రంగారెడ్డి జిల్లాలో మరో దిశ ఘటన.. యువతిపై రేప్, మర్డర్

17-03-202017-03-2020 14:47:18 IST
2020-03-17T09:17:18.131Z17-03-2020 2020-03-17T09:17:15.648Z - - 14-04-2021

ఎన్ని చట్టాలు వచ్చినా నేరాలు, ఘోరాలు ఆగడం లేదు. రంగారెడ్డి జిల్లాలో మరో దిశ ఘటన కలకలం రేపుతోంది. మృగాళ్ళ మారణకాండకు మరో అబల బలయింది.  రంగారెడ్డి జిల్లాలో మరో దారుణం చోటుచేసుకుంది. చేవెళ్ల మండలం తంగడపల్లిలో ఓ యువతి దారుణ హత్యకు గురికావడం ఆందోళన కలిగిస్తోంది. యువతి మొహంపై కొందరు దుండగులు బండరాయితో మోదీ దారుణంగా హతమార్చారు. మంగళవారం ఉదయం గ్రామ శివారులోని బ్రిడ్జి కింద గుర్తు తెలియని మృతదేహం బయటపడటంతో స్థానికులు పోలీసులకు సమాచారం అందించారు. 

ఈ సంఘటన దిశ ఘటనను పోలివుంది. ఘటనాస్థలానికి చేరుకున్న పోలీసులు కేసు నమోదు చేసుకుని దర్యాప్తు ప్రారంభించారు. యువతిపై అత్యాచారం జరిగి ఉండవచ్చునని, అనంతరం ఆమెను హత్యచేసి నిందితులు పరారైనట్టు పోలీసులు అనుమానిస్తున్నారు. ఆమె సాఫ్ట్‌వేర్‌ ఉద్యోగినిగా పనిచేస్తున్నట్టుగా ప్రాథమిక నిర్ధారణకు వచ్చారు. మిస్సింగ్‌ కేసు ఆధారంగా కేసు విచారిస్తున్న పోలీసులు రాష్ట్రంలోని మిగతా పోలీస్‌ స్టేషన్లకు ఈ హత్యకు సంబంధించి సమాచారం అందించారు. ఘటనాస్థలంలో క్లూస్‌ టీ ఆధారాలు సేకరిస్తోంది. 

మరోవైపు ఈ కేసుని పోలీసులు ప్రతిష్టాత్మకంగా తీసుకున్నారు. రంగంలోకి ఐదు బృందాలను నియమించామని శంషాబాద్‌ డీసీపీ ప్రకాశ్‌రెడ్డి తెలిపారు. చేవెళ్ల పోలీస్‌స్టేషన్‌ పరిధిలో గుర్తు తెలియని మహిళ దారుణ హత్యకు గురైంది. మృతదేహంపై దుస్తులు లేకపోవడం, తల పగిలి వుండడంతో ఆమెపై అఘాయిత్యం జరిగిందని అనుమానిస్తున్నామన్నారు డీసీపీ ప్రకాష్ రెడ్డి. అత్యాచారం జరిగిందా లేదా అన్నది పోస్టుమార్టం నివేదికలో తెలుస్తుందని, మృతురాలి వయసు 20 నుంచి 30 ఏళ్లలోపు ఉంటుందని  ఆమె ఒంటిపై బంగారు గొలుసు, చేతికి రింగ్, చెవులకు కమ్మలు అలాగే ఉండడంతో డబ్బుల కోసం కాకుండా ఆమెపై అత్యాచారం చేసి చంపినట్టు భావిస్తున్నారు.