోర్టు ఇచ్చిన ఉత్తర్వులు అమల్లోఉంటాయి.. తదుపరి ఉత్తర్వులు వచ్చేవరకు మృతదేహాలను భద్రపర్చాలి-సుప్రీంకోర్టు*కూల్చివేతలతో ప్రభుత్వాన్ని ప్రారంభించిన వైసీపీ.. అందరినీ కూల్చివేస్తోంది.. ఎంతోమంది కూలిపోయారు.. మీరెంత...? మీ 151 మంది ఎమ్మెల్యేలెంత?-పవన్*అసెంబ్లీలో మార్షల్ తీరుపై మండిపడ్డ చంద్రబాబు

‘రెవిన్యూ’ నిర్లక్ష్యం.. నివురుగప్పిన నిప్పులా జనం

19-11-201919-11-2019 13:00:26 IST
Updated On 19-11-2019 15:24:22 ISTUpdated On 19-11-20192019-11-19T07:30:26.128Z19-11-2019 2019-11-19T07:30:20.617Z - 2019-11-19T09:54:22.799Z - 19-11-2019

‘రెవిన్యూ’ నిర్లక్ష్యం.. నివురుగప్పిన నిప్పులా జనం
facebooktwitterGooglewhatsappwhatsappGoogle
అబ్దుల్లాపూర్ మేట్ తహసిల్దార్ విజయా రెడ్డిని భూమికి పట్టా ఇమ్మని ప్రాధేయపడినా ఇవ్వలేదనే కసితో ఆమె కార్యాలయంలోనే సజీవంగా తగులబెట్టిన ఘటన గురించి తెలిసిందే. కానీ ఈ దారుణ ఘటన కేవలం యాధృచ్చికం కాదని తెలంగాణ రాష్ట్రం మొత్తంలో ప్రభుత్వ రెవెన్యూ అధికారులపై  జనం ఆగ్రహంతో దహించుకుపోతున్నారని రోజూ వార్తలు వస్తూనే ఉన్నాయి.

తాజా ఉదాహరణకు కరీంనగర్ సాక్షీభూతమై నిలుస్తోంది. కానీ ఇక్కడ ఏ అధికారిపై పెట్రోల్ పోయలేదు కానీ అధికారులందరినీ పెట్రోల్ పోసి కాలబెట్టాలె అంటూ ఆగ్రహంతో మండిపడ్డాడు ఒక బాధితుడు. ఆయన పేరు మల్లికార్జున్. కరీంనగర్‌ మండలం బొమ్మకల్‌ నివాసి. సోమవారం నిర్వహించిన ప్రజావాణి కార్యక్రమంలో హల్‌చల్‌ చేశాడీ రైతు. ‘‘నా భూమి కోసం 15 ఏళ్లుగా చెప్పులరిగేలా తిరుగుతున్నా.. ఎవరూ పట్టించుకుంటలేరు. అధికారులందరిని పెట్రోల్‌ పోసి కాలబెట్టాలె..’’ అంటూ ఆగ్రహంతో వణికిపోయాడు.

తెలంగాణలోనే కాదు ఏపీలో కూడా తమ కార్యాలయాలకు వస్తున్న రైతులను చూసి రెవెన్యూ ఉద్యోగులు హడలిపోతున్నారంటే దానికి మల్లికార్జున్ వంటి రైతుల ఆగ్రహమే కారణం. 

వివరాల్లోకి వెళితే.. రిటైర్డు ఎంఈవో మల్లికార్జున్‌కు బొమ్మకల్‌లో 3.24 గుంటల భూమి ఉంది. 15 ఏళ్ల క్రితం తన కుమారుడు విజయ్‌ పేరిట పాసుపుస్తకం ఎందుకిచ్చారని, తన భూమిని తనకే ఇవ్వాలని పలుమార్లు అధికారులకు మొరపెట్టుకున్నాడు. కొడుకు పేరిట రిజిస్ట్రేషన్‌ ఉండడంతో అధికారులు మిన్నకున్నారు.

దీంతో సోమవారం జరిగిన ప్రజావాణికి వచ్చిన మల్లికార్జున్‌ రెవెన్యూ అధికారుల తీరుపై మండిపడ్డాడు. పదిహేనేండ్ల నుంచి తిరుగున్నా పట్టించుకోవడం లేదంటూ, అధికారులపై పెట్రోల్‌ పోసి కాలపెట్టాలంటూ ఆగ్రహం వ్యక్తం చేశాడు. మల్లికార్జున్‌ తీవ్ర పదజాలంతో అధికారులను దూషిస్తుండడంతో డీఆర్‌వో ప్రావీణ్య పోలీసులకు తెలిపారు. 

అధికారులపై పెట్రోల్ పోసి కాలబెట్టాలంటూ ఆవేశంతో ఊగిపోతున్న ఆయనను పోలీసులు అదుపులోకి తీసుకోగా, ఆ తర్వాత స్ధానిక నేతల విజ్ఞప్తి మేరకు మల్లికార్జున్‌ను విడిచిపెట్టారు.

ఇలాంటి రైతులంతా ముఖ్యమంత్రి కేసీఆర్ రెచ్చగొట్టినందుకు రెవెన్యూ అధికారులపై మండిపడటం లేదు. వీరిలో ఒక్కొక్కరిది ఒక్కొక్క ధర్మాగ్రహం. పదిహేను సంవత్సరాలు ఊరి నుంచి కాలికి బలపం పెట్టుకుని రెవెన్యూ ఆఫీసుల చుట్టూ తిరిగినా రైతుకు పాసు పుస్తకం ఇవ్వకపోతే, ఎందుకు ఇవ్వలేకపోయామన్న విషయం ఆ రైతుకు నచ్చచెప్పలేకపోతే వచ్చే ఫలితం ఇలాగే ఉంటుంది.

‘‘నా భూమి కోసం 15 ఏళ్లుగా చెప్పులరిగేలా తిరుగుతున్నా.. ఎవరూ పట్టించుకుంటలేరు. అధికారులందరిని పెట్రోల్‌ పోసి కాలబెట్టాలె..’’ ఒక సాధారణ రైతు నోట ఇంలాంటి హింసాత్మక  స్వరం వినబడుతుందంటే కారకులెవ్వరు.. ప్రభుత్వ చేతకానితనమా.. రెవెన్యూ ఉద్యోగుల పరమ నిర్లక్ష్యమా? ఏది కారణం?


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle