newssting
BITING NEWS :
పాకిస్తాన్‌లో కొనసాగుతున్న మీడియాపై దారుణ అణచివేత. పెద్ద ఎత్తున మీడియా ప్రతినిధులను అదుపులోకి తీసుకున్న ఫెడరల్ ఇన్వెస్టిగేషన్ ఏజెన్సీ. మీడియాపై అణచివేత లేనేలేదంటూ చెబుతున్న పాక్ ప్రధాని ఇమ్రాన్ ఖాన్. జర్నలిస్టు ముబషిర్ జైదీ తన సహచరుల అరెస్టులను బయటపెట్టడంతో వెలుగులోకి వచ్చిన వ్యవహారం * నేపాల్ దేశంలోని సింగిజా జిల్లాలో భారీవర్షాలతో కొండచరియలు విరిగిపడటం వల్ల ఒకే కుటుంబంలోని 9 మంది మరణించారని చీఫ్ జిల్లా ఆఫీసర్ గంగా బహదూర్ చెట్రీ ప్రకటన. భారీవర్షాలు, వరదల వల్ల నేపాల్ దేశంలో మొత్తం 10 మంది మరణించగా మరొకరికి తీవ్రగాయాలయ్యాయయని అధికారుల ప్రకటన * వైరస్‌తో పోరాటం చేస్తున్న ఢిల్లీ డిప్యూటీ సీఎం మనీశ్‌‌ సిసోడియా. ప్రస్తుతం విషమంగా ఆయన ఆరోగ్యం. కరోనాతో పాటు డెంగ్యూ కూడా ఎటాక్‌ చేయడంతో గడిచిన 24 గంటల్లో మరింత విషమంగా ఉందని లోక్‌నాయక్‌ జయప్రకాశ్‌ నాయక్‌ ఆస్పత్రి వైద్యుల ప్రకటన * వ్యవసాయ బిల్లులపై దేశవ్యాప్తంగా ఆగని పోరు మంటలు. వ్యవసాయ, కార్మిక సంస్కరణల బిల్లులను వ్యతిరేకిస్తూ కాంగ్రెస్‌ పార్టీ దేశవ్యాప్తంగా ఆందోళనలను. పంజాబ్‌లో రైల్‌ రోకో నిర్వహించిన రైతులు. కిసాన్‌ మజ్దూర్‌ సంఘర్ష్ కమిటీ, ఇతర రైతు సంఘాలు సంయుక్తంగా ఆందోళనలు * పార్లమెంట్‌లో ఆమోదం పొందిన వ్యవసాయ బిల్లులను వ్యతిరేకిస్తూ శుక్రవారం తలపెట్టిన భారత్‌ బంద్‌కు 20కి పైగా రైతు సంఘాలు మద్దతు. పంజాబ్‌, హరియాణాల్లో పార్టీలకు అతీతంగా ఆందోళనలో పాల్గొంటున్న 31 రైతు సంఘాలు. కర్ణాటక, తమిళనాడు, మహారాష్ట్రలోనూ పలు రైతు సంఘాలు షట్‌డౌన్‌కు పిలుపు, హిందూ మజ్ధూర్‌ సభ వంటి పలు కార్మిక సంఘాలు మద్దతు ప్రకటన * కేంద్రం ప్రవేశపెట్టిన వ్యవసాయ బిల్లుకు వ్యతిరేకంగా రైతులు ఆందోళనలతో పలు రైళ్ల రాకపోకల రద్దు. అమృత్ సర్-జయానగర్ ఎక్స్ ప్రెస్, జయానగర్-అమృత్ సర్ ఎక్స్ ప్రెస్ ల రద్దు చేయడంతో పాటు మరికొన్ని ప్యాసింజర్ రైళ్ల రద్దు. మరికొన్ని రైళ్ల ప్రయాణ దూరం కుదింపు * ఆరునెలల తర్వాత హైదరాబాద్‌లో శుక్రవారం నుంచి రోడ్డెక్కిన సిటీ బస్సులు. మొత్తం బస్సుల్లో 25 శాతమే తిప్పనున్న ఆర్టీసీ. శుక్రవారం ఉదయం షిఫ్ట్‌ నుంచి బస్సులు ప్రయాణం మొదలు కాగా వారం, పది రోజుల తర్వాత పరిస్థితిని బట్టి 50 శాతం బస్సులకు అనుమతి * నేడు హైదరాబాద్‌ లోని దుర్గం చెరువు కేబుల్‌ బ్రిడ్జి ప్రారంభం. జూబ్లీహిల్స్‌ రోడ్‌ నంబర్‌ 45 ఎలివేటెడ్‌ కారిడార్‌ కూడా ప్రారంభం. కేంద్ర హోం శాఖ సహాయ మంత్రి జి.కిషన్‌రెడ్డి, రాష్ట్ర మునిసిపల్, ఐటీ శాఖల మంత్రి కేటీఆర్ చేతుల మీదగా శుక్రవాదం సాయంత్రం బ్రిడ్జ్ ప్రారంభం * పారిశుద్ధ్య కార్మికుల సర్వీసు క్రమబద్ధీకరణకు సంబంధించిన కేసులో‌ ఘాటు వ్యాఖ్యలు చేసిన హైకోర్టు డివిజన్‌ బెంచ్. ఉచితంగా ఊడిగం చేయించుకోడానికి ఇదేమీ రాచరికం కాదని వ్యాఖ్య. సర్వీసు రూల్‌ 1994లోని సెక్షన్‌ 3 ప్రకారం దినసరి కూలీలుగా కొనసాగించరాదని హైకోర్టు మరోసారి స్పష్టం * పశ్చిమగోదావరి జిల్లా ద్వారకా తిరుమల చిన్న వెంకన్న ఆలయంలో రేపటి నుండి అధిక ఆశ్వీజమాస తిరుకళ్యాణోత్సవాలు. 30న ఆలయంలో ఏకాంతంగా స్వామివారి కళ్యాణం. కళ్యాణోత్సవాల రోజుల్లో స్వామి వారి నిత్య కళ్యాణాలు, నిత్య ఆర్జిత సేవలను రద్దు చేస్తున్నట్లు ఆలయ ఈవో డి భ్రమరాంబ వెల్లడి * 283వ రోజుకు చేరుకున్న రాజధాని రైతుల నిరసనలు. రాజధాని గ్రామాల్లోని శిబిరాల్లో సాగుతున్న రైతుల ఆందోళనలు. రాజధానిగా అమరావతి కొనసాగుతుందని ప్రభుత్వం చెప్పే వరకు ఆందోళనలు కొనసాగిస్తామని స్పష్టం చేస్తున్న రాజధాని రైతులు. కరోనా సూచనలు పాటిస్తూ సాగుతున్న అమరావతి ఉద్యమం * శ్రీశైలంలో కలకలం రేపిన అన్యమత పార్సిల్‌. ఆలయానికి సమీపంలోని దళిత కాలనీకి చెందిన ఓ కుటుంబానికి కర్నూలు నుంచి క్రిస్టియన్‌ సంస్థ ద్వారా వచ్చిన ఓ పార్సిల్‌. దానిపై కల్వరి టెంపుల్‌ చిరునామా . స్థానికులిచ్చిన సమాచారంతో పార్సిల్‌ను స్వాధీనం చేసుకున్న పోలీసులు. పార్సిల్‌లో నిత్యావసర వస్తువులున్నట్లుగా పోలీసుల వెల్లడి * కేంద్ర సుగంధ ద్రవ్యాల మండలి ఆధ్వర్యంలో ఏర్పాటు చేసిన ప్రత్యేక మిర్చి టాస్క్‌ఫోర్స్‌కు చైర్మన్ గా బీజెపీ ఎంపీ, బోర్డు సభ్యుడు జీవీఎల్‌ నరసింహారావు నియామకం. మిర్చి పంట అభివృద్ధి, వాటి ఉత్పత్తుల ఎగుమతులను ప్రోత్సహించడం ఈ టాస్క్‌ఫోర్స్‌ విధి. జీవీఎల్‌తోతోపాటు మరో 15మందిని కమిటీ సభ్యులుగా నియామకం.

మునిసిపల్ రిజర్వేషన్లు షురూ.. కోర్టుకెళతామన్న కాంగ్రెస్

06-01-202006-01-2020 08:36:50 IST
Updated On 06-01-2020 12:33:10 ISTUpdated On 06-01-20202020-01-06T03:06:50.154Z06-01-2020 2020-01-06T03:06:07.210Z - 2020-01-06T07:03:10.759Z - 06-01-2020

మునిసిపల్ రిజర్వేషన్లు షురూ.. కోర్టుకెళతామన్న కాంగ్రెస్
facebooktwitterGooglewhatsappwhatsappGoogle
తెలంగాణలో మునిసిపల్ ఎన్నికలకు అంతా సిద్ధమయింది. వివిధ మునిసిపాలిటీలు, కార్పోరేషన్లకు రిజర్వేషన్లు ఖరారుచేసింది రాష్ట్ర ఎన్నికల సంఘం. బీసీలకు 33 శాతం వరకు రిజర్వేషన్లు అమలు చేయవచ్చని రాష్ట్ర మున్సిపాలిటీల చట్టంలో విధించిన గరిష్ట పరిమితి మేరకు మున్సిపల్‌ ఎన్నికల్లో బీసీలకు 32.5 నుంచి 33 శాతం వరకు రిజర్వేషన్లు కేటాయించారు. రాష్ట్రంలోని 123 మున్సిపాలిటీల చైర్‌పర్సన్, 13 మున్సి పల్‌ కార్పొరేషన్ల మేయర్‌ స్థానాలకు సంబంధించిన రిజర్వేషన్లను రాష్ట్ర పురపాలక శాఖ డైరెక్టర్‌ డాక్టర్‌ టీకే శ్రీదేవి ప్రకటించారు.

మొత్తం 123మున్సిపాలిటీల చైర్‌పర్సన్‌ స్థానాల్లో బీసీలకు 40, ఎస్సీలకు 17, ఎస్టీలకు 4 రిజర్వ్‌కాగా ఓపెన్‌ కేటగిరీకి 62 స్థానాలు రిజర్వు చేశారు. 13 మున్సిపల్‌ కార్పొరేషన్ల మేయర్‌ స్థానాలకుగాను ఎస్సీ, ఎస్టీలకు చెరో స్థానం, బీసీలకు 4, ఓపెన్‌ కేటగిరీలో 7 స్థానాలు రిజర్వు అయ్యాయి. రాష్ట్రంలో కొత్త మున్సిపల్‌ చట్టం అమల్లోకి రావడంతో మళ్లీ కొత్తగా రిజర్వేషన్లను ప్రకటించారు.

తాజా మున్సిపల్‌ ఎన్నికలతోపాటు మరో రెండు పర్యాయాలు కలిపి మొత్తం మూడు వరుస సాధారణ ఎన్నికల్లో ఇవే రిజర్వేషన్లు అమలవుతాయి. రాష్ట్రంలో 128 మున్సిపాలిటీలు, 13 మున్సిపల్‌ కార్పొరేషన్లు కలిపి మొత్తం 141 పురపాలికలు ఉన్నాయి. ఇందులో షెడ్యూల్డ్‌ ఏరియా పరిధిలో ఉన్న 3 మున్సిపాలిటీలకు ఎన్నికలు నిర్వహించడానికి రాజ్యాంగ సవరణ జరపాలి. 

గ్రామ పంచాయతీల నుంచి మున్సిపాలిటీలుగా ఏర్పడిన 2 కొత్త మున్సిపాలిటీల పరిధిలోని కొన్ని గ్రామ పంచాయతీల పదవీకాలం ముగియకపోవడంతో అక్కడ ఎన్నికలు జరిపే అవకాశం లేదు. దీంతో  ఐదు మున్సిపాలిటీలకు తర్వాత ఎన్నికలు జరుగుతాయి. జిల్లా కలెక్టర్లు స్థానికంగా ఉన్న మున్సిపాలిటీలు, మున్సిపల్‌ కార్పొరేషన్లలోని వార్డులు/డివిజన్లకు సంబంధించిన రిజర్వేషన్లను ప్రకటించారు. ఈ నెల 7న రాష్ట్రంలోని 120 మున్సిపాలిటీలు, 10 మున్సిపల్‌ కార్పొరేషన్లకు ఎన్నికల నోటిఫికేషన్‌ విడుదల అవుతుంది. వీటికి 22న పోలింగ్‌ నిర్వహించి 25న ఫలితాలు ప్రకటిస్తారు.

13 మున్సిపల్‌ కార్పొరేషన్లలో ఎస్టీల జనాభా 1.9 శాతం మాత్రమే ఉన్నా నిబంధనల ప్రకారం వారికి ఒక మేయర్‌ పదవిని కేటాయించారు. కార్పొరేషన్లలో ఎస్సీల జనాభా 3.6 శాతం ఉండగా వారికి కూడా నిబంధనల ప్రకారం ఒక మేయర్‌ సీటును కేటాయించడంతో 8 శాతం కోటా అమలు చేసినట్లు అయింది. బీసీలకు 4 మేయర్‌ స్థానాలు కేటాయించడంతో 33 శాతం రిజర్వేషన్లు వారికి కల్పించినట్లు అయిందని శ్రీదేవి వెల్లడించారు. 

మునిసిపాల్టీలలో రిజర్వేషన్లు ఇవే:

బీసీ (జనరల్‌): నారాయణ్‌ఖేడ్, ఆందోల్‌–జోగిపేట్, గద్వాల, నిర్మల్, రాయికల్, ఎల్లారెడ్డి, మహబూబ్‌నగర్, పరిగి, వనపర్తి, అమరచింత, రామాయంపేట, చౌటుప్పల్, కొడంగల్, ఖానాపూర్, తూప్రాన్, మంచిర్యాల, బాన్సువాడ, ఆలేరు, భువనగిరి, నర్సాపూర్‌

బీసీ (మహిళ): సిరిసిల్ల, నారాయణపేట, కోరుట్ల, సదాశివపేట, చండూరు, భీంగల్, ఆర్మూర్, కోస్గి, మెట్‌పల్లి, జగిత్యాల, సంగారెడ్డి, భైంసా, మక్తల్, పోచంపల్లి, సుల్తానాబాద్, ధర్మపురి, నర్సంపేట, కొల్లాపూర్, యాదగిరిగుట్ట, బోధన్‌

ఎస్సీ (జనరల్‌): క్యాతన్‌పల్లి, బెల్లంపల్లి, ఇబ్రహీంపట్నం, వైరా, ఐజా, నస్పూర్, నేరెడ్‌చర్ల, తొర్రూరు, నర్సింగి

ఎస్సీ (మహిళ): మధిర, పరకాల, పెబ్బైర్, అలంపూర్, వర్ధన్నపల్లి, భూపాలపల్లి, పెద్ద అంబర్‌పేట, తిరుమలగిరి

ఎస్టీ (జనరల్‌): ఆమనగల్, డోర్నకల్‌,ఎస్టీ (మహిళ): వర్ధన్నపేట, మరిపెడ

ఓసీ (జనరల్‌): మెదక్, దేవరకొండ, గజ్వేల్, జహీరాబాద్, కొత్తపల్లి, ఎల్లందు, అచ్చంపేట, భూత్పూర్, లక్సెట్టిపేట, జమ్మికుంట, కాగజ్‌నగర్, కల్వకుర్తి, షాద్‌నగర్, తుక్కుగూడ, పోచారం, దమ్మాయిగూడ, ఆదిబట్ల, చిట్యాల, ఆదిలాబాద్, అమీన్‌పూర్, మహబూబాబాద్, మిర్యాలగూడ, సత్తుపల్లి, కొంపల్లి, నాగారం, తుంకుంట, బొల్లారం, మణికొండ, జల్పల్లి, హాలియా, నల్లగొండ.

ఓసీ (మహిళ): చొప్పదండి, పెద్లపల్లి, వేములవాడ, కొత్తకోట, చేర్యాల, దుబ్బాక, మోత్కూరు, ఆత్మకూరు, కామారెడ్డి, తాండూరు, చెన్నూరు, దుండిగల్, జనగామ, నాగర్‌ కర్నూల్, శంషాబాద్, హుస్నాబాద్, మంథని, హుజూర్‌నగర్, హుజూరాబాద్, శంకర్‌పల్లి, వికారాబాద్, సిద్దిపేట, సూర్యాపేట, కొత్తగూడెం, ఘట్‌కేసర్, మేడ్చల్, నందికొండ, తెల్లాపూర్, కోదాడ, తుర్కయాంజల్, గుండ్ల పోచంపల్లి

మున్సిపల్‌ కార్పొరేషన్ల మేయర్‌ రిజర్వేషన్లు

ఎస్సీ (జనరల్‌): రామగుండం

ఎస్టీ (జనరల్‌): మీర్‌పేట

బీసీ (జనరల్‌): బండ్లగూడ జాగీర్, వరంగల్‌

బీసీ (మహిళ): జవహర్‌నగర్, నిజామాబాద్‌

ఓసీ (జనరల్‌): కరీంనగర్, బోడుప్పల్, పీర్జాదిగూడ

ఓసీ (మహిళ): ఖమ్మం, నిజాంపేట్, బడంగ్‌పేట్, జీహెచ్‌ఎంసీ

కోర్టుకెళతాం: ఉత్తమ్ 

ఇదిలా ఉంటే.. మున్సిపాలిటీలు, కార్పొరేషన్లు, వార్డుల వారీగా రిజర్వేషన్‌ ఖరారు చేయడంపై టీపీసీసీ చీఫ్‌ ఉత్తమ్‌కుమార్‌రెడ్డి స్పందించారు.హడావిడిగా మున్సిపల్‌ ఎన్నికల ప్రక్రియను చేపట్టడంపై ఆయన అభ్యంతరం వ్యక్తం చేశారు. ఐదో తేదీన రిజర్వేషన్లు ఖరారు చేసి.. ఆరో తేదీన నోటిఫికేషన్‌ విడుదల చేయడం.. ఎనిమిదో తేదీన నామినేషన్లు స్వీకరించడం విడ్డూరంగా ఉందని ఆయన విమర్శించారు. ఈ విషయమై మరింత గడువు కోరుతూ కోర్టును ఆశ్రయిస్తామంటున్నారు. 

అటు కేంద్రం వ్యవసాయ చట్టం- ఇటు కేసీఆర్ రెవెన్యూ చట్టం- తెలంగాణలో బీజేపీకి కష్టం

అటు కేంద్రం వ్యవసాయ చట్టం- ఇటు కేసీఆర్ రెవెన్యూ చట్టం- తెలంగాణలో బీజేపీకి కష్టం

   8 hours ago


బ్రేకింగ్ : కరోనా మృతదేహాల వద్ద కనిపించని నగలు, సెల్ఫోన్లు

బ్రేకింగ్ : కరోనా మృతదేహాల వద్ద కనిపించని నగలు, సెల్ఫోన్లు

   11 hours ago


బీహార్ అసెంబ్లీ ఎన్నికలకు మోగిన నగారా- కోవిడ్ జాగ్రత్తలపైనే అందరి దృష్టీ

బీహార్ అసెంబ్లీ ఎన్నికలకు మోగిన నగారా- కోవిడ్ జాగ్రత్తలపైనే అందరి దృష్టీ

   11 hours ago


నేడే దుర్గంచెరువు కేబుల్ బ్రిడ్జి ప్రారంభం.. ప్రత్యేకతలివే..

నేడే దుర్గంచెరువు కేబుల్ బ్రిడ్జి ప్రారంభం.. ప్రత్యేకతలివే..

   12 hours ago


కరోనా లెక్కల తకరారు? ఎవరిని  నమ్మించడానికి? ఎవరికి  వంచించడానికి??

కరోనా లెక్కల తకరారు? ఎవరిని నమ్మించడానికి? ఎవరికి వంచించడానికి??

   14 hours ago


ఏపీ నీటి తరలింపునకు కేసీఆర్‌ చక్కటి సహకారం.. ఉత్తమ్‌ మండిపాటు

ఏపీ నీటి తరలింపునకు కేసీఆర్‌ చక్కటి సహకారం.. ఉత్తమ్‌ మండిపాటు

   14 hours ago


ఎమ్మెల్సీ పోరు.. కోదండరాం టార్గెట్‌గా టీఆర్ఎస్ యాక్షన్ ప్లాన్!

ఎమ్మెల్సీ పోరు.. కోదండరాం టార్గెట్‌గా టీఆర్ఎస్ యాక్షన్ ప్లాన్!

   14 hours ago


కులపిచ్చి, ధన అహంకారమే హేమంత్ హత్యకు కారణమా ?

కులపిచ్చి, ధన అహంకారమే హేమంత్ హత్యకు కారణమా ?

   15 hours ago


మంత్రి హ‌రీష్‌రావుచే 500 ప‌ట్టాదారు పాసు పుస్త‌కాల పంపిణీ..

మంత్రి హ‌రీష్‌రావుచే 500 ప‌ట్టాదారు పాసు పుస్త‌కాల పంపిణీ..

   17 hours ago


తెలంగాణలో మరో పరువు హత్య..!

తెలంగాణలో మరో పరువు హత్య..!

   17 hours ago


ఇంకా

G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle