newssting
BITING NEWS :
ఎన్డీయేతో బంధం తెంచుకున్న అకాలీదళ్. కేంద్రం తీసుకొచ్చిన బిల్లులకు వ్యతిరేకంగా అకాలీదళ్ నిర్ణయం. ఈ బిల్లుల ప్రభావం రైతులు, దళితులు, రైతు కూలీల అందరిపై పడిందని తెలిపిన అకాలీదళ్ చీఫ్ సుఖ్‌బీర్ సింగ్ బాదల్ ప్రకటన. శనివారం పార్టీ నిర్వహించిన మూడు గంటల ఎమర్జెన్సీ కోర్ కమిటీ సమావేశం అనంతరం నిర్ణయం. 23 ఏళ్ల సుదీర్ఘ రాజకీయ బంధాన్ని తెగతెంపులు చేసుకున్న అకాలీదళ్ * బాలీవుడ్‌ వివాదాస్పద నటి కంగనా రనౌత్‌పై కర్ణాటకలోని తుమకూరు కోర్టులో కేసు దాఖలు. కేంద్ర ప్రభుత్వ రైతు చట్టాలకు వ్యతిరేకంగా ఆందోళన చేస్తున్న రైతులను ఉగ్రవాదులతో పోల్చుతూ ట్వీట్‌ చేయడాన్ని తప్పుబడుతూ తుమకూరు జేఎంఎఫ్సీ కోర్టులో రమేశ్‌ నాయక్‌ అనే న్యాయవాది పిటిషన్‌ దాఖలు * అత్యంత ప్రతిష్టాత్మకమైన ఢిల్లీలోని జాతీయ న్యాయ విశ్వవిద్యాలయం ఎన్‌ఎల్‌యూ వైస్‌ చాన్సలర్‌గా వరంగల్‌ జిల్లాకు చెందిన ప్రొఫెసర్‌ పి.శ్రీకృష్ణదేవరావు నియామకం. ప్రస్తుత వైస్‌ చాన్సలర్‌ ప్రొఫెసర్‌ రణబీర్‌ సింగ్‌ పదవీ విరమణ చేయడంతో శ్రీకృష్ణదేవరావు నియామకం. దేశంలోని పలు విశ్వవిద్యాలయాలలో కీలక బాధ్యతలు నిర్వహించిన శ్రీకృష్ణదేవరావు న్యాయ విద్యలో మార్పులు తీసుకువచ్చేందుకు యూజీసీ నియమించిన నిపుణుల కమిటీలో కూడా ఆయన సభ్యుడిగా కూడా పనిచేశారు * శివసేన నేత, లోక్ సభ సభ్యుడు సంజయ్‌ రౌత్‌, మహారాష్ట్ర మాజీ సీఎం దేవేంద్ర ఫడ్నవిస్ ఓ స్టార్ హోటల్ లో రహస్యంగా భేటీ అయినట్టు గుప్పుమన్న వార్తలు. ఓ లగ్జరీ హోటల్‌ లో సుమారు గంటన్నర పాటు వీరిమధ్య చర్చలు జరిగినట్టు సమాచారం. దేశవ్యాప్తంగా చర్చకు దారితీసిన ఈ సమావేశం వార్తలు. ఈ సమావేశం నిజమేనని, దీని వెనుక రాజకీయ కారణాలు లేవని స్పష్టం చేసిన బీజేపీ * అమెరికాలోని హిందూఆధ్యాత్మిక గురువు స్వామి ప్రత్యాగ్‌బోధానంద కన్నుమూత. పెన్సిల్వేనియాలో అర్ష విద్యా గురుకులానికి ఉపాధ్యక్షులుగా ఉన్న ప్రత్యాగ్‌బోధానంద వయసు 69 సంవత్సరాలు. గురుకులం 34వ వార్షిక ఉత్సవాల్లో పాల్గొన్న తర్వాత తీవ్రమైన గుండెపోటు రావడంతో ఈనెల 20తేదీన తుదిశ్వాస విడిచినట్టు తెలిపిన ఆయన శిష్యులు. ప్రత్యాగ్‌బోధానంద పార్థివదేహాన్ని భారత్‌కు తరలింపుకు ప్రయత్నాలు * పార్లమెంటు ఆమోదించిన మూడు వ్యవసాయ బిల్లులకి వ్యతిరేకంగా పంజాబ్‌లో కొనసాగుతున్న రైల్‌ రోకో ఆందోళన. గత మూడు రోజులుగా రైతులు రైలు పట్టాలపై కూర్చొని నిర్వహిస్తున్న రైల్‌ రోకో. తొలుత కిసాన్‌ మజ్దూర్‌ సంఘర్ష్ కమిటీ నిరసన కార్యక్రమాలకు పిలుపునిస్తే, ఆ తర్వాత మద్దతు ప్రకటించిన వివిధ సంఘాలు * బాలీవుడ్‌ పరిశ్రమలో కలకలం సృష్టిస్తున్న డ్రగ్స్‌ వ్యవహారం. దీపికా పదుకొనె, శ్రద్ధా కపూర్‌, సారా అలీఖాన్‌ నార్కోటిక్స్‌ కంట్రోల్‌ బ్యూరో ఎదుట శనివారం హాజరు. వేర్వేరుగా ఐదు గంటలకు పైగా కొనసాగిన విచారణ. నటీమణుల వాగ్మూలాన్ని రికార్డు చేసిన ఎన్సీబీ * ఉపరితల ద్రోణి ప్రభావంతో తెలుగు రాష్ట్రలలో పలు జిల్లాల్లో కురిసిన భారీ వర్షాలు శుక్రవారం రాత్రి నుంచి ఆదివారం ఉదయం వరకు కురిసిన ఓ మోస్తరు నుంచి భారీ వర్షాలు. వాగులు, వంకలు పొంగిపొర్లుతుండటంతో అక్కడక్కడా నిలిచిన రాకపోకలు. పలుచోట్ల నీటమునిగిన పంట పొలాలు. అత్యధికంగా రంగారెడ్డి జిల్లా నందిగామలో 19 సెంటీమీటర్ల వర్షపాతం నమోదు * అక్టోబరు 1 నుంచి సినిమా థియేటర్లు తెరిచేందుకు అనుమతినిచ్చిన పశ్చిమ బెంగాల్ ప్రభుత్వం. ఈ విషయాన్ని ట్వీట్ ద్వారా తెలియజేసిన ముఖ్యమంత్రి మమతా బెనర్జీ. పరిస్థితులను గాడిలో పెట్టేందుకు అక్టోబరు 1 నుంచి సినిమా థియేటర్ల తెరిచేందుకు అనుమతినిస్తున్నామని, అలాగే సాంస్కృతిక కార్యక్రమాలు, మ్యాజిక్ షోలు నిర్వహించేందుకు కూడా అనుమతినిస్తున్నామని ట్వీట్ * నెల్లూరు జిల్లాలో ఇటీవల జరిగిన రౌడీషీటర్ దారుణ హత్య మరువక ముందే చోటు చేసుకున్న మరో ఘటన. చిల్లకూరు మండలం కలవకకొండలో చేజర్ల సుబ్రహ్మణ్యం(38) అనే వ్యక్తి దారుణ హత్య. ఆదివారం ఉదయం అతి కిరాతకంగా చంపేసిన గుర్తు తెలియని వ్యక్తులు. సమాచారం మేరకు ఘటనాస్థలికి చేరుకున్న పోలీసులు కేసు నమోదు * సంగారెడ్డిలో వాగు దాటుతున్న వ్యక్తి వరద నీటిలో గల్లంతు. భారీ వర్షాలకు వాగు దాటుతున్న ముగ్గరు వ్యక్తులు గల్లంతవ్వగా ఇద్దరు వ్యక్తులను ఒడ్డుకు చేర్చిన స్థానికులు. కంగ్టి మండలం జంగి బికి చెందిన 55 ఏళ్ల మంగలి మారుతి కాకి వాగు వరద ఉధృతిలో గల్లంతు. మారుతి ఆచూకీ కోసం మండల రెవెన్యూ అధికారుల గాలింపు చర్యలు.

మ‌హా ఎపిసోడ్.. తెలుగు సీఎంల‌కు మంచే చేసిందా..!?

28-11-201928-11-2019 08:34:52 IST
Updated On 28-11-2019 11:27:25 ISTUpdated On 28-11-20192019-11-28T03:04:52.584Z28-11-2019 2019-11-28T02:57:47.964Z - 2019-11-28T05:57:25.670Z - 28-11-2019

మ‌హా ఎపిసోడ్.. తెలుగు సీఎంల‌కు మంచే చేసిందా..!?
facebooktwitterGooglewhatsappwhatsappGoogle
మ‌హారాష్ట్ర‌లో భార‌తీయ జ‌న‌తా పార్టీ ఆడిన రాజ‌కీయ క్రీడ దేశ‌వ్యాప్తంగా ప్రాంతీయ పార్టీల్లో క‌ల‌కలం రేపింది. సూర్యుడు ఉద‌యించ‌కముందే మ‌హారాష్ట్ర‌లో రాష్ట్ర‌ప‌తి పాల‌న ఎత్తివేయించ‌డం, ఎన్సీపీ అధ్య‌క్షుడికే తెలియ‌కుండా ఆ పార్టీ మ‌ద్ద‌తు పొంద‌డం, దేశ‌ప్ర‌జ‌లు నిద్ర లేవ‌క‌ముందే ప్ర‌మాణ‌స్వీకారం చేయ‌డం వంటి ప‌రిణామాలు ఇత‌ర‌ పార్టీల‌కు ఆందోళ‌న క‌లిగించాయి.

బీజేపీ నేత‌లు ఈ రాజ‌కీయ క్రీడ‌ను స‌ర్జిక‌ల్ స్ట్రైక్స్‌గా కూడా చెప్పుకున్నారు. బీజేపీ తెర‌లేపిన ఈ రాజ‌కీయ వ్యూహంతో దేశ‌వ్యాప్తంగా బీజేపీ క‌న్నేసిన రాష్ట్రాల్లోని పార్టీల‌కు ఒక ఆందోళ‌న మొద‌లైంది.

అయితే, మ‌హారాష్ట్ర‌లో బీజేపీ వ్యూహం పూర్తిగా విక‌టించ‌డంతో ఆయా పార్టీలు ఇప్పుడు ఊపిరి పీల్చుకున్నాయి. ముఖ్యంగా తెలుగు రాష్ట్రాల ముఖ్య‌మంత్రులు కేసీఆర్‌, వైఎస్ జ‌గ‌న్మోహ‌న్ రెడ్డికి మ‌హారాష్ట్ర పొలిటిక‌ల్ డ్రామా కొంత ఊర‌ట ఇచ్చింద‌నే చెప్పాలి.

కేంద్రంలో బీజేపీ రెండో సారి అధికారంలోకి వ‌చ్చాక ఆ పార్టీ దూకుడుగా వ్య‌వ‌హ‌రిస్తోంది. చేయాల‌నుకున్న చ‌ట్టాల‌ను మ‌రో ఆలోచ‌న లేకుండా చేసేస్తోంది. త‌మ పార్టీ ల‌క్ష్యాల‌ను ఒక్కోటి పూర్తి చేస్తోంది.

ఈ నేప‌థ్యంలోనే దేశం మొత్తం బీజేపీ జెండా ఎగ‌రాల‌నేది ఆ పార్టీ ల‌క్ష్యం. ముఖ్యంగా ద‌క్షిణాధిన క‌ర్నాట‌క దాటి విస్త‌రించాల‌ని బీజేపీ క‌స‌ర‌త్తు చేస్తోంది. ఇందుకు గానూ తెలంగాణ‌, ఆంధ్ర‌ప్ర‌దేశ్‌పై ప్ర‌త్యేక దృష్టి పెట్టింది.

ఇప్ప‌టికే తెలంగాణ‌లో నాలుగు ఎంపీలు గెలుచుకోవ‌డం, ప‌లువురు ఇత‌ర పార్టీల నేత‌లు పెద్ద ఎత్తున త‌మ పార్టీలో చేర‌డంతో బీజేపీ దూకుడుగా వ్య‌వ‌హ‌రిస్తోంది. వ‌చ్చే ఎన్నిక‌ల నాటికి తెలంగాణ‌లో టీఆర్ఎస్‌కు ప్ర‌త్యామ్నాయంగా ఎద‌గాల‌నేది బీజేపీ వ్యూహం.

మ‌హారాష్ట్ర‌లో ప్ర‌భుత్వం ఏర్పాటు చేసిన రోజే బీజేపీ తెలంగాణ అధ్య‌క్షుడు ల‌క్ష్మ‌ణ్ మాట్లాడుతూ.. తెలంగాణ‌లోనూ పొలిటిక‌ల్ స‌ర్జిక‌ల్ స్ట్రైక్స్ ఉంటాయ‌ని చెప్పారు.

వివిధ సంద‌ర్భాల్లో తెలంగాణ‌లో జ‌రుగుతున్న ప‌రిణామాల‌పై కేంద్రం జోక్యం చేసుకోబోతోంది అనే ప్ర‌చారం జ‌రుగుతోంది. ఇక‌, టీఆర్ఎస్ పెద్ద‌ల‌పైనా కేసులు న‌మోద‌వుతాయ‌ని, టీఆర్ఎస్‌లో చీలిక వ‌స్తుంద‌నే ఊహాగానాలు కూడా వ‌చ్చాయి. కానీ, ఇప్ప‌టివ‌ర‌కైతే తెలంగాణ‌లో అవేమీ జ‌ర‌గ‌లేదు.

ఇక‌, ఆంధ్ర‌ప్ర‌దేశ్‌పైనా బీజేపీ చాలా ఆశ‌లు పెట్టుకుంది. ఇటీవ‌లి ఎన్నిక‌ల్లో కేవ‌లం 2 శాతం ఓట్ల లోపే ప‌రిమిత‌మైన ఆ పార్టీ వ‌చ్చే ఎన్నిక‌ల నాటికి అధికార వైఎస్సార్ కాంగ్రెస్ పార్టీకి ప్ర‌త్యామ్నాయం అవ్వాల‌ని కంక‌ణం క‌ట్టుకుంది.

ఈ నేప‌థ్యంలో ముఖ్య‌మంత్రి జ‌గ‌న్ బెయిల్ ర‌ద్దు చేసి జైలుకు పంపించే అవ‌కాశం ఉంద‌ని, త‌ద్వారా టీడీపీతో పాటు వైసీపీ నుంచి పెద్ద ఎత్తున నేత‌ల‌ను బీజేపీలో చేర్చుకుంటుంద‌నే ఊహాగానాలు వ‌చ్చాయి.

అయితే, మ‌హారాష్ట్ర‌లో 80 గంట‌ల్లోనే బ‌ల‌నిరూప‌ణ‌కు ముందు రోజే బీజేపీ అధికారాన్ని వ‌దులుకోవ‌డంతో ఇప్ప‌టి వ‌ర‌కైతే తెలుగు రాష్ట్రాల్లో బీజేపీ ఎటువంటి క‌ఠిన వైఖ‌రిని అవ‌లంభించే అవ‌కాశం లేదు. ముఖ్యంగా కేసీఆర్‌పైన కేసులు పెట్టినా, జ‌గ‌న్‌ను మ‌ళ్లీ జైలుకు పంపినా, టీఆర్ఎస్‌, వైసీపీ నుంచి ఫిరాయింపుల‌ను ప్రోత్స‌హించినా బీజేపీ అప్ర‌తిష్ట మూట‌గ‌ట్టుకోవాల్సి వ‌స్తుంది.

అన్నింటికీ మించి బీజేపీ వేగంగా వివిధ రాష్ట్రాల్లో అధికారం కోల్పోతోంది. ఈ స‌మ‌యంలో జ‌గ‌న్, కేసీఆర్ లాంటి వారితో స‌ఖ్య‌త ఉండ‌టం వ‌చ్చే ఎన్నిక‌ల కోస‌మైనా ఆ పార్టీకి అవ‌స‌రం. కాబ‌ట్టి, ఇప్ప‌టి వ‌ర‌కైతే జ‌గ‌న్‌, కేసీఆర్ ప‌ట్ల బీజేపీ క‌ఠినంగా వెళ్ల‌క‌పోవ‌చ్చు.

తెలంగాణలో ఆడపిల్లను లక్ష్మిలా కొలుస్తున్నారు.. మంత్రి హరీష్ రావు

తెలంగాణలో ఆడపిల్లను లక్ష్మిలా కొలుస్తున్నారు.. మంత్రి హరీష్ రావు

   an hour ago


తెలుగు రాష్ట్రాలకు నడ్డా పెద్ద పీట..

తెలుగు రాష్ట్రాలకు నడ్డా పెద్ద పీట..

   2 hours ago


వైఎస్సార్‌ జలకళ పథకం 28న ప్రారంభం.. 3 లక్షల మంది రైతులకు ఉచిత బోర్లు

వైఎస్సార్‌ జలకళ పథకం 28న ప్రారంభం.. 3 లక్షల మంది రైతులకు ఉచిత బోర్లు

   3 hours ago


ధరణి పోర్టల్‌‌ని దసరా రోజున ప్రారంభిస్తా.. సీఎం కేసీఆర్

ధరణి పోర్టల్‌‌ని దసరా రోజున ప్రారంభిస్తా.. సీఎం కేసీఆర్

   3 hours ago


అగ్రీ బిల్లులపై రైతుల ఆగ్రహం.. కేంద్రం తగ్గేవరకూ నిలబడతారా?

అగ్రీ బిల్లులపై రైతుల ఆగ్రహం.. కేంద్రం తగ్గేవరకూ నిలబడతారా?

   13 hours ago


గాయపడ్డ నన్నపనేని రాజకుమారి

గాయపడ్డ నన్నపనేని రాజకుమారి

   17 hours ago


ప్రజారోగ్యం పట్ల ప్రభుత్వాలకు బాధ్యత లేదా?

ప్రజారోగ్యం పట్ల ప్రభుత్వాలకు బాధ్యత లేదా?

   18 hours ago


జీఎస్టీపై కాగ్ నివేదిక.. కేసీఆర్‌కు ఆయుధం దొరికినట్లేనా?

జీఎస్టీపై కాగ్ నివేదిక.. కేసీఆర్‌కు ఆయుధం దొరికినట్లేనా?

   19 hours ago


మరోసారి న్యాయస్థానాలను టార్గెట్ చేస్తూ వైసీపీ వ్యాఖ్యలు!

మరోసారి న్యాయస్థానాలను టార్గెట్ చేస్తూ వైసీపీ వ్యాఖ్యలు!

   21 hours ago


బీహార్ లో ఎన్నికల హడావుడి.. ఏపీలో స్థానిక ఎన్నికల సంగతేంటి?

బీహార్ లో ఎన్నికల హడావుడి.. ఏపీలో స్థానిక ఎన్నికల సంగతేంటి?

   a day ago


ఇంకా


      040 23600300

newsting
Daily Updates
facebooktwitterGooglewhatsappwhatsappGoogle