newssting
Radio
BITING NEWS :
విశాఖ జిల్లా అనకాపల్లి ముత్రాసు కాలనీలో విషాదం. అనారోగ్యంతో భార్య చనిపోవడంతో మనస్తాపం చెంది.. ఇద్దరు పిల్లలతో కలిసి ఆత్మహత్య చేసుకున్న తండ్రి. * కడప జిల్లా ముద్దనూరు మండలం కొత్తపల్లిలో రోడ్డు ప్రమాదం. క్యాంపర్ వాహనాన్ని ఢీ కొట్టిన లారీ, ఇద్దరు మృతి. మృతులు తొండూరు మండలం మల్యాల వాసులుగా గుర్తింపు. * తెలంగాణలో భారీగా పెరిగిన కరోనా కేసులు. కొత్తగా 684 పాజిటివ్ కేసులు నమోదు, ముగ్గురు మృతి. * భద్రాచలం చెక్ పోస్ట్ వద్ద పోలీసుల తనిఖీల్లో పట్టుబడిన గంజాయి. రూ. 30 లక్షలు విలువైన రెండు క్వింటాళ్ల గంజాయి స్వాధీనం. రెండు కార్లు సీజ్, ముగ్గురు అరెస్ట్. * గుంటూరు జిల్లా తాడేపల్లి పరిసర ప్రాంతాల్లో విస్తరిస్తున్న డ్రగ్ కల్చర్. యూనివర్శిటీలు, కాలేజీలు టార్గెట్ గా డ్రగ్స్ అమ్మకాలు చేపట్టిన మాఫియా. గంజాయితో పాటు సింథటిక్ డ్రగ్స్ విక్రయాలు. ఎండీఎంఏ ట్యాబ్లెట్స్ ను పట్టుకున్న ఎస్ఈబీ అధికారులు. * ఈస్ట్ ఢిల్లీ రెడీమేడ్ వస్త్ర కారాగారంలో భారీ అగ్నిప్రమాదం. మంటలార్పుతున్న 15 ఫైరింజన్లు.

మీడియాపై కాంగ్రెస్‌లో ఫ్ర‌స్ట్రేష‌న్ పెరిగిపోతోందా..?

15-05-202015-05-2020 08:17:15 IST
Updated On 15-05-2020 10:37:24 ISTUpdated On 15-05-20202020-05-15T02:47:15.443Z15-05-2020 2020-05-15T02:46:42.038Z - 2020-05-15T05:07:24.876Z - 15-05-2020

మీడియాపై కాంగ్రెస్‌లో ఫ్ర‌స్ట్రేష‌న్ పెరిగిపోతోందా..?
facebooktwitterGooglewhatsappwhatsappGoogle
తెలంగాణ కాంగ్రెస్ నేత‌ల్లో ఫ్ర‌స్ట్రేష‌న్ పెరిగిపోతోంది. చేతులో మీడియా లేక‌పోవ‌డం, ఉన్న మీడియాలో త‌మ ప్రాధాన్య‌త లేక‌పోవ‌డంతో వారిలో అస‌హ‌నం ఏర్ప‌డుతోంది. తాము ఏ కార్య‌క్ర‌మం చేసినా మీడియాలో చూపించ‌డం లేద‌ని ఆవేద‌న వ్య‌క్తం చేస్తున్నారు. ఇంత‌కాలం బాబూ.. నాన్నా.. కొంచె మా వార్త‌లు రాయండి.. మా వార్త‌లు టీవీల్లో చూపించండి అంటూ బ‌తిమాలేవారు. అయినా, వారి వార్త‌లు నామ‌మాత్రంగానే వ‌చ్చేవి. దీంతో ఇప్పుడు ఏకంగా మీడియాతో తాడోపేడో తేల్చుకునేందుకు సిద్ధ‌మ‌వుతున్నారు. ఈ విష‌యాన్ని తెలంగాణ కాంగ్రెస్ ఫైర్‌బ్రాండ్ రేవంత్ రెడ్డి బ‌హిరంగంగానే ప్ర‌క‌టించారు.

మీడియా పార్టీల వారీగా చీలిపోవ‌డం తెలుగు రాష్ట్రాల్లో చాలా కాలంగానే ఉంది. అనేక సంవ‌త్స‌రాలుగా రెండు తెలుగు ప‌త్రిక‌లు తెలుగుదేశం పార్టీకి అనుకూలంగా వ్య‌వ‌హ‌రిస్తూ ఉన్నాయి. ఈ ప‌త్రిక‌లు వైఎస్ రాజ‌శేఖ‌ర్ రెడ్డిని, కాంగ్రెస్ పార్టీని అప్ప‌ట్లో బాగా ఇబ్బంది పెట్టారు. కాంగ్రెస్ వార్త‌ల‌కు పెద్ద‌గా ప్రాధాన్య‌త ఇచ్చేవి కాదు.

పైగా కాంగ్రెస్ వ్య‌తిరేక క‌థ‌నాలు, తెలుగుదేశం అనుకూల క‌థ‌నాలు వ‌చ్చేవి. వీటిని ఎదుర్కుంటూ వైఎస్ రాజ‌శేఖ‌ర్ రెడ్డి ప్ర‌జ‌ల్లోకి వెళ్లి అధికారంలోకి వ‌చ్చారు. ఆ స‌మ‌యంలోనే ఆయ‌న నేరుగా ఆ రెండు ప‌త్రిక‌లూ అంటూ అవి త‌మ‌కు వ్య‌తిరేకం అని ప్ర‌జ‌ల్లోకి తీసుకెళ్లారు.

అధికారంలోకి వ‌చ్చాక కూడా ఆ రెండు ప‌త్రిక‌లు కాంగ్రెస్‌కు, వైఎస్‌కు వ్య‌తిరేకంగా ఉండేవి. దీంతో త‌మ‌కే ఒక మీడియా సంస్థ ఉండాల‌ని భావించిన వైఎస్ రాజ‌శేఖ‌ర్ రెడ్డి, త‌న కుమారుడు జ‌గ‌న్‌తో ప‌త్రిక‌, టీవీ ఛాన‌ల్ పెట్టించారు. ఈ ప‌త్రిక‌, ఛానెల్‌ను అప్ప‌ట్లో కాంగ్రెస్ శ్రేణులు త‌మ స్వంత ప‌త్రిక‌గా భావించాయి. టీడీపీ అనుకూల మీడియాకు కౌంట‌ర్‌గా ఈ మీడియా నిలిచేది.

అయితే, వైఎస్ మ‌ర‌ణం త‌ర్వాత జ‌గ‌న్ స్వంత పార్టీ పెట్టుకోవ‌డంతో ఆయ‌న మీడియా కూడా కాంగ్రెస్‌కు దూర‌మైంది. దీంతో కాంగ్రెస్‌కు స్వంత మీడియా అనేది మ‌రోసారి లేకుండా పోయింది.

ఇప్పుడు తెలంగాణ‌లో ప్ర‌ధాన ప్ర‌తిప‌క్షంగా ఉన్న కాంగ్రెస్‌కు స్వంత మీడియా లేని లోటు బాగానే తెలుసొస్తుంది. రాష్ట్రంలో ప్ర‌ధాన ప‌త్రిక‌లు, టీవీ ఛాన‌ళ్లు టీఆర్ఎస్ పార్టీకి అనుకూలంగా ఉన్నాయ‌నేది కాంగ్రెస్ భావ‌న‌. అందుకే ఆ మీడియం సంస్థ‌లు టీఆర్ఎస్‌కే అనుకూలంగా ఉంటున్నాయ‌ని, టీఆర్ఎస్ కార్య‌క్ర‌మాల‌ను, ప్ర‌భుత్వాన్ని హైలెట్ చేస్తూ కాంగ్రెస్ పార్టీకి ఏ మాత్రం ప్రాధాన్య‌త ఇవ్వ‌డం లేద‌ని కాంగ్రెస్ నేత‌లు భావిస్తున్నారు. దీంతో ఒక‌రిద్ద‌రు కాంగ్రెస్ నేత‌లు మీడియా సంస్థ‌ల‌ను ఏర్పాటు చేయ‌డానికి ప్ర‌య‌త్నించినా స‌క్సెస్ కాలేక‌పోయారు.

కొత్త‌గా మీడియా స్థాపించే ప‌రిస్థితి లేక‌పోవ‌డం, ఉన్న మీడియా సంస్థ‌ల్లో త‌మ వార్త‌లకు ప్రాధాన్య‌త లేక‌పోవ‌డంతో తెలంగాణ కాంగ్రెస్ నేత‌లు అసంతృప్తితో ఉన్నారు. ఆంధ్ర‌ప్ర‌దేశ్‌లో ప్ర‌తిప‌క్ష తెలుగుదేశం పార్టీకి మీడియా ఎక్కువ ప్రాధాన్య‌త ఇస్తోంది. చంద్ర‌బాబు వ్యూహాల‌తో మెజారిటీ మీడియా సంస్థ‌లు ఎప్పుడూ టీడీపీ అనుకూలంగానే ఉంటాయి. ప్ర‌తిప‌క్ష నేత చంద్ర‌బాబు ఫోటో, వార్త మొద‌టి పేజీలో లేకుండా ప‌త్రిక‌లు ప్ర‌చురించ‌డం అరుదు. అదే, తెలంగాణ‌లో ప్ర‌తిప‌క్ష పార్టీల ఫోటోలు, వార్త‌లు మొద‌టి పేజీలు క‌నిపించ‌డ‌మే అరుదు.

తాము ఎన్ని కార్య‌క్ర‌మాలు చేసినా ప్రాధాన్య‌త ఇవ్వ‌డం లేద‌ని, వార్త‌లు స‌రిగ్గా ప్ర‌సారం చేయ‌డం లేద‌ని కాంగ్రెస్‌లో ఆగ్ర‌హం వ్య‌క్త‌మ‌వుతోంది. మ‌ల్కాజ్‌గిరి ఎంపీ రేవంత్ రెడ్డి ఈ విష‌యంపై మీడియా సంస్థ‌ల‌కు ఒక‌ర‌కంగా హెచ్చ‌రిక జారీ చేశారు.

ప్ర‌తిప‌క్షంగా ఉన్న తమ కార్య‌క్ర‌మాల‌ను చూపించ‌క‌పోతే తీవ్ర నిర్ణ‌యాలు తీసుకోవాల్సి ఉంటుంద‌ని, కేబుల్‌లు క‌ట్ చేస్తామ‌ని, కార్యాల‌యాల ముందు ధ‌ర్నాలు చేస్తామ‌ని సైతం ఆయ‌న హెచ్చ‌రించారు. అయితే, ప్ర‌తిప‌క్ష పార్టీల‌కు, వారి పోరాటాల‌కు, ప్ర‌జ‌ల త‌ర‌పున వారి వాద‌న‌ల‌కు పత్రిక‌లు, టీవీ ఛాన‌ళ్లు ప్రాధాన్య‌త ఇవ్వ‌డం నైతిక బాధ్య‌త‌.

అయితే, మీడియాను డిక్టేట్ చేయాల‌నుకునేలా రేవంత్ రెడ్డి చేసిన వ్యాఖ్య‌లూ స‌రైన‌వి కాదు. ప్ర‌జ‌ల్లో ఉంటే, ప్ర‌జ‌ల త‌ర‌పున పోరాడితే మీడియాలో చూపించ‌క‌పోయినా ప్ర‌జ‌లు గుర్తిస్తారు. అధికారాన్ని క‌ట్ట‌బెడ‌తారు.

ఈ విష‌యాన్ని వైఎస్ రాజ‌శేఖ‌ర్ రెడ్డి, వైఎస్ జ‌గ‌న్మోహ‌న్ రెడ్డి నిరూపించారు. బ‌ల‌మైన మీడియా వ్య‌తిరేకంగా ఉన్నా వారు ప్ర‌జ‌ల మ‌న‌స్సులు గెలుచుకొని అధికారంలోకి వ‌చ్చారు. అయితే, రేవంత్ రెడ్డి వ్యాఖ్య‌లు మీడియాను బెదిరించేలా ఉండ‌వ‌చ్చు, కానీ ఆయ‌న వాద‌న‌లో మాత్రం త‌ప్పు లేద‌ని ప‌త్రిక‌లు, ఛాన‌ళ్లు, అవి ప్ర‌సారం చేసే, ప్ర‌చురించే వార్త‌లు, వాటి ప్రాధాన్య‌త‌లు చూస్తే అర్థం చేసుకోవ‌చ్చు. ప్ర‌తిప‌క్షాలు ప్ర‌జ‌ల త‌ర‌పున మాట్లాడితే త‌గిన ప్రాధాన్య‌త ఇవ్వ‌డం ప‌త్రిక‌లు, ఛాన‌ళ్ల నైతిక బాధ్య‌త‌.

 

తిరుప‌తిలో  ఇవాళ అమ్మ‌వారి కటాక్షమే పార్టీల‌కు ఇంపార్టెంట్

తిరుప‌తిలో ఇవాళ అమ్మ‌వారి కటాక్షమే పార్టీల‌కు ఇంపార్టెంట్

   8 minutes ago


ష‌ర్మిల ట్ర‌య‌ల్స్.. పార్టీ పెట్ట‌కుండానే ఎన్నిక‌ల్లో పోటీకి రెడీ

ష‌ర్మిల ట్ర‌య‌ల్స్.. పార్టీ పెట్ట‌కుండానే ఎన్నిక‌ల్లో పోటీకి రెడీ

   an hour ago


వెంట వెంట‌నే ఎన్నిక‌లు.. మంచికేన‌ట

వెంట వెంట‌నే ఎన్నిక‌లు.. మంచికేన‌ట

   15 hours ago


లొంగిపోయిన కూన రవికుమార్

లొంగిపోయిన కూన రవికుమార్

   10 hours ago


రాళ్ల దాడి ఎవరి పనో అందరికీ తెలుసు.. చంద్రబాబు, లోకేష్ పై పెద్దిరెడ్డి కీలక వ్యాఖ్యలు

రాళ్ల దాడి ఎవరి పనో అందరికీ తెలుసు.. చంద్రబాబు, లోకేష్ పై పెద్దిరెడ్డి కీలక వ్యాఖ్యలు

   13 hours ago


షర్మిల ఉద్యోగ దీక్ష.. కేసీఆర్ పై సంచలన వ్యాఖ్యలు

షర్మిల ఉద్యోగ దీక్ష.. కేసీఆర్ పై సంచలన వ్యాఖ్యలు

   15 hours ago


తెలంగాణలో మరో ఎన్నికల సమరం..!

తెలంగాణలో మరో ఎన్నికల సమరం..!

   18 hours ago


ఏపీలో టెన్షన్ పెడుతున్న ఆ ఆరు జిల్లాలు.. ప్రత్యేక ఫోకస్

ఏపీలో టెన్షన్ పెడుతున్న ఆ ఆరు జిల్లాలు.. ప్రత్యేక ఫోకస్

   19 hours ago


బెంగాల్ ఎన్నికల ఫలితం ఎలావున్నా జాతీయ రాజకీయాలపై ప్రభావం తథ్యం

బెంగాల్ ఎన్నికల ఫలితం ఎలావున్నా జాతీయ రాజకీయాలపై ప్రభావం తథ్యం

   20 hours ago


కరోనా కేసుల అప్డేట్స్.. గత 24 గంటల్లో 2,00,739 మందికి కరోనా..!

కరోనా కేసుల అప్డేట్స్.. గత 24 గంటల్లో 2,00,739 మందికి కరోనా..!

   a day ago


ఇంకా


      040 23600300

newsting
Daily Updates
facebooktwitterGooglewhatsappwhatsappGoogle