newssting
BITING NEWS :
ఎన్డీయేతో బంధం తెంచుకున్న అకాలీదళ్. కేంద్రం తీసుకొచ్చిన బిల్లులకు వ్యతిరేకంగా అకాలీదళ్ నిర్ణయం. ఈ బిల్లుల ప్రభావం రైతులు, దళితులు, రైతు కూలీల అందరిపై పడిందని తెలిపిన అకాలీదళ్ చీఫ్ సుఖ్‌బీర్ సింగ్ బాదల్ ప్రకటన. శనివారం పార్టీ నిర్వహించిన మూడు గంటల ఎమర్జెన్సీ కోర్ కమిటీ సమావేశం అనంతరం నిర్ణయం. 23 ఏళ్ల సుదీర్ఘ రాజకీయ బంధాన్ని తెగతెంపులు చేసుకున్న అకాలీదళ్ * బాలీవుడ్‌ వివాదాస్పద నటి కంగనా రనౌత్‌పై కర్ణాటకలోని తుమకూరు కోర్టులో కేసు దాఖలు. కేంద్ర ప్రభుత్వ రైతు చట్టాలకు వ్యతిరేకంగా ఆందోళన చేస్తున్న రైతులను ఉగ్రవాదులతో పోల్చుతూ ట్వీట్‌ చేయడాన్ని తప్పుబడుతూ తుమకూరు జేఎంఎఫ్సీ కోర్టులో రమేశ్‌ నాయక్‌ అనే న్యాయవాది పిటిషన్‌ దాఖలు * అత్యంత ప్రతిష్టాత్మకమైన ఢిల్లీలోని జాతీయ న్యాయ విశ్వవిద్యాలయం ఎన్‌ఎల్‌యూ వైస్‌ చాన్సలర్‌గా వరంగల్‌ జిల్లాకు చెందిన ప్రొఫెసర్‌ పి.శ్రీకృష్ణదేవరావు నియామకం. ప్రస్తుత వైస్‌ చాన్సలర్‌ ప్రొఫెసర్‌ రణబీర్‌ సింగ్‌ పదవీ విరమణ చేయడంతో శ్రీకృష్ణదేవరావు నియామకం. దేశంలోని పలు విశ్వవిద్యాలయాలలో కీలక బాధ్యతలు నిర్వహించిన శ్రీకృష్ణదేవరావు న్యాయ విద్యలో మార్పులు తీసుకువచ్చేందుకు యూజీసీ నియమించిన నిపుణుల కమిటీలో కూడా ఆయన సభ్యుడిగా కూడా పనిచేశారు * శివసేన నేత, లోక్ సభ సభ్యుడు సంజయ్‌ రౌత్‌, మహారాష్ట్ర మాజీ సీఎం దేవేంద్ర ఫడ్నవిస్ ఓ స్టార్ హోటల్ లో రహస్యంగా భేటీ అయినట్టు గుప్పుమన్న వార్తలు. ఓ లగ్జరీ హోటల్‌ లో సుమారు గంటన్నర పాటు వీరిమధ్య చర్చలు జరిగినట్టు సమాచారం. దేశవ్యాప్తంగా చర్చకు దారితీసిన ఈ సమావేశం వార్తలు. ఈ సమావేశం నిజమేనని, దీని వెనుక రాజకీయ కారణాలు లేవని స్పష్టం చేసిన బీజేపీ * అమెరికాలోని హిందూఆధ్యాత్మిక గురువు స్వామి ప్రత్యాగ్‌బోధానంద కన్నుమూత. పెన్సిల్వేనియాలో అర్ష విద్యా గురుకులానికి ఉపాధ్యక్షులుగా ఉన్న ప్రత్యాగ్‌బోధానంద వయసు 69 సంవత్సరాలు. గురుకులం 34వ వార్షిక ఉత్సవాల్లో పాల్గొన్న తర్వాత తీవ్రమైన గుండెపోటు రావడంతో ఈనెల 20తేదీన తుదిశ్వాస విడిచినట్టు తెలిపిన ఆయన శిష్యులు. ప్రత్యాగ్‌బోధానంద పార్థివదేహాన్ని భారత్‌కు తరలింపుకు ప్రయత్నాలు * పార్లమెంటు ఆమోదించిన మూడు వ్యవసాయ బిల్లులకి వ్యతిరేకంగా పంజాబ్‌లో కొనసాగుతున్న రైల్‌ రోకో ఆందోళన. గత మూడు రోజులుగా రైతులు రైలు పట్టాలపై కూర్చొని నిర్వహిస్తున్న రైల్‌ రోకో. తొలుత కిసాన్‌ మజ్దూర్‌ సంఘర్ష్ కమిటీ నిరసన కార్యక్రమాలకు పిలుపునిస్తే, ఆ తర్వాత మద్దతు ప్రకటించిన వివిధ సంఘాలు * బాలీవుడ్‌ పరిశ్రమలో కలకలం సృష్టిస్తున్న డ్రగ్స్‌ వ్యవహారం. దీపికా పదుకొనె, శ్రద్ధా కపూర్‌, సారా అలీఖాన్‌ నార్కోటిక్స్‌ కంట్రోల్‌ బ్యూరో ఎదుట శనివారం హాజరు. వేర్వేరుగా ఐదు గంటలకు పైగా కొనసాగిన విచారణ. నటీమణుల వాగ్మూలాన్ని రికార్డు చేసిన ఎన్సీబీ * ఉపరితల ద్రోణి ప్రభావంతో తెలుగు రాష్ట్రలలో పలు జిల్లాల్లో కురిసిన భారీ వర్షాలు శుక్రవారం రాత్రి నుంచి ఆదివారం ఉదయం వరకు కురిసిన ఓ మోస్తరు నుంచి భారీ వర్షాలు. వాగులు, వంకలు పొంగిపొర్లుతుండటంతో అక్కడక్కడా నిలిచిన రాకపోకలు. పలుచోట్ల నీటమునిగిన పంట పొలాలు. అత్యధికంగా రంగారెడ్డి జిల్లా నందిగామలో 19 సెంటీమీటర్ల వర్షపాతం నమోదు * అక్టోబరు 1 నుంచి సినిమా థియేటర్లు తెరిచేందుకు అనుమతినిచ్చిన పశ్చిమ బెంగాల్ ప్రభుత్వం. ఈ విషయాన్ని ట్వీట్ ద్వారా తెలియజేసిన ముఖ్యమంత్రి మమతా బెనర్జీ. పరిస్థితులను గాడిలో పెట్టేందుకు అక్టోబరు 1 నుంచి సినిమా థియేటర్ల తెరిచేందుకు అనుమతినిస్తున్నామని, అలాగే సాంస్కృతిక కార్యక్రమాలు, మ్యాజిక్ షోలు నిర్వహించేందుకు కూడా అనుమతినిస్తున్నామని ట్వీట్ * నెల్లూరు జిల్లాలో ఇటీవల జరిగిన రౌడీషీటర్ దారుణ హత్య మరువక ముందే చోటు చేసుకున్న మరో ఘటన. చిల్లకూరు మండలం కలవకకొండలో చేజర్ల సుబ్రహ్మణ్యం(38) అనే వ్యక్తి దారుణ హత్య. ఆదివారం ఉదయం అతి కిరాతకంగా చంపేసిన గుర్తు తెలియని వ్యక్తులు. సమాచారం మేరకు ఘటనాస్థలికి చేరుకున్న పోలీసులు కేసు నమోదు * సంగారెడ్డిలో వాగు దాటుతున్న వ్యక్తి వరద నీటిలో గల్లంతు. భారీ వర్షాలకు వాగు దాటుతున్న ముగ్గరు వ్యక్తులు గల్లంతవ్వగా ఇద్దరు వ్యక్తులను ఒడ్డుకు చేర్చిన స్థానికులు. కంగ్టి మండలం జంగి బికి చెందిన 55 ఏళ్ల మంగలి మారుతి కాకి వాగు వరద ఉధృతిలో గల్లంతు. మారుతి ఆచూకీ కోసం మండల రెవెన్యూ అధికారుల గాలింపు చర్యలు.

మెట్టు దిగితే.. బెట్టు చేస్తార‌నేనా..?

21-10-201921-10-2019 08:16:58 IST
2019-10-21T02:46:58.781Z21-10-2019 2019-10-21T02:42:41.387Z - - 27-09-2020

మెట్టు దిగితే.. బెట్టు చేస్తార‌నేనా..?
facebooktwitterGooglewhatsappwhatsappGoogle
ఆర్టీసీ కార్మికుల స‌మ్మెపై విచార‌ణ జ‌రుపుతున్న సంద‌ర్భంలో ప్ర‌జ‌లు తిర‌గ‌బ‌డితే ప్ర‌భుత్వాలు ఆప‌లేవు అంటూ రాష్ట్ర ప్ర‌భుత్వంపై హైకోర్టు కీల‌క వ్యాఖ్య‌లు చేసింది. ఇప్ప‌టికే ఆర్టీసీ కార్మికుల‌కు వివిధ రాజ‌కీయ ప‌క్షాలు, ప్ర‌జా, విద్యార్థి, ఉద్యోగ సంఘాల నుంచి మ‌ద్ద‌తు వెల్లువెత్తుతుండ‌టంతో కోర్టు ఈ వ్యాఖ్య‌లు చేసింది. అయితే, ప్ర‌జ‌ల శ‌క్తి గురించి తెలంగాణ ముఖ్య‌మంత్రి కేసీఆర్‌కు ప్ర‌త్యేకంగా గుర్తు చేయాల్సిన అవ‌స‌రం లేదు.

ప్ర‌జ‌ల శ‌క్తితోనే ఆయన తెలంగాణ సాధించారు. సాధించిన తెలంగాణ‌కు ముఖ్య‌మంత్రి అయ్యారు. రాష్ట్రంలో జ‌రుగుతున్న ప‌రిణామాల‌పై ఎక్కువ అవ‌గాహ‌న‌తో ఉండేది ఆయ‌నే. త‌మ‌కు వ్య‌తిరేకంగా ప్ర‌త్య‌ర్థులు క‌దుపుతున్న పావుల‌ను, రాజ‌కీయ వ్యూహాల‌ను స‌రిగ్గా అంచ‌నా వేయ‌గ‌లిగే సామ‌ర్థ్యం ఆయ‌న‌కు ఉంది.

కానీ, ఆర్టీసీ కార్మికుల స‌మ్మె విష‌యంలో ఆయ‌న త‌ప్ప‌ట‌డుగులు వేస్తున్నార‌నే విశ్లేష‌ణ‌లు వ‌స్తున్నాయి. ఆర్టీసీ కార్మికుల‌కు మ‌ద్ద‌తుగా, ప్ర‌భుత్వానికి వ్య‌తిరేకంగా అంద‌రూ ఏక‌మ‌య్యేందుకు కేసీఆర్ ఆల‌స‌త్వ‌మే కార‌ణ‌మ‌ని అంటున్నారు.

అయితే, కేసీఆర్ ఆర్టీసీ కార్మికుల విష‌యంలో హైకోర్టు చెప్పినా మెట్టు దిగ‌క‌పోవ‌డానికి, చ‌ర్చ‌ల‌కు ఆహ్వానించ‌క‌పోవ‌డానికి కార‌ణాలు వేరే క‌నిపిస్తున్నాయి. ఆర్టీసీ కార్మికుల స‌మ్మె ప్ర‌భుత్వంపై తీవ్రంగా ఒత్తిడి పెంచుతోంది. కానీ, ఆ ఒత్తిడికి త‌లొగ్గితే ప్ర‌భుత్వం రానున్న రోజుల్లో మ‌రిన్ని స‌మ్మెలు, ఉద్యోమాలను ఎదుర్కోవాల్సిన వ‌స్తుంద‌నే భావ‌న‌లో కేసీఆర్ ఉన్న‌ట్లు క‌నిపిస్తోంది.

అందుకే ఆర్టీసీ కార్మికులు స‌మ్మె విర‌మించి వ‌స్తే త‌ప్ప చ‌ర్చ‌లు జ‌రిపేది లేద‌ని ప్ర‌భుత్వం తేల్చి చెబుతోంది. ఎన్ని ఒత్తిళ్లు ఉన్నా త‌లొగ్గేది లేద‌ని స్ప‌ష్టం చేస్తోంది. ఒక‌వేళ ప్ర‌భుత్వం మెట్టు దిగితే ఈ ఘ‌న‌త మ‌న‌దేన‌ని చెప్పుకునేందుకు ప్ర‌తిప‌క్షాలు సిద్ధంగా ఉండ‌టం ఇందుకు ఒక కార‌ణం. ఇక‌, ఆర్టీసీ కార్మికుల బాట‌లోనే మ‌రికొన్ని ఉద్యోగ సంఘాలు వెళ్లే అవ‌కాశం ఉండ‌టం మ‌రో కార‌ణం.

ఆర్టీసీ కార్మికుల విష‌యంలో ప్ర‌భుత్వం మెట్టు దిగితే త‌ర్వాత త‌మ డిమాండ్ల‌ను సాధించుకునేందుకు మ‌రికొన్ని ఉద్యోగ సంఘాలు కూడా ఆర్టీసీ కార్మికుల బాట‌లోనే వెళ్లే అవ‌కాశం ఉంది. ముఖ్యంగా రెవెన్యూ ఉద్యోగులు ఆందోళ‌న‌ల‌కు సిద్ధంగా ఉన్నారు.

కొత్త రెవెన్యూ చ‌ట్టం తీసుకువ‌చ్చేందుకు ప్ర‌భుత్వం క‌స‌ర‌త్తు చేస్తోంది. వీఆర్వో వ్య‌వ‌స్థ‌ను తీసేసి పంచాయ‌తీరాజ్ శాఖ‌లో క‌లుపుతార‌నే చ‌ర్చ జ‌రుగుతోంది. ఇప్ప‌టికే వీరంతా ఒక ద‌శ నిర‌స‌న‌లు తెలిపారు.

ఆర్టీసీ కార్మికులు క‌నుక ప్ర‌భుత్వం మెడ‌లు వంచింద‌నే అభిప్రాయం ఏర్ప‌డితే వీరంతా కూడా స‌మ్మెకు సిద్ధం అయ్యే అవ‌కాశం ఉంది. మ‌రికొన్ని శాఖల ఉద్యోగులు సైతం త‌మ డిమాండ్ల సాధ‌న కోసం ఉద్య‌మ బాట ప‌ట్టే అవ‌కాశాలు ఉన్నాయి.

ఇవ‌న్నీ దృష్టిలో పెట్టుకొనే ముఖ్య‌మంత్రి కేసీఆర్ ఆర్టీసీ కార్మికుల స‌మ్మె వ్య‌వ‌హారంలో మెట్టు దిగ‌వ‌ద్ద‌ని ప‌ట్టుద‌ల‌గా ఉన్నారు. కార్మికులే స‌మ్మె విర‌మించి చ‌ర్చ‌ల‌కు రావాల‌నుకుంటున్నారు.

 

అంబటి భూకబ్జా లీకులు.. సొంత పార్టీ నేతలే టార్గెట్ చేశారా?

అంబటి భూకబ్జా లీకులు.. సొంత పార్టీ నేతలే టార్గెట్ చేశారా?

   10 minutes ago


ఎన్‌డీఏకు అకాలీదళ్‌ గుడ్‌బై.. రైతు వ్యతిరేక బిల్లులపై విభేదం

ఎన్‌డీఏకు అకాలీదళ్‌ గుడ్‌బై.. రైతు వ్యతిరేక బిల్లులపై విభేదం

   an hour ago


డీకే అరుణకి జాతీయ పదవి.. రెడ్డి సామాజికవర్గంపై బీజేపీ టార్గెట్?

డీకే అరుణకి జాతీయ పదవి.. రెడ్డి సామాజికవర్గంపై బీజేపీ టార్గెట్?

   an hour ago


ఏపీని ముంచెత్తుతున్న భారీ వర్షాలు.. పంటనష్టం

ఏపీని ముంచెత్తుతున్న భారీ వర్షాలు.. పంటనష్టం

   2 hours ago


తెలంగాణలో ఆడపిల్లను లక్ష్మిలా కొలుస్తున్నారు.. మంత్రి హరీష్ రావు

తెలంగాణలో ఆడపిల్లను లక్ష్మిలా కొలుస్తున్నారు.. మంత్రి హరీష్ రావు

   4 hours ago


తెలుగు రాష్ట్రాలకు నడ్డా పెద్ద పీట..

తెలుగు రాష్ట్రాలకు నడ్డా పెద్ద పీట..

   4 hours ago


వైఎస్సార్‌ జలకళ పథకం 28న ప్రారంభం.. 3 లక్షల మంది రైతులకు ఉచిత బోర్లు

వైఎస్సార్‌ జలకళ పథకం 28న ప్రారంభం.. 3 లక్షల మంది రైతులకు ఉచిత బోర్లు

   5 hours ago


ధరణి పోర్టల్‌‌ని దసరా రోజున ప్రారంభిస్తా.. సీఎం కేసీఆర్

ధరణి పోర్టల్‌‌ని దసరా రోజున ప్రారంభిస్తా.. సీఎం కేసీఆర్

   6 hours ago


అగ్రీ బిల్లులపై రైతుల ఆగ్రహం.. కేంద్రం తగ్గేవరకూ నిలబడతారా?

అగ్రీ బిల్లులపై రైతుల ఆగ్రహం.. కేంద్రం తగ్గేవరకూ నిలబడతారా?

   15 hours ago


గాయపడ్డ నన్నపనేని రాజకుమారి

గాయపడ్డ నన్నపనేని రాజకుమారి

   19 hours ago


ఇంకా


      040 23600300

newsting
Daily Updates
facebooktwitterGooglewhatsappwhatsappGoogle