newssting
Radio
BITING NEWS :
హైదరాబాద్ వాసులను వెంటాడుతున్న వరద భయం. రానున్న మూడ్రోజుల పాటు తెలుగు రాష్ట్రాల్లో భారీ వర్షాలు కురిసే అవకాశం. ఏ క్షణాన వరద ముంచెత్తుతుందోనని కంటిమీద కునుకులేకుండా బిక్కుబిక్కుమంటూ గడుపుతున్న లోతట్టు ప్రాంతాల ప్రజలు. * హైదరాబాద్ ను ఆదుకునేందుకు కదిలిన టాలీవుడ్ తారాగణం. సీఎం రిలీఫ్ ఫండ్ కు చిరంజీవి, పవన్ కల్యాణ్, మహేష్ కోటి రూపాయల విరాళం. చెరో 50 లక్షలు ఇచ్చిన ఎన్టీఆర్, రామ్ చరణ్. * విజయవాడ ఇందిరాగాంధీ స్టేడియంలో ఘనంగా పోలీస్ సంస్మరణ దినోత్సవ వేడుకలు. కరోనాతో మృతి చెందిన పోలీసుల కుటుంబాలకు రూ.50 లక్షలు ఎక్స్ గ్రేషియా ప్రకటించిన సీఎం. పోలీసులకు వీక్లీ ఆఫ్ ఇచ్చిన ఏకైక ప్రభుత్వం వైసీపీనే అన్న మంత్రి సుచరిత. * ఏపీ - తెలంగాణ ప్రభుత్వాల మధ్య ఇంకా కుదరని ఆర్టీసీ ఒప్పందం. ప్రభుత్వాల మొండి వైఖరితో ఇబ్బందులు పడుతున్న ప్రయాణికులు. ఆర్టీసీ అలసత్వాన్ని క్యాష్ చేసుకుంటున్న ప్రైవేట్ ట్రావెల్స్. ఇష్టారాజ్యంగా ఛార్జీలు పెంచిన ప్రైవేట్ బస్సులు. ప్రతి ఏటా ఆర్టీసీకి లాభాలు తెచ్చిపెడుతున్న దసరా. * స్కందమాతగా దర్శనమిస్తోన్న బాసర సరస్వతీ దేవి. * పూర్తిగా నిండిన గండిపేట చెరువు. ఏ క్షణంలోనైనా గేట్లు ఎత్తి నీరు విడుదల చేసే అవకాశం. లోతట్టుప్రాంతాల ప్రజలను అప్రమత్తం చేసిన అధికారులు.

రండి బాబూ రండి.. పోటీకి ఛాన్స్ ఇస్తాం..!

12-11-201912-11-2019 08:03:35 IST
2019-11-12T02:33:35.170Z12-11-2019 2019-11-12T02:32:14.878Z - - 21-10-2020

రండి బాబూ రండి.. పోటీకి ఛాన్స్ ఇస్తాం..!
facebooktwitterGooglewhatsappwhatsappGoogle
క‌రీంన‌గ‌ర్ రాజ‌కీయాలు ఎప్పుడూ ర‌స‌వ‌త్త‌రంగానే ఉంటాయి. వ‌రుస విజ‌యాల‌తో దూకుడుమీదున్న టీఆర్ఎస్ పార్టీ మున్సిప‌ల్ ఎన్నిక‌ల్లో మెజార్టీ పీఠాల‌ను కైవ‌సం చేసుకునేందుకు ప్లాన్‌ల‌ను మొద‌లుపెట్టింది. జాతీయ పార్టీలైన కాంగ్రెస్‌, బీజేపీలో మాత్రం ఇందుకు భిన్న‌మైన ప‌రిస్థితులు ఉండ‌టం గ‌మ‌నార్హం.

అసెంబ్లీ ఎన్నిక‌ల ఫ‌లితాల త‌రువాత కాంగ్రెస్ నుంచి ప‌లువురు పెద్ద నాయ‌కులతోపాటు ద్వితీయ శ్రేణి నాయ‌కులు కూడా పార్టీ వీడిపోయారు. సీనియ‌ర్ల పెత్త‌నాన్ని త‌ట్టుకోలేక కేడ‌ర్ కూడా వేరే దారులు వెతుక్కుంటూ పోయాయి. ఇలాంటి ప‌రిస్థితుల్లో మున్సిప‌ల్ ఎన్నిక‌ల్లో స‌త్తా చాటుకోవడం ఆ పార్టీకి క‌త్తిమీద సామే అంటున్నారు రాజ‌కీయ విశ్లేష‌కులు.  

మ‌రోప‌క్క‌, మున్సిప‌ల్ ఎన్నికల్లో త‌మ స‌త్తా చూపిస్తామంటూ కాంగ్రెస్ వ‌ర్కింగ్ ప్రెసిడెంట్ పొన్నం ప్ర‌భాక‌ర్ ప్ర‌క‌టించడాన్నిచూసి ఆ పార్టీలో ఉన్న‌వారే కొంద‌రు న‌వ్వుకోవ‌డం విశేషం. కొత్త వారికి అవ‌కాశం క‌ల్పిస్తామ‌ని, యువ‌కులు కాంగ్రెస్ పార్టీలోకి రావాలంటూ దండోరా వేసి పిలుస్తున్నారు.

ఎందుకంటే..? ఇప్ప‌టికే మున్సిప‌ల్ ఎన్నిక‌ల్లో పోటీ చేసేందుకు త‌గిన అభ్య‌ర్ధులు పార్టీలో లేర‌ని చెవులు కొరుక్కుంటున్నారు. అందుకే కొత్త‌వారికి ఛాన్స్ అంటూ గొప్ప‌లు చెప్పుకుంటూ ప్ర‌చారం చేసుకుంటున్నార‌ని రాజ‌కీయ విశ్లేష‌కుల నుంచి గుస‌గుస‌లు వినిపిస్తున్నాయి.

నిజానికి పోటీ చేసేందుకు పార్టీలో ఉన్న‌వారే సుముఖంగా లేర‌ని, అలాంటిది కొత్త‌వారు పార్టీలోచేరి పోటీకి సిద్ధ‌ప‌డే అవ‌కాశం ఎక్క‌డుంద‌న్న ప్ర‌శ్న‌లు ఎదురవుతున్నాయి.

ఇక ఇప్పుడిప్పుడే బ‌ల‌ప‌డుతున్న బీజేపీ కూడా తాము మెజార్టీ స్థానాల‌ను గెలిచేస్తామ‌ని చెబుతోంది. పార్టీని బ‌ల‌ప‌రుచుకునేందుకు కేడ‌ర్‌ను స‌మ‌కూర్చుకుంటున్న ఆ పార్టీ టికెట్‌లు ఆశించేవారు మాత్రం పార్టీలోకి రావొద్ద‌ని చెబుతోంది. దీంతో అస‌లు టికెట్లు ఇవ్వ‌న‌ప్పుడు ఎందుకు ఆ పార్టీలోకి వెళ్లాల‌ని అనుకుంటున్న‌ట్టు స‌మాచారం.

ఇలాంటి కండీష‌న్స్ అప్లై డ్రామాలు మ‌న‌కెందుకులే అని సైడైపోతున్నార‌ని చెబుతున్నారు. టీఆర్ఎస్ మాత్రం గెలిచే అవ‌కాశాలు ఉన్న అభ్య‌ర్ధుల‌ను సిద్ధం చేసుకుంటోంది.

అధికారంలో ఉన్న పార్టీ కాబ‌ట్టి ఈ వ్య‌వ‌హారాన్ని సులువుగానే పూర్తి చేసుకుంటూ ఉంది. కాక‌పోతే ఎవ‌రికి టికెట్ ఇస్తే ఎలాంటి అసంతృప్తులు ఎదుర‌వుతాయోన‌ని భ‌యం మాత్రం ఆ పార్టీలో ఉంది.

ఎటొచ్చి కాంగ్రెస్‌లో మాత్రం టికెట్ కౌంట‌ర్లు ఓపెన్‌చేసి రండి.. బాబూ.. రండీ పోటీకి ఛాన్స్ ఇస్తామ‌ని పిలుస్తున్నా ఎవ్వ‌రూ క‌నిపించ‌డం లేదు. మ‌రి ఎన్నిక‌ల స‌మ‌యానికి ఎవ‌రైనా వ‌స్తారేమో చూద్దామ‌న్న ఆలోచ‌న‌లో పార్టీ వ‌ర్గాలు ఉండ‌టం విశేషం.



      040 23600300

newsting
Daily Updates
facebooktwitterGooglewhatsappwhatsappGoogle