ముషీరాబాద్‌లో అగ్నిప్రమాదం.. కాలి బూడిదైన కార్లు

08-02-202008-02-2020 09:32:50 IST
2020-02-08T04:02:50.444Z08-02-2020 2020-02-08T04:02:41.650Z - - 22-02-2020

చలి ఎగిరిపోయింది. ఈ ఏడాది ఎండాకాలం త్వరగానే పలకరించింది. ఎండ వేడిమి కారణంగా అగ్నిప్రమాదాలు జరగనున్నాయి. హైదరాబాద్ లో భారీ అగ్నిప్రమాదం సంభవించింది. ముషీరాబాద్‌లోని నెక్సా సర్వీస్‌ సెంటర్‌లో శుక్రవారం అర్ధరాత్రి భారీ అగ్నిప్రమాదం జరిగింది. ఆకస్మాత్తుగా మంటలు చెలరేగడంతో.. స్థానికులు అప్రమత్తమై అగ్నిమాపక సిబ్బందికి సమాచారం అందించారు. అర్థరాత్రి కావడంతో స్థానికులు హడలిపోయారు. 

ప్రమాదస్థలికి చేరుకున్న 4 ఫైరింజన్లు మంటలను అదుపు చేశాయి. ఈ ప్రమాదంలో 7 కార్లు పూర్తిగా దగ్ధమయ్యాయి. భారీగా ఆస్తి నష్టం సంభవించింది. ప్రమాదానికి గల కారణాలు తెలియాల్సి ఉంది. కేసు నమోదు చేసుకున్న పోలీసులు దర్యాప్తు చేపట్టారు. మంటలు సమీప ప్రాంతాలకు వ్యాపించకుండా అగ్నిమాపక సిబ్బంది చర్యలు చేపట్టారు. దీంతో స్థానికులు ఊపిరి పీల్చుకున్నారు.