రిపోర్టులు తారుమారు.. మారని ఉస్మానియా హాస్పిటల్ తీరు

18-07-202018-07-2020 17:05:56 IST
Updated On 18-07-2020 17:33:41 ISTUpdated On 18-07-20202020-07-18T11:35:56.805Z18-07-2020 2020-07-18T11:35:53.603Z - 2020-07-18T12:03:41.690Z - 18-07-2020

కరోనా పాజిటివ్ అని తెలియగానే ఎవరైనా కుంగిపోతారు. ఏమవుతుందేమోనని ఆందోళనకు గురవుతారు. అనారోగ్యంతో సతమతం అవుతున్న వారైతే తీవ్ర మనోవేదనకు లోనవుతారు. వికారాబాద్ జిల్లాకు చెందిన ఓ యువకుడు కూడా ఇలాగే ఆందోళన చెందాడు. కానీ అనుమానం వచ్చి ప్రయివేట్ హాస్పిటల్‌లో టెస్టు చేయించుకోవడంతో నెగటివ్ అని రిపోర్ట్ రావడంతో ఊపిరి పీల్చుకున్నాడు. 

వికారాబాద్‌ జిల్లా కొత్లాపూర్‌ గ్రామానికి చెందిన మేఘనాథ్‌ గౌడ్‌ విద్యా వాలంటీర్‌. అనారోగ్యం కారణంగా జులై 3న ఉస్మానియా హాస్పిటల్‌లో చేరాడు. శ్వాస తీసుకోవడంలో ఇబ్బంది పడుతుండటంతో.. వైద్య సిబ్బందికి అతడికి కరోనా పరీక్ష చేశారు. ఏడో తేదీ వచ్చిన రిపోర్టులో పాజిటివ్ అని తేలింది. దీంతో మేఘనాథ్ తీవ్రంగా ఆందోళన చెందాడు.

రిపోర్ట్‌ను సరిగా పరిశీలించగా.. ఫోన్ నంబర్, ఇంటిపేరు తప్పుగా ఉంది. దీంతో ఎందుకైనా మంచిదని హైదరాబాద్‌లోని ఓ ప్రయివేట్ హాస్పిటల్‌లో టెస్టులు చేయించుకోగా.. కరోనా లేదని తేలింది. న్యుమోనియాతో బాధపడుతున్నారని డాక్టర్లు తెలిపారు.

ఆ రిపోర్ట్ తీసుకొని ఉస్మానియా హాస్పిటల్‌కు వెళ్లిన మేఘనాథ్ అన్నయ్య.. ఇదేంటని నిలదీయగా.. రిపోర్టులు మారాయని తాపీగా బదులిచ్చారు. సమయానికి సరైన చికిత్స అందకపోవడంతో.. ఆ యువకుడి ఆరోగ్యం క్షీణించింది. ప్రయివేట్ హాస్పిటల్‌లో ఇప్పటికే రూ.11 లక్షలు ఖర్చయిందని మేఘనాథ్ సోదరుడు తెలిపారు.