భారీ అవినీతి అనకొండ... తాహశీల్దార్ నాగరాజు అరెస్ట్

15-08-202015-08-2020 13:06:28 IST
2020-08-15T07:36:28.022Z15-08-2020 2020-08-15T07:36:15.272Z - - 15-04-2021

రియల్ ఎస్టేట్ వ్యాపారుల నుంచి భారీగా లంచం తీసుకుంటూ తన ఇంట్లోనే దొరికిపోయాడో తాహశీల్దార్. అవినీతి నిరోధక శాఖ(ఏసీబీ)కి మరో అవినీతి తిమింగలం చిక్కింది. భారీ మొత్తంలో లంచం తీసుకుంటూ మేడ్చల్ జిల్లా కీసర తహసీల్దార్ నాగరాజు ఏసీబీకి రెడ్ హ్యాండెడ్‌గా పట్టుబడడం తెలంగాణలో చర్చనీయాంశం అయింది. 

ఏఎస్‌రావు నగర్‌లోని ఆయన నివాసంలో  తాహశీల్దార్ నాగరాజు కోటి 10 లక్షల రూపాయలు లంచం తీసుకుంటూ ఉండగా అధికారులు పట్టుకున్నారు.నాగరాజును అదుపులోకి తీసుకున్న అధికారులు విచారిస్తున్నారు. నాగరాజు ఇల్లు, కార్యాలయంలో సోదాలు నిర్వహించారు. రాంపల్లి ప్రాంతంలో 28 ఎకరాల భూ సెటిల్మెంట్ల విషయంలో పెద్ద మొత్తంలో ఈ లంచం తీసుకుంటూ ఉండగా.. ఏసీబీ అధికారులు నాగరాజును పట్టుకున్నారు. 

ఈ కేసుకు సంబంధించి మొత్తం ముగ్గురిని ఏసీబీ అధికారులు అదుపులోకి తీసుకున్నారు. కాగా, ఏసీబీ చరిత్రలోనే ఇదే అతి పెద్ద ట్రాప్‌గా తెలుస్తోంది.తహసీల్దార్ నాగరాజు సహా రియల్ ఎస్టేట్ బ్రోకర్ శ్రీనాథ్, కన్నడ అంజిరెడ్డిలను అదుపులోకి తీసుకున్నట్లు సమాచారం. గతంలో ఈ ఎమ్మార్వోపైనే ఆదాయానికి మించిన ఆస్తుల కేసు ఉందని తెలిసింది. మూడు నెలల క్రితమే ఆ కేసు నుంచి విముక్తి పొందినట్లు అధికారులు తెలిపారు.

సత్య డెవలపర్స్ రియల్ ఎస్టేట్ కు చెందిన వ్యక్తుల నుంచి కోటి 10 లక్షలు లంచం డిమాండ్ చేసిన నాగరాజు ఇంట్లోనే డబ్బులు తీసుకున్నారు. తాహశీల్దార్ నాగరాజు ఇంట్లో భారీగా పత్రాలు స్వాధీనం చేసుకోవచ్చని తెలుస్తోంది. గతంలో ఆదాయానికి మించిన ఆస్తుల కేసు నమోదు అయింది. మూడు నెలల క్రితమే ఆ కేసు నుంచి విముక్తి పొందినట్లు సమాచారం.